Butov.az xəbər verir ki, “Kiçik biznesin təşkili, perspektivləri və idarə olunması, maariflənmə və hüquqi xidmətlərin göstərilməsi” ilə bağlı layihə uğurla başa çatıb.

Azərbaycan Respublikasının Prezidenti yanında QHT-lərə Dövlət Dəstəyi Şurasının maliyyə dəstəyi ilə “Mülk” İctimai Assosiasiyası tərəfindən həyata keçirilən “ Kiçik biznesin təşkili, perspektivləri və idarə olunması,maariflənmə və hüquqi xidmətlərin göstərilməsi” ilə bağlı layihəsi başa çatıb. Biznesin qurulması və idarə olunmasında vətəndaşları hüquqi zəmindən maarifləndirmək, bizneslə bağlı hüquqi məsləhətlər vermək, xidmətlər göstərmək layihənin əsas məqsədi kimi qarşıya qoyulub.

Layihə çərçivəsində Bakı şəhərində gənclərdən ibarət iki qrup formalaşdırılıb. Hər qrup üçün nəzərdə tutulmuş proqram üzrə 4 təlim-seminar(cəmi 8 təlim) keçirilib.
Təlim-seminarlarda əsas diqqət iştirakçılara fərdi sahibkar kimi biznesin qeydiyyatdan keçirilməsi, kommersiya hüquqi şəxslər yaradılması, vergi qanunvericiliyi, biznes plan, marketinq strategiyası hazırlanması, güzəştli kredit proqramları ilə bağlı bilik və bacarıqların öyrədilməsi olub.

Təlim-seminarlarda, həmçinin qrup məşğələləri keçirilib və iştirakçılar qruplar şəklində təlimçinin tapşırığına əsasən biznes-planın ilkin variantını hazırlayıb təqdim ediblər. Eyni zamanda qruplarda marketinq strategiyasının hazırlanması da sınaqdan keçirilib.



İştirakçıların istəyi ilə əmək qanunvericiliyi, əmək müqaviləsi, işə götürən iş adamı, şirkətlə əməkdaşlaq, muzdla çalışanların vəzifə və öhdəlikləri, məsiliyyətləri, əməkdaşların mükafatlandırması ilə bağlı məsələlərə də aydınlıq gətirilib. Bu münasibətlərin hüquq müstəvisində tənzimlənməsi ilə bağlı konkret nümunələr göstərilib.
Təlimlər zamanı kiçik və orta biznesin növləri də təhlil olunub, lisenziya və izalələrlə bağlı da məlumat verilib.
Layihənin uğurlu yekunu kimi üç ay ərzində 20 nəfər gənc biznesin qurulması və idarə olunması ilə bağlı bilik və bacarıqlar öyrəndilər, bu məsələlərlə bağlı müvafiq maarifləndirci materilallarla təmin olundular.

“Mülk” İctimai Assosiasiyasının Mətbuat Xidməti