Avrasya Vəqfinin sədri Fatma Aktaş Azərbaycan-Ermənistan müharibəsi zamanı ermənilər tərəfindən girov götürülmüş 2700 azərbaycanlı qadınların xilas edilməsi üçün hərəkətə keçib.

“A24.az”ın “timeturk.com”dan əldə etdiyi xəbərə görə, Vəqfin sədri Fatma Aktaş gündəmə gətirdiyi əsir qadınları qurtarmaq üçün beynəlxalq ictimaiyyətə çağırış edib.



Çıxışı zamanı “2700 qarabağlı türk qadınlar, gənc və uşaqlar Ermənistan silahlı qüvvələri tərəfindən hələ də girov qalmaqdadır. Bölgəyə gedən beynəlxalq təşkilatların müşahidə və hesabatları, əsir və girovların yaşadıqlarına dair danışdıqları çərçivəsində bu gün Qarabağda əsir olaraq saxlanılan Azərbaycan türklərinin insanlıqdan kənar şərtlər daxilində tutulması gözlər önünə sərilməkdədir.

Orqan mafiyasının əlinə düşən və tibbi sınaqlar üçün istifadə olunan uşaqlar, seks köləsi kimi bazarlarda satılan qadınlar və ən ağır şərtlər altında mədən ocaqlarında işlədilən kişilər günümüzün utancverici həqiqətləridir. 1992-ci ildə Beynəlxalq Xaç Təşkilatı tərəfindən qeydə alınan girovların hamısı bu gün Ermənistan tərəfindən inkar edilməkdədir”, - deyə qeyd edən sədr, mövzu ilə bağlı keçiriləcək konfransda Qarabağda savaşmış Qadın Qazi və Qarabağ Qaziləri Sosial Birliyinin sədri Rada Abbasova və Qarabağ Qaçqınlarının problemlərini media yolu ilə xalqa çatdıran jurnalist Roza Hüseynova Azərbaycandan dəvət edilmiş qonaqlar olacağını da sözlərinə əlavə edib.