Xaçmaz rayonunda Turizm şöbəsində “Azərbaycanda Multimədəni, Plüralistik Vətəndaş Cəmiyyətinin Perspektivləri layihəsi üzrə elmi-praktik konfrans keçirilib.
“Elm Yurdu” Sosial Araşdırmalar İctimai Birliyi (EYSAİB) Xaçmaz rayonunda Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə “Azərbaycanda Multimədəni, Plüralistik Vətəndaş Cəmiyyətinin Perspektivləri” layihəsi üzrə elmi-praktik konfrans keçirib.
Təşkilatın İcraçı direktoru Kamran Babayev tədbiri giriş sözü ilə açaraq iştirakçıları salamlamış, təşkilat haqqında məlumat vermişdir. Moderator layihəni və ekspertləri təqdim edərək problemin mahiyyətini diqqətə çatdırmışdır. BBMM-in əməkdaşı, ekspert fəlsəfə üzrə fəlsəfə doktoru Rəşad İlyasov “Azərbaycan Multikulturalizmi: Tarix və müasirlik” mövzusunda problemin mahiyyətindən danışıb.

[/center]
Ekspertlərdən fəlsəfə üzrə fəlsəfə doktoru, Elvüsal Məmmədov “İslamda tolerantlıq məsələləri” mövzusunda çıxış edib. İslam tarixinin tolerantlıq tarixi olduğunu konfrans iştirakçılarının nəzərinə çatdıran ekspert tolerantlığın islamın ümumi prinsip və təlimatları ilə səsləşən metodu olduğunu bildirib.
Tədbirin sonunda “Elm Yurdu” İB-nin sədri, ilahiyyat üzrə fəlsəfə doktoru Elşad Mahmudov “Müasir Müsəlman-intellektual şəxsiyyət və nümunəvi vətəndaş kimi” mövzusunda çıxış edib. Bir inanc sistemi və həyat nizamı olaraq nazil olan İslamın insan mərkəzli bir din olduğunu deyən E.Mahmudov dini nöqteyi-nəzərdən müsəlmanın kimliyini əsaslandıraraq gərəkli əxlaqi dəyərlərdən söz açıb.
Tədbirin sonunda tədbir iştirakçılarına “Elm Yurdu” İB-nin layihələrini əks etdirən kitabçalar paylanıb və ekspertlər tərəfindən suallar cavablandırılıb.