17-08-2022, 20:07
Milli komandamız İslamiadanın qalibi oldu
Şpaqa üzrə milli komandamız V İslam Həmrəyliyi Oyunlarının qızıl medalını qazanıb. Butov.az xəbər verir ki, yığmamız Türkiyənin Konya şəhərində təşkil olunan yarışın həlledici mərhələsində İran millisi ilə qarşılaşıb. Rəqib komandanı 45:35 hesabı ilə məğlub edən millimiz İslamiadanın qalibi olub. Qeyd edək ki, V İslam Həmrəyliyi Oyunlarında 56 ölkədən 4 mindən çox atlet idmanın 24 növü üzrə 483 dəst medal uğrunda mübarizə aparır. İslamiada avqustun 18-dək davam edəcək.
17-08-2022, 19:39
16-08-2022, 22:44
Elmar Qasımov finalda məğlub oldu
Türkiyənin Konya şəhərində təşkil olunan V İslam Həmrəyliyi Oyunlarında cüdoçumuz Elmar Qasımov (100 kq) gümüş medal qazanıb. Butov.az xəbər verir ki, tatami ustası həlledici mərhələdə Özbəkistan təmsilçisi Muzaffarbek Turoboyevə uduzaraq ikinci yerlə kifayətlənib. Qeyd edək ki, V İslam Həmrəyliyi Oyunlarında 56 ölkədən 4 mindən çox atlet idmanın 24 növü üzrə 483 dəst medal uğrunda mübarizə aparır. İslamiada avqustun 18-dək davam edəcək
16-08-2022, 22:39
Güləşçimiz dünya çempionu oldu
Azərbaycanın sərbəst güləşçisi Kənan Heybətov Bolqarıstanın paytaxtı Sofiyada keçirilən U-20 dünya çempionatında final görüşünə çıxıb. Butov.az xəbər verir ki, 70 kiloqram çəki dərəcəsi üzrə həlledici qarşılaşmada rəqib ABŞ təmsilçisi Miçel Mesenbrink olub. İdmançımız rəqibinə 13:7 hesabı ilə qalib gələrək karyerasında ilk dəfə dünya çempionu tituluna yiyələnib.
16-08-2022, 22:35
İslamiada: Üzgüçümüz qızıl medal qazandı
Türkiyənin Konya şəhərində keçirilən V İslam Həmrəyliyi Oyunlarında Azərbaycan üzgüçüsü qızıl medal qazanıb. Butov.az xəbər verir ki, idmançımız Ramil Vəlizadə finişə hamıdan tez çatıb. O, 200 metr məsafəyə batterflay üsulu ilə üzmədə 01:58.26 saniyə nəticə göstərib.
16-08-2022, 22:02
Futbol millimiz İslamiadada üçüncü oldu
23 yaşadək futbolçulardan ibarət Azərbaycan milli komandası Konyada təşkil olunan V İslam Həmrəyliyi Oyunlarında üçüncü olub. Butov.az xəbər verir ki, Konyadakı Cümhuriyyet stadionunda keçirilən qarşılaşmada seçməmiz Əlcəzair yığması ilə qarşılaşıb. Matçda hesab açılmayıb. Qalibi müəyyənləşdirmək üçün penaltilər seriyasına ehtiyac duyulub. Zərbələri dəqiq yerinə yetirən Azərbaycan millisi qələbə qazanıb – 4:3. Oyunu Azərbaycan Milli Olimpiya Komitəsinin vitse-prezidenti Çingiz Hüseynzadə, AFFA-nın vitse-prezidenti Vaqif Sadıqov, veteran futbolçu İsgəndər Cavadov və Azərbaycan Milli Karate Federasiyasının prezidenti Yaşar Bəşirov da izləyiblər.
16-08-2022, 15:07
"Qarabağ" daha 2500 bileti satışa çıxardı
"Qarabağ"ın Çempionlar Liqasının pley-off mərhələsində "Viktoriya" (Plzen) ilə Bakıdakı ilk matçına Çexiyadan azarkeşlər gəlməyəcək. Bu barədə "Qarabağ"ın mətbuat xidməti açıqlama yayıb. UEFA ilə əldə olunmuş razılığa əsasən, 2500 ədəd qonaq sektor biletləri azarkeşlər üçün satışa çıxarılacaq. Fanatlar həmin biletləri iticket.az saytından və kassalardan ala bilərlər. Satış məntəqələri:
Iticket.az-ın satış məntəqələrində (11:00-dan 20:00-dək) və iticket.az-da onlayn satış;
Park Bulvardakı “Qarabağ” FK-nın Fan-Şopunda (11:00-dan 20:00-dək);
Tofiq Bəhramov adına Respublika stadionun kassalarında (11:00-dan 20:00-dək).
"28 Mall" və "Gənclik Mall" ticarət mərkəzlərində (11:00-dan 22:00-dək).
Qeyd edək ki, “Qarabağ”la “Viktoriya” arasında ilk görüş avqustun 17-də Bakıda, Tofiq Bəhramov adına Respublika stadionunda keçiriləcək. Oyun saat 20:45-də başlayacaq. Cavab görüşü isə avqustun 23-ü Çexiyada oynanılacaq.
15-08-2022, 18:06
Tanınmış soydaşımız Avropa çempionu olub
Xaricdə yaşayan soydaşlarımız idman sahəsində yeni uğurlar qazanmağa davam edir. Butov.az xəbər verir ki, bu dəfə Böyük Britaniyada yaşayan Azərbaycan əsilli Cesika Qədirova idman gimnastikası üzrə Avropa Çempionatında fəxri kürsünün ən yüksək pilləsini fəth etməklə azarkeşlərini və xalqımızı sevindirib. Almaniyanın Münhen şəhərində 11–14 avqust 2022-ci il tarixində keçirilən çempionatda 17 yaşlı soydaşımız xalça üzərində hərəkətlərdə idman gimnastikası üzrə Avropa çempionu olub. İkinci və üçüncü yerləri İtaliya gimnastları Martina Macio və Anjela Andreolli tutub. Qeyd edək ki, Cesikanın əkiz bacısı Cenifer Qədirova da gimnastdır. Onlar müxtəlif beynəlxalq yarışların qalibi və mükafatçısı olublar. Tokio Yay Olimpiya Oyunlarında isə komanda şəklində üçüncü yeri tutaraq, son 93 ildə ilk dəfə bu idman növü üzrə Olimpiya medalını Böyük Britaniyaya qazandırıblar. Bacıların valideynləri 2001-ci ildə Azərbaycandan Böyük Britaniyaya köçüblər. Əkizlər 2004-cü il 3 oktyabr tarixində İrlandiyanın Dublin şəhərində anadan olublar. İngiltərə və İrlandiya vətəndaşı olan Qədirova bacıları altı yaşlarından etibarən gimnastika ilə məşğul olurlar. Diasporla İş üzrə Dövlət Komitəsi Avropanın yeni çempionunu və valideynlərini səmimi qəlbdən təbrik edir, gələcək yarışlarda davamlı uğurlar qazanmağı arzulayır.
15-08-2022, 17:36
İslamiada: Daha iki cüdoçumuz finala çıxdı
Cüdoçularımızın V İslam Həmrəyliyi Oyunlarında mübarizəsi davam edir. Butov.az xəbər verir ki, təmsilçilərimizdən Könül Əliyeva (48 kq) və Nəriman Mirzəyev (73 kq) uğurla çıxış edərək finala yüksəliblər. Bundan əvvəl tatami ustamız Balabəy Ağayev (60 kq) də həlledici mərhələyə vəsiqə qazanıb. Telman Vəliyev (73 kq) və Leyla Əliyeva (48 kq) bürünc medal uğrunda mübarizə aparacaqlar. Bu gün V İslam Həmrəyliyi Oyunlarında cüdoçularımız mübarizəyə qatılıblar. Təmsilçilərimizdən Balabəy Ağayev (60 kq) yarımfinalda Türkmənistan təmsilçisi Hakberdi Jumayevi məğlub edərək finala yüksəlib. Digər cüdoçularımızdan Nəriman Mirzəyev (73 kq), Leyla Əliyeva, Könül Əliyeva (hər ikisi 48 kq) yarımfinala vəsiqə qazanıblar. Qeyd edək ki, V İslam Həmrəyliyi Oyunları 2021-ci ildə keçirilməli olsa da, qlobal pandemiya səbəbindən yarış bir il təxirə salınıb. Oyunlarda 56 ölkədən 4 mindən çox atlet idmanın 24 növü üzrə 483 dəst medal uğrunda mübarizə aparır. İslamiada avqustun 18-dək davam edəcək.
15-08-2022, 17:16
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!