May ayında 7 günlük bayram günlərində Dövlət Gömrük Komitəsi büdcəyə 30 milyon manatdan artıq vəsait keçirib.
Butov.az “Ölkə.Az”-a istinadən xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında “Azərbaycan Respublikasının 2019-cu il dövlət büdcəsinin icrası haqqında” qanun layihəsinin müzakirəsi zamanı Dövlət Gömrük Komitəsinin Gömrük Tariflərinin Tənzimlənməsi və Ödənişlər Baş İdarəsinin rəisi Mirqasım Vahabov deyib
Onun sözlərinə görə, may ayı o qədər də asan ay olmayıb, bu ayda ardıcıl 10 gün rəsmi iş günü olmayıb.
O bildirib ki, buna baxmayaraq, Gömrük komitəsinin rəhbərliyinin göstərişi əsasında sahibkarların fəaliyyətinə şərait yaradılıb və bu müddət ərzində ölkəyə idxal-ixrac həyata keçirilib:
“May ayında 10 gün iş günü olmamasına baxmayaraq, gömrük komitəsi işini növbəlilik prinsipi əsasında qurub və ölkəyə idxal-ixrac prosesini qurmuşdur. Baxmayaraq ki, bankların çoxu işləmirdi, ancaq Mərkəzi bankdan köçürmələr vasitəsilə 30milyon manatdan artıq vəsait 7 gün ərzində büdcəyə cəlb edilib. Gömrük keçid məntəqlərində 24 saat xidmət qurulub, qısa zaman ərzində yüklərin daşınması təmin olunur. Risklərin də düzgün idarə olunması büdcə ehtiyatları üçün böyük imkanlar yaranır. Cari ildə və növbəti illərdə də qarşıya qoyulan öhədliklər icra olunacaq”.