Dünən, 15:00
Süni intellektlə təxribat cinayət sayılacaq
Süni intellektlə təxribat cinayət sayılacaq.
Məsələ Milli Məclisin Müdafiə, təhlükəsizlik və korrupsiya ilə mübarizə komitəsinin bu gün keçirilən iclasında müzakirə edilib.
Qanun layihəsinə əsasən, təxribat anlayışı genişləndirilir. Belə ki, artıq yalnız müəssisə və obyektlərə deyil, həm də kritik informasiya infrastrukturu, enerji, nəqliyyat və telekommunikasiya şəbəkələrinə qarşı yönələn əməllər də bu maddəyə daxil edilir. Bundan başqa, əhalinin sağlamlığına və ətraf mühitə zərər vurmağa yönəlmiş hərəkətlər də təxribat kimi qiymətləndiriləcək.
Yeniliklərə əsasən, təxribatın törədilmə üsulları sırasına əməli süni intellekt texnologiyalarından və xüsusi proqram təminatlarından istifadə halları da əlavə olunur.
Layihədə eyni zamanda bir sıra yeni ağırlaşdırıcı hallar müəyyən edilir. Bunlara təxribatın mütəşəkkil dəstə və ya cinayətkar birlik tərəfindən törədilməsi, fövqəladə və ya hərbi vəziyyət zamanı, sosial xarakterli fövqəladə mühit rejimi və kütləvi iğtişaşlar şəraitində həyata keçirilməsi daxildir. Həmçinin bu əməlin şəxsin öz qulluq mövqeyindən istifadə etməklə törədilməsi və ehtiyatsızlıqdan insan ölümünə və ya digər ağır nəticələrə səbəb olması da ağırlaşdırıcı hal kimi nəzərdə tutulur.
Bununla yanaşı, təxribatın qarşısının alınmasına yardım edən şəxslərin müəyyən hallarda cinayət məsuliyyətindən azad edilməsi də təklif edilir.
Qanun layihəsinə əsasən, Cinayət Məcəlləsinin 282-ci maddəsi də yeni redaksiyada təqdim olunur. Burada təxribat anlayışı genişləndirilərək kritik informasiya infrastrukturu, enerji, nəqliyyat və telekommunikasiya şəbəkələrinə yönələn əməllər də daxil edilir. Həmçinin süni intellekt texnologiyalarından istifadə etməklə törədilən təxribatlar da məsuliyyətə cəlb ediləcək.
Layihədə təxribatın cinayətkar birlik tərəfindən, fövqəladə və ya hərbi vəziyyət zamanı, eləcə də qulluq mövqeyindən istifadə edilməklə törədilməsi ağırlaşdırıcı hal kimi müəyyən edilir. Ehtiyatsızlıqdan insan ölümünə və ya digər ağır nəticələrə səbəb olan hallara görə də məsuliyyət nəzərdə tutulur.
Eyni zamanda, təxribatın qarşısının alınmasına kömək edən şəxslərin müəyyən hallarda məsuliyyətdən azad edilməsi də təklif olunur.
Dünən, 14:46
Mərkəzi Bank vəzifəli şəxsi CƏRİMƏLƏDİ
Azərbaycan Mərkəzi Bankı (AMB) “CİBPay” MMC-nin vəzifəli şəxsini inzibati məsuliyyətə cəlb edib.
Belə ki, tənzimləyici tərəfindən Azərbaycan Respublikasının Mərkəzi Bankına prudensial hesabatların yanlış təqdim edilməsinə görə “CİBPay” MMC-nin vəzifəli şəxsi Azərbaycan Respublikasının İnzibati Xətalar Məcəlləsinin 439-2.4-cü maddəsinə əsasən 1 000 manat məbləğində cərimə edilib.
Dünən, 14:39
Minatəmizləmədə həlak olanların ailələrindən vergilər AZALDILACAQ
Minatəmizləmə fəaliyyətini həyata keçirən zaman vəzifə borcunu yerinə yetirərkən həlak olmuş minatəmizləyənlərin ailə üzvlərinin vergi tutulmalı olan aylıq gəliri 400 manat məbləğində azaldılacaq.
Məsələ Milli Məclisin Elm və Təhsil komitəsinin iclasında müzakirəyə çıxarılan Vergi Məcəlləsinə təklif edilən dəyişiklikdə əksini tapıb.
Dünən, 14:33
Elektron siqaretlərə dair dövlət standartı ləğv edildi
Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyinin tabeliyində olan Azərbaycan Standartlaşdırma İnstitutu (AZSTAND) tərəfindən AZS 941:2023 “Elektron siqaret məhsulları. Ümumi texniki şərtlər” dövlət standartı ləğv edilib.
Bu barədə Antiinhisar və İstehlak Bazarına Nəzarət Dövlət Agentliyi xəbər verir.
Belə ki, Azərbaycan Respublikasının Vergi Məcəlləsində, eləcə də “Tütün və tütün məmulatı haqqında”, “Reklam haqqında” və “Tütün məmulatlarının istifadəsinin məhdudlaşdırılması haqqında” Azərbaycan Respublikasının Qanunlarında dəyişiklik edilməsi barədə 30 dekabr 2025-ci il tarixli 338-VIIQD nömrəli Qanunun tətbiqi ilə bağlı elektron siqaretlərin və onların komponentlərinin idxalı, ixracı, istehsalı, saxlanılması, topdan və pərakəndə satışı və istifadəsi 1 aprel 2026-cı il tarixindən qadağan edilib.
Bununla əlaqədar olaraq, AZS 941:2023 “Elektron siqaret məhsulları. Ümumi texniki şərtlər” dövlət standartının ləğvi Azərbaycan Respublikası Kənd Təsərrüfatı Nazirliyinin Əkinçilik Elmi-Tədqiqat İnstitutunun bazasında təsis edilən “Toxum-əkin materialları, tütün və tütün məmulatları, qeyri-ənənəvi qida məhsullarının yem bitkiləri” standartlaşdırma üzrə Texniki Komitədə (AZSTAND/TK 27) müzakirə edilib. Nəticədə, AZSTAND tərəfindən sözügedən dövlət standartı Standartlaşdırma üzrə normativ sənədlərin dövlət reyestrindən və Standartlaşdırma üzrə normativ sənədlərin Dövlət Fondundan çıxarılıb.
Dünən, 14:28
Metroda qatar sayı artırıldı
Metroda pik və günorta saatlarında qatar sayı artırılıb.
Bu barədə "Bakı Metropoliteni" QSC-dən məlumat verilib.
Bildirilib ki, sərnişindaşıma ilə bağlı son statistik göstəricilər metropolitendə sərnişin sayının artdığını göstərir. Belə ki, fevral ayının statistik nəticələri son 5 ilin eyni dövrü ilə müqayisədə yüksək olub və bu artım intervalların azaldılması istiqamətində həyata keçirilən tədbirlərin sərnişin etimadını daha da gücləndirdiyini göstərir.
Qeyd edək ki, 2025-ci ilin aprel ayında pik saatlarda qatarların sayı saatda 32 cütə çatdırılaraq intervallar 1 dəqiqə 52 saniyəyədək azaldılmışdı. Sentyabrın 15-də bu göstərici saatda 34 cüt olmaqla, interval 1 dəqiqə 45 saniyəyə endirildi, dekabr ayında isə qatar cütlərinin sayı 35-ə çatdırıldı.
Texniki sistemlərdə həyata keçirilən yeniliklər və rəqəmsal idarəetmələrin imkanları sayəsində artıq cari ilin mart ayından günün pik vaxtlarında “28 May–Əhmədli” sahəsində hər iki istiqamətdə saatda 36 cüt qatar hərəkət edir.
Günorta saatlarında sərnişin axını nəzərə alınaraq, saat 12:30–14:30 və 16:00–17:00 aralıqlarında interval 30 saniyə azaldılaraq, “28 May–Əhmədli” sahəsində 2 dəqiqlik hərəkət qrafiki tətbiq olunur.
Sərnişin axınının tənzimlənməsi məqsədilə, həmçinin gün ərzində səhər saat 08:00–09:00 aralığında “Koroğlu”, 13:00–14:00 aralığında “28 May”, “Gənclik” və “Elmlər Akademiyası”, 18:00–19:00 aralığında isə “Elmlər Akademiyası” və “28 May” stansiyalarına qədər xəttə sərnişinsiz qatarlar verilir.
Bir qatarın təxminən 1600 sərnişin tutumunu nəzərə alsaq, bu tədbir həmin vaxtlarda sərnişin sayının daha çox müşahidə olunduğu stansiyalarda sıxlığın tənzimlənməsinə müsbət təsir göstərir.
Edilən bütün dəyişikliklər dayanıqlı şəhər nəqliyyatı sisteminin inkişafı və idarəetmədə rəqəmsal həllərin geniş tətbiqi istiqamətində görülən tədbirlərin tərkib hissəsidir. Bununla da xidmət keyfiyyətinin artırılması, sərnişinlərin rahat və təhlükəsiz hərəkətinin təmin edilməsi məqsədilə mövcud infrastruktur şəraitində qatarların hərəkəti üçün ən optimal qrafik tətbiq olunur.
Dünən, 14:24
"e-Sosial" mobil tətbiqi fəaliyyətini dayandırır
Prezident İlham Əliyevin Sərəncamı ilə təsdiq edilmiş “Azərbaycan Respublikasında rəqəmsal inkişafın sürətləndirilməsinə dair 2026-2028-ci illər üçün Fəaliyyət Planı”nın icrası istiqamətində Əmək və Əhalinin Sosial Müdafiəsi Nazirliyi tərəfindən də məqsədyönlü işlər aparılır.
Bu barədə Əmək və Əhalinin Sosial Müdafiəsi Nazirliyindən məlumat verilib.
Bildirilib ki, rəqəmsal dövlət xidmətlərinin vahid mərkəzləşdirilmiş sistemə keçidi məqsədilə görülən tədbirlər çərçivəsində Nazirlik “e-Sosial” mobil tətbiqi üzərindən göstərdiyi rəqəmsal xidmətlərini “mygov” platformasına inteqrasiya prosesini bitirmək üzrədir.
Proses bu ayın sonunadək tam yekunlaşacaq və mayın 1-dən “e-Sosial” tətbiqi fəaliyyətini tam olaraq dayandıracaq.
Bununla da Əmək və Əhalinin Sosial Müdafiəsi Nazirliyi e-xidmətləri “mygov” platformasına inteqrasiya edilən ilk dövlət qurumu olub.
Eyni zamanda quruma aid rəqəmsal xidmətlərin təkrarlanmasının qarşısının alınması üçün və bu xidmətlərin artıq mərkəzləşdirilmiş şəkildə vahid platformadan - “mygov” platformasından təqdim edildiyi nəzərə alınmaqla “e-Sosial” mobil tətbiqi fəaliyyətini dayandırır.
Qeyd edək ki, dövlət idarəçiliyində rəqəmsallaşma prosesini ən geniş tətbiq edən qurumlardan biri olan Nazirlik son illərdə xidmətlərinin 90 faizdən çoxunu rəqəmsallaşdırıb.
Eləcə də bu xidmətlərin 50-dən çoxunu proaktivləşdirib, habelə informasiya sistemlərini Hökumət Buludu (G-cloud) infrastrukturuna köçürən ilk dövlət qurumu olub.
Dünən, 14:20
Bu şəxslərin övladlarının təhsil haqqını dövlət ödəyəcək
Minatəmizləmə zamanı həlak olanların övladlarının təhsil haqqı dövlət büdcəsindən ödəniləcək.
Məsələ Milli Məclisin Elm və Təhsil komitəsinin bu gün keçirilən iclasında müzakirəyə çıxarılan “Təhsil haqqında” qanuna təklif edilən dəyişiklikdə əksini tapıb.
Belə ki, minatəmizləmə fəaliyyəti həyata keçirən zaman həlak olmuş minatəmizləyənlərin övladlarının mülkiyyət formasından asılı olmayaraq Azərbaycan Respublikasının təhsil müəssisələrində ödənişli əsaslarla təhsil (əlavə təhsil istisna olmaqla) aldıqları müddətdə təhsil haqqını dövlət büdcəsinin vəsaiti hesabına ödəniləcək.
Bu Qanun layihəsinin keçid müddəalarına əsasən, 2026-cı il sentyabrın 15-dən tətbiq edilməsi nəzərdə tutulan dəyişikliklər bu Qanun qüvvəyə mindiyi tarixədək minatəmizləmə fəaliyyətini həyata keçirən zaman həlak olan və ya bu zaman aldığı xəsarətdən həyatını itirən minatəmizləyənlərin övladlarına da (ən çoxu 23 yaşına çatanadək) şamil olunur.
Dünən, 01:53
Gəncədə 41 yaşlı kişi bıçaqlandı
Gəncə şəhərində xəsarətalma hadisəsi baş verib.
Şəhər sakini 1985-ci il təvəllüdlü E.Həsənov bud nahiyəsindən kəsilmiş-deşilmiş yara ilə xəstəxanaya yerləşdirilib. Ona dərhal tibbi yardım göstərilib və vəziyyətinin qənaətbəxş olduğu bildirilir.
41 yaşlı kişinin hansı şəraitdə xəsarət alması hələlik məlum deyil. Hadisə yerinə polis əməkdaşları cəlb olunub. Faktla bağlı araşdırma aparılır.
Dünən, 01:02
Azərbaycanla Rusiya arasında hərbi-texniki əməkdaşlıq müzakirə olunub
Rusiya Federasiyasında işgüzar səfərdə olan Azərbaycan Respublikasının müdafiə naziri general-polkovnik Zakir Həsənov aprelin 2-də Moskvada keçirilən Müstəqil Dövlətlər Birliyinə (MDB) üzv ölkələrin Müdafiə Nazirləri Şurasının növbəti iclasında iştirak edib.
Müdafiə Nazirliyindən verilən məlumata görə,
Əvvəlcə MDB-yə üzv ölkələrin müdafiə nazirləri fəxri qarovulun və hərbi orkestrin müşayiəti ilə Moskva şəhərindəki Qələbə abidəsinin önünə əklil və gül dəstələri qoyublar. Nümayəndə heyəti rəhbərlərinin xatirə fotosu çəkdirilib.
Keçirilən məhdud tərkibli iclasda ölkələrimiz arasındakı regional təhlükəsizlik və hərbi əməkdaşlıq məsələlərinin müxtəlif aspektləri, həmçinin digər məsələlər müzakirə olunub.
Səfər çərçivəsində general-polkovnik Zakir Həsənovun rusiyalı həmkarı, Andrey Belousov ilə ikitərəfli görüşü də olub.
Görüşdə Azərbaycan ilə Rusiya arasında hərbi və hərbi-texniki sahədə əməkdaşlığın hazırkı vəziyyəti və inkişafı perspektivləri müzakirə edilib.
Dünən, 00:51
Elvin Cəfərquliyev "FIFA Series - 2026"in oyunçularından biri seçildi
Elvin Cəfərquliyev "FIFA Series - 2026" beynəlxalq turnirinin oyunçularından biri seçilib.
Bu barədə məlumat FIFA Dünya Çempionatının rəsmi sosial media hesabında paylaşılıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!