19-09-2022, 19:47
Yoluxma kəskin azaldı
Azərbaycanda koronavirus (COVID-19) infeksiyasına 70 yeni yoluxma faktı qeydə alınıb, 83 nəfər müalicə olunaraq sağalıb. Nazirlər Kabineti yanında Operativ Qərargahdan verilən xəbərə görə, son sutkada COVID-19 üçün götürülən analiz nümunələri müsbət çıxmış şəxslər arasında vəfat edən olmayıb. Azərbaycanda indiyədək ümumilikdə 819 588 nəfərin koronavirus infeksiyasına yoluxması faktı müəyyən edilib. Onlardan 808 050 nəfər müalicə olunaraq sağalıb, 9886 nəfər vəfat edib, aktiv xəstə sayı 1652 nəfərdir. Son sutka ərzində 1788, hazırkı dövrədək isə 7 217 551 test aparılıb.
18-09-2022, 19:29
Son sutkada yoluxanların sayı açıqlandı
Azərbaycanda koronavirus (COVID-19) infeksiyasına 180 yeni yoluxma faktı qeydə alınıb, 269 nəfər müalicə olunaraq sağalıb. Bu barədə Nazirlər Kabineti yanında Operativ Qərargahdan məlumat verilib. Son sutkada COVID-19 üçün götürülən analiz nümunələri müsbət çıxmış şəxslər arasında 2 nəfər ölüb. Azərbaycanda indiyədək ümumilikdə 819 518 nəfər koronavirus infeksiyasına yoluxub. Onlardan 807 967 nəfər müalicə olunaraq sağalıb, 9886 nəfər vəfat edib, aktiv xəstə sayı 1665 nəfərdir. Son sutka ərzində 2718, hazırkı dövrədək isə 7 215 763 test aparılıb.
17-09-2022, 22:30
Azəbaycanda daha 214 yeni yoluxma...
Azərbaycanda son sutkada koronavirus infeksiyasına 214 yeni yoluxma faktı qeydə alınıb, 265 nəfər müalicə olunaraq sağalıb və evə buraxılıb. Bu barədə Nazirlər Kabineti yanında Operativ Qərargah məlumat yayıb. Son sutkada COVID-19-dan 3 nəfər vəfat edib. Azərbaycanda indiyədək ümumilikdə 819 338 nəfərin koronavirus infeksiyasına yoluxması faktı müəyyən edilib. Onlardan 807 698 nəfər müalicə olunaraq sağalıb, 9 884 nəfər vəfat edib, aktiv xəstə sayı 1 756 nəfərdir. Ölkədə son sutka ərzində 3 311, hazırkı dövrədək isə 7 213 045 test aparılıb.
17-09-2022, 14:59
Metro və avtobusda maska taxın! - TƏBİB-dən çağırış
Azərbaycanda yeni tədris ilinin başlanması səbəbindən ictimai nəqliyyatda sıxlıq müşahidə edilir. Son günlər metro və avtobuslarda yaranan basabas koronavirusa yoluxma riskini yenidən artırır. Hazırda ölkədə epidemioloji vəziyyət nisbətən sabit olsa da, payızda yoluxma hallarının artması istisna edilmir. Belə olan hallda hansı qabaqlayıcı addımlar atılmalıdır? Bu barədə danışan TƏBİB-in infeksion xəstəlikləri üzrə işçi qrupunun rəhbəri, həkim-infeksionist Vasif Əliyev bildirib ki, avtobus və metrolarda sıxlığın olması, bu nəqliyyat vasitələrindən istifadə edən vətəndaşların tibbi maska taxmaması virusun geniş yayılmasına zəmin yaradır. Tanınmış həkim vurğulayıb ki, dövlət qurumları ictimai nəqliyyatda müşahidə edilən sıxlığın aradan qaldırılması üçün müvafiq addımlar atmalıdırlar. Qapalı yerlərdə tibbi maska tələbinin yenidən tətbiqinə gəlincə, TƏBİB nümayəndəsi hazırda bu məsələnin gündəmdə olmadığını söyləyib. Bundan əlavə, Vasif Əliyev vətəndaşları ictimai nəqliyyatda virusdan qorunmaq üçün maska taxmağa çağırıb:“Hazırkı vəziyyətlə əlaqədar maskadan məcburi istifadənin yenidən tətbiq ediləcəyini düşünmürəm. Əlbəttə, yoluxma sayında artım olacağı təqdirdə belə qərar qəbul edilə bilər. Təbii ki, yoluxma sayının artmaması üçün vətəndaşlar ehtiyyatlı davransınlar. Yaxşı olar ki, ictimai nəqliyyatda mümkün qədər tibbi maskadan istifadə edilsin".
16-09-2022, 19:17
COVID statistikası: 234 yoluxma, 5 ölü
Azərbaycanda koronavirus (COVID-19) infeksiyasına 234 yeni yoluxma faktı qeydə alınıb, 337 nəfər müalicə olunaraq sağalıb. Nazirlər Kabineti yanında Operativ Qərargahdan verilən məlumata görə, son sutkada analiz nümunələri müsbət çıxan 5 nəfər vəfat edib.
İndiyədək ölkədə ümumilikdə 819 124 nəfərin koronavirus infeksiyasına yoluxması faktı müəyyən edilib, onlardan 807 433 nəfər müalicə olunaraq sağalıb, hazırda 1810 aktiv xəstə var. Bu günə qədər 9881 nəfər vəfat edib. Son sutka ərzində yeni yoluxma hallarının müəyyənləşdirilməsi ilə əlaqədar 2 929, bu günə qədər isə ümumilikdə 7 209 734 test icra olunub.
16-09-2022, 18:36
Daha təhlükəli ştam gəlir – ÜST xəbərdarlıq etdi
Dünyada səhiyyə sistemləri koronavirusun yeni, daha təhlükəli ştamının yaranmasına reaksiya verməyə hazır olmalıdır. Bunu Ümumdünya Səhiyyə Təşkilatının (ÜST) fövqəladə vəziyyətlərə dair proqramının direktoru Maykl Rayan deyib. Rayan dünyada COVID-19-a qarşı mübarizədə vəziyyətin yaxşılaşdığını bildirib. Onun sözlərinə görə, planetimizin əhalisinin xeyli hissəsi hələ də vaksinasiya olunmayıb.“Daha yoluxucu və virulent olan yeni ştamın yaranması bizi geri çəkilməyə vadar edə bilər. Biz sayıqlığı qorumalıyıq. Səhiyyə sistemləri buna reaksiya verməyə hazır olmalıdırlar. Əgər koronavirusun yeni variantı əmələ gələrsə, onu xarakterizə etmək üçün qat-qat çox vaxt lazım gələ bilər", - deyə ÜST rəsmisi vurğulayıb.
15-09-2022, 22:02
Yoluxanların yeni statistikası - Daha 3 ölüm
Azərbaycanda koronavirus (COVID-19) infeksiyasına 256 yeni yoluxma faktı qeydə alınıb, 395 nəfər müalicə olunaraq sağalıb. Nazirlər Kabineti yanında Operativ Qərargahdan verilən məlumata görə, son sutkada analiz nümunələri müsbət çıxan 3 nəfər vəfat edib. İndiyədək ölkədə ümumilikdə 818 890 nəfərin koronavirus infeksiyasına yoluxması faktı müəyyən edilib, onlardan 807 096 nəfər müalicə olunaraq sağalıb, hazırda 1918 aktiv xəstə var. Bu günə qədər 9876 nəfər vəfat edib. Son sutka ərzində yeni yoluxma hallarının müəyyənləşdirilməsi ilə əlaqədar 3388, bu günə qədər isə ümumilikdə 7 206 805 test icra olunub.
14-09-2022, 19:48
Son sutkada koronavirusdan 9 nəfər öldü
Azərbaycanda koronavirus (COVID-19) infeksiyasına 371 yeni yoluxma faktı qeydə alınıb, 508 nəfər müalicə olunaraq sağalıb. Nazirlər Kabineti yanında Operativ Qərargahdan verilən məlumata görə, son sutkada COVID-19 üçün götürülən analiz nümunələri müsbət çıxmış 9 nəfər vəfat edib. Azərbaycanda indiyədək ümumilikdə 818 634 nəfərin koronavirus infeksiyasına yoluxması faktı müəyyən edilib. Onlardan 806 701 nəfər müalicə olunaraq sağalıb, 9873 nəfər vəfat edib, aktiv xəstə sayı 2060 nəfərdir. Son sutka ərzində 3664, hazırkı dövrədək isə 7 203 417 test aparılıb.
12-09-2022, 21:20
Op.Dr. Türkan Gündüzün yeni kitabının təqdimatı keçirildi
Avropa və Türkiyə Koloproktoloji Cəmiyyətinin üzvü, Bakıda fəaliyyət göstərən "City Hospital"da və Türkiyədə cərrah-proktoloq kimi fəaliyyət göstərən Türkan Gündüzün "Düz bağırsağın xoşxassəli xəstəlikləri və onların müasir müalicə üsulları" adlı müasir tibb elminin proktologiya sahəsində əldə etdiyi nailiyyətlər əsasında yazılmış kitabının təqdimatı keçirildi.
Təqdimatda tanınmış həkimlər, tibb işçiləri, Türkan xanımın həmkarları, tələbə yoldaşları, ailə üzvləri, pasientləri, ictimai təşkilatların nümayəndələri, media işçiləri və digər şəxslər iştirak edirdilər.
Təqdimatı açıq elan edən aparıcı Nazilə Səfərli həkim-proktoloq Türkan Gündüzün fəaliyyəti haqqında qısa məlumat verdi, təqdimat iştirakçılarına belə önəmli bir gündə Türkan xanımın yanında olduqlarına görə minnətdarlıq etdi. Sonra Türkan Gündüzün fəaliyyətini əks etdirən video-çarx iştirakçılara təqdim edildi.
Video-çarxın nümayişindən sonra söz op.dr.Türkan Gündüzə verildi. O, təqdimata gələnlərə təşəkkür edib kitab barədə geniş məlumat verdi. Türkan xanım dedi ki, uzun illərin axtarışlarından sonra bir mütəxəssis kimi bu kitab vasitəsilə özümə hesabat vermək qərarına gəldim. Təbii ki, belə bir kitab ərsəyə gətirmək asan deyil, böyük məsuliyyət və əzm tələb edir. 4 ildir ki, kitab üzərində çalışırdım.
Kitabın çap olunmasının əsas səbəbinin proktologiyada müasir avadanlıqlarla həyata keçirilən əməliyyat metodları haqqında geniş məlumat vermək istəyi olduğunu bildirən Türkan Gündüz belə bir gündə onu tək qoymayan istirakçıların hər birinə öz dərin təşəkkürünü bildirdi. Ona bir həkim-cərrah kimi yetişməsində və fəaliyyətində hər zaman dəstək olan ailə üzvlərinə və həyat yoldaşına təşəkkür etməyi də unutmadı.
Daha sonra müxtəlif xəstəxanaların həkimləri, direktorları, Türkan xanımı uzun illərdən bəri bacarıqlı həkim və dəyərli insan kimi tanıyan şəxslər çıxış edərək öz arzularını bildirdilər, Türkan xanıma təbriklərini çatdırdılar. Çıxışlarda təqdim olunan kitabın op.dr. Türkan Gündüzün uzun müddətli elmi araşdırmalarının və iş təcrübəsinin məhsulu olduğundan, Tibb Universitetinin tələbələri, gənc koloproktoloq və həkimlər üçün faydalı tibbi kitab kimi yüksək dəyərindən danışıldı, Türkan xanıma yeni-yeni uğurlar arzulandı.
Tədbirdə Dəmir Yumruq Alfa-A cəmiyyətinin sədri Ülviyyə Vasif qızı və Azərbaycan-Türk Xalqları Qardaşlığı İctimai Birliyinin rəhbərləri də çıxış etdilər. Azərbaycan-Türk Xalqları Qardaşlığı İctimai Birliyinin sədri f.ü.f.d.Səkinə Bayramova və həmsədri f.ü.f.d.,dos.Yeganə Qəhrəmanova öz çıxışlarında Şərqdə və Azərbaycanda hələ ən qədim dövrlərdən tibb elminin inkişaf etdiyini, Azərbaycanın tibb sahəsində fəaliyyət göstərən bacarıqlı mütəxəssisləri arasında Türkan xanımın bir qadın kimi fəaliyyətindən qürur duyduqlarını bildirdilər.
Sonra Azərbaycan-Türk Xalqları Qardaşlığı İctimai Birliyi və İctimai Xəbər Agentliyi adından proktoloq op.dr.Türkan Gündüzə fəxri fərman və diplomlar təqdim olundu.
Qeyd edək ki, Op.Dr. Türkan Gündüz hazırda Bakıda "City Hospital"da çalışır. Bununla bərabər o, Türkiyədə də proktoloq-həkim kimi fəaliyyət göstərir.
Türkan xanım şəhid ailələrini, qaziləri, imkansız ailələri də unutmur. Onlar üçün əməliyyatları tamamilə ödənişsiz edir. Onlarla xəstə həkim Türkan gündüzün təmənnasız əməliyyatları sayəsində şəfa tapmışdır.
Məlumat üçün bildirək ki, Türkan Gündüz 26.08.1982-ci ildə Bakı şəhərində müəllim ailəsində anadan olmuş, 1999-cu ildə Azərbaycan Tibb Universitetinin Müalicə-profilaktika fakültəsinə daxil olmuşdur. 2006-cı ildə universiteti bitirib.
2010-2012-ci illərdə Türkiyənin Konya Universitetinin Meram Tibb fakültəsində cərrahiyyə, eləcə də proktologiya ixtisasına yiyələnmişdir. 2011-2015-cü illərdə Ankara Tibb və Ankara Qazi Universitetində Cərrahiyyə və Proktologiya üzrə müasir əməliyyatların ən son üsullarla icrasını öyrənmiş, həmin illərdə Azərbaycana dönərək öz ixtisası üzrə fəaliyyət göstərməyə başlamışdır.
2015-ci ildə Antalyada Turk Koloproktoloji Konqresində iştirak etmiş, və İtaliyanın Milan şəhərində keçirilən Ümumdünya Konqresinda iştirak etmişdir. 2016-cı ildə o həm də Avropa Koloproktoloji Cəmiyyətinin üzvü seçilmiş, 2019-cu ildə İtaliyada, Almaniyada, Türkiyədə koloproktologiya cərrahiyyəsi üzrə kurs keçmişdir. 2021-ci ildə Türkiyənin Koloproktoloji konfransında iştirak etmiş, sertifikat almışdır. Op.Dr.Türkan Gündüz həmçinin bir sıra yerli və xarici elmi jurnallarda çap olunan məqalələrin müəllifidir.
Yeganə Qəhrəmanova
ADPU-nun dosenti, filologiya üzrə fəlsəfə doktoru,
Rasafil Bayramov
İctimai Xəbər Agentliyinin və ATA TV-nin baş direktoru, ATXQ İB-nin Mətbuat xidmətinin rəhbəri
12-09-2022, 20:02
Yoluxma sayı ikirəqəmliyə düşdü
Azərbaycanda koronavirus (COVID-19) infeksiyasına 76 yeni yoluxma faktı qeydə alınıb, 80 nəfər müalicə olunaraq sağalıb. Nazirlər Kabineti yanında Operativ Qərargahdan verilən məlumata görə, son sutkada COVID-19 üçün götürülən analiz nümunələri müsbət çıxmış 3 nəfər vəfat edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!