21-12-2021, 10:24
Son günlər Qax rayonunda Şəhid ailələri və Qazilərə qarşı hörmətsizlik pik həddə çatıb. Ötən gün Şəhid polkovnik-leytenant Sadiq Məmmədovun ailəsinə olan hörmətsizlik – icra başçısı Musa Şəkiliyevin Şəhid ailəsinə kobud davranması, Qax Bələdiyyəsinin sədri Eyvaz Orucovun Şəhid ailəsindən 3500 manat rüşvət tələb etməsi Qaxda sosial narazılığı artırıb.
DİA.AZ-a daxil olan şikayət məktubunda da sakinlər icra başçısının özbaşınalıqlarından cana doyduqlarını və hüquq-mühafizə orqanlarının Qaxda tədbir görməli olduğunu bildirirlər.
Narazı sakinlər dia.az-a yazır: “Qaxın İcra başçısı Musa Şəkiliyev Qax camaatına dəyər vermir, Elə bil Qaxın icra başçısı yoxdur. Şikayətlərimizi kimsə eşitmir. İcra başçısı problemlərimizi həll etmir, əvəzində şəhidin ailəsinə, qazilərə qənim kəsilib. Elə bil bu adama deyiblər ki, sənin işinin adı yalnız və
yalnız Qaxda narazılıq yaratmaqdır.
Biz də Qax sakinləri olaraq dia.az vasitəsilə ölkə rəhbərliyinə müraciət edirik: Gəlin, Şəkiliyevə 2022-ci ildə şans verməyək. O, düzəlməyəcək... Kim olursa-olsun, amma Şəkiliyev olmasın!
Bax, Qax camaatı bu qədər yorulub..."
İddia olunanlarla bağlı dia.az olaraq bütün maraqlı tərəfləri dinləməyə hazırıq...
Bütöv.az
21-12-2021, 10:10
Dünya bazarında Brent neftin qiyməti artıb, WTI isə ucuzlaşıb.
Bütöv.az xəbər verir ki, bu saata olan göstəricilərə görə, ICE London qitələrarası birjasında keçirilən ticarət əməliyyatlarının gedişində "Brent" neftinin ixracına dair 2022-ci ilin fevral müqaviləsinin dəyəri 0,81% artaraq 1 barelə görə 72,10 dollar təşkil edib.
Nyu-Yorkun NYMEX əmtəə birjasında bu ilin fevralında ixrac etməklə WTI markalı neftin 1 barelinin qiyməti 3,71% azalaraq 68,23 dollar təşkil edib.
20-12-2021, 15:31
Prezident İlham Əliyev dövlət məktəbəqədər təhsil sistemində idarəetmənin təkmilləşdirilməsi haqqında sərəncam imzalayıb.
Bununla bağlı Prezident.az məlumat yayıb.
Sərəncam dövlət məktəbəqədər təhsil sistemində idarəetmənin təkmilləşdirilməsi, uşaqların məktəbəqədər təhsillə əhatə dairəsinin genişləndirilməsi və məktəbəqədər təhsilin keyfiyyətinin artırılması məqsədilə imzalanıb.
Sənədə əsasən, yerli icra hakimiyyəti orqanlarının (Bakı şəhəri üzrə Bakı Şəhər İcra Hakimiyyətinin, Gəncə şəhəri üzrə Gəncə Şəhər İcra Hakimiyyətinin) tabeliyində olan dövlət məktəbəqədər təhsil müəssisələri (uşaq evləri istisna olmaqla) Azərbaycan Respublikası Təhsil Nazirliyinin tabeliyinə verilib.
Bütöv.az
20-12-2021, 15:26
Dövlət Neft Şirkətinin (SOCAR) əməkdaşlarının əməkhaqqıları artırılacaq.
Bunu “Report”a açıqlamasında SOCAR-ın prezidenti Rövnəq Abdullayev deyib.
“Bizdə maaşlar minimum əməkhaqqının artırılmasına uyğun artırılır. Gələn ildən SOCAR-da maaşlarda yəqin ki, artım olacaq”, - deyə o qeyd edib.
Xatırladaq ki, Prezident İlham Əliyevin ötən həftə imzaladığı sərəncama əsasən, gələn il yanvarın 1-dən Azərbaycanda minimum əməkhaqqı 50 manat və yaxud 20 % artırılaraq, 250 manatdan 300 manata çatdırılıb.
Bütöv.az
20-12-2021, 12:47
Dünya bazarında neft qiymətlərində azalma müşahidə olunur.
WTI markalı neftin yanvar fyuçersləri 3,32 % ucuzlaşaraq bir bareli 68,51 ABŞ dolları olub.
“Brent” markalı neftin fevral fyuçersləri 2,84 % ucuzlaşaraq bir bareli 71,43 ABŞ dolları təşkil edib.
Mənbə: Bloomberg
Bütöv.az
20-12-2021, 11:39
Sabah Azərbaycana qış fəsli daxil olacaq.
Bütöv.az məlumat verir ki, qış fəsli Azərbaycana dekabrın 21-də Bakı vaxtı ilə saat 14:02:18-də qədəm qoyacaq.
Bununla da Yer kürəsinin Şimal yarımkürəsində qış fəsli başlayacaq. Bu zaman Günəş üfüqdən ən minimum nöqtədə olur. Günəş şüalarının istiqaməti ilə yerin fırlanma oxu ən böyük bucaq əmələ gətirir. Ona görə də bu fəsildə soyuqlar müşahidə olunur.
20-12-2021, 10:37
Masallı Regional Meşə Təsərrüfatı Mərkəzinin direktoru Adəm İsmiyev və müavini Sakit Şahmarovun ov görüntüləri sosial şəbəkələrdə geniş müzakirələrə səbəb olub.
Bütöv.az AzToday.az-a istinadən xəbər verir ki, Ekologiya və Təbii Sərvətlər Nazirliyinin 2 vəzifəli şəxsinin ov görüntülərində ilginc məqamlar əksini tapıb. Beləki Adəm İsmiyev “Winchester”lə, müavini Sakit Şahmarov isə avtomat silahla ova gediblər. Mövcud qanunvericilik avtomat silahın satılmasını qadağan etdiyindən mülki şəxs sayılan Adəm İsmiyev və Sakit Şahmarovun avtomatı necə əldə etməsi suallar yaradır.
Ümid edirik müvafiq qurumlar Adəm İsmiyevin bu gün 19:33-də “whatsapp” statusunda paylaşdığı görüntülərlə bağlı adekvat tədbirlər görəcəklər…
Görüntüləri təqdim edirik:
20-12-2021, 10:23
Dünya bazarında neftin qiyməti azalıb.
Bütöv.az xəbər verir ki, bu saata olan göstəricilərə görə, ICE London qitələrarası ticarət əməliyyatlarının gedişində Brent markalı neftin qiymətiin fevral müqaviləsinin dəyəri 2.97 % ucuzlaşaraq 71,34 ABŞ dolları təşkil edib.
Nyu-Yorkun NYMEX əmtəə birjasında WTI markalı neftin yanvar müqaviləsinin dəyəri 3.33% ucuzlaşaraq 1 barelə görə, 68.50 ABŞ dolları təşkil edib.
Mənbə: Bloomberg.
17-12-2021, 19:12
Ölkəmizdə vətəndaş rifahının təminatı istiqamətində islahatların növbəti mərhələsinə başlandı. Prezident İlham Əliyevin imzaladığı yeni Sərəncamla minimum aylıq əməkhaqqının məbləği artırılaraq 250 manatdan 300 manata çatdırılır. Sərəncam 1 yanvar 2022-ci ildən tətbiq ediləcək.
Ümumilikdə minimum əməkhaqqı və VTC üzrə işləyənlərin əməkhaqqının artımı 800 min nəfərə şamil olunacaq. Dövlət sektoru üzrə 400 min, özəl sektor üzrə 400 min işçinin mövcud əməkhaqları yanvar ayından artacaq.
Minimum əməkhaqqı artımı üçün illik əlavə maliyyə xərci 460 milyon manat təşkil edir.
Bu artım son üç ildə sosial sahədə inqilabi xarakter alan, bütün istiqamətlər üzrə sosial ödənişlərdə ciddi artımları təmin edən islahatların davamıdır. Dövlət başçısının Sərəncamları ilə minimum əməkhaqqında mütəmadi artımlar davamlı xarakter alıb. Son üç ildə mühüm irəiləyiş olaraq ölkəmizdə minimum aylıq əməkhaqqı 2,3 dəfə artırılaraq 130 manatdan 300 manata çatdırılıb.
17-12-2021, 11:21
Azərbaycanda 2021-ci ilin 11 ayı ərzində 3 milyard 984,4 milyon manat dəyərində neft məhsulları istehsal edilib.
Bütöv.az-ın Dövlət Statistika Komitəsindən əldə etdiyi məlumata əsasən, bu göstərici əvvəlki ilin yanvar-noyabr ayları ilə müqayisədə 14,6 faiz artıb.
Bu dövr ərzində ölkədə 1 milyon 138,9 min ton avtomobil benzini, 2 milyon 238,8 min ton dizel yanacağı istehsal edilib. Avtomobil benzininin istehsalı 6,8 faiz, dizel yanacağının istehsalı isə 19 faiz artıb.
Belə ki, neft-kimya sənayesində istifadə üçün benzinin istehsalı 2,3 dəfə, sürtkü yağlarının istehsalı 60,9 faiz, neft koksunun istehsalı 30,9 faiz, yanacaq mazutunun istehsalı isə 1,5 faiz artıb.
Pərakəndə ticarət dövriyyəsində isə istehlakçılara 2 milyard 279,5 manat dəyərində avtomobil benzini və dizel yanacağı satılıb. Satış həcmi ötən ilin eyni dövrü ilə müqayisədə 3,8 faiz artıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!