14-12-2024, 15:35
Bakı-Şamaxı yolu buz bağladı - maşınların hərəkəti iflic oldu
Bakı-Şamaxı avtomobil yolunda nəqliyyat vasitələrinin hərəkətində çətinlik yaranıb.
Bu barədə Daxili İşlər Nazirliyinin Mətbuat Xidmətinin Şəki regional qrupu məlumat yayıb.
Bildirilib ki, qarlı hava şəraiti ilə əlaqədar Bakı-Şamaxı avtomobil yolunda nəqliyyat vasitələrinin hərəkətində yaranmış çətinliklə bağlı əraziyə Yol Patrul Xidmətinin və digər aidiyyəti qurumun əməkdaşları cəlb olunub.
"Operativ müdaxilələrlə avtomobillərin hərəkəti bərpa olunub.
Meteoroloji şəraiti nəzərə alaraq bir daha sürücülərə tövsiyə olunur ki, yola çıxmazdan əvvəl nəqliyyat vasitələrinin sazlığına diqqət yetirsinlər, sürət həddini hava şəraitinə uyğun seçsinlər", - məlumatda deyilir.
14-12-2024, 15:24
Gürcüstanın 6-cı prezidenti: keçmiş futbolçu, 4 uşaq atası - DOSYE
Bu gün Gürcüstan parlamentində keçirlən səsvermə nəticəsində 53 yaşlı Mixail Kavelaşvili ölkənin yeni prezidenti seçilib.
Bu barədə Gürcüstan Mərkəzi Seçki Komissiyası məlumat yayıb.
Hakim “Gürcü Arzusu” partiyasının namizədi olan Kavelaşvili Seçicilər Kollegiyasının 300 üzvündən 224-nün səsini qazanıb.
Qeyd edək ki, Mixeil Kavelaşvili deputat, Gürcüstanın futbol üzrə yığma komandasının keçmiş hücumçusu olub.
Xatırladaq ki, Gürcüstanın hazırkı Prezidenti Salome Zurabişvilinin səlahiyyət müddəti dekabrın 16-da başa çatır. Buna baxmayaraq, o, dövlət başçısı kimi səlahiyyət müddəti bitdikdən sonra prezident sarayını tərk etməyəcəyini bildirib. Zurabişvili 26 oktyabr tarixli parlament seçkilərinin saxtalaşdırldığını iddia edir və müxalifətin hazırda paytaxt Tbilisidə keçirdiyi etiraz aksiyasını dəstəkləyir. Etirazçılar yeni parlament seçkiləri tələb edirlər.
Gürcüstan Mərkəzi Seçki Komissiyası isə bəyan edib ki, Mixail Kavelaşvilinin andiçmə mərasimi dekabrın 29-da keçiriləcək.
Mixail Kavelaşvilinin prezidentliyə namizədliyi “Gürcü Arzusu” Partiyasının fəxri sədri, milyarder Bidzina İvanişvili tərəfindən irəli sürülmüşdü.
Hakimiyyətin əleyhdarları Kavelaşvilinin ali təhsil diplomunun olmamasına diqqət çəkərək bu seçimi ələ salıblar.
Hakim partiya isə bəyan edib ki, Mixail Kavelaşvilinin siyasətdə böyük təcrübəsi var və onun əsas üstünlüyü vətənpərvərlikdir.
Mixail Kavelaşvili 22 iyul 1971-ci ildə Tbilisidə doğulub. O, futbolçu karyerasına Tbilisinin "Lokomotiv" klubunda başlayıb, sonra "Dinamo"ya keçib və onunla altıqat Gürcüstan çempionu olub (1990-1995).
Daha sonra 1995-ci ildə Vladiqafqazın "Spartak-Alaniya" klubuna keçib və onunla birlikdə Rusiya çempionluğunu da qazanıb.
Mixail Kavelaşvili 1996-cı ildə İngiltərənin "Mançester Siti" klubuna keçib. Sonra onu İsveçrə "Grasshopper"inə icarəyə veriblər. Kavelaşvili sonrakı 10 il ərzində İsveçrənin müxtəlif klublarında çıxış edib.
2004-cü ilin ikinci yarısında altı ay müddətinə"Alaniya" klubuna icarəyə verilib. Bir neçə ildən sonra karyerasına son qoyub.
O, 1991-2002-ci illərdə Gürcüstan millisinin heyətində 46 oyun keçirib və bu oyunlarda 9 qol vurub.
“Dürüstlük, ədalət, vətənpərvərlik Mixail Kavelaşvilini fərqləndirən keyfiyyətlərdir. O, təbiətinə görə gürcü kişisinin ən yaxşı təcəssümüdür. O, gözəl ər və dörd uşaq atasıdır. Bütün qeyd olunanları nəzərə alaraq, komanda Gürcüstan prezidenti vəzifəsinə Mixail Kavelaşvilinin namizədliyinin irəli sürülməsi ilə bağlı yekdil qərar qəbul edib. Əminəm ki, Mixail Kavelaşvili Prezident İnstitutundan müvəqqəti olaraq götürülən ləyaqəti tam bərpa edəcək. Dekabrın 29-da yeni prezidentin andiçmə mərasimi keçiriləcək”, - milyarder İvanişvili bildirib.
Mixail Kavelaşvili “Gürcü arzusu”ndan formal olaraq ayrılmış hakim partiyanın nümayəndələrindən ibarət “Xalqın Gücü” siyasi birliyinin liderlərindən biridir. O, 26 oktyabrda keçirlmiş parlament seçkilərində “Gürcü arzusu” partiyasının siyahısında 18-ci yerdə olub.
Gürcüstanda ilk dəfə Konstitusiyaya əsasən, prezidenti xalq deyil, 300 nəfərdən ibarət Seçicilər Kollegiyası 5 il müddətinə seçib.
14-12-2024, 15:07
Gürcüstanda yeni prezident seçildi
Mixail Kavelaşvili Gürcüstanın yeni prezidenti seçilib.
Bu barədə Gürcüstan Mərkəzi Seçki Komissiyası məlumat yayıb.
Hakim “Gürcü Arzusu” partiyasının namizədi olan Kavelaşvili 300 seçicidən 224 səs toplayıb. Ümumilikdə səsvermədə 225 Kollegiya üzvü iştirak edib, 1 bülleten etibarsız sayılıb.
M.Kavelaşvilinin andiçmə mərasimi dekabrın 29-da keçiriləcək.
14-12-2024, 15:07
Gürcüstanda yeni prezident seçildi
Mixail Kavelaşvili Gürcüstanın yeni prezidenti seçilib.
Bu barədə Gürcüstan Mərkəzi Seçki Komissiyası məlumat yayıb.
Hakim “Gürcü Arzusu” partiyasının namizədi olan Kavelaşvili 300 seçicidən 224 səs toplayıb. Ümumilikdə səsvermədə 225 Kollegiya üzvü iştirak edib, 1 bülleten etibarsız sayılıb.
M.Kavelaşvilinin andiçmə mərasimi dekabrın 29-da keçiriləcək.
14-12-2024, 13:32
Lerikdə qarın qalınlığı 20 sm-ə çatıb
Ölkə ərazisində yağıntılı hava şəraiti davam edir. Bəzi bölgələrdə sulu qar, qar yağır.
Milli Hidrometeorologiya Xidmətinin rəsmisi Gülnarə Abbasova bildirib ki, qarın hündürlüyü Bakı və Abşeron yarımadasının bəzi ərazilərində 2 sm, Lerikdə 20 sm, Quba, Qusar və Altıağacda 10 sm, Şahdağ və Xaltanda 8 sm, Şərurda 7 sm, Kəlbəcər və Qobustanda 5 sm, Daşkəsən və Qaxda 3 sm, Gədəbəydə 1 sm olub.
14-12-2024, 13:16
Sabahın hava proqnozu: Külək güclənəcək
Milli Hidrometeorologiya Xidməti sabahın hava proqnozunu açıqlayıb.
Xidmətdən verilən məlumata görə, sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gecə bəzi şəhərətrafı ərazilərdə arabir yağıntılı olacağı ehtimalı var. Şimal-qərb küləyi gündüz arabir güclənən cənub-qərb küləyi əvəz olunacaq.
Havanın temperaturu gecə 1° şaxtadan 2°-dək isti, gündüz 4-8° isti olacaq. Atmosfer təzyiqi 775 mm civə sütunundan 769 mm civə sütununa enəcək. Nisbi rütubət gecə 60-65 %, gündüz 50-55% olacaq.
Azərbaycanın rayonlarında havanın əsasən yağmusuz keçəcəyi gözlənilir. Bəzi yerlərdə arabir duman olacaq. Qərb küləyi ayrı-ayrı yerlərdə arabir güclənəcək.
Havanın temperaturu gecə 1-6° şaxta, gündüz 4-8° isti, dağlarda gecə 8-13°, yüksək dağlıq ərazilərdə 17-22° şaxta, gündüz 5-10° şaxta olacaq.
14-12-2024, 13:00
Metro işçisi "Koroğlu" stansiyasında vəfat edib
Bakı Metropoliteninin işçisi vəfat edib.
Bu barədə Metropolitenin Mətbuat xidmətindən bildirilib.
Səhər saat 5:30-da iş vaxtı bitən və "İnşaatçılar" stansiyasında iş yerini tərk edən Bakı metropoliteninin tunel qurğuları üzrə usta köməkçisi Saleh Məmmədov saat 8:50-də "Koroğlu" stansiyasında növbətçiyə yaxınlaşaraq, tibbi yardıma ehtiyacı olduğunu bildirib.
Dərhal ilkin yardım göstərilib, təcili və təxirəsalınmaz tibbi yardım xidməti çağırılıb. Bütün müvafiq tədbirlər görülsə də, Saleh Məmmədov dünyasını dəyişib.
Allah rəhmət eləsin!
14-12-2024, 12:50
İrandakı Səfirliyimiz nə vaxt işə başlayacaq?
“Sabahdan Tehranda fəaliyyətə başlayacaq Azərbaycan konsulluğu yeni, daha təhlükəsiz ərazidə çalışacaq”.
Bu barədə Tehranda Azərbaycan konsulluğunun fəaliyyətə başlaması ilə bağlı danışarkən Milli Məclisin deputatı Elçin Mirzəbəyli deyib.
Onun sözlərinə görə, hələlik səfirliyin yalnız konsulluq şöbəsi işləyəcək:
“Konsulluq şöbəsi vətəndaşlarla bağlı məsələlərlə məşğul olur. Bu o deməkdir ki, vətəndaşlar tərəfindən aparılan ticarət əlaqələri və digər qarşılıqlı səfərlər davam edəcək. Amma səfirliyin funksiyasına aid olan dövlətlərarası məsələlər buraya daxil deyil. Azərbaycan və İran Xarici İşlər nazirlikləri arasında diplomatik əlaqələr indi də var. Amma Azərbaycanın Tehrandakı səfirliyinin fəaliyyətə başlaması müəyyən zaman kəsiyində mümkün görünmür. Bunun subyektiv və obyektiv səbəbləri var.
E.Mirzəbəyli bildirib ki, indiki şəraitdə konsulluğun açılması İranda Azərbaycan diplomatlarına qarşı keçirilən dəhşətli terror aktından sonra ölkəmiz tərəfindən atılan prinsipal addım kimi qiymətləndirilməlidir:
“Bu, qarşılıqlı münasibətlərin normallaşması istiqamətində Azərbaycanın atdığı önəmli bir addımdır. Bir qayda olaraq bu qəbildən olan hadisələr baş verəndə, yəni açıq-aşkar Azərbaycan ərazisinə müdaxilə kimi dəyərləndirilən terror aktları törədiləndə dövlətlərarası münasibətlərin uzun illər boyu bərpa edilməsi mümkün olmur. Konsulluq şöbəsinin açılması da ölkəmizin yaxın qonşuluq münasibətlərinə verdiyi önəm kimi qiymətləndirilməlidir. Ancaq bu, diplomatik əlaqələrin səfirliklər müstəvisində bərpası kimi qiymətləndirilə bilməz”.
Konsulluğun təhlükəsizliyi yüksək səviyyədə təmin ediləcəkmi?
Deputat qeyd edib ki, diplomatlarımızın təhlükəsizliyinin necə təmin ediləcəyi İran tərəfinin verə biləcəyi cavabdır:
“Təbii ki, Azərbaycan oradakı diplomatlarının təhlükəsizliyi ilə bağlı bütün məqamları nəzərə alıb. Xüsusilə də son baş verən hadisədən sonra düşünürəm ki, dövlətimiz diplomatlarımızın təhlükəsizliyi ilə bağlı müəyyən öhdəliklərin götürülməsinə nail olub. Əks təqdirdə, konsulluğun fəaliyyətə başlaması mümkün olmazdı”.
Azərbaycan Respublikası ilə İran İslam Respublikası arasında aparılmış danışıqlar nəticəsində 15 iyul 2024-cü il tarixindən etibarən Azərbaycan Respublikasının İran İslam Respublikasındakı Səfirliyi yeni ünvana köçüb.
İrandakı səfirliyin yeni binasında konsulluq xidmətinin təşkili üçün müvafiq işlər görülüb.
Xatırladaq ki, 2023-cü il yanvarın 27-də Azərbaycanın Tehrandakı Səfirliyinə silahlı basqın nəticəsində 1 nəfər ölüb, 2 nəfər yaralanıb. Bundan sonra ölkəmizin İrandakı Səfirliyinin fəaliyyəti dayandırılıb.
14-12-2024, 12:30
Bu qidaları evinizə buraxmayın - Ekspertdən XƏBƏRDARLIQ
Bu gün xüsusilə uşaqların ən sevdiyi qidalardan biri də şokolad yağlarıdır. Ticarət şəbəkəsində şokolad yağlarının müxtəlif çeşidləri satılır. Bu qida nə qədər təhlükəsizdir? Şokolad yağlarının hansı zərərləri var?
Mövzu ilə bağlı danışan qida eksperti Fərid Səfərov bildirib ki, şokolad uşaqdan böyüyə hər kəsin sevimlisidir:
“Çünki tərkibindəki serotonin özümüzü daha yaxşı hiss etməyə, rahatlamağa kömək edir, bizə enerji verir. Bu demək olar ki, hamı tərəfindən bilinir.
Bəs zərərləri necə?
Qısa şəkildə zərərlərini sadalayım.
- doymuş yağ ehtiva etdiyi üçün ürək xəstəliklərinə, damar tıxanmasına səbəb ola bilər.
- tərkibindəki kofein asılılıq yaradır.
- enerji verən qida olsa da, həddindən artıq istehlak edildikdə yuxusuzluq yarana bilər.
- həddindən artıq istehlak edildikdə çəki artımını sürətləndirə bilər və s.
Bu sadalananlar şokoladın özünün ziyanları idi, bəs özümüzün də sevə-sevə aldığımız, uşaqlarımıza bəh-bəhlə yedirtdiyimiz "şokolad yağı" necə? Niyə təhlükəlidir?
İstənilən marketdə istənilən şokolad yağını əlimizə götürüb üzərindəki etiketi oxusaq, mütləq palma yağı, şəkər, qlükoza, bitki yağı, süd tozu, qarğıdalı siropu, dadlandırıcı, rəngləndirici və s. yazılara rast gələcəyik”.
Ekspertin sözlərinə görə, artıq bilməliyik ki, şəkər insan orqanizminə ziyandır, palma yağı ziyandır, süni rəngləndirici və dadlandırıcılar təhlükəlidir:
“Üstəlik satışda olan "şokolad yağ"larının harada, hansı şəraitdə, hansı xammaldan istehsal olunduğu bəlli deyilsə, deməli artıq vəziyyət doğurdan da acınacaqlıdır. Həm bizim üçün, həm də övladlarımız üçün!
Bəs onda çıxış yolu nədir? Necə edək ki, övladımız və özümüz bu cür qidaları tələb etməyək?
Evinizdə körpəniz dünyaya gələn andan etibarən bilərəkdən, oxuyub öyrənərək, məlumatlı şəkildə bu cür qidaları evinizin qapısından buraxmayın! Yox, əgər artıq siz də, övladınız da bu qidalarsız yaşaya bilmirsinizsə, onda yavaş-yavaş süfrənizdən uzaqlaşdırmağa və başqa qidalarla əvəz etməyə başlayın ki, sonra çox gec olmasın!".
14-12-2024, 12:25
Parlament prezidentə impiçment elan etdi
Koreya Respublikasının parlamenti dekabrın 3-də ölkədə hərbi vəziyyət tətbiq edən, bir neçə saat sonra isə bu vəziyyəti ləğv edən prezident Yun Seok Yeola impiçment elan edib.
Səsvermədə 300 deputatın hamısı iştirak edib.
İmpiçmenti 300 deputatdan 204-ü dəstəkləyib.
İndi Konstitusiya Məhkəməsi prosesə başlayacaq və impiçmentin təsdiqi və ya Yun Seok Yeolun vəzifəsinə bərpa olunması barədə qərar verəcək. İşin həlli altı aya qədər çəkə bilər.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!