26-12-2022, 15:54
Qərbin Rusiyaya qarşı sanksiyalarına qoşulmamışıq - Qazaxıstan XİN
Qazaxıstanın xarici işlər naziri Muxtar Tleuberdi Yaponiyanın NHK telekanalına bildirib ki, ölkəsi Qərbin Rusiyaya qarşı sanksiyalarına qoşulmaqdan imtina edib. Nazir Yaponiyaya səfəri zamanı deyib ki, iqtisadi baxımdan Rusiya ilə Qazaxıstan sıx əlaqələrə malikdir və Rusiyaya qarşı sanksiyalar Qazaxıstan iqtisadiyyatına mənfi təsir göstərib. “Qazaxıstan Rusiyaya qarşı sanksiyalarda iştirak etmir. Biz Qazaxıstan və Rusiya arasında mövcud münasibətləri davam etdirəcəyik”, - deyə Tleuberdi bildirib. Qazaxıstan Xarici İşlər Nazirliyinin rəhbəri həmçinin Ukrayna böhranından narahat olduğunu bildirib və əlavə edib ki, Qazaxıstan prezidenti Rusiya və Ukrayna liderləri ilə daim təmasdadır.
26-12-2022, 15:50
Bu il telekanallara maddi yardım edilməyəcək
Bu il Azərbaycan telekanallarının borcları yoxdur. Bu fikirləri Audiovizual Şuranın sədri İsmət Səttarov ilin yekunları ilə bağlı keçirilən mətbuat konfransında deyib. "Ona görə də heç bir kanala maliyyə yardımı edilməyəcək" - deyə qurum rəhbəri bildirib.
26-12-2022, 15:45
Rusiyalı politoloqdan şok iddia
Rusiyalı siyasi ekspert, politoloq Valeri Solovey ölkə prezidenti Vladimir Putinlə bağlı şok iddialar səsləndirib. Solovey Putinin xərçəng xəstəliyindən əziyyət çəkdiyini və dərmanlarla yaşadığını idda edib. Onun sözlərinə görə, Rusiya prezidenti ən müasir müalicə üsullarından istifadə edir və sağalmağa çalışır. Soloveyin fikrincə, Putin artıq özündən sonra hakimiyyəti ötürmək üçün varis təyin edilməsi prosesinə start verib. Politoloq Putinin varisliyinə iki namizədin adını açıqlayıb. Belə ki, Təhlükəsizlik Şurasının katibi Nikolay Patruşevin oğlu, hazırda Rusiyanın kənd təsərrüfatı naziri olan Dmitri Patruşevin Rusiya prezidentliyinə hazırlandığı iddia edilib. Solovey digər namizədin isə hazırda Tula vilayətinin qubernatoru olan Aleksey Dyumin olduğunu söyləyib. Adı açıqlanan hər iki şəxsin Putinə yaxın kadr hesab olunduğu bildirilir.
26-12-2022, 15:33
Güneyli jurnalist İrandakı etirazlara münasibət bildirdi
Türkiyədə yaşayan Güney Azərbaycan əsilli jurnalist Taha Kirmanı İranda sentyabrdan bəri davam edən etirazların gedişini dəyərləndirib. Kirmani bu barədə "Amerikanın Səsi"nə müsahibəsində danışıb. Jurnalist həmçinin İran hökumətinin etirazçıları edam edərək nəyi hədəflədiyini şərh edib. “Məhsa Əminidən sonra başlayan etirazların gücünü dəyərləndirdiyimizdə, biz bunu küçələrdəki insan sayı ilə ölçməməliyik. Yəni, neçə şəhər küçələrə çıxdı və ya nə həcmdə çıxdı, bunlar önəmli olsa da, bu etirazların əsas güc nöqtəsini dəyərləndirdiyimizdə fərqli ölçüləri nəzərə almalıyıq. İndi bu mərhələdə etirazların 3 aydır davam etdiyinə baxdığımızda deyə bilərəm ki, etirazlar güclənərək davam edir və artıq öz gücünü sübut edib”, - deyə Kirmani söyləyib. O qeyd edib ki, İslam Respublikası etirazları tamamilə yatırmağa qadir deyil: “Hakimiyyətin gücünü dartdığımızda İran İslam Cümhuriyyəti bütün küçədəki etirazları basdırmağa, etirazçıları cəzalandırmağa və insanları qorxutmağa qadir görünsə də, bu etirazların həcmi və dərinliyini azaltmağa yetərli gücdə deyil. Bunu görə bilirik. Bu gün küçələrdə bəlkə bir ay bundan öncə ilə müqayisədə daha az etiraz olduğunu görürük, amma bu kəsinliklə etiraz dalğasının söndüyü və hakimiyyətin iddia etdiyi kimi bitdiyi mənasına gəlmir. Çünki, bunun əksini göstərən çox səbəblər var əlimizdə”. Farsdilli media platformalarında etirazlara qatılmayan, ancaq İslam Respublikasını da dəstəkləməyən kəsimlərin iştirakınının vacibliyindən bəhs edilir. Taha Kirmani hesab edir ki, “boz kəsim” adlandırılan səssiz əhalinin etirazlara dəstək verməsi üçün onların birbaşa küçələrə çıxması gərəkli olmaya bilər. “Əsasən bu boz bölümün iştirakından danışıldığı zaman bunlardan milyonların küçələrdə olması nəzərə alınmırdı. Doğrudur, əgər əsl məqsəd İslam Cümhuriyyəti rejiminin dəyişməsidirsə ki, bu gün anlaşılan bütün müxalif qüvvələrin ortaq qənaəti budur, bunun həyata keçirilməsi üçün ciddi kütlələrin küçəyə gəlməsi qaçılmaz bir şərtdir. Ancaq, o boz kəsimin, o səssiz qalan insanların iştirakı fərqli meyarlarla ölçülə bilər. Misal üçün, keçmiş etirazlara baxanda görürük ki, hakimiyyət bu dəfə öz dəstəkçilərini meydana gətirməkdə uğursuz oldu. Bu gün İslam Cümhuriyyətinin ən qaranti gördüyü bazasında belə ciddi zədələnmələr görürük. Yəni, bu etirazların günü küçələrdə gördüyümüzdən çox daha böyükdür”, - deyə jurnalist söyləyib. Hüquq müdafiəçiləri etirazların başlamasından bəri ölkənin müxtəlif vilayətlərində yüzlərlə etirazçının öldürüldüyü və minlərlə vətəndaşın həbs edildiyini bildirirlər. Həbs edilən bir çox etirazçı “Allaha qarşı müharibə aparmaq”da günahlandırılaraq edam cəzasına məhkum edilib. Edama məhkum edilən etirazçılardan Mohsin Şikari və Məcidrza Rəhnəvərdin hökmü tətbiq edilib. Onlar, etirazlar zamanı İslam İnqilabı Qvardiyasının (Sepah) könüllü Bəsic qüvvələrini yaralamaq və öldürmək iddiası ilə “Allaha qarşı müharibə aparmaq”da ittiham olunmuşdular. Kirmani İslam Resublikasının bu edamlarla öz tərəfdalarına güc mesajı vermək istədiyini ifadə edib. “Məncə hakimiyyətin bu edam cəzalarını birbaşa açıqlaması və necə açıqlamasına diqqət edəndə görürük ki, öz bazasına bir mesaj vermək istəyir. Məhkəmənin verdiyi qərar da son dərəcə anlamlıdır. İran İslam Cümhuriyyəti burada öz bazasını məmnun etmək və öz tərəfdarlarına güc mesajı vermək, onlara sahib çıxmaq mənasında mesaj verməyə çalışır. Yəni, etirazları basdırmaqda iştirak edən qüvvələrə ‘qorxmayın, mən arxanayızdayam, sizə zərər verənləri cəzalandırmaq üçün hər şeyi gözə alaram' mesajını verməyə çalışır. Çünki, işin sonunda bu etirazlar daha ciddiləşsə, hakimiyyətin yanında yer alan insanların şübhələri müəyyənedici olacaqdır”, - deyə Taha Kirmani əlavə edib. Qeyd edək ki, sentyabr ayında 22 yaşlı Məhsa Əminin hicab qaydasını pozmaq ittihamı ilə polis tərəfindən saxlanılmasından sonra müəmmalı ölümü İranda böyük etirazlara səbəb olub. Polis gənc qızın ürək çatışmazlığından vəfat etdiyini, ailəsi isə Əmininin heç bir xəstəliyinin olmadığını və döyülərək öldürüldüyünü bəyan edir.
26-12-2022, 15:22
Çin hərbi texnikalarını Tayvan adasına cəlb etdi
Tayvan adası ətrafında növbəti gərginlik yaşanıb. Bu barədə Tayvanın Müdafiə Nazirliyi məlumat yayıb. Bildirilib ki, Çin Xalq Respublikasının (ÇXR) hərbi texnikaları adanın ətrafına cəlb edilib. 7 gəmi, 71 hərbi təyyarə və 47 uçuş aparatı Tayvanın yaxınlığına cəmləşdirilib. Qeyd edək ki, 1940-cı illərdə Çindəki vətəndaş müharibəsi zamanı kommunistlərin ölkənin əsas hissəsində iqitidarı ələ keçirməsindən sonra devrilmiş hakimiyyət adada fəaliyyətini davam etdirib. Uzun müddət Çin Respublikası adı ilə ölkəni BMT-də məhz Tayvan təmsil edib. Hazırda ÇXR adanın suverenliyi altında olmasını tələb edir.
25-12-2022, 23:18
Vidadi Mustafayev
XRİSTİANLAR MÜSƏLMANLARDAN AĞILSIZ, ŞİƏLƏRDƏN DAHA OPTİMİSTDİRLƏR
Xristianların böyük əksəriyyəti hər il dekabrın 25-də (azlığı isə başqa tarixdə) insan əlində ölüb göylərə çəkilmiş Allah və Allahın yarı insan oğlu İsanın DİRİLİŞİNİ bayram edir. İsa əgər Allahdırsa, necə insan əli ilə öldürülə bilər, yox insandırsa, necə dirilə bilər. Xristianlığın bu ziddiyyətini İSLAM dini Allahı mücərrəd bir varlıq elan edərək uğurla aradan qaldırmışdır. Amma Şiəlik Xristianlıqdan ilham alaraq özü üçün bir mini İsa, ON İKİNCİ İmam taparaq onu göylərə göndərmiş və indi onun gəlişini gözləyir.
Xristianlar inanırlar ki, İsa insan əlində insan kimi ölüb, sonradan dirilib qaçsa da, bir Allah kimi gəlib Yer üzündə, cəmiyyətdə ədaləti bərpa edəcək.
Xalqın gözündən itən, lakin müəmmalı şəkildə səmaya getsə də, insan olaraq qalan 12-ci imam da qayıdıb ədaləti bərpa edəcək.
Şiələr üçün 12-ci imam məsələsi yox, ÜÇÜNCÜ imam Hüseyn daha vacibdir.
Xristianlar uşaq kimi özünü aldadaraq İsanın DİRİLMƏSİNƏ sevinir və onu bayram edirlər.
Amma şiələr qoca adamlar kimi qəm-qüssəyə daha yaxın oduqlarından, hər il imam Hüseynin qətlinə 10 gün aktiv və 40 gün passiv yas saxlayırlar.
Şiələrin xristianlardan fərqi də bundadır - biri sevincə, o biri kədərə köklənib.Yəqin buna görə İranda İslam inqilabından sonra yeni hakimiyyətin bir nömrəli vəzifəsi insanların sevinc ehtiyacını ödəməyə yönəlmiş Qərb nədəniyyətinin bütün qayda və təzahürlərini İran cəmiyyətinin gündəlik həyatından söküb atmaq olmuşdur.
Amma İranda DÖRDÜNCÜ aydır davam edən etirazlar insanların həyatının mədəni -məişət sferasına qoyulan Orta əsrlər qadağanlarının aradan qaldırılmasına yönəlib. İranlılar öz etirazları ilə Mədəniyyətin Qərbi və Şərqi olmadığını nümayiş etdirirlər. Həmin etirazlar eyni zamanda xalqın Dini hakimiyyətin təbliğ və icrasını təmin etməyə çalışdığı QƏM-QÜSSƏ mədəniyyəti və ya icbari qəm-qüssə siyasətinə SON qoyulmasına, qısası DİNİN SİYASƏTDƏN AYRILMASINA nail olunmasına yönəlib.
25-12-2022, 21:40
İranda 7 nəfər həbs olundu
İslam İnqilabı Keşikçiləri Korpusu (SEPAH) İranda keçirilən hökumət əleyhinə etirazlar zamanı Britaniya kəşfiyyatı ilə əlaqədə olmaqda ittiham olunan 7 nəfərin həbs edildiyini açıqlayıb. Bu barədə İran mətbuatı məlumat yayıb. SEPAH-ın mətbuat xidməti iddia edir ki, həbs edilənlər Böyük Britaniyadan olan agentlərin rəhbərlik etdiyi Zaqros mütəşəkkil qrupunun üzvləridir. Qrupun İranda son iğtişaşlar zamanı təxribat fəaliyyətlərinə rəhbərlik etdiyi iddia edilir. Qeyd edək ki, İranda etirazlar sentyabr ayında 22 yaşlı Məhsa Əmininin ölümü ilə başlayıb.
25-12-2022, 21:31
Latviya da Ukraynada PUA zavodu açacaq
Latviyanın pilotsuz uçuş aparatları istehsal edən "Atlas Dynamics" şirkəti 2023-cü ilin əvvəlində Ukraynada tədqiqat və təkmilləşdirmə zavodu açacaq. Bu barədə "Defence news" nəşri yazıb. Şirkət daha sonra Ukrayna Müdafiə Nazirliyi ilə əməkdaşlıqla əlaqədar istehsalat zavodu açmağı planlaşdırır. Müharibənin başlanmasından bəri "Atlas Dynamics" Ukrayna qüvvələrinə ümumilikdə 300 PUA göndərib. Qeyd edək ki, bundan əvvəl Türkiyə də Ukraynada "Bayraktar" istehsal etmək üçün zavod açmağı planlaşdırır.
25-12-2022, 20:03
Akar Fransayla bağlı çıxış etdi
"Fransızların bəslədikləri ilan özlərini sancmağa başlayıb". Bunu Türkiyənin milli müdafiə naziri Hulusi Akar bildirib. O qeyd edib ki, artıq hər kəs terror təşkilatının əsl üzünü görməlidir. "Terrorçulara kömək etmək və dəstəkləməyin necə problemli olduğunu gördülər. Bunun oxşarı buradan uzaqda oldu. Harada oldu? Parisdə", - Akar deyib. Türkiyəli nazir Fransanın paytaxtı Parisdə terror təşkilatının hücumlarına da münasibət bildirib: "Müttəfiqlərimiz, bəzi dövlətlər müxtəlif səbəblərə görə PKK/YPG terror təşkilatı ilə əməkdaşlığı davam etdirir. Suriya qəbilələri gücü ancaq gücsüz və müdafiəsiz qadınlara çatan PKK/YPG terrorçularına təpki göstərdilər və bölgəni tərk etmələrini istədilər. Biz terror təşkilatına dəstək verənlər, yardım edənlər barədə açıq və qəti şəkildə xəbərdarlıq etdik. Bunların hamısının (terror aktlarının) və daha çoxunun ola biləcəyini söylədik. Bu alçaqlarla, terrorçularla əməkdaşlıq etmək olarmı? Bir terrorçu ilə başqa terrorçunun üstünə getmək olarmı? Bu mövzuda əlaqələri davam etdirir, müttəfiqlərimizə yanlışlıqlarını deyirik".
25-12-2022, 19:59
Türkiyə güləş üzrə dünya çempionatına ev sahibliyi edəcək
Gələn il Türkiyə güləş üzrə dünya çempionatına ev sahibliyi edəcək. Bu barədə Dünya Güləş Birliyi (UWW) qərar qəbul edib. On yeddi yaşadək güləşçilər arasında qitə birinciliyi iyulun 31-dən avqustun 6-dək İstanbulda təşkil olunacaq. Qeyd edək ki, böyüklər arasında dünya çempionatı Serbiyanın paytaxtı Belqradda keçiriləcək.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!