31-08-2022, 14:21
Avropa çempionatında ölkəmizi onlar təmsil edəcək
Azərbaycan Milli Paralimpiya Komitəsinin (AMPK) paracüdo idman növü üzrə milli komandasının üzvləri İtaliyanın Kalyari şəhərində keçiriləcək Avropa çempionatında iştirak edəcəklər. Butov.az xəbər verir ki, çempionatda ölkəmizin idman şərəfini 5 kişi və 2 qadın paracüdoçu qoruyacaq. Kişilərin yarışında İsmayıl Muradov (60 kq), Anar İsmayılzadə, Namiq Abaslı (hər ikisi 73 kq), Zakir Mislimov (90 kq) və İlham Zəkiyev (+90 kq) tatami üzərinə çıxacaqlar. Qadınların mübarizəsində isə Xatirə İsmiyeva və Dürsədəf Kərimova (hər ikisi +70 kq) medallar uğrunda mübarizə aparacaqlar. Eyni zamanda Kalyaridə idmançılar üçün beynəlxalq həkimlərin iştirakı ilə tibbi təsnifat da keçiriləcək. Avqustun 31-dən sentyabrın 5-dək davam edəcək yarış “Paris-2024” XVII Yay Paralimpiya Oyunlarına lisenziya xalı qazandıracaq.
31-08-2022, 14:19
Britaniyanın yeni səfiri Bakıya gəldi
Böyük Britaniyanın Azərbaycana yeni təyin olunmuş səfiri Ferqus Ould Bakıya gəlib. Bu barədə diplomat tvitter hesabında paylaşım edib. “Salam Bakı! Böyük Britaniyanın Azərbaycandakı səfiri olaraq yeni vəzifəmin icrasına başlamağı səbirsizliklə gözləyirəm”, - paylaşımda deyilir.
31-08-2022, 14:18
NASA Aya raket göndərir
Hazırda NASA-nın mühəndisləri "Voyager-1" zondu ilə bağlı problemləri həll edirlər. Aya pilotsuz uçuş çərçivəsində daşıyıcı raketin göndərilməsi sentyabrın 3-nə nəzərdə tutulub. Bu barədə NASA-nın Aya uçuş proqramının rəhbəri Maykl Sarafin bildirib. Onun sözlərinə görə, hava gəmisinin startı 3 sentyabr saat 14:17-də ABŞ-ın şərqində həyata keçiriləcək.
31-08-2022, 14:16
Mixail Qorbaçov öldü
SSRİ Kommunist Partiyası Mərkəzi Komitəsinin sonuncu Baş Katibi Mixail Qorbaçov ölüb. Bu barədə TASS agentliyi məlumat yayıb. Qorbaçov 91 yaşında vəfat edib. "Mixail Sergeyeviç Qorbaçov ağır və uzun sürən xəstəlikdən sonra bu gün axşam saatlarında vəfat edib", - deyə Rusiya Mərkəzi Klinik Xəstəxanasından bildirilib.
31-08-2022, 14:14
İraqın Baş naziri istefaya gedir
İraqın Baş naziri Mustafa Əl-Kazimi istefa verə bilər. Bu barədə o, özü mediaya açıqlamasında bildirib. Kazımi qeyd edib ki, ölkədə mürəkkəb siyasi vəziyyət davam edərsə, vəzifəsindən istefa verəcək. Baş nazir, həmçinin ölkədə baş verən iğtişaşlardan sonra kabinet iclaslarını növbəti xəbərdarlığa qədər dayandırıb. Qeyd edək ki, bir neçə gündür İraqda müxtəlif siyasi qruplar arasında qarşıdurma yaşanır. Polislə iğtişaşçılar arasında baş verən toqquşmalarda və siyasi qruplar arasındakı siyasi qarşıdurmada 20-dən artıq insan həlak olub.
31-08-2022, 14:12
Erməni terroru və “Dina”nın missiyası...
Müharibə başa çatsa da, ermənilərin Azərbaycana qarşı amansız terroru davam edir. Düşmənin hədəfi təkcə, mülki insanlar, hərbçilər deyil, həm də bütün canlılardır. Bəli, bütün canlılar...Təki, qan tökülsün, ölüm olsun – Vəhşiliyi həyat tərzi seçən erməni barbarlarının yaşam devizi məhz belədir. Bu gün bir daha şahid olduq ki, 30 illik işğaldan sonra azadlığa qovuşan torpaqlarımızın hər addımı ölüm saçır, ermənilərdən “miras” qalan mina tələləri hər an öz qurbanlarını gözləyir. Təəssüflər olsun ki, avqustun 30-da Qubadlıda baş verən mina partlayışı da qansız-qadasız ötüşmədi. Erməni terrorçularının basdırdığı növbəti minanın işə düşməsi ANAMA-nın bələdçisinin xəsarət alması, minatəmizləmə əməliyyatlarına cəlb edilən “Dina” ləqəbli Belçika malinuasının tələf olması ilə nəticələndi. ANAMA işçisinin dəhşətli hadisədən sağ-salamat çıxmasına sevinsək də, “Dina”nın ölümü hər birimizi üzdü, ürəyimizi ağrıtdı. Axı o da canlıdır! Onun da öz missiyası, öz hədəfləri vardı...Ermənilərdən fərqli olaraq, “Dina”nın missiyası insanları xilas etmək, illərlə vətən həsrətilə yaşayan keçmiş köçkünlərin öz evlərinə təhlükəsiz qayıdışına yardımçı olmaq idi...Bəlkə də, çoxlarına bu xəbər sıradan hadisə kimi gələ bilər. Lakin “Dina”nın tələf olması özlüyündə bir çox həqiqətləri üzə çıxardı. “Dina” ölümü ilə göstərdi ki, heyvan haqları bayrağına bürünərək küçələrə axışan, etiraz aksiyaları keçirən Qərb heyvansevərləri necə ikiüzlü, necə də riyakardılar. Başqa vaxtı “heyvanları öldürməyin, onlara qıymayın” deyən Qərb təşkilatları Belçika malinuasının Qarabağda faciəli ölümünü görməzdən gəldilər, sanki heç nə olmamış kimi səslərini çıxarmadılar. Budurmu Qərbin ədaləti? Bir itin ayağı sınanda, bir pişiyin dişi qırılanda Avropanı ayağa qaldıran dırnaqarası heyvansevərləri param-parça olmuş “Dina”nın ölümü qətiyyən narahat etmədi. Bəs, oxşar hadisəni ermənilər yox, azərbaycanlılar etsəydi, nə baş verərdi? Təsəvvür etmək çətin deyil. İndi yəqin ki, qalaq-qalaq bəyanatlar yayıb, Azərbaycanın haqqında olmazın iftiralarını yağdırar, sanksiya hədələrini sıraya düzərdilər. Bu azmış kimi bizə “qatil” damğasını da vursalar, təəccüblənməzdik. Bilirsiniz niyə? Çünki Qərbin demokratiya dəyərləri saxta olduğu kimi, təşkilatları da saxta və ədalətsizdir. Bunu 44 günlük Vətən müharibəsində Gəncə, Bərdə, Tərtər və digər şəhərlərimiz bombalananda, mülki insanlarımız ermənilər tərəfindən amansızlıqla qətlə yetiriləndə, şikəst ediləndə də müşahidə etmişik. Heç nə dəyişməyib, onda da Qərbin ədalət gözü görmürdü, indi də. Qubadlıdakı partlayış Qərbin dəyərsizliyini təsdiqləyən nə ilk hadisədir, nə də son. Allah bilir, bundan sonra neçə “Dina” erməni terrorunun qurbanına çevriləcək, neçəsinin parçalanmış hissələri havada uçuşacaq. Ancaq yenə susacaqlar, yenə it dedikləri bu canlının ermənilərdən fərqini sezə bilməyəcəklər. Dərk edə bilməyəcəklər ki, “Dina” və onun kimi minaaxtaran itlər bu gün müdafiə etdikləri ermənilərdən daha dəyərli və həyatcanlıdır. “Dina”nın ermənilərdən fərqi bilirsiniz nədədir? Ermənilər günahsız insanları öldürür, “Dina” xilas edir, ermənilər qan tökmək üçün yerin altında ölüm tələləri qurur, “Dina” onları üzə çıxarır və Allahın bəxş etdiyi canlıların həyatını qoruyur. Bax budur, Qubadlıda minaya düşərək tələf olan itin erməni canilərindən üstünlüyü...
31-08-2022, 14:06
Ukraynanın bərpası üçün 800 milyard dollar lazımdır
Ukraynanın bərpası üçün 800 milyard dollara qədər vəsait lazım olacaq. Bu barədə Ukrayna Prezidenti Volodimir Zelenski bildirib. "Hər şeyi bərpa etmək üçün 600-800 milyard dollara ehtiyac var”, - deyə Zelenski qeyd edib. O, həmçinin təhsil, liman, nəqliyyat və yaşayış infrastrukturunun bərpasına diqqət yetirməyi təklif edib.
31-08-2022, 14:04
Tayvan Çin PUA-sına atəş açdı
Tayvan ordusu Çinin pilotsuz uçuş aparatına xəbərdarlıq atəşi açıb. Bu barədə “Focus Taiwan” məlumat yayıb. Bildirilib ki, Şi adası zastavasının əsgərləri 30 metr hündürlükdə, təxminən 200 metr aralıda qadağan olunmuş ərazidə uçan pilotsuz uçuş aparatını aşkar ediblər. Cavab olaraq PUA-ya atəş açılıb. Qeyd edək ki, ABŞ Nümayəndələr Palatasının spikeri Nensi Pelosinin Tayvana səfərindən sonra regionda vəziyyət gərginləşib.
31-08-2022, 14:02
Ağ ev: İran Rusiyaya PUA-lar göndərib
ABŞ administrasiyası Rusiyanın İrandan “Mohajer-6” və “Shahed” tipli pilotsuz uçuş aparatları aldığını düşünür. Bunu Ağ Evin mətbuat katibi Karine Jan-Pyer deyib. “Bizim qiymətləndirməmizə görə, Rusiya avqustda bir neçə gün ərzində İrandan PUA-lar alıb", - deyə o qeyd edib. Ağ ev rəsmisinin sözlərinə görə, bu, ilkin tədarüklərdir, lakin davamı da olacaq.
31-08-2022, 14:01
Putinə qarşı çıxan sabiq deputata cinayət işi açıldı
Rusiya parlamentinin keçmiş deputatı, “Ədalətli Rusiya” siyasi partiyasının üzvü İlya Ponomaryov haqqında cinayət işi açılıb. Bu barədə TASS məlumat yayıb. Keçmiş deputat Rusiya ordusu haqqında yalan məlumat yaymaqda ittiham olunur. Hazırda Ukraynada yaşayan sabiq deputat haqqında qiyabi həbs qərarı verilib. Rusiyada axtarışda olan Ponomaryov 2014-cü ildə parlamentdə Krımın ilhaqının əleyhinə səs verən yeganə deputat olub. Bundan sonra deputat təzyiqlərə məruz qalıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!