28-10-2024, 16:28
Bayden bu gün prezident seçkisində səs verəcək
Bu gün, oktyabrın 28-də ABŞ prezidenti Co Bayden Ağ Evin dərc etdiyi cədvələ əsasən prezident seçkilərində vaxtından əvvəl səs verəcək.
Bu barədə xarici KİV məlumat yayıb.
ABŞ-da prezident seçkiləri noyabrın 5-də keçiriləcək. Bayden seçkilərdə namizəd kimi iştirakdan imtina etmişdi.
Əvəzində Demokratların namizədi vitse-prezident Kamala Harris olub.
Respublikaçılar Partiyasının namizədi keçmiş prezident Donald Trampdır.
28-10-2024, 16:12
Bakı və Abşerondakı leysanın səbəbi
Bakıda və Abşeron yarımadasında bu gün səhər saatlarından etibarən fasilələrlə yağıntılı hava şəraiti müşahidə edilib. Yarımadanın bəzi ərazilərində yağıntı leysan xarakterli və qısamüddətli olub.
Bu barədə Milli Hidrometeorologiya Xidmətinin rəisi Nazim Mahmudov açıqlama verib.
Onun sözlərinə görə payız fəslində yağıntılar adətən laylı-yağış buludlarından düşür və bu buludların üfüqi ölçüsü böyük olduğu üçün daha geniş əraziləri əhatə edir:
"Lakin topa-yağış buludları da müşahidə edilir ki, bu zaman üfüqi ölçüləri kiçik olduğundan daha məhdud ərazini əhatə edən lokal xarakterli yağıntılar yaranır. Səhər saatlarında sinoptik şəraitlə əlaqədar olaraq Bakı və Abşeron yarımadası üzərində laylı-yağış buludları ilə yanaşı, topa-yağış buludları da müşahidə edilib ki, bu da yarımadanın bəzi ərazilərində qısamüddətli leysan xarakterli yağışın yağmasına səbəb olub".
28-10-2024, 16:04
Ermənistan, ABŞ və Fransa Hindistanın əsas silah idxalçısına çevrilib
Ermənistan, ABŞ və Fransa 2023-2024-cü maliyyə ilində Hindistanın müdafiə məhsullarının ən böyük idxalçısına çevrilib.
Bu barədə “The Times of India” qəzeti öz mənbələrinə istinadən məlumat yayıb.
Məlumatlara görə, Hindistanın dövlət və özəl şirkətləri 100-ə yaxın ölkəyə geniş çeşiddə silah, sursat və komponentlər ixrac edir. Ötən il satışların həcmi 2,6 milyard dollar təşkil edib.
ABŞ-a ixrac əsasən alt sistemlərdən ibarətdir. Benefisiarlar sırasına qlobal təchizat zəncirlərinin bir hissəsi olaraq Hindistandan füzelajlar, qanadlar və digər təyyarə və vertolyot hissələri alan “Boeing” və “Lockheed Martin” kimi qlobal müdafiə nəhəngləri də daxildir.
“Fransa, öz növbəsində, böyük miqdarda proqram təminatı və elektron avadanlıq idxal edir”, - mənbə qeyd edib.
Nəşrin məlumatına görə, son dörd il ərzində Ermənistan Hindistanla raketlər, artilleriya, raket sistemləri, radarlar, zirehlər və gecəgörmə cihazları, eləcə də geniş çeşiddə döyüş sursatları və artilleriya idxalı üçün bir neçə müqavilə imzalayıb. Ermənistan Hindistan istehsalı olan “Akaş” zenit-raket komplekslərinin ilk xarici alıcısı olub.
Braziliya “Akaş” sisteminin təkmilləşdirilmiş versiyalarının birgə istehsalı və birgə hazırlanmasında maraqlı olduğunu bildirib.
28-10-2024, 15:41
Ağalının azad edilməsindən 4 il keçir - VİDEO
Şanlı Zəfər tariximizin bu günü Zəngilanın Ağalı kəndinin azad edilməsi ilə bağlıdır. 4 il öncə məhz bu gün, oktyabrın 28-də Ağalı kəndi işğaldan azad edilmiş digər yurd yerlərimizin sırasına qoşuldu. Qələbədən sonra tez bir zamanda Ağalının sakinləri öz doğma-yurd yuvalarına qovuşub, yeni evlərində yeni həyata başladılar.
Cəbrayıl, Qubadlı və Zəngilan rayonlarında Azərbaycan Respublikası Prezidentinin xüsusi nümayəndəliyi Ağalı ilə bağlı videorolik hazırlayıb. Həmin videonu təqdim edirik:
28-10-2024, 15:25
“Hizbullah” yenə İsrailə hücum etdi
Livanın “Hizbullah” qruplaşması İsrail ərazisinə növbəti zərbələr endirdiyini açıqlayıb.
Bu barədə xarici KİV məlumat yayıb.
Qeyd olunur ki, İsrailin şimal-qərbindəki Akko şəhəri yaxınlığında yerləşən hərbi-sənaye müəssisəsi pilotsuz təyyarə ilə hücuma məruz qalıb. Bundan başqa, yəhudi dövlətinin şimalında, Livanla sərhədə yaxın Kiryat Şmona şəhərinə də bir neçə raket atılıb. Hücumların nəticələri barədə məlumat verilmir.
28-10-2024, 15:12
Türkiyə ordusu şəhid verdi
Türkiyə Silahlı Qüvvələrinin Suriyanın şimalındakı Pənçə-Kilit əməliyyat bölgəsində iştirak edən hərbçisi şəhid olub.
Bu barədə Türkiyənin Milli Müdafiə Nazirliyindən bildirilib.
Qeyd olunub ki, Kander Babür adlı hərbçinin səhhəti oktyabrın 25-də pisləşib. O yerləşdirildiyi xəstəxanada bu gün şəhid olub.
28-10-2024, 15:09
Deputat adam döydü - Partiyadan qovuldu
Leyboristlər Partiyasının Runkorn və Helsbi dairələrini təmsil edən parlament üzvü Mayk Amesburi bir şəxsi yumruqla vuraraq yerə yıxdığı anların yayımlanmasından sonra partiyadan uzaqlaşdırılıb.
Həmin görüntüləri “Daily Mail” əldə edib.
Videoda M.Amesburinin yerə yıxılmış şəxsə hücumu davam etdirdiyi görünür.
Hadisədən sonra Leyboristlər Partiyası M.Amesburinin partiyaya üzvlüyünü dayandırıb və onun parlamentdə müstəqil deputat kimi fəaliyyət göstərəcəyini açıqlayıb.
Hadisə ilə bağlı Çeşir polisi araşdırma aparır.
28-10-2024, 14:32
Hərbi Prokurorluq və Daxili Qoşunlar birgə tədbir keçiriblər - FOTO
Azərbaycan xalqının Ümummilli Lideri Heydər Əliyevin birinci dəfə hakimiyyətə gəlişinin 55-ci ildönümü və ölkəmizdə 2024-cü ilin “Yaşıl dünya naminə həmrəylik ili” elan edilməsi haqqında Prezident İlham Əliyevin 2023-cü il 25 dekabr tarixli Sərəncamının icrası ilə əlaqədar Hacıqabul rayonunun və Respublika Hərbi Prokurorluğunun rəhbər vəzifəli şəxsləri və Daxili İşlər Nazirliyinin (DİN) Daxili Qoşunlarının yüksək rütbəli hərbi qulluqçuları şəxsi heyətlə birgə tədbir keçirib. Hərbi Prokurorluğun mətbuat xidmətindən bildirilib ki, tədbirdən əvvəl Ümummilli Lider Heydər Əliyevin və şəhidlərimizin əziz və unudulmaz xatirələri bir dəqiqəlik sükutla anılıb, Allahdan onlara rəhmət, qazilərə şəfa arzulanıb.
Azərbaycan Respublikası Hərbi prokurorunun böyük köməkçisi, Hərbi Prokurorluğun mətbuat xidmətinin rəhbəri, baş ədliyyə müşaviri Firad Əliyev Baş prokuror Kamran Əliyevin və Hərbi prokuror Xanlar Vəliyevin tövsiyələrini şəxsi heyətə çatdırıb.
Daha sonra Hacıqabul Rayon İcra Hakimiyyətinin başçısı Sevindik Hətəmov, Hərbi Prokurorluğun İdarə rəisi, ədliyyə polkovniki Natiq Həsənov, Lənkəran hərbi prokuroru, ədliyyə polkovniki Elşən Əliməmmədov, hərbi hissə komandiri, polkovnik Vaqif Umudəliyev, eləcə də digər şəxslər çıxış ediblər. Onlar çıxışlarında müstəqillik yolumuzu və firavan gələcəyimizi nurlandıran nəhəng tarixi şəxsiyyət Ulu Öndər Heydər Əliyevin Azərbaycanın parlaq istiqbalına hesablanmış mükəmməl siyasətini yeni müstəvidə dövrün tələblərinə uyğun şəkildə uğurla davam etdirən Prezident İlham Əliyevin rəhbərliyi ilə son 21 il müddətində ölkəmizdə görülmüş müstəsna işlərdən, həyata keçirilmiş hərtərəfli köklü islahatlardan, bütün sahələrdə qazanılmış misilsiz uğurlardan söz açıblar. Eləcə də ətraf mühitin daha da sağlamlaşdırılmasından və etibarlı qorunmasından bəhs edilib.
Habelə, ölkə rəhbərinin uğurlu xarici siyasəti sayəsində dövlətimizin beynəlxalq aləmdə durmadan artan nüfuzundan, o cümlədən noyabr ayında ölkəmizdə keçiriləcək COP29-un mahiyyəti və əhəmiyyətindən, eyni zamanda ətraf mühitin mühafizəsi haqqında qanunvericiliyin tələblərindən, hüquq və vəzifələrdən, həmçinin ekoloji qanun pozuntularından, o cümlədən ekoloji cinayətlərdən, məsuliyyətdən danışılıb.
Daha sonra hərbi qulluqçular qarşısında hüquqi maarifləndirici məzmunlu çıxışlar olub. Onları maraqlandıran suallar cavablandırılıb, eləcə də hərbçilərin qayğı və problemləri ilə maraqlanılıb.
Tədbirdən sonra ağaclar əkilib.
28-10-2024, 13:57
Ermənistanda bələdiyyə seçkilərinin vaxtı elan olundu
Ermənistanda növbəti bələdiyyə seçkilərinin vaxtı təyin olunub.
Bu barədə qərar Mərkəzi Seçki Komissiyası oktyabrın 28-də keçirilən növbədənkənar iclasında qəbul edilib.
Qərara əsasən, 2025-ci ildə yerli özünüidarə orqanlarına növbəti seçkilər üçün səsvermə günləri belə müəyyən edilib: 30 mart, 8 iyun, 5 oktyabr.
28-10-2024, 13:37
Ermənistanın dövlət borcu açıqlanıb
Ermənistanın dövlət borcu hazırda 5 trilyon dramdır.
Bunu jurnalistlərə açıqlamasında maliyyə naziri Vahe Ovannisyan deyib.
Onun sözlərinə görə, 2024-cü ilin sonunda dövlət borcunun ÜDM-ə nisbəti 49,8% olacaq. 2025-ci ilin sonuna bu, 53,5% gözlənilir.
“Dövlət borcunun mütləq səviyyəsi vacib deyil, onu ÜDM-lə müqayisə etmək vacibdir. Dövlət borcu müxtəlif ehtiyaclardan asılı olaraq arta və azala bilər”, - nazir deyib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!