31-10-2024, 12:04
Bu tarixdə metroya yeni qatarlar buraxılacaq
Daha 2 qatarın xәttә buraxılması noyabrın 8-nә qәdәr tәmin edilәcәk.
Bu barədə Prezident İlham Əliyev oktyabrın 31-də “Bakı Metropoliteni” Qapalı Səhmdar Cəmiyyətinin (QSC) Bakıda komplektləşdirilən yeni nəsil metro qatarları ilə tanış olarkən məlumat verilib.
Bildirilib ki, yeni qatarlar nәzәrә alınmaqla, Bakı metropoliteninin vaqon parkında innovasiyalar baxımından sonuncu nәslә mәnsub vaqonların ümumi sayı 150-yә çatdırılıb.
31-10-2024, 11:59
Prezident yeni nəsil metro qatarları ilə tanış oldu - FOTO
Azərbaycan Respublikasının Prezidenti İlham Əliyev oktyabrın 31-də "Bakı Metropoliteni" QSC-nin Bakıda komplektləşdirilən yeni nəsil metro qatarları ilə tanış olub.
Məlumatı Prezidentin Mətbuat Xidməti yayıb.
Rəqəmsal inkişaf və nəqliyyat naziri Rəşad Nəbiyev və “Bakı Metropoliteni” Qapalı Səhmdar Cəmiyyətinin sədri Zaur Hüseynov dövlətimizin başçısına qatarlar barədə məlumat verdilər.
Bildirildi ki, “Qlobalnıye Transportnıye Reşeniya” MMC ilә “Bakı Metropoliteni” QSC arasında bağlanmış müqavilәyә әsasәn, 2024-2026-cı illәr әrzindә 65 yeni vaqonun (13 qatar tәrkibi) istehsal edilәrәk Bakı metropoliteninә gәtirilmәsi nәzәrdә tutulub. Hәmin müqavilәyә uyğun olaraq, 2024-cü ildә 35 (7 qatar tәrkibi), 2025-ci ildә 20 (4 qatar tәrkibi), 2026-cı ildә isә 10 vaqon (2 qatar tәrkibi) istehsal edilməlidir.
Diqqətə çatdırıldı ki, “81-765 Б/766 Б” seriyalı qatar tәrkibi innovasiyalar baxımından 4-cü nәsilә mәnsubdur. Vaqonlar “Bakı Metropoliteni” QSC-nin texniki şәrtlәrinә uyğun istehsal olunub vә yığılaraq komplektlәşdirilmәsi Bakı metropolitenindә tәşkil edilir. Vaqonların yığılması prosesi digәr metropolitenlәr üçün nәzәrdә tutulmuş standart layihә әsasında deyil, Avropanın әn yüksәk texnoloji tәlәblәrә cavab verәn aparıcı istehsalçılarının avadanlıq vә sistemlәri ilә aparılır. Bakı metropoliteninin mürәkkәb relyefi, texniki xüsusiyyәtlәri, paytaxtın iqlimi, geoloji şәraiti nәzәrә alınmaqla avadanlıqların istismar müddәtindә yüksәk tәhlükәsizlik tәlәblәrinә cavab vermәsinə, etibarlılığına, uzunömürlülüyünə, istehsal zәmanәtinə, sәmәrәliliyinə vә digәr üstünlüklәrinә diqqәt yetirilib. Bu xüsusda, Avropa istehsalçıları ilә 9 müqavilә imzalanaraq avadanlıqların birbaşa Bakıya gәtirilmәsi tәmin edilib. Nәticәdә, vaqonların yüksәk keyfiyyәt standartları tәmin edilmәklә yığılmasının Bakıda tamamlanaraq xәttә buraxılması nәzәrdә tutulub.
Vaqonların Bakıda yığılaraq komplektlәşdirilmәsi, sazlama, hәmçinin sınaq işlәrinin aparılması mәqsәdilә Bakı metropoliteninә istehsalçı şirkәtin 54 nәfәrdәn ibarәt heyәti ezam edilib. Yeni nәsil qatarların hәr birinin baş vaqonları 315, orta vaqonları 329 sәrnişin üçün hesablanıb. Baş vaqonlarda 38, orta vaqonlarda 44 oturacaq var. Vaqonların qapıları 1400 mm olmaqla әvvәlki nәsil vaqonlarla müqayisәdә 12 faiz daha genişdir. Qatarlarda әlil arabaları, iri yüklәr vә uşaq arabaları üçün çoxfunksiyalı zonalar, mikroiqlim nәzarәti, videomüşahidә, interaktiv sәrnişin mәlumatlandırma sistemlәri, mobil cihazlar üçün USB portlar, orijinal işıq qrafikası mövcuddur. Vaqonlar hermetik olduğuna görə sәs-küysüzdür vә istilik izolyasiyasına malikdir. Әvvәlki nәsil qatarlarla müqayisәdә vaqondan-vaqona birbaşa keçidlәr sәrnişinlәrin qatar boyunca hәrәkәtini tәmin edir. Bakıya gәtirilmiş 7 qatardan 5-nin yığılaraq komplektlәşdirilmәsi, sazlanması və sınaq işlәri başa çatdırılıb. Daha 2 qatarın xәttә buraxılması noyabrın 8-nә qәdәr tәmin edilәcәk.
Dövlətimizin başçısı Bakıda komplektləşdirilən qatarların vaqonlarına baxdı.
Qeyd edildi ki, yeni qatarlar nәzәrә alınmaqla, Bakı metropoliteninin vaqon parkında innovasiyalar baxımından sonuncu nәslә mәnsub vaqonların ümumi sayı 150-yә çatdırılıb.
31-10-2024, 11:55
Gələn il buraxılış imtahanlarında 46 şəhid övladı iştirak edəcək
2025-2026-ci il buraxılış imtahanlarında 46 şəhid övladı iştirak edəcək.
Bunu Dövlət İmtahan Mərkəzinin İdarə Heyətinin sədri Məleykə Abbaszadə Vətən müharibəsində şəhid olan şəxslərin məktəbli övladları ilə görüşündə deyib.
“DİM onların təhsil sahəsində bütün ehtiyaclarını qarşılamağa və daim dəstək olmağa hazırdır”, - o qeyd edib.
M.Abbaszadə şəhid övladlarının təhsilinin daim diqqət mərkəzində olduğunu bildirib:
"Bu görüş nə ilk, nə də son olacaq. Belə tədbir və görüşləri təşkil etməyə davam edəcəyik. Şəhid övladlarının təhsil sahəsində ehtiyacı olan hər cür yardımı göstərməyə hazırıq. Amma burada sizlərin də üzərinizə məsuliyyət düşür. Sınaq imtahanları təşkil ediləcək, amma iştirak edib-etməmək sizin qərarınızdır. Çalışın daim öyrənin, inkişaf edin".
31-10-2024, 11:44
Prezident daha iki səfiri qəbul etdi
Azərbaycan Respublikasının Prezidenti İlham Əliyev oktyabrın 31-də Banqladeş Xalq Respublikasının ölkəmizdə yeni təyin olunmuş fövqəladə və səlahiyyətli səfiri Amanul Haqın etimadnaməsini qəbul edib.
Bu barədə Prezidentin Mətbuat Xidməti məlumat yayıb.
Prezident İlham Əliyev, həmçinin oktyabrın 31-də Ruanda Respublikasının ölkəmizdə yeni təyin olunmuş fövqəladə və səlahiyyətli səfiri Çarlz Kayonqanın etimadnaməsini qəbul edib.
31-10-2024, 11:43
Sülh müqaviləsinin daha 1-2 bəndində razılığa gələ biləcəyik - Nazir
"Sülh müqaviləsi layihəsində daha 1-2 tənzimləmə var, onların üzərində iş davam etdiriləcək".
Bunu Ermənistanın xarici işlər naziri Ararat Mirzoyan parlamentdə 2025-ci il dövlət büdcəsi layihəsinin müzakirəsi zamanı bildirib.
Onun sözlərinə görə, bu, normal danışıqlar prosesidir.
“Bu yaxınlarda məni parlamentdə tez-tez ehtiyatlı nikbinlik ifadə etməkdə günahlandırdılar. Lakin mən ehtiyatlı nikbinliyimi bir daha ifadə etməliyəm ki, yaxın gələcəkdə biz sənədin mətninin bir və ya iki mətnində də razılığa gələ biləcəyik. Ondan sonra saziş imzalanmağa hazır olacaq”, - XİN rəhbəri bildirib.
Bundan əvvəl Azərbaycan və Ermənistan tərəfi dəfələrlə bildirib ki, sülh müqaviləsi layihəsinin 80 faizi razılaşdırılıb.
31-10-2024, 11:41
COP29 zolaqlarına girənləri bu cərimələr gözləyir
Bakının bir sıra küçələrində təşkil edilmiş COP29 zolaqlarından sabahdan minik avtomobilləri ilə hərəkət etməyə icazə verilməyəcək.
Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyinin (AYNA) bununla bağlı oktyabrın 15-də verdiyi icazənin müddəti bu gün başa çatır.
COP29 zolaqlarına daxil olan sürücülər 100 manat cərimə ediləcək, eləcə də onlara 3 bal yazılacaq.
31-10-2024, 11:36
Mirzoyan Ermənistanın COP29-da iştirakını istisna etmədi
Ermənistanın xarici işlər naziri Ararat Mirzoyan bildirib ki, bu gün parlament komissiyalarında 2025-ci il büdcəsinin müzakirəsi zamanı o, Bakıda keçiriləcək COP29 konfransında mümkün iştirak məsələsinə də toxunacaq. Jurnalistlərə açıqlamasında nazir deyib:
“Mən bu məsələyə də toxunacağam. Çox güman ki, COP29 konfransında iştirakla bağlı suallar olacaq”.
Mirzoyan "Sputnik Ermənistan"ın Bakıda COP29-a səfərlə bağlı qərarın olub-olmaması ilə bağlı sualını cavablandırarkən "hələlik yox" deyib:
“Dəvət almışıq, lakin bu məsələ ilə bağlı heç bir rəsmi reaksiya və ya münasibət bildirməmişik”, - deyə o bildirib.
Mirzoyan Ermənistanın sammitdə iştirakını istisna etməyib.
"Ancaq biz nədən danışdığımızı başa düşməliyik", - o deyib.
Ermənistan hakimiyyəti bundan əvvəl BMT-nin Azərbaycanda keçiriləcək böyük tədbirində iştirak etmək üçün dəvət alıb. Ermənistanın baş naziri Nikol Paşinyan bildirib ki, bu tədbirdə iştirakla bağlı hələ də qərar yoxdur. Öz növbəsində, Baş Nazir Aparatının rəhbəri Arayik Arutyunyan qeyd edib ki, Bakıya getmək qərarına sülh müqaviləsi çərçivəsində ciddi irəliləyişlər də daxil olmaqla, bir çox hallar təsir edə bilər.
Qeyd edək ki, noyabrın 11-22 aralığında Bakıda COP29 konfransı keçiriləcək.
31-10-2024, 11:30
Azərbaycana təkliflər vermişik - Mirzoyan
Xarici siyasət idarəsinin rəhbəri qeyd edib ki, Yerevan razılığın əldə oluna biləcəyi bütün sahələrdə Bakı ilə əməkdaşlığı davam etdirəcək.
Azərbaycan Ermənistanın regionda nəqliyyat kommunikasiyalarının açılması ilə bağlı təkliflərini yarı-rəsmi olaraq alqışlayıb.
Bu barədə cümə axşamı Ermənistanın xarici işlər naziri Ararat Mirzoyan parlament komissiyalarının birgə iclasında ölkənin 2025-ci il büdcə layihəsinin müzakirəsi zamanı bildirib.
“Biz Azərbaycan tərəfinə təkliflər çatdırmışıq, bu təkliflər yarı-rəsmi müsbət qarşılanıb, burada da müəyyən müsbət ab-havanın formalaşdığını göstərmək üçün deyirəm”, - deyə Mirzoyan bildirib.
Yaxın vaxtlarda İrəvan Azərbaycan tərəfi ilə həm kommunikasiyaların blokdan açılması məsələsində, həm də hazırkı mərhələdə razılığın əldə oluna biləcəyi digər sahələrdə işi davam etdirəcək.
Eyni zamanda, Mirzoyan qeyd edib ki, infrastrukturlar suverenlik çərçivəsində fəaliyyət göstərməli və ərazisində yerləşdiyi ölkənin qanunları əsasında fəaliyyət göstərməlidir.
“Bundan əlavə, hər şey qarşılıqlılıq və bərabərlik prinsipi əsasında aparılmalıdır”.
Xatırladaq ki, Ermənistan, Rusiya və Azərbaycan baş nazirlərinin müavinləri Mher Qriqoryan, Aleksey Overçuk və Şahin Mustafayevin həmsədrliyi ilə regionda kommunikasiyaların açılması üzrə üçtərəfli işçi qrupunun sonuncu iclası 2 iyun 2023-cü il tarixində baş tutub.
31-10-2024, 11:20
Yeni səfir etimadnaməsini prezidentə təqdim etdi - FOTO
Azərbaycan Prezidenti İlham Əliyev Albaniya Respublikasının ölkəmizdə yeni təyin olunmuş fövqəladə və səlahiyyətli səfiri Besart Kadianın etimadnaməsini qəbul edib.
Bu barədə Prezidentin Mətbuat Xidməti məlumat yayıb.
Səfir etimadnaməsini dövlət başçısına təqdim edib.
Prezident İlham Əliyev səfirlə söhbət edib.
Dövlət başçısı ölkələr arasında ikitərəfli münasibətlərin uğurla inkişaf etdiyini vurğulayaraq, Azərbaycan və Albaniya prezidentlərinin qarşılıqlı səfərlərinin və Albaniyanın Baş nazirinin ölkəyə səfərinin əlaqələrimizin möhkəmləndirilməsi işinə töhfə verdiyini bildirib.
Azərbaycan Prezidenti Albaniyanın Baş nazirinin bir neçə gündən sonra COP29-da iştirak edəcəyini də vurğulayaraq, bütün bunların ölkələr arasında yaxın tərəfdaşlıq əlaqələrini nümayiş etdirdiyini deyib.
Ölkələrin beynəlxalq səviyyədə bir-birini həmişə dəstəklədiyini qeyd edən Prezident İlham Əliyev Azərbaycanın təmsil olunmadığı beynəlxalq təşkilatlarda Albaniya hökumətinin mövqeyimizi dəstəkləməsini yüksək qiymətləndirib.
Səfir Albaniyanın Baş naziri Edi Ramanın salamlarını dövlət başçısına çatdırıb.
Prezident İlham Əliyev salamlara görə minnətdarlığını bildirib, onun da salamlarını Albaniyanın Baş nazirinə çatdırmağı xahiş edib.
Besart Kadia Azərbaycanda səfir kimi fəaliyyətə başlamaqdan məmnunluğunu bildirərək, ölkələr və xalqlar arasında dostluğun və mədəni əlaqələrin önəminə toxunub.
Diplomat Albaniyanın Azərbaycanın ərazi bütövlüyünə dəstəyini bir daha ifadə edib.
COP29 tədbirinin əhəmiyyətini vurğulayan səfir bu cür genişmiqyaslı tədbirlə bağlı Azərbaycanda həyata keçirilən hazırlıq işlərinin dərin təəssürat hissi yaratdığını deyib.
Söhbət zamanı iqtisadi əməkdaşlığın enerji, nəqliyyat, ticarət, turizm və digər sahələri əhatə etməsindən məmnunluq ifadə olunub, əlaqələrin bundan sonra da möhkəmlənəcəyinə ümidvarlıq bildirilib.
30-10-2024, 23:52
Lənkəranda torpaq sürüşməsi: evlər üçün təhlükə yarandı - VİDEO
Lənkəranda intensiv yağışlar torpaq sürüşməsinə səbəb olub, 10-a yaxın ailənin yaşadığı evlər üçün təhlükəli vəziyyət yaranıb.
Rayonun Vilvan kəndində sel suları sakinlərin təsərrüfatlarına da xeyli ziyan vurub.
Veravulçayın daşması nəticəsində meyvə bağlarını, parnikləri sel aparıb.
Çaya sel gələndən sonra təqribən 15-20 metr məsafədə torpaq qatı sürüşüb. Bəzi sahələrdə ümumilikdə 100 sota yaxın torpaq tamamilə itirilib.
Ərazidə yaranmış vəziyyətlə bağlı Lənkəran rayon Su Meliorasiya İdarəsi tərəfindən həyətyanı sahələrə baxış keçirilib, əraziyə ağır texnikalar cəlb olunub.
Qeyd edək ki, bu günə kimi Veravulçayın Vilvan və Veravul kəndlərindən keçən hissəsinin sağ və sol sahilində 2800 paqonometr uzunluğunda betondan mühafizə divarı tikilib.
Daha ətraflı videomaterialı təqdim edirik:
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!