23-07-2024, 18:11
Mühafizəçiyə balta atan Ağadadaş Ağayev danışdı
Xalq artisti Ağadadaş Ağayev törətdiyi insidentdən danışıb.
APA TV-yə açıqlama verən A.Ağayev bildirib ki, bu, böyüdüləcək bir hadisə deyil.
"Hər şey yolundadır, bəlkə axşam canlı yayım açdım. Orada açıqlama verəcəyəm", - deyə Xalq artisti bildirib.
DİN-in Mətbuat xidmətindən bildirilib ki, iyulun 22-də Bakı şəhər sakini olan N.Cəlilov ərizə ilə polisə müraciət edərək həmin gün saat 07 radələrində gözətçi işlədiyi özəl tibb müəssisələrindən birində olan zaman paytaxt sakini Ağadadaş Ağayevin xuliqanlıq zəminində onu söyərək təhqir etdiyini, əlindəki balta ilə onu hədələdiyini bildirib.
N.Cəlilov daha sonra izahatında A.Ağayevin baltanı ona tərəf atan zaman orada çalışan N.Paşayevanın ayaq nahiyəsinə dəydiyini və xəsarət yetirdiyini də qeyd edib.
Faktla bağlı Binəqədi Rayon Polis İdarəsinin araşdırmalara başlanılıb.
23-07-2024, 17:45
Professoru evində qətlə yetirdilər - Meyiti eyvanda tapıldı
Özbəkistanın paytaxtı Daşkəndin Almazar rayonunda yaşayan 73 yaşlı sosioloq, professor Əbdüləxət Kaxhorov evində qətlə yetirilib.
Hadisənin təfərrüatları barədə "Kun.uz"a ölkənin Baş Prokurorluğunun mətbuat katibi Xaet Şamsutdinov məlumat verib.
Onun sözlərinə görə, iyulun 18-də saat 22:00 radələrində professorun qonşuları polisə zəng edərək Abdulaxət Kaxhorovun evində səs-küy eşidildiyini bildiriblər. Bununla əlaqədar olaraq hadisə yerinə əməliyyat-istintaq qrupu gəlib.
Əməkdaşlar mənzilə daxil olan zaman balkonda professor Kaxhorovun meyitini aşkar ediblər. O, aldığı çoxsaylı bıçaq xəsarətləri nəticəsində qan itkisindən dünyasını dəyişib.
İyulun 19-da Almazar rayon prokurorluğu cinayət işi açıb. Şübhəli şəxs prosessual qaydada saxlanılıb. Cinayətin səbəbləri müəyyənləşdirilir.
23-07-2024, 17:31
Vahid kart: Tələbələr bu imtiyazlardan istifadə edə biləcək
Azərbaycanda vahid tələbə kartının istifadəyə verilməsi planlaşdırılır. Kartların gələn tədris ilindən istifadəsi nəzərdə tutulub. Rəsmi açıqlamada deyilir ki, sözügedən kart sayəsində tələbələr müəyyən endirimlərdən yararlana biləcəklər.
“Yeni tədris ilində biz ali təhsil müəssisələri ilə danışıb razılığa gəlmişik. Vahid tələbə kartı ilə bağlı həm ödəmə sistemi, həm giriş kartı, həm nəqliyyat, kəşbək sistemi və s. kimi müxtəlif endirimlər tətbiq ediləcək”, – deyə Elm və Təhsil Nazirliyinin nümayəndəsi Elnur Nəsibov bildirib.
Təhsil üzrə ekspert Elnur Aydın Modern.az-a açıqlamasında bildirib ki, vahid tələbə kartı nəqliyyatda, müəyyən iaşə obyektlərində güzəştli imtiyazlar verən kart sistemidir: "Həmçinin, alış-veriş zamanı karta keşbeklər gələcək. Bu dünya praktikasında da çox yayılmış sistemdir. Kart sistemi mərhələli şəkildə olacaq və bütün bakalavr tələbələrinə aid edilməsi nəzərdə tutulub. Tələbərin nəqliyyat xərclərində vahid kart sistemində güzəştlər nəzərdə tutulub".
Qeyd edək ki, bir çox ölkələrdə istifadə edilən tələbə kartlarının aşağıdakı üstünlükləri var:
- İctimai nəqliyyatda (metro, avtobus, dəmiryolu, gəmi və sair) endirim təmin edir.
- İdman mərkəzləri, kinoteatrlar, teatrlar və əyləncə mərkəzlərində tələbələrə endirim təklif edilir.
- Muzey və mədəni tədbirlərdə endirimli və ya pulsuz giriş hüququ verir.
- Bəzi restoranlar və marketlərdə tələbələrə endirim təklif edir.
- Tələbə kartı ilə kitabxanalarda kitablar ala bilər, bəzi elektron resurslara (məsələn elektron kitabxanalar) daxil olaraq endirimlə və ya pulsuz istifadə etmə imkanı əldə edə bilərlər.
- Bəzi şirkətlər və müəssisələr tələbə kartı daşıyanlara təcrübə müddətində imtiyazlar təklif edə bilər.
Bu üstünlüklər ölkə və təhsil müəssisələrinin siyasətinə və tərəfdaşlıq proqramlarına bağlı olaraq dəyişə bilər. Tələbələr üçün vahid tələbə kartlarının əsas məqsədi təhsil və tədqiqat prosesini dəstəkləməkdir.
Nazirliyin rəsmi nümayəndəsi Elnur Nəsibov bildirib ki, vahid tələbə kartının yaradılması ilə bağlı hazırlıqlar davam edir:
“Kartın yaradılması barədə qərar qəbul olunmuşdu. Vahid kart vasitəsi ilə ödənişləri həyata keçirtmək, universitetə girişi təmin etmək, müxtəlif kampaniya və güzəştlərin həyata keçirilməsi mümkün olacaq. 1000-ə yaxın şirkətlərin siyahısı var, onlar tələbərin sosial vəziyyətini nəzərə alaraq endirimlər etməyə hazır olduqlarını bildiriblər. Bu barədə tədris ilinin əvvəllərində məlumat verəcəyik. Digər sahələrdə də dövlət tərəfindən müəyyən olmuş tariflər üçün razılaşma tələbi irəli sürülüb. Bu ilki addımın daha da inkişafı üçün Təhsilin İnkişaf Fondu universitetlərlə və özəl sektorlarun tərəfdaşları ilə birgə işləyirik. Təhsilin pilləsindən asılı olmayaraq tələbə adını daşıyan bütün şəxslərə aid olacaqdır", - o qeyd edib.
Təhsilin İnkişafı Fondunun İctimaiyyətlə əlaqələr üzrə aparıcı mütəxəssisi Nərgiz Qədirova isə deyir ki, kart ölkə üzrə bütün universitetlərin tələbələri üçün nəzərdə tutulub: "Buraya əyani, qiyabi, ödənişli və ödənişsiz əsaslarla təhsil alan tələbələr daxildir. Layihənin ilkin mərhələdə Elm və Təhsil Nazirliyinin tabeliyində olan ali təhsil müəssisələrində tətbiq olunması nəzərdə tutulur. Daha sonra isə digər dövlət və özəl universitetlər könüllü şəkildə layihəyə qoşula bilərlər".
Onun sözlərinə görə, kart eyni anda bir neçə funksiyanı yerinə yetirəcək. "Həm universitetə giriş-çıxışı təmin edəcək, həm debet bank kartı kimi fəaliyyət göstərəcək, həm də tələbələrin təqaüd kartı olacaq. Tələbələr bütün bank əməliyyatlarını bu kart vasitəsilə rahat şəkildə yerinə yetirə biləcəklər”, - o, "Kaspi" qəzetinə açıqlamasında bildirib.
N.Qədirova ictimai nəqliyyatda tətbiq olunacaq güzəştlərlə bağlı suala cavab olaraq bildirib ki, bu barədə də işlər həyata keçirilir: “Hazırda nəqliyyatla bağlı konkret təklif və ya addım yoxdur. Amma biz artıq işlərə başlamışıq, müəyyən qurumlarla görüşlər keçirmişik. Bu istiqamətdə endirimlərin, güzəştlərin əldə olunmasına cəhd edirik. Tələbələrin əsas problemlərindən biri ictimai nəqliyyat olduğu üçün bu istiqamətdə də fond olaraq çalışırıq”.
23-07-2024, 13:05
Fikrət Məmmədovun qızı YAP-ın namizədlər siyahısında - FOTO
1 sentyabrda keçiriləcək növbədənkənar parlament seçkilərində Yeni Azərbaycan Partiyasının (YAP) namizədləri siyahısında keçmiş deputat və məmur övladlarının da adı yer alıb.
YAP-ın 48 saylı Abşeron birinci Seçki Dairəsindən namizədliyini irəli sürdüyü Nigar Məmmədova sabiq ədliyyə naziri Fikrət Məmmədovun qızıdır.
YAP tərəfindən namizədliyi irəli sürülmüş Nigar Məmmədova Əmək və Əhalinin Sosial Müdafiəsi Nazirliyinin tabeliyində “DOST İnklüziv İnkişaf və Yaradıcılıq Mərkəzi” Məhdud Məsuliyyətli Cəmiyyətinin sədridir.
23-07-2024, 12:57
Abşeronda kişi arvadını pəncərədən atdı - Qadın öldü
Qəsdən adam öldürməyə cəhd etməkdə şübhəli bilinən şəxs tutulub.
Abşeron Rayon Prokurorluğundan verilən məlumata görə, iyulun 23-ü saat 7 radələrində 2002-ci il təvəllüdlü Ayşən Kazımovanın Abşeron rayonu Xırdalan şəhəri ərazisində çoxmərtəbəli binadan yıxılması barədə rayon prokurorluğuna məlumat daxil olub.
Araşdırma zamanı 2002-ci təvəllüdlü Hüseyn Kazımovun aralarında yaranmış mübahisə zamanı arvadı Ayşən Kazımovanı yaşadıqları mənzilin pəncərəsindən yerə atması nəticəsində sonuncunun çoxsaylı bədən xəsarətləri almasına əsaslı şübhələr müəyyən edilib.
Ayşən Kazımova xəstəxanaya yerləşdirilib, vəziyyəti hazırda ağır qiymətləndirilir.
Faktla bağlı Abşeron Rayon Prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanıb. Hüseyn Kazımov iş üzrə şübhəli şəxs qismində tutulub.
Cinayət işi üzrə ibtidai istintaq davam etdirilir.
23-07-2024, 12:40
Azərbaycan gömrüyündə bəyanetmə qaydaları dəyişdi
Nazirlər Kabineti 22 iyul 2014-cü il tarixli qərarı ilə təsdiq edilmiş “Gömrük sərhədindən keçirilən malların və nəqliyyat vasitələrinin bəyan edilməsi Qaydaları”nda dəyişiklik edib.
Bununla bağlı Baş nazir Əli Əsədov yeni qərar imzalayıb.
Qərara əsasən, gömrük orqanlarının malların buraxılışı həyata keçirildikdən sonra gömrük bəyannaməsində düzəlişlər etməsinə və yaxud onu geri götürməsinə icazə verilən halların sayı artırılıb. Siyahiya aşağıdakı hallar da əlavə edilib:
- malların buraxılışı həyata keçirildikdən sonra 3 il müddətində bəyannaməçi malları müvafiq gömrük proseduru altında yerləşdirməsi ilə əlaqədar öhdəliklərini yerinə yetirməli olduqda;
- Gömrük Məcəlləsinin 46-cı fəslinə uyğun olaraq gömrük borcu üzrə ödənilmiş gömrük ödənişlərinin qaytarılması barədə gömrük orqanının qərarı olduqda;
- bu Qaydaların 14.10-cu bəndində göstərilmiş hal istisna olmaqla, aparılmış gömrük auditi nəticəsində gömrük bəyannaməsində qeyd olunan məlumatlarda düzəliş edilməli olduqda;
- yuxarı gömrük orqanının və ya məhkəmənin qanuni qüvvəyə minmiş qərarı olduqda.
23-07-2024, 12:32
Sabahın hava proqnozu
İyulun 24-də Azərbaycanda hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.
Bu barədə Milli Hidrometeorologiya Xidmətindən məlumat verilib.
Bildirilib ki, sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin axşama doğru bəzi yerlərdə arabir yağış yağacağı, şimşək çaxacağı, gecəyə doğru yarımadanın bəzi yerlərində intensivləşəcəyi ehtimalı var. Mülayim cənub-qərb küləyi gündüz şimal-qərb küləyi ilə əvəz olunacaq.
Havanın temperaturu gecə 21-26° isti, gündüz 30-35° isti olacaq. Atmosfer təzyiqi normadan aşağı 751 mm civə sütunu olacaq. Nisbi rütubət 60-70 % olacaq.
Azərbaycanın rayonlarında dağlıq ərazilərdən başlayaraq bəzi yerlərdə arabir yağış yağacağı, şimşək çaxacağı gözlənilir. Ayrı-ayrı yerlərdə leysan xarakterli intensiv olacağı, dolu düşəcəyi ehtimalı var. Gecə və səhər bəzi yerlərdə zəif duman olacaq. Mülayim şərq küləyi gündüz bəzi yerlərdə arabir güclənəcək.
Havanın temperaturu gecə 21-26° isti, gündüz 33-38° isti, dağlarda gecə 14-19° isti, gündüz 20-25° isti olacaq.
23-07-2024, 12:28
Xırdalanda 22 yaşlı qadını binadan atdılar - Əri tutuldu
Abşeron rayonunun Xırdalan şəhərində 22 yaşlı qadın binadan atılıb.
Bu barədə Abşeron Rayon Prokurorluğu məlumat yayıb.
Məlumatda deyilir ki, bu gün saat 07 radələrində 2002-ci il təvəllüdlü Ayşən Kazımovanın Abşeron rayonu Xırdalan şəhəri ərazisində hündürmərtəbəli binadan yıxılması barədə rayon prokurorluğuna məlumat daxil olub.
Araşdırma zamanı 2002-ci il təvəllüdlü Hüseyn Kazımovun aralarında yaranmış mübahisə zamanı arvadı Ayşən Kazımovanı yaşadıqları mənzilin pəncərəsindən yerə atması nəticəsində sonuncunun çoxsaylı bədən xəsarətləri almasına əsaslı şübhələr müəyyən edilib. Ayşən Kazımova xəstəxanaya yerləşdirilib, vəziyyəti hazırda ağır qiymətləndirilir.
Faktla bağlı Abşeron rayon prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsilə cinayət işi başlanıb. Hüseyn Kazımov iş üzrə şübhəli şəxs qismində tutulub.
Cinayət işi üzrə ibtidai istintaq davam etdirilir.
23-07-2024, 12:23
İranın yeni prezidenti Nazirlər Kabinetini qura bilmir - Pezeşkian gileyləndi
İyulun 30-da andiçmə mərasimi keçiriləcək İranın yeni prezidenti Məsud Pezeşkian quracağı hökumətin tərkibini müəyyənləşdirməkdə çətinlik çəkir.
Bu barədə Pezeşkian özünün seçki qərargahının üzvlərilə keçirdiyi görüşdə bildirib.
Yeni prezident kimi ilk addımının milli birlik kabinetini seçmək olduğunu bəyan edən Pezeşkian deyib ki, bu çox çətin məsələdir:
“Biz elə bir kabinet formalaşdırmalıyıq ki, ora vicdanlı, təcrübəli və bilikli insanlar seçilsin və onlar ali rəhbərin ümumi siyasətinə uyğun hərəkət etsinlər”.
Yeni prezident deyib ki, üzərində çox ağır yük hiss edir:
"İnsanların mənimlə bağlı coşğusunu görəndə çiynimdə ağır yük hiss edirəm. Bu yükü daşımaq çətindir. Problemlərdən biri də odur ki, hamı mənimlə görüşmək istəyir. Mən hər kəsə necə cavab verim?".
Məsud Pezeşkian bildirib ki, o, prezident seçiləndən sonra dəyişməyib: “Mən əvvəlki adamam. Çox adam gileylənir ki, sən özünü itirmisən”.
Prezidentin sözlərinə görə, məmur komandasını müəyyənləşdirməkdə də çətinlik çəkir:
"Məmur seçmək mənim üçün problemə çevrilib. Hər kəsə deyirəm ki, bir adamı təqdim edin, hər kəs özünü təqdim edir... Kim mövqe tutmaq istəyirsə, biz hamı ilə bir prinsipdə razılaşacağıq: vətəndaş razı salınmalıdır, əksi qəbuledilməzdir. İnsanların məmnunluğu bizim idarəçiliyin göstəricisi olmalıdır”.
Qeyd edək ki, Məsud Pezeşkian iyulun 30-da and içəcək, sonra bir həftə ərzində yeni hökumətin tərkibimi parlamentin müzakirəsinə verəcək.
23-07-2024, 11:53
Rusiya 16 erməni şirkətinin meyvə-tərəvəz ixracına qadağa qoydu
Rusiyanın “Rosselxoznadzor” qurumu 16 erməni şirkətinə Rusiya bazarına meyvə-tərəvəz ixracına qadağa qoyub.
Bu barədə Ermənistan Qida Təhlükəsizliyi Müfəttişliyinin məlumatında bildirilib.
Qərar iyulun 15-dən qüvvəyə minib.
Xatırladaq ki, iyulun 17-də Rusiyanın Baytarlıq və Fitosanitar Nəzarəti Federal Xidməti (“Rosselxoznadzor”) Ermənistandan Rusiyaya ixrac edilən meyvə-tərəvəzin aprel-iyun partiyalarında pozuntular qeydə aldığını bildirmişdi.
Rusiya tərəfinin bildirdiyinə görə, onlar bir ay əvvəl problemlə bağlı məlumat veriblər. Ermənistanın Qida Təhlükəsizliyi Müfəttişliyi isə belə bir məktubu iyulun 17-də, yəni qadağanın tətbiqindən 2 gün sonra aldığını qeyd edir. Yükləri problemli olan təsərrüfat subyektlərinə dərhal məlumat verilib və onlar nəzarət tədbirlərinə, xüsusən də Ermənistan-Rusiya strukturları arasında danışıqlara başlayıblar.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!