7-07-2024, 22:22
Fransa seçkiləri: Solçular birinci, Makron ikinci yerdədir
Bu gün Fransa parlamentinin aşağı palatasına seçkilər keçirilib.
Günün sonuna qədər seçici fəallığı 67,1% təşkil edib.
Sonuncu seçki məntəqələri yerli vaxtla saat 20:00-da bağlanıb. Seçici fəallığı birinci turun göstəricisini üstələyib, bu, 1997-ci ildən bu yana rekord göstəricidir. Qeyd edək ki, iyunun 30-da keçirilən birinci turda seçicilərin 66,71 faizi seçki məntəqələrinə gedib.
BFMTV bildirib ki, parlament seçkilərində siyasi blokların heç biri mütləq səs çoxluğu əldə edə bilməyib. İlkin nəticələrə görə, solçu Yeni Xalq Cəbhəsi seçkilərdə liderlik edir.
Fransa prezidenti Emmanuel Makronun koalisiyası ikinci, Marin Le Penin partiyası isə üçüncü yerdədir
Yekun nəticələr iyulun 8-i səhər elan olunacaq.
Kanal qeyd edir ki, Makron ölkədə parlament seçkiləri başa çatdıqdan sonra xalqa müraciət edə bilər
7-07-2024, 21:41
Xəzər sahilində kütləvi ölü balıqlar aşkarlandı
Xəzər dənizinin Azərbaycan sahillərində kütləvi halda ölü balıqlar görünüb.
Bu barədə görüntülər sosial şəbəkələrdə paylaşılıb.
Hövsan və Türkan qəsəbələrində çəkildiyi iddia kadrlarda çoxlu sayda ölü balıq görünür. Hadisənin səbəbləri məlum deyil.
7-07-2024, 20:18
Rusiyada güclü zəlzələ baş verdi
Rusiyanın Kamçatka yarımadasında zəlzələ baş verib.
Bu barədə Rusiya Elmlər Akademiyasının Geofizika Xidmətinin Kamçatka bölməsi məlumat yayıb.
Zəlzələnin maqnitudası 6.1, dərinliyi 95 kilometr olub.
Qeyd olunur ki, zəlzələnin episentri Ust-Kamçatskdan 69 kilometr məsafədə yerləşib.
7-07-2024, 19:46
Daha bir partiya seçkidə iştirak qərarı verdi
Ədalət, Hüquq, Demokratiya (ƏHD) Partiyası sentyabrın 1-də keçiriləcək növbədənkənar parlament seçkilərində iştirak edəcək.
Bu barədə qərar partiya Ali Məclisinin bu gün keçirilən iclasında qəbul edilib.
VI çağırış Milli Məclisin deputatı Qüdrət Həsənquliyevin rəhbərlik etdiyi partiyada seçkilərlə bağlı bütün səlahiyyətlər İdarə Heyətinə verilib.
Xatırladaq ki, Mərkəzi Seçki Komissiyası indiyədək 10 partiyanın səlahiyyətli nümayəndələrini qeydə alıb. Bunlar Müsavat Partiyası, Ümid Partiyası, Böyük Qurtuluş Partiyası, Demokratik İslahatlar Partiyası, Ana Vətən Partiyası, Klassik Xalq Cəbhəsi Partiyası, Yeni Azərbaycan Partiyası, Respublikaçı Alternativ (REAL) Partiyası, Ağ Partiya və Vətəndaş Həmrəyliyi partiyalarıdır.
7-07-2024, 19:28
Ərdoğan UEFA-ya etiraz etdi
Türkiyə Prezidenti Rəcəb Tayyib Ərdoğan Avropa Futbol Assosiasiyaları İttifaqının (UEFA) Türkiyə millisinin futbolçusu Merih Dəmiralı iki oyunluq diskvalifikasiya etmək qərarını siyasi motivli adlandırıb.
Türkiyə lideri Berlində keçirilən futbol üzrə Avropa çempionatının (Avro-2024) 1/4 final mərhələsinin Türkiyə – Niderland oyununda onu müşayiət edən jurnalistlərlə söhbətində UEFA-nın qalmaqallı qərarını şərh edib.
“Açıq şəkildə qeyd etmək lazımdır ki, UEFA-nın Merih Dəmiralla bağlı diskvalifikasiya qərarı Avropa çempionatına ciddi kölgə salıb. Bu, izaholunmaz, sırf siyasi qərardır”, - deyə Ərdoğan bildirib.
Türkiyə Prezidenti vurğulayıb ki, UEFA-nın türk futbolçu ilə bağlı mövqeyi şəxsən Dəmirala qarşı deyil, bütövlükdə Türkiyə xalqını cəzalandırmaq cəhdidir.
“Türkiyə yığmasının bu ədalətsizliyə ən yaxşı cavabı meydanda nümayiş etdirdiyi gözəl oyun oldu”, - deyə Ərdoğan bildirib.
Türkiyə dövlətinin başçısı eyni zamanda Niderland ilə oyunda niderlandlı futbolçunun qaydaları açıq-aşkar pozduğuna görə hakimin penalti təyin etmədiyini qeyd edib.
Ərdoğan əmin edib ki, Türkiyə bundan sonra da futbolu inkişaf etdirəcək və getdikcə qarşısına daha iddialı hədəflər qoyacaq.
Türkiyə lideri, həmçinin Berlindəki oyunda Niderland millisinin azarkeşlərinə “centlmen davranışlarına” görə təşəkkür edib və bu komandaya Avro-2024-ün finalı yolunda uğurlar arzulayıb.
7-07-2024, 19:10
"Xüsusi qonaqpərvərliyə görə İlham Əliyevə minnətdaram"
Mən fəxr edirəm ki, Azərbaycan Prezidenti İlham Əliyevin dəvəti ilə Türk Dövlətləri Təşkilatının (TDT) Şuşada keçirilən qeyri-rəsmi sammitində Kipr türk xalqını təmsil etmişəm. Türk dünyasının gücü birlikdədir!
Bunu Şimali Kipr Türk Respublikasının (ŞKTC) Prezidenti Ersin Tatar bazar günü Lefkoşada keçirilən brifinqdə Azərbaycana səfərinin yekunlarını şərh edərkən bildirib.
Ersin Tatar göstərilən xüsusi diqqət və qonaqpərvərliyə görə Azərbaycana minnətdarlığını bildirib. “ŞKTC nümayəndələri Azərbaycanda dövlət protokoluna uyğun olaraq qarşılanıb. Bu, əvvəllər yalnız Türkiyədə olub. Prezident İlham Əliyevə, eləcə də Şuşada sammitin təşkilində iştirak edən hər kəsə minnətdaram”, - deyə Tatar vurğulayıb.
Siyasətçi işğaldan azad edilmiş Xankəndi şəhərinə səfər etməkdən məmnunluğunu ifadə edib.
Tatar uzun müddətdir ki, bu cür əhəmiyyətli dialoq platformasında iştirak etməyə ümid etdiyini etiraf edib. “Bizim məqsədimiz TDT çərçivəsində əlaqələrin hərtərəfli inkişafıdır. ŞKTC bayrağının da Şuşada dalğalanmasından çox şadam”, - deyə ŞKTC lideri bildirib. Tatar eyni zamanda Aİ-nin ayrı-ayrı siyasətçilərinin Lefkoşanın Şuşada TDT-nin qeyri-rəsmi sammitinə dəvəti ilə bağlı reaksiyasını tənqid edib.
ŞKTC Prezidentinin sözlərinə görə, türk dövlətləri ilə əlaqələrin inkişafı Kipr türklərinin mövqelərinin möhkəmlənməsinə və Kiprdə “iki dövlət” prinsipinə uyğun ədalətin bərqərar olmasına mühüm töhfə verir.
7-07-2024, 18:50
Niger, Mali və Burkina-Faso birləşdilər - Konfederasiya
Niger, Mali və Burkina-Faso konfederasiyada birləşib.
Üç ölkədəki hərbi hökumətlər dünən axşam Sahara Dövlətləri Alyansı Konfederasiyasının yaradılması barədə müqavilə imzalayıb.
Bu üç ölkədə hərbçilər çevriliş nəticəsində hakimiyyətə gəlib və hələ mayın 18-də Nigerin paytaxtı Niamedə Sahara Dövlətləri Alyansı Konfederasiyasının formalaşdırılması barədə qərar veriblər.
Sənəddə qeyd olunur ki, bu dövlətlər vahid investisiya bankı və stabilləşdirmə fondu yaradacaq, diplomatik səylərini koordinasiya edəcək, kən təsərrüfatı, emal sənayesi və energetika sahələrində birgə layihələr üçün resurslarını birləşdirəcəklər.
7-07-2024, 17:42
İranın hərbi gəmisi qəzaya uğradı
İranın cənubundakı Bəndər Abbas limanı yaxınlığında Hərbi Dəniz Qüvvələrinə məxsus gəmi qəzaya uğrayıb.
Bu barədə İSNA agentliyi məlumat yayıb.
Məlumata görə, “Səhənd” esminesinin bir hissəsi suya batıb.
Hadisə nəticəsində bir neçə nəfər xəsarət alıb və xəstəxanaya yerləşdirilib.
Qəzanın texniki nasazlıq və ya təmirdən sonra gəminin çənlərinə suyun daxil olması səbəbindən baş verə bilməsi ilə bağlı ehtimallar var.
7-07-2024, 16:54
Qəzzada ölən fələstinlilərin sayı açıqlandı
2023-cü il oktyabrın 7-dən etibarən Qəzza zolağında ölən fələstinlilərin sayı 38 153 nəfərə yüksəlib.
Bu barədə Qəzzanın Səhiyyə Nazirliyi məlumat yayıb.
Bu dövr ərzində ümumilikdə 87 828 nəfər yaralanıb.
Məlumata görə, son 24 saat ərzində 55 nəfər ölüb, 123 nəfər yaralanıb.
Xatırladaq ki, 2023-cü ilin oktyabrın 7-də HƏMAS qruplaşması İsrailin nəzarətində olan ərazilərə hücum edib. Buna cavab olaraq İsrail ordusu Qəzzada hərbi əməliyyatlara başlayıb.
7-07-2024, 15:26
Tbilisidə güclü külək və yağış - Şəhərə ziyan dəyib
Gürcüstanın paytaxtı Tbilisidə ötən gecədən başlayaraq əsən güclü külək və yağış ağacları aşırıb, şəhər infrastrukturuna ziyan vurub.
Qeyri-sabit hava şəraiti xüsusilə Samqori, Krtsanis və Saburtalin rayonlarına ziyan vurub.
Məlumata görə, fəsadların aradan qaldırılması istiqamətində Daxili İşlər Nazirliyinin Fövqəladə Hallar Xidmətinin yerli əməkdaşları tərəfindən işlər aparılıb.
Şəhər rəhbərliyi dəyən ziyanı hesablayır.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!