22-08-2024, 22:05
Bakı-Quba yolunda gənc oğlanı maşın vurub öldürdü
Bakı-Quba yolunda avtomobil piyadanı vurub.
Hadisə Bakı Quba yolunun 15-ci kilometrliyində qeydə alınıb.
1991-ci il təvəllüdlü sürücü Quliyev Qurban Əhməd oğlunun idarə etdiyi “Hyundai Accent” marakalı avtomobil yolu keçmək istəyən gənc oğlanı vurub.
Piyada hadisə yerində ölüb. Avtomobilin piyadanı piyadalar üçün nəzərdə tutulmayan ərazidə vurduğu bildirilir.
Fakt araşdırılır.
22-08-2024, 21:49
Polad Bülbüloğlu Özbəkistanın Xalq artisti oldu
Azərbaycanın Rusiyadakı keçmiş səfiri, Xalq artisti Polad Bülbüloğluna Özbəkistanda fəxri ad verilib.
Bu haqda Xalq artisti Gülyanaq Məmmədova instaqram hesabında paylaşım edib:
“Bu gün Özbəkistanda Polad Bülbüloğlunun “Özbəkistanın Xalq artisti” adı alması münasibəti ilə təqdimat keçirilib. Təqdimatda Özbəkistanın və Azərbaycanın mədəniyyət nazirləri və səfirləri iştirak edib”.
22-08-2024, 21:14
Səttar Möhbalıyev istefa verdi
Avqustun 22-də Azərbaycan Təhsil İşçiləri Azad Həmkarlar İttifaqı Respublika Komitəsinin (ATİAHİ Respublika Komitəsi) II Məclisi keçirilib.
ATİAHİ-nin sədri Səttar Möhbalıyevin sədrliyi ilə keçirilən iclasda Məclisin gündəliyi təsdiq edilib.
İclasda təşkilati məsələyə baxılıb.
Məclisdə çıxış edən S.Möhbalıyev ATİAHİ-yə rəhbərlik etdiyi müddətdə görülmüş işlərdən, əldə olunmuş uğurlardan danışıb. Çıxışının sonunda o, işinin çoxluğunu nəzərə alaraq ATİAHİ Respublika Komitəsinin Məclis, Rəyasət Heyəti üzvlüyündən, Respublika Komitəsinin sədrliyindən istefa verdiyini açıqlayıb. S.Möhbalıyevin istefası Məclis üzvləri tərəfindən qəbul edilib.
Sonra ATİAHİ Respublika Komitəsinin Rəyasət Heyəti üzvləri arasında qismən dəyişiklik edilib və təşkilata yeni sədr seçkisi həyata keçirilib. Məclis üzvlərinin açıq səsverməsi yolu ilə keçirilən seçkidə Araz Nadir oğlu Paşayev ATİAHİ-nin sədri seçilib.
ATİAHİ-nin yeni sədri A.Paşayev ona etimad göstərən Məclis üzvlərinə təşəkkür edib, rəhbərlik etdiyi qurumun səmərəli fəaliyyəti, təhsil işçilərinin əmək, sosial, iqtisadi hüquqları və qanuni mənafelərinin müdafiəsi ilə bağlı səylə çalışacağını vurğulayıb.
22-08-2024, 20:58
Ukrayna "Qafqaz"ı vurdu, 15 nəfər itkin düşdü
Ukrayna Silahlı Qüvvələri Rusiyanın Krasnodar diyarında yerləşən Qafqaz limanına zərbələr endirib.
Bu barədə Rusiya hakimiyyət orqanları məlumat yayıb.
Hakimiyyət Ukraynanın yanacaq çənləri olan dəmiryol bərəsinə hücum etdiyini bildirir. Regional əməliyyat qərargahından verilən məlumata görə, hadisə yerində yanğın başlayıb.
“Fövqəladə və xüsusi xidmət orqanları hadisə yerindədir. Yanğının baş verdiyi ərazi və zərərçəkənlər barədə məlumat dəqiqləşdirilir”, - Əməliyyat Qərargahının məlumatında deyilir.
Zərbələrdən sona Krım körpüsündə nəqliyyatın hərəkəti dayandırılıb.
“Mash” teleqram kanalının məlumatına görə, Ukrayna hərbçiləri “Storm Shadow” qanadlı raketindən istifadə edib. Başqa mənbələr "Neptun" raketindən istifadə edildiyini yazır.
Krasnodar diyarının Temryuk rayonunun rəhbəri Fyodor Babenkov öz teleqram kanalında Ukraynanın hücumuna məruz qalan Qafqaz limanında dəmir yolu bərəsinin göyərtəsində 30 çən yanacaq olduğunu bildirib.
Babenkovun sözlərinə görə, bərə yerli vaxtla saat 16:30-da vurulub.
“Bərə ekipajı üzvlərinin, ölən və yaralananların sayı barədə məlumat dəqiqləşdirilir”, - deyə o bildirib.
Rusiya rəsmisi, həmçinin bildirir ki, hadisə yerində 12 yanğınsöndürmə briqadası və bir neçə xilasetmə qrupu işləyir.
Yerli nəşrlər yazır ki, barədə olan 15 nəfərdən xəbər yoxdur.
22-08-2024, 20:07
Azərbaycanın xarici dövlət borcu
Azərbaycanın bu il iyulun 1-nə 5 milyard 361,3 milyon ABŞ dolları təşkil etmiş xarici dövlət borcunun 86,8 %-i elə dollarda olub.
Bu barədə Maliyyə Nazirliyinə istinadən xəbər verir.
Məlumata görə, borcun tərkibində avro 6 %, yapon yeni 3 %, digər valyutalar 0,6 %, XBH (Beynəlxalq Valyuta Fondunun Xüsusi Borcalma Hüquqları) isə 3,6 % paya malik olub.
Dəyişkən faiz dərəcəsi ilə olan öhdəliklər xarici borc məbləğinin 48,4 %-ni, sabit dərəcə ilə olanlar isə 51,6 %-ni təşkil edib.
Xarici dövlət borcunun 42,1 %-i 5 ilə qədər olan müddətdə, 49,1 %-i 5 ildən 10 ilə qədər olan müddətdə, 8,7 %-i isə 10 ildən yuxarı olan müddətdə kreditorlara qaytarılmalıdır.
Xarici dövlət borcunun 64,2 %-i çoxtərəfli maliyyə institutları üzrə, 25,9 %-i xarici bazarda yerləşdirilmiş istiqrazlar üzrə, 9,9 %-i isə ikitərəfli maliyyə institutlarından cəlb edilmiş kreditlər üzrə öhdəliklərin payına düşüb.
Xarici dövlət borcunun 25,9 %-i avrobondlar üzrə, 35 %-i Asiya İnkişaf Bankı üzrə, 16,7 %-i Dünya Bankı üzrə, 22,4 %-i isə digər kreditorlardan cəlb edilmiş öhdəliklər olub.
Xarici dövlət borcunun 40,6 %-i büdcə kəsirinin bağlanılması üzrə hökumət adından çıxış edən Maliyyə Nazirliyi tərəfindən, 59,4 %-i isə digər icraçı qurumlar tərəfindən həyata keçirilən proqram və layihələr üzrə cəlb edilmiş öhdəliklər olub.
22-08-2024, 19:21
Daşkənddə Ümummilli Lider Heydər Əliyevin xatirəsinə ehtiram - FOTO
Avqustun 22-də Azərbaycan Respublikasının Prezidenti İlham Əliyev, birinci xanım Mehriban Əliyeva və qızları Leyla Əliyeva Daşkənddəki Heydər Əliyev Meydanında Ümummilli Liderin barelyefi önünə gül dəstələri qoyublar.
Daşkəndin Mirabad rayonunda yaradılan Heydər Əliyev Meydanının və Ulu Öndərin burada ucaldılmış barelyefinin 2022-ci il iyunun 21-də açılışı olub. Ərazisi tamamilə yenidən qurulan meydanda yaşıllıq salınıb, sakinlərin istirahəti üçün hər cür şərait yaradılıb.
Həmin il Özbəkistanda dövlət səfərində olan Azərbaycan Respublikasının Prezidenti İlham Əliyev və Özbəkistan Respublikasının Prezidenti Şavkat Mirziyoyev Ulu Öndərin barelyefinin açılışında iştirak ediblər.
22-08-2024, 19:14
İranda qadın vitse-prezident təyin olundu
İran Prezidenti Məsud Pezeşkian Şina Ənsarini vitse-prezident təyin edib.
Bu barədə “Tasnim” məlumat yayıb.
İran Prezidenti Məsud Pezeşkian Şina Ənsarini vitse-prezident və Ətraf Mühitin Mühafizəsi Təşkilatının rəhbəri vəzifəsinə təyin edib.
22-08-2024, 17:51
Rusiyanın Pokrovska hücumu sürətlənib
"Rusiyanın Pokrovsk istiqamətində hücumu sürətlənib".
Putinin siyasi qələbəsini elan etməsi və ciddi danışıqlara başlaması üçün Pokrovska nəzarət və Donetsk vilayətinin inzibati sərhədlərinə doğru cüzi irəliləyiş kifayət edə bilər", - nəşr yazır.
Xatırladaq ki, 2022-ci ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb. Krım isə 2014-cü ildə ilhaq olunub.
22-08-2024, 17:40
Qazaxıstan mediası Mehriban Əliyevadan yazdı
Qazaxıstanın informasiya portalları Azərbaycan Respublikasının Birinci vitse-prezidenti Mehriban xanım Əliyevanın fəaliyyətinə həsr olunmuş məqalə dərc ediblər.
Xalq yazıçısı və Azərbaycanın Əməkdar jurnalisti Elmira Axundovanın müəllifi olduğu “Ta, komu mnoqoe dano...” adlı məqalə Qazaxıstanın abai.kz, adyrna.kz və mezgil.kz internet resurslarında dərc olunub.
Material Azərbaycanın Qazaxıstandakı səfirliyinin təşəbbüsü ilə dərc edilib.
Məqalədə qeyd edilir ki, Mehriban xanım Əliyevanın prezidenti olduğu Heydər Əliyev Fondunun xətti ilə əsaslı təmir olunmuş uşaq bağçaları, internat məktəbləri və xəstəxanalar istifadəyə verilir.
Məqalədə diqqətə çatdırılır: “Heydər Əliyev Fondu təsis edildikdən və birinci xanım statusu aldıqdan sonra Mehriban xanım Əliyevanın üfüqləri və fəaliyyət istiqamətləri ölçüyəgəlməz dərəcədə genişləndi. Bəli, o, Azərbaycan xalqının zəngin mənəvi-mədəni irsinin təbliği və inkişafı məsələlərini hələ də diqqətdən kənarda qoymayıb. Bununla belə, humanitar və xeyriyyəçilik dominantı onun fəaliyyətində prioritet oldu”.
Elmira Axundova qeyd edir ki, Heydər Əliyev Fondu təkcə Azərbaycanda deyil, xaricdə də xeyriyyəçilik fəaliyyəti həyata keçirir. Müəllif bu fəaliyyətin nəticələrini şəxsən Həştərxanda (Rusiya) və Budapeştdə (Macarıstan) müşahidə edib, Fond həmin şəhərlərdə əlil uşaqlar üçün məktəb və uşaq evini təmir edib.
Məqalədə Mehriban xanım Əliyevanın fəaliyyətinin təkcə regional deyil, həm də qlobal miqyas aldığı vurğulanır.
Müəllif qeyd edib: “Məhz onun təşəbbüsü ilə Azərbaycan muğamı, dünyanın ən qədim tarix-arxeoloji qoruğu olan Qobustan, aşıq sənəti və Azərbaycan kəlağayısı, milli atçılıq oyunu olan çövkən...10-dan çox mövqe dünya qeyri-maddi mədəni irs siyahısına daxil edilib və bu siyahı genişlənməkdə davam edir”.
Xalq yazıçısı xatırladır ki, 2015-ci ildə I Avropa Oyunlarına hazırlıq üçün cəmi 2 il yarım vaxt ayrılmışdı, bu müddət ərzində onlarla idman obyekti modernləşdirilməli və ya yenidən tikilməli, bütün zəruri idman infrastrukturu – Olimpiya kəndi, müasir mətbuat mərkəzləri və bir çox başqaları hazırlanmalı idi. Mehriban Əliyevanın rəhbərliyi ilə cəmiyyətin dəstəklədiyi təşkilat komitəsi Oyunlara hazırlıq işlərini, o cümlədən obyektlərin tikintisini vaxtından əvvəl başa çatdırdı.
Materialda, həmçinin xatırladılır ki, 2017-ci il fevralın 21-də Mehriban Əliyeva ölkədə ikinci mühüm dövlət vəzifəsinə - Azərbaycanın Birinci vitse-prezidenti vəzifəsinə təsdiq edilib.
Məqalədə deyilir: “Mehriban Əliyeva bu yüksək vəzifəni yalnız ona mənəvi cəhətdən hazır olanda, yüksək milli etimad krediti toplayanda, bütün əvvəlki fəaliyyəti ilə beynəlxalq miqyasda qeyd-şərtsiz nüfuzunu sübut edəndə alıb” .
Azərbaycanın Xalq yazıçısı 44 günlük müharibədə Qələbədən sonra Böyük Qayıdış və genişmiqyaslı bərpa-quruculuq işlərinin başlandığını oxucuların diqqətinə çatdırır. O qeyd edir ki, bu prosesə Prezidentlə birlikdə Azərbaycanın Birinci vitse-prezidenti Mehriban Əliyeva da rəhbərlik edir.
“Qarabağın bərpa edilmiş hər bir abidəsində, bərpa edilmiş hər bir məscid və ya muzey kompleksində birinci xanıma xas olan incə zövq və heyrətamiz meyar hissi sezilirdi”, - deyə məqalədə qeyd edilir.
22-08-2024, 17:40
Qazaxıstan mediası Mehriban Əliyevadan yazdı
Qazaxıstanın informasiya portalları Azərbaycan Respublikasının Birinci vitse-prezidenti Mehriban xanım Əliyevanın fəaliyyətinə həsr olunmuş məqalə dərc ediblər.
Xalq yazıçısı və Azərbaycanın Əməkdar jurnalisti Elmira Axundovanın müəllifi olduğu “Ta, komu mnoqoe dano...” adlı məqalə Qazaxıstanın abai.kz, adyrna.kz və mezgil.kz internet resurslarında dərc olunub.
Material Azərbaycanın Qazaxıstandakı səfirliyinin təşəbbüsü ilə dərc edilib.
Məqalədə qeyd edilir ki, Mehriban xanım Əliyevanın prezidenti olduğu Heydər Əliyev Fondunun xətti ilə əsaslı təmir olunmuş uşaq bağçaları, internat məktəbləri və xəstəxanalar istifadəyə verilir.
Məqalədə diqqətə çatdırılır: “Heydər Əliyev Fondu təsis edildikdən və birinci xanım statusu aldıqdan sonra Mehriban xanım Əliyevanın üfüqləri və fəaliyyət istiqamətləri ölçüyəgəlməz dərəcədə genişləndi. Bəli, o, Azərbaycan xalqının zəngin mənəvi-mədəni irsinin təbliği və inkişafı məsələlərini hələ də diqqətdən kənarda qoymayıb. Bununla belə, humanitar və xeyriyyəçilik dominantı onun fəaliyyətində prioritet oldu”.
Elmira Axundova qeyd edir ki, Heydər Əliyev Fondu təkcə Azərbaycanda deyil, xaricdə də xeyriyyəçilik fəaliyyəti həyata keçirir. Müəllif bu fəaliyyətin nəticələrini şəxsən Həştərxanda (Rusiya) və Budapeştdə (Macarıstan) müşahidə edib, Fond həmin şəhərlərdə əlil uşaqlar üçün məktəb və uşaq evini təmir edib.
Məqalədə Mehriban xanım Əliyevanın fəaliyyətinin təkcə regional deyil, həm də qlobal miqyas aldığı vurğulanır.
Müəllif qeyd edib: “Məhz onun təşəbbüsü ilə Azərbaycan muğamı, dünyanın ən qədim tarix-arxeoloji qoruğu olan Qobustan, aşıq sənəti və Azərbaycan kəlağayısı, milli atçılıq oyunu olan çövkən...10-dan çox mövqe dünya qeyri-maddi mədəni irs siyahısına daxil edilib və bu siyahı genişlənməkdə davam edir”.
Xalq yazıçısı xatırladır ki, 2015-ci ildə I Avropa Oyunlarına hazırlıq üçün cəmi 2 il yarım vaxt ayrılmışdı, bu müddət ərzində onlarla idman obyekti modernləşdirilməli və ya yenidən tikilməli, bütün zəruri idman infrastrukturu – Olimpiya kəndi, müasir mətbuat mərkəzləri və bir çox başqaları hazırlanmalı idi. Mehriban Əliyevanın rəhbərliyi ilə cəmiyyətin dəstəklədiyi təşkilat komitəsi Oyunlara hazırlıq işlərini, o cümlədən obyektlərin tikintisini vaxtından əvvəl başa çatdırdı.
Materialda, həmçinin xatırladılır ki, 2017-ci il fevralın 21-də Mehriban Əliyeva ölkədə ikinci mühüm dövlət vəzifəsinə - Azərbaycanın Birinci vitse-prezidenti vəzifəsinə təsdiq edilib.
Məqalədə deyilir: “Mehriban Əliyeva bu yüksək vəzifəni yalnız ona mənəvi cəhətdən hazır olanda, yüksək milli etimad krediti toplayanda, bütün əvvəlki fəaliyyəti ilə beynəlxalq miqyasda qeyd-şərtsiz nüfuzunu sübut edəndə alıb” .
Azərbaycanın Xalq yazıçısı 44 günlük müharibədə Qələbədən sonra Böyük Qayıdış və genişmiqyaslı bərpa-quruculuq işlərinin başlandığını oxucuların diqqətinə çatdırır. O qeyd edir ki, bu prosesə Prezidentlə birlikdə Azərbaycanın Birinci vitse-prezidenti Mehriban Əliyeva da rəhbərlik edir.
“Qarabağın bərpa edilmiş hər bir abidəsində, bərpa edilmiş hər bir məscid və ya muzey kompleksində birinci xanıma xas olan incə zövq və heyrətamiz meyar hissi sezilirdi”, - deyə məqalədə qeyd edilir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!