30-08-2024, 14:11
Göygöldə 5 nəfər zəhərləndi - İkisi öldü
Göygöl rayonunda kimyəvi maddədən zəhərlənmə olub, ölənlər var.
Hadisə Balçılı kəndində qeydə alınıb.
İlkin ehtimala görə, beş nəfər - 4 uşaq, 1 qadın (nənələri) başlarını mal-qaranın dezinfeksiyasında istifadə edilən "Niastol" adlı kimyəvi preparat yumaları səbəbindən zəhərlənib.
Qadın və bir uşaq hadisə yerində ölüb. Digərləri Gəncə şəhərində yerləşən xəstəxanalardan birinə yerləşdiriliblər. Onların vəziyyətinin ağır olduğu bildirilir.
Faktla bağlı araşdırma aparılır.
Qeyd edək ki, 2022-ci ildə Göygöl rayonunda dörd qız saçlarında bit olduğu üçün "Niastol" preparatını saçlarına vurduqları üçün zəhərlənmişdilər.
30-08-2024, 13:30
Ərdoğan Anıtqəbiri ziyarət etdi - FOTO
Türkiyə Prezidenti Rəcəb Tayyib Ərdoğan bu gün Türkiyənin Zəfər bayramı münasibətilə Atatürkün movzeleyi – Anıtqəbiri ziyarət edib.
Bu barədə “Milliyet” məlumat yayıb.
Bildirilir ki, dövlət başçısı Anıtqəbirdə xatirə dəftərini imzalayıb. O, Türkiyə xalqının müstəqilliyini təmin edən böyük zəfərin 102-ci ildönümünün həyəcan və qürurla qeyd edildiyini söyləyib.
30-08-2024, 13:27
Azərbaycan Şimali Kiprə davamlı dəstək göstərir
Azərbaycan Şimali Kipr Türk Cümhuriyyətinə davamlı şəkildə dəstək göstərir.
Bu barədə Prezident İlham Əliyev avqustun 30-da Azərbaycan-Türkiyə parlamentlərarası dostluq qrupunun rəhbəri Şamil Ayrımın başçılıq etdiyi Türkiyə Böyük Millət Məclisinin üzvlərindən ibarət nümayəndə heyətini qəbul edərkən bildirib.
Dövlət başçısı Türk Dövlətləri Təşkilatının Şuşada keçirilən qeyri-rəsmi Zirvə görüşündə Şimali Kipr Türk Cümhuriyyətinin də iştirak etməsinin önəminə toxunub.
30-08-2024, 13:23
Məktəbli ləvazimatları bahalaşıb - Qiymətlər necə tənzimlənir?
Məktəblərin açılmasına az vaxt qalıb. Əvvəllər olduğu kimi, bu il də valideynlər uşaqların məktəb ləvazimatlarının alınması üçün alış-verişlərə başlayıblar.
Bu il də digər illərdən fərqlənmir. Valideynlər qiymətlərdən narazılıq edir, bahalıqdan gileylənirlər.
Mövzu ilə bağlı iqtisadçı ekspert Xalid Kərimli bildirib ki, qiymətlər bazarda təyin olunur. Yəni bu mövzu ilə bağlı xüsusi meyar yoxdur:
"Sahibkar məhsulu aldıqdan, xərcləri çıxdıqdan sonra üzərinə istədiyi məbləği qoyur. Sahibkarın bu zaman özünün qiymət diapozonu olur. Müəyyən qiymət təyin edir, sonra lazım olduqda müəyyən qədər azalda bilir. Tələbat çox olanda, alış-veriş çox edildikdə təbii ki, güzəşt tətbiq etmir. Bu zaman qiymətlərə nəzarət etmək üçün xüsusi bir orqan yoxdur, olmalı da deyil. Bunlar tənzimlənən qiymət deyil. İşıq, qaz, su, nəqliyyat və digər sahələrdə qiymətlər tənzimlənir, amma bazarda belə bir qayda yoxdur".
Onun sözlərinə görə, tənzimlənən qiymətlər yalnız təbii monopolislərin məhsullarının qiymətləridir:
“Bazar qiymətlərinin tənzimlənən olması üçün gərək sovet dönəminə qayıdaq. Burada monopoliya da yoxdur. Bazarda rəqabət mühiti var ki, qiymətin artıb-enməsini müəyyən edir. Məktəb ərəfəsində alıcı kütləsi artdığı üçün qiymətlər də artır. Bu normal prosesdir. Qiymətlərin qalxmasından əziyyət çəkmək istəməyən şəxslər 2-3 ay əvvəldən hazırlıq görməli, alış-verişlərini etməlidirlər. Dədə-baba qaydası olaraq yayda qışın ehtiyatı görülürdü, indi də bu qayda keçərlidir. Əgər məhsulu istədiyimiz vaxt əldə etmək istəyiriksə, qiymət artımını da qəbul etməliyik”.
30-08-2024, 13:18
“Avroviziya 2025”in keçiriləcəyi şəhər məlum oldu
“Avroviziya” beynəlxalq mahnı proqramı 2025-ci
ilin may ayında İsveçrənin Bazel şəhərində mübarizə.
Bu barədə müsabiqənin təşkilatçıları məlumat yayıb.
Məlumata görə, “Avroviziya 2025” mahnı proqramının finalı 17-də, yarımfinalları mayın 13-də və 15-də.
Qeyd etmək lazımdır ki, İsveçrə “Avroviziya-2024”ün qalibi olub.
30-08-2024, 13:10
“Qələbə“ dairəsi bağlandı
Yasamal rayonu, Əbdülvahab Salamzadə küçəsi, “Qələbə“ dairəsi istiqamətində avtomobillərin hərəkətinə məhdudiyyət tətbiq olunub.
Bu barədə DİN-in Nəqliyyatı İntellektual İdarəetmə Mərkəzindən (NİİM) bildirilib.
Buna səbəb aidiyyəti dövlət qurumu tərəfindən yolda təmir işlərinin aparılması göstərilib.
30-08-2024, 13:02
Ermənistan qəsdən vaxt uzadır! - İlham Əliyev şərtləri elan etdi
“Azərbaycan bölgədə davamlı sülhün təmin olunmasının tərəfdarıdır”.
Bunu Prezident İlham Əliyev avqustun 30-da Azərbaycan-Türkiyə parlamentlərarası dostluq qrupunun rəhbəri Şamil Ayrımın başçılıq etdiyi Türkiyə Böyük Millət Məclisinin üzvlərindən ibarət nümayəndə heyətini qəbul edərkən deyib.
İlham Əliyev vurğulayıb ki, bunun üçün özünün artıq dəfələrlə qeyd etdiyi kimi, Ermənistan Konstitusiyasında Azərbaycana qarşı olan ərazi iddiaları aradan qaldırılmalıdır və Konstitusiya dəyişdirilməlidir.
Azərbaycan Prezidenti onu da əlavə edib ki, artıq keçmişin qalığı olan ATƏT-in Minsk qrupu və onunla əlaqədar olan təsisatlar tamamilə ləğv edilməlidir.
Dövlətimizin başçısı Minsk qrupunun ləğv edilməməsi ilə bağlı Ermənistanın mövqeyinin heç bir halda başadüşülən olmadığını deyib.
Çünki əgər münaqişə keçmişdə qalıbsa və Ermənistanın baş naziri Azərbaycanın ərazi bütövlüyünü dəstəklədiyini ifadə edirsə, onda keçmişin qalığı olan Minsk qrupunun saxlanmasına nə ehtiyac var?!
Prezident deyib ki, görünür, Ermənistan sülh müqaviləsində və regionda davamlı sülhün əldə edilməsində maraqlı deyil. İlham Əliyev qeyd edib ki, Ermənistan qəsdən vaxt uzadır, Fransadan, digər Qərb ölkələrindən və başqa tərəflərdən yeni silahlar alır, öz ərazisində üçüncü tərəflərlə hərbi təlimlər keçirir.
Bir sıra Qərb təsisatlarında anti-Azərbaycan qüvvələrin ölkəmizə qarşı haqsız və ədalətsiz münasibətinə toxunan dövlətimizin başçısı vurğulayıb ki, Avropa Şurası Parlament Assambleyasında bizim əleyhimizə olan mövqe bilavasitə öz ərazi bütövlüyümüzü və suverenliyimizi təmin etməyimizlə əlaqədardır.
30-08-2024, 12:51
İlham Əliyev Lukaşenkoya zəng etdi
Avqustun 30-da Azərbaycan Respublikasının Prezidenti İlham Əliyev Belarus Respublikasının Prezidenti Aleksandr Lukaşenkoya zəng edib.
Dövlətimizin başçısı Aleksandr Lukaşenkonu ad günü münasibətilə təbrik edib, ona möhkəm cansağlığı və fəaliyyətində uğurlar arzulayıb.
Belarus Prezidenti göstərilən diqqətə və təbrikə görə minnətdarlığını ifadə edib.
Telefon söhbəti zamanı ölkələrimiz arasında dostluq münasibətlərinin müxtəlif sahələrdə uğurlu inkişafından məmnunluq ifadə olunub.
Yüksək səviyyədə təmasların əhəmiyyətinə toxunularaq bu il Belarus Prezidentinin ölkəmizə dövlət səfərinin əlaqələrimizin daha da möhkəmlənməsi işinə töhfə verdiyi bir daha qeyd edilib.
Dövlət başçıları əməkdaşlığımızın perspektivlərinə dair və gələcək təmaslarla bağlı fikir mübadiləsi aparıblar.
30-08-2024, 12:46
Ermənistan konstitusiya islahatını 2027-yə saxladı - İrəvan sülh sazişini sabotaj edir
Azərbaycan sülh müqaviləsi ilə bağlı Ermənistanın qarşısında konkret şərtlər qoyub. Əsas şərtlərdən biri də Ermənistan Konstitusiyasına dəyişikliyin edilməsidir. Buna səbəb Ermənistan Konstitusiyasında beynəlxalq hüquqa zidd olaraq, ölkəmizə qarşı ərazi iddialarının yer almasıdır. Ermənistan tərəfi ilk vaxtlarda buna müsbət yanaşırmış kimi görünsə də, sonradan məsələni sabotaj etdilər və yubatdılar.
Nəhayət ötən gün Ermənistanın ədliyyə naziri Qriqor Minasyan ölkədə konstitusiya islahatları ilə bağlı keçiriləcək referendumun tarixini açıqlayıb.
O, bildirib ki, konstitusiya islahatları ilə bağlı referendumun 2027-ci ildə keçirilməsi planlaşdırılır.
Məsələ ilə bağlı sabiq xarici işlər naziri Tofiq Zülfüqarov bildirib ki, 2027-ci ilədək Ermənistanla Azərbaycan arasında ilkin çərçivə sənədi imzalana bilər:
“İndiki mərhələdə müzakirə olunan sənəd fərqlidir. Bu sənəd prinsiplərdən ibarətdir. Artıq prinsiplərin 90 faizi razılaşdırılıb. Bəzən onu "sülh sazişi" adlandırırlar. Ermənistan beynəlxalq hüquqa zidd olaraq daxili qanunvericiliyində təsbit etdiyi başqa ölkələrin ərazilərinə qarşı iddiaları çıxarmağı öhdəlik kimi götürə bilər. Bir sözlə, ilk olaraq çərçivə sənədi imzalanacaq. Elə 2021-ci ildə də imzalanacaq sənəd çərçivə sənədi adlandırılmışdı. Sadəcə olaraq, bunu sadə dillə "sülh sazişi" adlandırırlar. Hələ ki yekun sülh sazişi ola bilməz. Çünki həllini gözləyən problemlər var. Sərhədlərin, kommunikasiyaların açılması bir-iki aya həll olunacaq məsələ deyil”.
Sabiq xarici işlər naziri 2027-ci ildə sülh sazişinin imzalanmasının gözlənilib-gözlənilmədiyindən də danışıb:
“Onların sülh imzalamaqdan başqa yolu yoxdur. Ermənistan tərəfi ictimaiyyətin buna hazır olmadığını söyləyir. Lakin ictimaiyyətin hazır olub-olmaması bizim yox, Ermənistanın problemidir. Mən necə səninlə sazişə qol çəkim ki, sən səhvlərini düzəltmirsən. Bunlar səhv də deyil. Bu bir başqa ölkəyə qarşı ərazi iddiasıdır ki, beynəlxalq qanunlarda məsələ cinayət kimi qəbul olunur. Bu cinayətləri düzəltmək iqtidarında deyilsənsə, deməli, sənə sülh də lazım deyil”.
T.Zülfüqarov vurğulayıb ki, artıq sülhlə bağlı məsələnin geridönüşü yoxdur:
“Bilirsiniz, baş nazir Paşinyanın əsas marağı Ermənistanın problemlərini həll etmək deyil, müzakirələri uzatmaqdır. Bundan öncəkilər kimi, Ermənistanın indiki rəhbərləri də ölkə üçün əsas olan problemlərinin həllində maraqlı deyillər. Burada ictimai razılığın olmaması bəhanə sayıla bilməz. Özləri yalanı ictimaiyyətə o qədər təbliğ ediblər ki, cəmiyyət də elə bilir həqiqətən də Ermənistan "dənizdən-dənizə" çata bilər.
Paşinyan hökuməti hakimiyyətdən getsə belə, heç nə olmayacaq. Azərbaycanın mövqeyi beynəlxalq qanunlara uyğun olduğundan dəyişən deyil. Bu, artıq Ermənistanın problemidir. Ermənistan sülh istəmirsə, biz onun yerinə sülh istəməyəcəyik ki... Əslinə qalsa, bizim aramızda heç bir sənəd qüvvədə deyil. Sadəcə olaraq, atəşkəs sazişi var ki, 2020-ci ildə ona qol çəkmişik. Onlar deyirlər ki, "bizi vuracaqlar". Vurulmaq istəmirsinizsə, sülhə görə hansısa addımlar atın. Bir tərəfdən guya qorxurlar, digər yandan da normal qanunvericilik yaratmaq istəmirlər. Biz onların yerinə nə edə bilərik? Bizə təhlükə yaransa, yenə də, başlarından "dəmir yumruq"la vuracağıq”.
30-08-2024, 12:45
Boreldən mühüm Gürcüstan açıqlaması
Aİ-nin Xarici Əlaqələr və Təhlükəsizlik Siyasəti üzrə Ali Nümayəndəsi Jozep Borel bildirib ki, Avropa İttifaqı Gürcüstanın məsafəsindən getdikcə daha çox narahatdır. O deyib:
“Avropa İttifaqından uzaqlaşan bu ölkənin trayektoriyası bizi getdikcə daha çox narahat edir".
Daha əvvəl Aİ Gürcüstan hakimiyyətinin parlament seçkilərində qələbə qazanacağı təqdirdə müxalifət partiyalarının fəaliyyətini qadağan etmək planlarının cavabsız qalmayacağını bəyan etmişdi.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!