Fəridə Səfiyevanın “İrəvan tarixi sənədlərin dili ilə” .....                        "Milli QHT Forumunda "Kəlağayı Bayramı" silsilə tədbirlərinə start verildi .....                        Qazaxda gənclərin karyera planlama müzakirəsi .....                        Könüllərdə taxt quran kişi .....                        TƏHSİL TARİXİMİZİN SÖNMƏYƏN ÇIRAQLARI .....                        20 oktyabr — Səttarxanın doğum günü: .....                        Zəngilanın dirçəliş və qayıdış dövrü .....                        Sədaqətli dost, dəyərli qələm sahibi .....                        Azərbaycan və Kamboca əməkdaşlığın yeni mərhələsinə hazırlaşır .....                       
27-08-2024, 16:23
MİQ-in nəticələri açıqlandı


MİQ-in nəticələri açıqlandı

Dövlət ümumi təhsil müəssisələrinə müəllimlərin işə qəbulu üzrə müsabiqənin müsahibə mərhələsinin nəticələri barədə məlumat namizədlərin şəxsi səhifələrinə göndərilib.
Bu barədə Təhsil İnstitundan məlumat verilib.
Bildirilib ki, 14-22 avqust tarixlərində təşkil olunan müsahibələrdə 4658 nəfər uğur qazanıb.
Müsahibələrdə uğur qazanan namizədlər 2 sentyabr saat 18:00-dək zəruri sənədləri (şəxsiyyəti təsdiq edən sənədin, ali və ya orta ixtisas təhsili haqqında sənəd və ona əlavənin surəti, əmək kitabçasının əsli (olduğu təqdirdə), 4 ədəd 3x4 formatında fotoşəkil, sağlamlıq haqqında arayış, kadrlar uçotunun şəxsi vərəqəsi, şəxsi səhifədə işə qəbulun nəticəsinə dair çıxarış) aidiyyəti yerli təhsili idarəetmə orqanına təqdim etməlidirlər.
Çıxarışı aidiyyəti yerli təhsili idarəetmə orqanı tərəfindən təsdiq olunmuş namizədlərin işə qəbulu rəsmiləşəcək. Namizədlərə sənədlərini təqdim etdikdən sonra şəxsi səhifələrinə daxil olaraq çıxarışının təsdiq olunduğunu yoxlamaq tövsiyə olunur.
Çıxarışını təsdiq etməyən, müsahibə mərhələsində uğur qazandıqdan sonra tutduğu vakant yerdən imtina edən şəxslərin növbəti turlarda iştirakı təmin olunmayacaq.
Müsahibə mərhələsində uğur qazanmayan namizədlər 27 avqust saat 18:00-dan etibarən şəxsi səhifələrinə daxil olaraq apellyasiyaya müraciət edə bilərlər. Apellyasiya müraciətlərinin qəbulu 28 avqust saat 18:00-da başa çatacaq.
Qeyd edək ki, müsahibələrin onlayn formatda təşkili nəzərdə tutulub. Bunun üçün namizədlər şəxsi səhifələrinə daxil olaraq müsahibə linkinin göndəriləcəyi elektron poçt ünvanlarını müvafiq xanaya yazaraq iştiraklarını təsdiq etməlidirlər. Qeydiyyat zamanı elektron poçt ünvanını düzgün qeyd etməyən və elektron ərizəsini təsdiqləməyən namizədlərin apellyasiya müraciəti təmin olunmayacaq.
Nəzərinizə çatdırırıq ki, yaxın günlərdə onlayn apellyasiya müsahibələrinin keçiriləcəyi tarix və müddətli müqavilə ilə vakansiya seçimi barədə əlavə məlumat veriləcək.
27-08-2024, 16:01
Bakıda qurumuş ağac problemi - Vətəndaşlar nə etməlidir?


Bakıda qurumuş ağac problemi - Vətəndaşlar nə etməlidir?

Qarşıdan payız fəsli gəlir və ölkəmizdə küləkli hava şəraiti daha da güclənəcək. Bu cür küləkli havada qurumuş və çox böyük ağaclar aşaraq insanlara və onların mülklərinə ziyan vurma riskləri yaradır.
Bakı Şəhər Yaşıllaşdırma Təsərrüfatı Birliyindən məsələ ilə bağlı bildirilib, qurum tərəfindən mütəmadi olaraq şəhərdə yol kənarlarında və digər ərazilərdə ağacların vəziyyətinin araşdırılması ilə bağlı monitorinqlər aparılır:
“Yerlərdən daxil olan müraciətlər bu zaman əsas götürülür. Birliyin və ETSN mütəxəssislərinin birgə iştirakı ilə reydlər keçirilir, nazirliyin müvafiq qurumunun verdiyi rəyə əsasən sınmış, qurumuş ağaclar götürülür, budaqları budanır. Götürülən ağacların yerinə payız mövsümündə yeni ağacların əkilməsi nəzərdə tutulub. Həmçinin hazırda mərkəzi rayonlarda (Yasamal, Səbail, Nəsimi, Nərimanov və s.) hər iki qurumun nümayəndələri və DYP-nin əməkdaşları yol kənarlarında işıqfor, yol nişanlarının üzərini örtərək onu görünməz edən ağacların budanmasını həyata keçirirlər”.
Qurumdan onu da bildiriblər ki, hər hansı ərazidə qəzalı və ya qurumuş ağacın götürülməsi və ya budanması üçün vətəndaşlar həmin ərazi üzrə yerli bələdiyyə və ya ərazi nümayəndəliyinə müracət etməlidir:
“Həmin qurumlar ETSN-nə bununla bağlı məktub göndərir. Nazirliyin müvafiq qurumu əraziyə baxış keçirir və mövcud ağacla bağlı müvafiq rəy verirlər. Rəy alındıqdan sonra Yaşıllaşdırma təsərrüfatı Birliyi tərəfindən rəydə qeyd edilənlər icra edilir (ya ağac kəsilir, ya da budanır)”.
27-08-2024, 15:37
Putin Xəzərin dayazlaşmasının qarşısını almaq üçün tapşırıqlar verdi


Putin Xəzərin dayazlaşmasının qarşısını almaq üçün tapşırıqlar verdi

Rusiya Prezidenti Vladimir Putin Xəzərin dayazlaşmasının qarşısını almaq üçün elmi təhlil aparmağı tapşırıb.
O, Həştərxan vilayətinin qubernatoru İqor Babuşkin ilə görüşdə bu mövzuya toxunub.
Eyni zamanda, dövlət başçısı bildirib ki, bu mövzunu Azərbaycan Prezidenti İlham Əliyevlə müzakirə edib: “Bu yaxınlarda Azərbaycanda idim. Azərbaycan Prezidenti, Xəzərin dayazlaşmasına diqqət çəkdi. İlham Əliyev Həştərxan vilayəti ilə qarşılıqlı təsir haqqında çox səmimi danışdı”.
V.Putin Xəzər dənizinə kömək üçün yaxın gələcəkdə görülməsi zəruri olan məsələlərə toxunub, Volqa və Xəzər dənizi regionunda baş verən hadisələrin elmi təhlillərin aparılması barədə göstərişlər verib.
27-08-2024, 14:14
Xamenei yeni nazirlərə tapşırıq verdi: bu sahəni təcili inkişaf etdirin!


Xamenei yeni nazirlərə tapşırıq verdi: Bu sahəni təcili inkişaf etdirin!

İran İslam Respublikasının ali rəhbəri Ayətullah Seyid Əli Xamenei bu gün prezident Məsud Pezeşkian və 14-cü hökumət üzvləri ilə görüşüb.
Xameneinin sözlərinə görə, president hökumət üzvlərini seçərkən ona gənc, imanlı, inqilabçı, məsuliyyətli və motivasiyalı insanlardan daha çox istifadəni tövsiyə edib.
"Məsələn, hökumət 100 imanlı, motivasiyalı, inqilabçı və məsuliyyətli gənc yetişdirə bilsə, hesab edirəm ki, çox böyük işlər görmüş olar”, - o deyib.
Hökumətin prezidentin səyləri və parlamentin töhfəsi ilə formalaşdığını bildirən Xamenei deyib:
"Bu, böyük uğurdur. Keçmiş dönəmlərdə bəzən hökumət təxminən bir aya və ya daha çox müddətə qurula bilmirdi. Amma bu dəfə bütün nazirlər parlamentdən etimad səsi ala bildi”.
“Cənab prezident nazirləri seçmək üçün mənimlə məsləhətləşdi. Bəzilərini təsdiqlədim, bəzilərini vurğuladım. Çoxunu heç tanımırdım və onlar barədə fikrim belə yox idi.
Allaha şükürlər olsun ki, prezident öz seçimini edə bildi”, - deyə ali rəhbər əlavə edib.
O bildirib ki, parlamenti inandırmaq, böyük işdir.
Xameneinin sözlərinə görə, ən təcili prioritetlərdən biri inflyasiya və yüksək qiymət probleminin həllidir.
"Hörmətli nazirlər, prezidentin və parlamentin etimadını qazanmış əziz qardaşlarım, siz hamınız bu ölkənin yüksək rütbəli məmurlarısınız. Sizə dəstək olmaq bizim borcumuzdur. Ümid edirəm ki, işinizdə uğur qazanacaqsınız”.
Xamaneinin sözlərinə görə, İranın təbii resurslar baxımından böyük potensialı var.
“Bir vaxtlar İranı xalçalarına, neftinə görə tanıyırdılar. Bu gün İranı elmi, hərbi nailiyyətləri, regional gücü və strateji dərinliyi ilə tanıyırlar. Bu, əlimizdə olan bir fürsətdir. Bizim dünya ölkələrinə və regiona təsir imkanlarımız kiçik bir şey deyil, çox vacib məsələdir. Bu bizim imkanlarımızdan biridir".
İslam İnqilabının rəhbəri deyib ki, hazırda süni intellekt o qədər sürətlə inkişaf edir ki, bu texnologiyanın dünyada qazandığı sürət insanı heyrətə gətirir.
“Hazırda hərbi və mülki qurumlarımız süni intellektdən istifadə edir və ondan bəhrələnir, lakin bu bizi aldatmamalıdır, süni intellektə gəlincə, sadəcə istifadəçi olmaq üstünlük deyil, bu texnologiyanın dərin təbəqələri var və bu təbəqələrə hakim olmaq lazımdır. O təbəqələr başqalarının əlindədir”.
Xamenei hökumət üzvlərinə bildirib ki, əgər İran süni intellektin dərin və müxtəlif təbəqələrini inkişaf etdirə bilməsə, geri qalacaq:
“Bu sahəni keçməyə icazə verməyəcəksiniz, bu mövzunun dərin və əhatəli texnologiyalarına və infrastruktur qatlarına çatmalısınız. Siz ölkədə süni intellektin infrastruktur təbəqələrini inkişaf etdirməlisiniz".
27-08-2024, 13:05
Ən çox hansı universitetlərdə boş yer qalıb?


Ən çox hansı universitetlərdə boş yer qalıb?

Sabahdan ali təhsil müəssisələrinin boş qalan yerləri üzrə ixtisas seçimi başlayır. Proses sentyabrın 2-dək internet üzərindən aparılır.
Məlumata görə, I ixtisas qrupu üzrə 1304, II ixtisas qrupu üzrə 246, III ixtisas qrupu üzrə 400, IV ixtisas qrupu üzrə 463, V ixtisas qrupu üzrə isə 348 plan yeri boş qalıb.
Məlumata görə, 8 ali təhsil müəssisəsində plan yerləri 100 % dolub. Bunlar Azərbaycan Tibb Universiteti, Azərbaycan Respublikasının Prezidenti yanında Dövlət İdarəçilik Akademiyası, ADA Universiteti, Azərbaycan Dövlət Dəniz Akademiyası, Bakı Ali Neft Məktəbi, Dövlət Gömrük Komitəsinin Akademiyası, Azərbaycan İlahiyyat İnstitutu, Azərbaycan Əmək və Sosial Münasibətlər Akademiyasıdır.
Digər universitetlər boş qalan yerlərin sayı aşağıdakı kimidir:

Bakı Dövlət Universiteti – 105 yer

Azərbaycan Dövlət Neft və Sənaye Universiteti - 89

Azərbaycan Texniki Universiteti – 210

Azərbaycan Memarlıq və İnşaat Universiteti - 115

Azərbaycan Dövlət Pedaqoji Universiteti - 127

Azərbaycan Dövlət İqtisad Universiteti (UNEC) - 7

Azərbaycan Dillər Universiteti – 9

Bakı Slavyan Universiteti – 49

Bakı Mühəndislik Universiteti – 157

Azərbaycan Dövlət Mədəniyyət və İncəsənət Universiteti – 86

Azərbaycan Turizm və Menecment Universiteti – 4

Azərbaycan İdman Akademiyası – 100

İtaliya-Azərbaycan Universiteti - 3

Milli Aviasiya Akademiyası – 56

Naxçıvan Dövlət Universiteti – 112

Naxçıvan Müəllimlər İnstitutu - 46

Azərbaycan Dövlət Aqrar Universiteti – 37

Gəncə Dövlət Universiteti – 143

Azərbaycan Texnologiya Universiteti – 79

Sumqayıt Dövlət Universiteti – 191

Mingəçevir Dövlət Universiteti – 149

Lənkəran Dövlət Universiteti – 170

Azərbaycan Kooperasiya Universiteti – 48

“Azərbaycan” Universiteti - 16

Qərbi Kaspi Universiteti – 116

Qarabağ Universiteti - 16

Xəzər Universiteti – 20

Bakı Avrasiya Universiteti – 82

Odlar Yurdu Universiteti – 35

Bakı Qızlar Universiteti – 85

Bakı Biznes Universiteti - 16

Bakı Musiqi Akademiyası – 20

Azərbayan Milli Konservatoriyası – 11

Azərbaycan Dövlət Rəssamlıq Akademiyası – 23

Bakı Xoreoqrafiya Akademiyası – 70
27-08-2024, 13:01
Pavel Durov daha 48 saat həbsdə qalacaq


Pavel Durov daha 48 saat həbsdə qalacaq

Fransada saxlanılan "Telegram"ın yaradıcısı Pavel Durovun saxlanma müddəti uzadılıb.
O, kibercinayətlə bağlı istintaq çərçivəsində daha 48 saata qədər polis nəzarətində qalacaq.
Qeyd edək ki, Durov şənbə günü həbs edilib və ittihamlara terrorçuluq, narkotik alveri, dələduzluq, pedofiliya məzmununu yaymaq daxildir.
27-08-2024, 12:49
Seçki məntəqələrindəki veb-kameralara baxış keçirilib


Seçki məntəqələrindəki veb-kameralara baxış keçirilib

Sentyabrın 1-də keçiriləcək növbədənkənar parlament seçkiləri ilə bağlı veb-kameralara texniki nəzarət mərkəzinə baxış keçirilib.
Mərkəzi Seçki Komissiyasının (MSK) inzibati binasında yerləşən veb-kameralara texniki nəzarət mərkəzinə baxış prosesində MSK sədri Məzahir Pənahov, Rəqəmsal İnkişaf və Nəqliyyat naziri Rəşad Nəbiyev və Xüsusi Rabitə və İnformasiya Təhlükəsizliyi Dövlət Xidmətinin rəisi İlqar Musayev iştirak ediblər.
Onlar proseslərin gedişi ilə yaxından tanış olub, seçkilərin şəffaflığının təmin edilməsində mühüm əhəmiyyət kəsb edən veb-kameraların quraşdırılmasında seçki qanunvericiliyinin tələblərinə dəqiqliklə riayət olunmasının önəmi vurğulanıb və zəruri tövsiyələr mütəxəssislərin diqqətinə çatdırılıb.
Milli Məclisə seçkilərdə veb-kameraların tətbiqi layihəsini sıx əməkdaşlıq şəraitində birgə reallaşdıran qurumların rəhbərlərinə veb-kameraların quraşdırılması, tənzimlənməsi və seçki gününə tam hazır vəziyyətə gətirilməsi istiqamətində intensiv şəkildə aparılan son hazırlıq işləri barədə məlumat verilib.
Bildirilib ki, Azərbaycanda keçirilən seçkilər daim fərqli aşkarlıq institutlarının, çoxsaylı yerli və beynəlxalq müşahidəçilərin, media nümayəndələrinin sərbəst iştirakı ilə xarakterizə olunub. İnformasiya-kommunikasiya texnologiyalarının ən son nailiyyətlərinin uğurla tətbiqi nəticəsində şəffaflığın miqyası daha da genişlənib, bütün seçki günü proseslərini hər hansı bir maneə ilə rastlaşmadan, əvvəldən axıradək fasiləsiz müşahidə aparmaq imkanı yaranıb.
Qeyd olunub ki, ilk dəfə Azərbaycanın bütün suveren ərazilərində keçirilməklə əlamətdar ictimai-siyasi hadisəyə çevrilən Milli Məclisə seçkilərdə də müxtəlif metod və vasitələrdən istifadə edilməklə şəffaflığın yüksək səviyyədə təminatına xüsusi diqqət yetirilib. Belə ki, 16 ildir müvəffəqiyyətlə reallaşdırılan və səmərəliliyi ilə öz təsdiqini tapmış veb-kamera layihəsi qarşıdan gələn seçkilərdə də davam etdirilir.
Seçki günü - sentyabrın 1-də səsvermə məntəqələrində proseslərin tamamilə müşahidə edilməsi məqsədilə 1000 seçki məntəqəsində texniki parametrləri daha da gücləndirilərək təkmilləşdirilmiş və yüksək görüntü effektinə malik veb-kamera quraşdırılıb.
İnternet istifadəçiləri seçki günü istər ölkə daxilindən, istərsə də ölkə hüdudlarından kənarda Mərkəzi Seçki Komissiyasının rəsmi internet səhifəsinə daxil olmaqla, heç bir qeydiyyat tələb edilmədən bütün prosesləri - səsvermə, səslərin sayılması və nəticələrin müəyyənləşdirilməsini arasıkəsilmədən birbaşa müşahidə etmək imkanına malik olacaqlar.
27-08-2024, 12:39
Ukrayna Rusiyadakı hədəflərini ABŞ-a təqdim edəcək


Ukrayna Rusiyadakı hədəflərini ABŞ-a təqdim edəcək

"Ukrayna icazə verildiyi təqdirdə Rusiyada vura biləcəyi hədəfləri Bayden administrasiyasına təqdim edəcək". Bu barədə "Politico" yazıb.
Nəşr yazır ki, Ukrayna hakimiyyəti ABŞ-ın yüksək rütbəli milli təhlükəsizlik rəsmilərinə Vaşinqtonun Amerika silahlarının tədarükünə qoyulan məhdudiyyətləri aradan qaldıracağı təqdirdə Ukrayna Silahlı Qüvvələrinin vura biləcəyi Rusiya Federasiyasındakı uzaqmənzilli hədəflərin siyahısını təqdim etməyə hazırlaşır.
“Kiyev bu siyahıdan Vaşinqtonu Rusiyada Amerika silahlarının istifadəsinə qoyulan məhdudiyyətləri aradan qaldırmağa inandırmaq üçün son cəhd kimi istifadə edir”, - materialda deyilir.
Qeyd olunub ki, Ukrayna daha əvvəl ABŞ-a Rusiyadakı bəzi potensial hədəflərini təqdim etsə də, bu siyahı artıq daha konkret olmalıdır. Nəşrin 3 anonim mənbəsi bildirib ki, Umerov və Yermak bu həftə Vaşinqtona gələcək və orada müzakirə zamanı Bayden administrasiyasına hədəflərin siyahısını təqdim edəcəklər.
27-08-2024, 12:20
Sabahın havası - 39 dərəcə isti


Sabahın havası - 39 dərəcə isti

Avqustun 28-də gözlənilən hava şəraiti açıqlanıb.
Milli Hidrometeorologiya Xidmətindən verilən xəbərə görə, sabah Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Şimal-qərb küləyi gündüz şimal-şərq küləyi ilə əvəz olunacaq.
Havanın temperaturu gecə 21-26° isti, gündüz 31-36° isti olacaq. Atmosfer təzyiqi norma daxilində, 761 mm civə sütunu təşkil edəcək. Nisbi rütubət gecə 70-75 %, gündüz 45-50 % olacaq.
Azərbaycanın rayonlarında havanın əsasən yağmursuz keçəcəyi gözlənilir. Lakin axşam bəzi dağlıq ərazilərdə qısamüddətli yağış yağacağı, şimşək çaxacağı ehtimalı var. Mülayim şərq küləyi bəzi yerlərdə arabir güclənəcək.
Havanın temperaturu gecə 20-25° isti, gündüz 34-39° isti, dağlarda gecə 13-18° isti, gündüz 21-26° isti olacaq.
27-08-2024, 01:10
Qarabağ müharibəsi veteranlarının sayı artıb - RƏSMİ


Qarabağ müharibəsi veteranlarının sayı artıb - RƏSMİ

Azərbaycan Respublikasının ərazi bütövlüyü uğrunda döyüş əməliyyatlarında iştirak etmiş və rəsmi olaraq “Müharibə veteranı” statusu almış şəxslərlə bağlı ən son statistika məlum olub.
Dövlət Statistika Komitəsindən məlumata görə, Qarabağ müharibəsi veteranlarının sayı artıb.
Belə ki, 2024-cü il iyul ayının 1-i vəziyyətinə Azərbaycan Respublikasının ərazi bütövlüyü uğrunda döyüş əməliyyatlarında iştirak etmiş 184.094 nəfər rəsmi olaraq “Müharibə veteranı” statusu daşıyır.
Bura həm Birinci, həm də İkinci Qarabağ müharibəsinin iştirakçıları daxildir.
Müharibə veteranlarına ayda 80 manat təqaüd verilir.
Xatırladaq ki, bu ilin əvvəlində Qarabağ müharibəsi veteranlarının sayı 180.476 nəfər idi.
Veteranların sayının artımı İkinci Qarabağ müharibəsinin iştirakçıları ilə bağlı aparılan araşdırma nəticəsində 4 minədək şəxsə rəsmi status verilməsi ilə bağlıdır.
����������� ��������� ������ � �����-����������.
��� dle ������� ��������� ������� � �����.
���������� ���� ������ ��������� � ��� �����������.
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Avqust 2024    »
BeÇaÇCaCŞB
 1234
567891011
12131415161718
19202122232425
262728293031 
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Zəngilanın dirçəliş   və qayıdış dövrü


Zəngilanın dirçəliş

və qayıdış dövrü


Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.

Qərbi zəngəzurlular Zəngilan şəhidliyində

Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.

Azad Zəngilanın qonaqları

Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.

Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov


All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!