Xəbərlərin siyahısı: Avqust 2024 illər » Səhifə 64

2-08-2024, 13:43

Müharibə əlillərinə birdəfəlik ödəmələrin verilməsi “Azərsığorta”dan alındı

Müharibə əlillərinə birdəfəlik ödəmə ilə əlaqədar Komissiyanın tərkibi dəyişib.
Bu, Prezident İlham Əliyevin imzaladığı Fərmanla “Azərbaycan Respublikasının ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar hərbi xidmət vəzifələrini (xidməti vəzifələrini) yerinə yetirərkən və ya həqiqi hərbi xidmət dövründə xəsarət (yaralanma, travma, kontuziya) alması və ya xəstələnməsi nəticəsində əlilliyi müəyyən edilmiş hərbi qulluqçuların və daxili işlər orqanları əməkdaşlarının, habelə onların ailə üzvlərinin sosial müdafiəsinin gücləndirilməsi ilə bağlı tədbirlər haqqında” fərmana edilən dəyişiklikdə əksini tapıb.
“Azərsığorta” Açıq Səhmdar Cəmiyyətinin sədri Komissiyanın üzvləri sırasından çıxarılıb.
Qeyd edək ki, 1997-ci il avqustun 2-dək olan xidmət dövründə Azərbaycan Respublikasının ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar “Hərbi qulluqçuların dövlət icbari şəxsi sığortası haqqında” Azərbaycan Respublikası Qanununun 5-ci maddəsinin “ç” bəndində nəzərdə tutulan halların baş verməsi nəticəsində əlilliyi müəyyən edilmiş hərbi qulluqçulara, daxili işlər orqanlarının əməkdaşlarına və ya onların vərəsələrinə aşağıdakı məbləğlərdə birdəfəlik ödəmə verilir:

- I dərəcə əlilliyə görə – 8 800 manat;

- II dərəcə əlilliyə görə – 6 600 manat;

- III dərəcə əlilliyə görə – 4 400 manat;

Müharibə əlillərinə birdəfəlik ödəmələrin verilməsi “Azərsığorta”dan alındı

2-08-2024, 13:27

Azərbaycanda yeni Mərkəz yaradıldı

Dövlət Turizm Agentliyinin tabeliyində Turizm və Rekreasiya Zonalarının İdarə Edilməsi və İnkişafı Mərkəzi yaradılıb.
Bu barədə Prezident İlham Əliyev Fərman imzalayıb.
Mərkəz Azərbaycan Respublikasında turizm və rekreasiya zonalarının fəaliyyətinin təşkilini, onların idarə olunmasını və inkişaf etdirilməsini həyata keçirən publik hüquqi şəxsdir.
Mərkəzin fəaliyyətinə ümumi rəhbərliyi və nəzarəti həyata keçirmək üçün sədr və onun iki müavini daxil olmaqla 5 (beş) üzvdən ibarət Müşahidə Şurası yaradılıb.
Qurumun fəaliyyətinə cari rəhbərliyi icraçı direktor həyata keçirəcək.
Mərkəzin saxlanılması və fəaliyyətinin təmin edilməsi onun fəaliyyətindən əldə edilən gəlir, ianələr, qrantlar və qanunla qadağan edilməyən digər mənbələr hesabına həyata keçirilir.

Azərbaycanda yeni Mərkəz yaradıldı

2-08-2024, 13:14

Mirmahmud Mirəlioğlu rəsmən deputatlığa namizəd oldu

Klassik Xalq Cəbhəsi Partiyasının sədri Mirmahmud Mirəlioğlunun deputatlığa namizədliyi qeydə alınıb.
Mirmahmud Mirəlioğlu 43 saylı Sumqayıt ikinci seçki dairəsindən deputatlığa namizəd olub.
"İmzasını verən seçicilərimizə və imza toplayan seçki qərargahının bütün üzvlərinə, səlahiyyətli nümayəndələrə təşəkkür edirəm. Namizədliyimin qeydə alınması müddətində hər cür əmək sərf edənlərə, tərəfdarlara və əleyhdarlara minnətdaram", - M.Mirəlioğlu bildirib.
Xatırladaq ki, hakim Yeni Azərbaycan Partiyasının (YAP) 43 saylı Sumqayıt ikinci seçki dairəsindən namizədi 6-cı çağırış Milli Məclisin deputatı Tahir Mirkişilidir.
Mirmahmud Mirəlioğlu 1995-2000-ci illərdə 2-ci çağırış Milli Məclisin deputatı olub.

Mirmahmud Mirəlioğlu rəsmən deputatlığa namizəd oldu

2-08-2024, 12:27

Ermənistan MN-dən Vardanyanın müşavir təyinatı xəbərinə reaksiya

Ermənistan Müdafiə Nazirliyi Kamo Vardanyanın nazirin müşaviri təyin edilməsi ilə bağlı məlumata reaksiya verib.
Bu barədə nazirliyin mətbuat xidməti məlumat yayıb.
Nazirlik bəyan edib ki, nazirin üç hərbi müşaviri var: general-mayor M.Simonyan, ehtiyatda olan polkovniklər R.Petrosyan və M.Poqosyan.
"Sputnik Armenia"nın yazdığına görə, ehtimal etmək olar ki, Vardanyan könüllülük əsasında müşavir təyin edilib.

Ermənistan MN-dən Vardanyanın müşavir təyinatı xəbərinə reaksiya

2-08-2024, 12:19

Sabahın hava proqnozu

Avqustun 3-də gözlənilən hava şəraiti açıqlanıb.
Milli Hidrometeorologiya Xidmətindən verilən xəbərə görə, Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Lakin gecə və səhər bəzi şəhərətrafı ərazilərdə qısamüddətli az yağış yağacağı ehtimalı var. Şimal-qərb küləyi səhər şimal-şərq küləyi ilə əvəz olunacaq.
Havanın temperaturu gecə 21-26° isti, gündüz 29-34° isti olacaq. Atmosfer təzyiqi normadan aşağı 754 mm civə sütunu olacaq. Nisbi rütubət gecə 60-70 %, gündüz 40-50 % olacaq.
Azərbaycanın əksər rayonlarında havanın əsasən yağmursuz keçəcəyi, lakin gündüz bəzi dağlıq və dağətəyi rayonlarda fasilələrlə yağış yağacağı, şimşək çaxacağı gözlənilir. Ayrı-ayrı yerlərdə qısamüddətli leysan xarakterli olacağı, dolu düşəcəyi ehtimalı var. Gecə və səhər arabir duman olacaq. Mülayim şərq küləyi əsəcək.
Havanın temperaturu gecə 20-24° isti, gündüz 31-36° isti, dağlarda gecə 10-15° isti, gündüz 17-22° isti olacaq.

Sabahın hava proqnozu

2-08-2024, 12:10

Bakı-Sumqayıt yolunda dəhşətli qəza: 20-ə yaxın yaralı və ölən var

Bakı-Sumqayıt yolunda baş verən qəza nəticəsində yaralanan 18 nəfər Sumqayıt Tibb Mərkəzinin nəzdindəki xəstəxanalara müraciət edib.
Bu barədə cavab olaraq Mərkəzdən məlumat verilib.
Bildirilib ki, hadisə nəticəsində 1 nəfər həyatını itirib.

Bakı-Sumqayıt yolunda dəhşətli qəza: 20-ə yaxın yaralı və ölən var

2-08-2024, 12:06

Paşinyan yenə Azərbaycanla sərhədə gəldi

Ermənistanın baş naziri Nikol Paşinyan Azərbaycanla sərhədə yaxın ərazidəki Tavuş vilayətinə səfər edib.
Paşinyanın səfəri 2023-cü ildə həyata keçirilən və hazırda icra olunan proqramlarla tanış olmaq məqsədi daşıyıb.
Paşinyan Tavuşa səfəri zamanı hərbi hissələrə gedən yolların vəziyyətindən narazı qalıb.

Paşinyan yenə Azərbaycanla sərhədə gəldi

2-08-2024, 11:38

Laçının daha bir kəndinə köç başlayır

Laçın rayonunun Güləbird kəndinin sakinləri doğma yurdlarına qayıdacaq.
Bu barədə Laçın rayonunda Azərbaycan Respublikası Prezidentinin xüsusi nümayəndəsi Məsim Məmmədov məlumat verib.
O, “Gənclər Yaşıl Dünya Naminə” Diaspor Gənclərinin V Yay Düşərgəsinin rəsmi açılış mərasimində deyib ki, növbəti mərhələdə Laçın sakinlərinin Güləbird kəndinə köçürülməsinə başlanılacaq.
Güləbird kəndinə köçün bu ilin ikinci yarısında həyata keçiriləcəyi bildirilib.
Qeyd edək ki, Güləbird kəndi İkinci Qarabağ müharibəsi zamanı işğaldan azad edilib. 2006-cı ilin statstikasına görə Güləbird kəndinin əhali sayı 1460 nəfər olub.
Xatırladaq ki, Laçın rayonuna köç ötən ilin may ayında başlayıb. Hazırda Laçın şəhərində iki mindən, Zabux və Susda isə mindən çox sakin məskunlaşıb.

Laçının daha bir kəndinə köç başlayır

1-08-2024, 22:49

Türkiyədə matəm elan edildi

Türkiyədə HƏMAS Siyasi Bürosunun rəhbəri İsmayıl Haniyənin öldürülməsi ilə bağlı bir günlük matəm elan edilib.
Bu barədə Türkiyə Prezidenti Rəcəb Tayyib Ərdoğan “X” hesabında paylaşım edib.
“Fələstinin mübarizəsinə dəstəyimizi və fələstinli qardaşlarımızla həmrəy olduğumuzu göstərmək məqsədilə, HƏMAS Siyasi Bürosunun rəhbəri İsmayıl Haniyənin şəhid olması ilə bağlı sabah (2 avqust) milli matəm elan edildi. İsmayıl Haniyə və bütün fələstinli şəhidləri rəhmətlə yad edir, Fələstin xalqına öz adımdan və millətim adından başsağlığı verirəm", - o qeyd edib.

Türkiyədə matəm elan edildi

1-08-2024, 21:57

Mehriban Əliyevadan Kotsoyevlə bağlı paylaşım

Azərbaycanın Birinci vitse-prezidenti Mehriban Əliyeva sosial şəbəkə hesabında cüdoçu Zelim Kotsoyevin Fransanın paytaxtı Parisdə keçirilən Yay Olimpiya Oyunlarının qalibi olması ilə bağlı paylaşım edib.
Butov.az paylaşımı təqdim edir: