28-12-2024, 23:46
Qəzada həlak olanların cənazəsi Bakıya gətirildi
AZAL-ın “Embraer-190” təyyarəsinin qəzaya uğraması nəticəsində həlak olan 24 azərbaycanlının (3 ekipaj üzvü və 21 sərnişin) cənazəsi Qazaxıstandan Bakıya gətirilib.
Cənazələri daşıyan təyyarə Heydər Əliyev adına Beynəlxalq Hava Limanına eniş edib.
Xatırladaq ki, həlak olanlardan 4-nün nəşi, həmçinin 14 yaralı dekabrın 26-da ölkəyə gətirilmişdi.
28-12-2024, 23:33
Narinin işində qərar: atası, qardaşı və əmisinə ömürlük həbs
Türkiyədə 8 yaşlı Narin Güranın ölümü ilə bağlı məhkəmə qərarını açıqlanıb.
Narinin cəsədini dərəyə apardığını etiraf edən Nevzat Bəxtiyar 4 il 6 ay müddətinə azadlıqdan məhrum edilib.
Azyaşlının anası Yüksel Güran, qardaşı Enes Güran və əmisi Səlim Güran isə ömürlük həbs olunublar.
Ömürlük həbs olunanlar Narini öldürməkdə təqsirləndiriliblər. Onlar məhkəmə qərarı ilə razılaşmayaraq etiraz ediblər.
Qeyd edək ki, Türkiyənin Diyarbəkir bölgəsində itkin düşən Narin Güran 19 günlük axtarışlardan sonra tapılıb. Onun ayağında sınıq və boynunda şübhə doğuran ləkə aşkarlanıb. Həmçinin cəsədin həddindən artıq deformasiyaya uğradığı bildirilib.
28-12-2024, 23:26
Goranboyda ağır qəza - 6 nəfər yaralandı
Goranboyda avtomobillər toqquşub, xəsarət alanlar var.
Butov.az "Report"a istinadən xəbər verir ki, hadisə rayonun Balakürd kəndində qeydə alınıb.
İki avtomobilin toqquşması nəticəsində 2007-ci il təvəllüdlü H.Əkbərov, 2007-ci il təvəllüdlü S.Hüseynov, 2007-ci il təvəllüdlü T.Cəfərov, 1991-ci il təvəllüdlü C.Cəfərov, 2002-ci il təvəllüdlü E.Abduləzimov və 2003-cü il təvəllüdlü Ü.Baxşəliyev xəsarət alıb.
Zərərçəkənlər xəstəxanaya çatdırılıb.
Faktla bağlı araşdırma aparılır.
28-12-2024, 22:29
Azərbaycan təyyarəsinin vurulması ilə bağlı cinayət işində yenilik
Qazaxıstanın Aktau şəhəri yaxınlığında baş vermiş təyyarə qəzası ilə bağlı cinayət işi Rusiya İstintaq Komitəsinin (İK) mərkəzi aparatına tapşırılıb.
Bu barədə TASS-a qurumdan bildirilib.
“Rusiya Federasiyası Cinayət Məcəlləsinin 263-cü maddəsi (hərəkət təhlükəsizliyi və hava nəqliyyatının istismarı qaydalarını pozma) ilə Qərb Regionlararası Nəqliyyat İstintaq İdarəsi tərəfindən başlanmış cinayət işi hərtərəfli araşdırılması üçün Rusiya İstintaq Komitəsinin Baş İstintaq İdarəsinə verilib”, - qurumdan bildirilib.
28-12-2024, 20:45
Lavrov Bayramovla təyyarə qəzasını müzakirə etdi
Azərbaycan və Rusiya prezidentlərinin telefon danışığının davamı olaraq, xarici işlər naziri Ceyhun Bayramov ilə Rusiyanın xarici işlər naziri Sergey Lavrov arasında telefon danışığı aparılıb.
Bu barədə Azərbaycan Xarici İşlər Nazirliyindən bildirilib.
Telefon danışığı zamanı, Rusiyanın xarici işlər naziri Sergey Lavrov 25 dekabr tarixində Bakı-Qroznı marşrutu üzrə uçuş yerinə yetirən “Azərbaycan Hava Yolları”na məxsus sərnişin təyyarəsinin faciəvi şəkildə qəzaya uğraması ilə bağlı həlak olanların ailələrinə və yaxınlarına, Azərbaycan xalqına başsağlığı diləklərini çatdırıb.
C.Bayramov öz növbəsində bütün həlak olanlara Allahdan rəhmət, yaralılara şəfa diləyib. O, təyyarəyə ilkin baxışın, təyyarə gövdəsində çoxsaylı dəliklərin olmasının, bələdçilərin və sərnişinlərin ifadələrinin təyyarənin fiziki-texniki xarakterli müdaxilə nəticəsində qəzaya uğradığı faktını təsbit etdiyini vurğulayıb.
Nazir, ən qısa müddət ərzində, beynəlxalq ekspertlərdən ibarət heyətin də iştirakı ilə qəzanın səbəblərinin araşdırılması istiqamətində aparılan işin yekunlaşdırılması, qəzanın səbəblərinin ciddi və hərtərəfli şəkildə müəyyənləşdirilərək elan olunması istiqamətində Azərbaycan tərəfinin gözləntilərini qarşı tərəfin diqqətinə çatdırıb.
Bununla yanaşı, başlanılmış istintaq prosesinin tam şəffaf şəkildə aparılmasının və mütəmadi qaydada ictimaiyyətə məlumat verilməsinin əhəmiyyəti qeyd olunub.
28-12-2024, 20:36
Əhliman Əmiraslanov təyyarə qəzasında xəsarət alanları ziyarət etdi
Milli Məclisin Səhiyyə Komitəsinin sədri Əhliman Əmiraslanov, Tibbi Ərazi Bölmələrini İdarəetmə Birliyinin (TƏBİB) İcraçı direktoru Vüqar Qurbanov və Səhiyyə komitəsinin üzv deputatları Kəmaləddin Qafarov, Müşfiq Məmmədli, Anatoliy Rafailov, Günay Əfəndiyeva, Pərvanə Quliyeva, İlham Məmmədov “Azərbaycan Hava Yolları” aviaşirkətinin təyyarəsinin Aktau yaxınlığında qəzaya uğraması nəticəsində xəsarət alan vətəndaşlarımızı ziyarət edib.
Deputatlar müalicə almaq üçün Bakıya gətirilən və “Yeni Klinika”ya yerləşdirilən yaralılar üçün yaradılan şərait və onların səhhəti ilə maraqlanıb. Deputatlara məlumat verilib ki, yaralılara zəruri tibbi yardımın göstərilməsi üçün bütün lazımi tədbirlər görülüb, yüksək səviyyəli müayinə-müalicə prosesi həyata keçirilir. Milli Məclisin Səhiyyə komitəsinin sədri Əhliman Əmiraslanov “Azərbaycan Hava Yolları” (AZAL) aviaşirkətinə məxsus təyyarənin qəzaya uğraması nəticəsində həyatını itirənlərə dərin hüznlə Allahdan rəhmət, ailələrinə və yaxınlarına səbir diləyib. Xəsarət alanlara tezliklə şəfa tapmasını və doğmalarına qovuşmasını arzulayıb.
28-12-2024, 19:53
Qəzada həlak olanların cənazəsi Bakıya gətirilir
Rusiya səmasında vurulduqdan sonra Aktauda qəza enişi edən AZAL-a məxsus təyyarədə həlak olmuş daha 24 nəfərin cənazəsi Azərbaycana gətirilir.
Cənazələri gətirən təyyarə Aktau hava limanından yola salınıb. Hava gəmisinin təxminən bir saat sonra Heydər Əliyev Beynəlxalq Hava Limanına enəcəyi gözlənilir.
Həlak olan həmyerlilərimizin nəşlərinin sabah ailələrinə təhvil veriləcəyi bildirilib.
28-12-2024, 19:52
Putin Tokayevə də zəng etdi - Təyyarə qəzasına görə...
Rusiya Prezidenti Vladimir Putin Qazaxıstan lideri Kasım-Jomart Tokayevə zəng edib.
Bu barədə Kremlin mətbuat xidməti məlumat yayıb.
Liderlərin Aktau yaxınlığında AZAL sərnişin təyyarəsinin qəzaya uğramasını müzakirə etdikləri bildirilir.
Qeyd edək ki, Putin bundan əvvəl Azərbaycan Prezidenti İlham Əliyevə zəng edib.
28-12-2024, 19:36
Milli Qəhrəmanın oğlunun toyudur
Azərbaycanın Milli Qəhrəmanı, şəhid polkovnik İlqar Mirzəyevin oğlu Elvin Mirzəyev toyudur.
O, Ülkər adlı xanımla ailə həyatı qurur.
Cütlüyün toyu Bakıdakı restoranların birində baş tutur. Onların nişan mərasimi iki ay öncə baş tutmuşdu.
Qeyd edək ki, İlqar Mirzəyev 2020-ci il iyulun 12-də Ermənistan silahlı birləşmələrinin Azərbaycanın dövlət sərhədinin Tovuz rayonu istiqamətində törətdikləri təxribatların qarşısını alarkən şəhid olub.
28-12-2024, 18:05
Prezident özəl TV və radiolara pul ayırdı - SƏRƏNCAM
Prezident İlham Əliyev Azərbaycan Respublikasında özəl ümumölkə televiziya və radio yayımçılarına birdəfəlik maliyyə yardımı göstərilməsi haqqında Sərəncam imzalayıb.
Sərəncama əsasən, Azərbaycan Respublikasında fəaliyyət göstərən özəl ümumölkə televiziya və radio yayımçılarının telekommunikasiya peyki və digər vasitələrlə yayım həyata keçirməsinə əlavə dəstək verilməsi məqsədilə Azərbaycan Respublikasının 2024-cü il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Azərbaycan Respublikasının Audiovizual Şurasına 2,5 milyon manat ayrılıb.
Azərbaycan Respublikasının Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni təmin etməlidir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!