23-12-2024, 13:14
Azərbaycanda neçə "Tesla" avtomobili var? - QİYMƏTLƏR
Amerikalı milyarder İlon Maskın "Tesla" şirkətinin istehsal etdiyi bəzi avtomobillərin şin təzyiqinə nəzarət sistemində nasazlıq yaranıb. Bu barədə "Associated press" Agentliyi bildirib.
Agentliyin məlumatına görə, şirkət nasazlığı aradan qaldırmaq üçün təxminən 700 min elektrikli avtomobili geri çağırır. Nasazlıq əsasən 2024-cü il istehsalı "Cybertruck", 2017-2025-ci illərdə istehsal olunan "Tesla Model S" və 2020-2025-ci illərdə istehsal olunan "Tesla Model Y" modellərində aşkarlanıb.
Bildirilir ki, bu modellərdəki monitorinq sistemi sürücünü aşağı təkər təzyiqi barədə xəbərdar etməyə bilər və bu problem qəza riskini artırır.
Qeyd edək ki, "Tesla" modelləri son illər dünya bazarında önəmli yer tutmağa başlayıb. Azərbaycanda da "Tesla" avtomobillərinin sayında artım var.
2024-cü ilin əvvəlində Azərbaycanda 244 ədəd "Tesla" avtomobili olub.
Bu, 2023-cü ilin əvvəlinə olan məlumatla müqayisədə 2 dəfədən çox artım deməkdir. Qeyd edək ki, həmin məlumata görə, Azərbaycanda cəmi 99 ədəd "Tesla" avtomobili var idi.
2024-cü ilin rəqəmləri açıqlanmasa da, "Tesla" avtomobillərinin sayında artım müşahidə edilir. Bakıda, həmçinin "Tesla" şirkətinin yeni istehsal etdiyi "Cybertruck" pikapı da görünüb.
Qeyd edək ki, "Tesla" avtomobillərinin qiyməti modelinə görə dəyişir. Şirkətin rəsmi saytına görə, "Tesla Y" modelinin qiyməti 31-38 min dollar arasında dəyişir. "Tesla S" modelləri 73-88 min, "Tesla X"lər 65-88 min, "Tesla Model 3"lər isə 29-42 min dollar arasındadır.
23-12-2024, 13:01
Sabahın hava proqnozu
Dekabrın 24-də gözlənilən hava şəraiti açıqlanıb.
Milli Hidrometeorologiya Xidmətindən verilən məlumata görə, sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə arabir duman olacaq. Cənub-qərb küləyi günün ikinci yarısında şimal-qərb küləyi ilə əvəz olunacaq.
Havanın temperaturu gecə 5-7° isti, gündüz 8-12° isti olacaq. Atmosfer təzyiqi normadan yüksək 764 mm civə sütunu olacaq. Nisbi rütubət 80-90 % olacaq.
Azərbaycanın rayonlarında hava şəraiti əsasən yağmursuz keçəcək. Bəzi yerlərdə arabir duman olacaq. Mülayim qərb küləyi əsəcək.
Havanın temperaturu gecə 1° şaxtadan 4°-dək isti, gündüz 10-14° isti, dağlarda gecə 1-6° şaxta, gündüz 3-8° isti olacaq.
23-12-2024, 11:40
Qubadlı və Cəbrayılda modul tipli xəstəxanalar tikiləcək
“Qubadlı və Cəbrayılda modul tipli xəstəxanaların layihələndirilməsinə start verilib”.
Bu sözləri TƏBİB-in İcraçı direktoru Vüqar Qurbanov TƏBİB-in 2024-cü ilin yekunlarına və 2025-ci ilin planlarına dair mətbuat konfransında deyib.
O bildirib ki, işğaldan azad olunmuş ərazilərdə ilkin səhiyyə xidmətinin təşkili üçün baş plan hazırlanıb, 81 kənddə, 8 qəsəbə və 8 şəhərdə ilkin səhiyyə müəssisələrinin dəqiqləşdirilmiş sislokasiyaları və eskiz layihələri Səhiyyə Nazirliyinin tikinti üzrə mütəxəssisləri ilə birlikdə hazırlanaraq Nazirliyin Tikilməkdə Olan Müəssisələrin Müdiriyyəti İdarəsinə təqdim edilib:
“Hazırda işğaldan azad edilən torpaqlarımızda Ağalı, Hadrut, Cəbrayıl, Laçın, Talış, Füzuli, Xocalı ASM, Şuşa, Zəngilan, Ağdam modul, Ağdərə xəstəxanası, Xankəndi poliklinikası fəaliyyət göstərir”.
23-12-2024, 11:33
Sumqayıtda 10-cu sinif şagirdi məktəbli yoldaşını bıçaqladı
Sumqayıt şəhərində 10-cu sinif şagirdinin 9-cu sinif şagirdinə xəsarət yetirməsi barədə məlumat yayılıb.
Məsələ ilə bağlı Abşeron-Xızı Regional Təhsil İdarəsindən bildirilib ki, bazar günü, 22 dekabr tarixində Sumqayıt şəhər 29 nömrəli tam orta ümumtəhsil məktəbinin 10-cu sinif şagirdi 14 nömrəli tam orta ümumtəhsil məktəbinin 9-cu sinif şagirdinə küçədə aralarında yaranmış mübahisə zamanı xəsarət yetirib.
Xəsarət almış şagird tibb müəssisəsinə yerləşdirilib, lazımi tibbi yardım göstərildikdən sonra evə buraxılıb.
Şagirdin fiziki və psixoloji durumu məktəb rəhbərliyi və idarə tərəfindən nəzarətdə saxlanılır. Məktəb direktoru şagirdə baş çəkib, onun səhhəti ilə maraqlanıb.
Qeyd olunanlarla yanaşı, stresin idarə olunması, sağlam psixoloji mühitin bərpasını təmin etmək üçün hər iki məktəbin rəhbərliyinə şagirdlər və pedaqoji heyətlə maarifləndirici söhbətlərin aparılması tapşırılıb.
"Hadisə ilə bağlı hüquq-mühafizə orqanları tərəfindən araşdırma aparılır. Araşdırmanın nəticələri aidiyyəti qurumlar tərəfindən ictimaiyyətə veriləcək.
Uşaqların yeniyetməlik dövrü olduğunu, araşdırma prosesinin davam etdiyini nəzərə alaraq ictimaiyyətdən də bu mövzuda daha həssas davranmalarını, paylaşımlarda rəsmi qurumların açıqlamalarına istinad etməyi xahiş edirik", - açıqlamada bildirilir.
23-12-2024, 11:22
34 il sonra Xankəndidə Yeni il - FOTO
31 Dekabr – Dünya Azərbaycanlılarının Həmrəyliyi Günü və Yeni il bayramı münasibətilə işğaldan azad edilən Xankəndi şəhərində bayrama xüsusi hazırlıq işləri görülür.
34 ildən sonra Xankəndi şəhərində bayram tərtibatı işlərinə xeyli sayda işci qüvvəsi və texnikalar da cəlb edilib.
Xankəndi şəhərində, Ağdərə və Xocalı rayonlarında Azərbaycan Respublikası Prezidentinin xüsusi nümayəndəliyi tərəfindən müvafiq hazırlıq tədbirləri həyata keçirilir. Şəhərin Zəfər meydanında şam ağacı qurulub. Küçələr yeni il atributları ilə bəzədilir. Ağacların üzərində rəngli işıq sistemi və effektlər quraşdırılır. Xankəndi, turistləri möhtəşəm bayram görüntüsü ilə qarşılamağa hazırlaşır.
Qeyd edək, 31 Dekabr – Dünya Azərbaycanlılarının Həmrəyliyi Günü və Yeni il bayramı münasibətilə bu il ilk dəfə olaraq dekabr ayının 26-dan yanvarın 4-dək Xankəndi şəhərində qış nağılı yarmarkası keçiriləcək. Bu yarmarka, azadlıqla yazılan yeni tarixin təntənəsi olacaq. Dekabrın 28-də isə Xankəndi şəhərində konsert proqramı olacaq.
23-12-2024, 11:09
Paşinyan eks-prezidentləri suçladı: "Mən böyük səhv etmişəm"
“1994-cü ildən, yəni atəşkəsdən sonra danışıqlar prosesi “Dağlıq Qarabağ”ın Azərbaycana qaytarılması ilə bağlı gedib”.
Bunu Ermənistanın baş naziri Nikol Paşinyan onu Qarabağı Azərbaycana təhvil verməkdə ittiham edənlərə cavabında bildirib.
Paşinyan bununla ittihamları ondan öncə Ermənistana rəhbərlik etmiş eks-prezidentlərə yönəltməyə çalışıb.
“Başqa heç bir məzmunda danışıqlar prosesi olmayıb. Ermənistan Respublikasında yalnız daxili problemlərin həlli üçün digər məzmunla bağlı danışıqlar aparılıb.
Bu kontekstdə mən böyük səhv etmişəm. 2018-ci ildə əvvəllər aparılan danışıqların məzmununa baxaraq, yuxarıdakıları özümə etiraf etməmişəm. Buna vətənpərvərliyim imkan vermədi və ona görə də bütün bunları xalqa aydınlaşdırmamışam”, - Paşinyan vurğulayıb.
23-12-2024, 10:49
Ölkəmizdə heç vaxt dini zəmində ayrı-seçkilik baş verməyib - Prezident
Ayrı-ayrı dini etiqad və inanclara mənsub icmaların əmin-amanlıq şəraitində yaşadığı Azərbaycanda tarixən qarşılıqlı etimada və hörmətə əsaslanan mütərəqqi milli-mədəni münasibətlər sistemi formalaşıb. Yüz illərlə nümunəvi tolerantlıq ənənələrinin mövcud olduğu ölkəmizdə heç vaxt dini zəmində ayrı-seçkilik və qarşıdurma halları baş verməyib.
Bu fikir Prezident İlham “Dini maarifləndirmənin aktual məsələləri: ənənə, təcrübə və perspektivlər” mövzusunda Azərbaycan din xadimləri Forumunun iştirakçılarına ünvanladığı müraciətdə bildirilib.
Dünya dini liderlərinin mötəbər beynəlxalq tədbirlərinə uğurla ev sahibliyi edən Azərbaycanın bu gün mədəniyyətlərarası əməkdaşlıq və dialoq məkanına çevrilməsinin təsadüfi olmadığını diqqətə çatdıran dövlətimizin başçısı əlavə edib: “Cəmiyyətimizdə etnik-mədəni müxtəlifliyin qorunub saxlanılması, zəngin multikulturalizm dəyərlərinin təbliği və təşviqi dövlət siyasətimizin başlıca istiqamətlərindən biridir. Ölkəmizdə din siyasəti demokratik, hüquqi, dünyəvi dövlətçilik prinsiplərinə və beynəlxalq normalara uyğun həyata keçirilir. Biz bu təcrübəni ictimai-siyasi sabitliyin və həmrəyliyin vacib amili kimi qiymətləndiririk”.
Azərbaycan Prezidenti qeyd edib ki, hazırda dünyada cərəyan edən mürəkkəb proseslər, dinin siyasi məqsədlər üçün vasitəyə çevrilməsi, ksenofobiya, ekstremizm, məzhəbçilik kimi mənfi təzahürlər beynəlxalq sülhə və əmin-amanlığa ciddi təhdidlər yaratmaqdadır. Belə təhlükəli amillərin vaxtında qarşısının alınması üçün dinin cəmiyyət həyatında yerinin və rolunun düzgün qiymətləndirilməsi, mənəvi-əxlaqi tərbiyə işinin təkmilləşdirilməsi, dini təhsil və maarifləndirmə istiqamətində fəaliyyətin gücləndirilməsi günümüzün zəruri məsələlərindəndir. Bu sahədə din xadimlərinin üzərinə böyük vəzifələr düşür.
“Azərbaycanda müxtəlif konfessiyaları təmsil edən din adamlarının, ilahiyyatçıların, alim və mütəxəssislərin aktual problemlərin müzakirəsi ilə bağlı bir araya gəlməsini təqdirəlayiq hesab edirəm. Əminəm ki, toplantınız konstruktiv müzakirələr şəraitində keçəcək, ölkəmizdə dini maarifləndirmənin müasir tələblərə uyğun təşkilinə və mənəvi-əxlaqi dəyərlərin təbliğinə layiqli töhfə verəcəkdir”, - deyə Prezident İlham Əliyevin müraciətində vurğulanıb.
23-12-2024, 10:49
Ölkəmizdə heç vaxt dini zəmində ayrı-seçkilik baş verməyib - Prezident
Ayrı-ayrı dini etiqad və inanclara mənsub icmaların əmin-amanlıq şəraitində yaşadığı Azərbaycanda tarixən qarşılıqlı etimada və hörmətə əsaslanan mütərəqqi milli-mədəni münasibətlər sistemi formalaşıb. Yüz illərlə nümunəvi tolerantlıq ənənələrinin mövcud olduğu ölkəmizdə heç vaxt dini zəmində ayrı-seçkilik və qarşıdurma halları baş verməyib.
Bu fikir Prezident İlham “Dini maarifləndirmənin aktual məsələləri: ənənə, təcrübə və perspektivlər” mövzusunda Azərbaycan din xadimləri Forumunun iştirakçılarına ünvanladığı müraciətdə bildirilib.
Dünya dini liderlərinin mötəbər beynəlxalq tədbirlərinə uğurla ev sahibliyi edən Azərbaycanın bu gün mədəniyyətlərarası əməkdaşlıq və dialoq məkanına çevrilməsinin təsadüfi olmadığını diqqətə çatdıran dövlətimizin başçısı əlavə edib: “Cəmiyyətimizdə etnik-mədəni müxtəlifliyin qorunub saxlanılması, zəngin multikulturalizm dəyərlərinin təbliği və təşviqi dövlət siyasətimizin başlıca istiqamətlərindən biridir. Ölkəmizdə din siyasəti demokratik, hüquqi, dünyəvi dövlətçilik prinsiplərinə və beynəlxalq normalara uyğun həyata keçirilir. Biz bu təcrübəni ictimai-siyasi sabitliyin və həmrəyliyin vacib amili kimi qiymətləndiririk”.
Azərbaycan Prezidenti qeyd edib ki, hazırda dünyada cərəyan edən mürəkkəb proseslər, dinin siyasi məqsədlər üçün vasitəyə çevrilməsi, ksenofobiya, ekstremizm, məzhəbçilik kimi mənfi təzahürlər beynəlxalq sülhə və əmin-amanlığa ciddi təhdidlər yaratmaqdadır. Belə təhlükəli amillərin vaxtında qarşısının alınması üçün dinin cəmiyyət həyatında yerinin və rolunun düzgün qiymətləndirilməsi, mənəvi-əxlaqi tərbiyə işinin təkmilləşdirilməsi, dini təhsil və maarifləndirmə istiqamətində fəaliyyətin gücləndirilməsi günümüzün zəruri məsələlərindəndir. Bu sahədə din xadimlərinin üzərinə böyük vəzifələr düşür.
“Azərbaycanda müxtəlif konfessiyaları təmsil edən din adamlarının, ilahiyyatçıların, alim və mütəxəssislərin aktual problemlərin müzakirəsi ilə bağlı bir araya gəlməsini təqdirəlayiq hesab edirəm. Əminəm ki, toplantınız konstruktiv müzakirələr şəraitində keçəcək, ölkəmizdə dini maarifləndirmənin müasir tələblərə uyğun təşkilinə və mənəvi-əxlaqi dəyərlərin təbliğinə layiqli töhfə verəcəkdir”, - deyə Prezident İlham Əliyevin müraciətində vurğulanıb.
23-12-2024, 10:49
Ölkəmizdə heç vaxt dini zəmində ayrı-seçkilik baş verməyib - Prezident
Ayrı-ayrı dini etiqad və inanclara mənsub icmaların əmin-amanlıq şəraitində yaşadığı Azərbaycanda tarixən qarşılıqlı etimada və hörmətə əsaslanan mütərəqqi milli-mədəni münasibətlər sistemi formalaşıb. Yüz illərlə nümunəvi tolerantlıq ənənələrinin mövcud olduğu ölkəmizdə heç vaxt dini zəmində ayrı-seçkilik və qarşıdurma halları baş verməyib.
Bu fikir Prezident İlham “Dini maarifləndirmənin aktual məsələləri: ənənə, təcrübə və perspektivlər” mövzusunda Azərbaycan din xadimləri Forumunun iştirakçılarına ünvanladığı müraciətdə bildirilib.
Dünya dini liderlərinin mötəbər beynəlxalq tədbirlərinə uğurla ev sahibliyi edən Azərbaycanın bu gün mədəniyyətlərarası əməkdaşlıq və dialoq məkanına çevrilməsinin təsadüfi olmadığını diqqətə çatdıran dövlətimizin başçısı əlavə edib: “Cəmiyyətimizdə etnik-mədəni müxtəlifliyin qorunub saxlanılması, zəngin multikulturalizm dəyərlərinin təbliği və təşviqi dövlət siyasətimizin başlıca istiqamətlərindən biridir. Ölkəmizdə din siyasəti demokratik, hüquqi, dünyəvi dövlətçilik prinsiplərinə və beynəlxalq normalara uyğun həyata keçirilir. Biz bu təcrübəni ictimai-siyasi sabitliyin və həmrəyliyin vacib amili kimi qiymətləndiririk”.
Azərbaycan Prezidenti qeyd edib ki, hazırda dünyada cərəyan edən mürəkkəb proseslər, dinin siyasi məqsədlər üçün vasitəyə çevrilməsi, ksenofobiya, ekstremizm, məzhəbçilik kimi mənfi təzahürlər beynəlxalq sülhə və əmin-amanlığa ciddi təhdidlər yaratmaqdadır. Belə təhlükəli amillərin vaxtında qarşısının alınması üçün dinin cəmiyyət həyatında yerinin və rolunun düzgün qiymətləndirilməsi, mənəvi-əxlaqi tərbiyə işinin təkmilləşdirilməsi, dini təhsil və maarifləndirmə istiqamətində fəaliyyətin gücləndirilməsi günümüzün zəruri məsələlərindəndir. Bu sahədə din xadimlərinin üzərinə böyük vəzifələr düşür.
“Azərbaycanda müxtəlif konfessiyaları təmsil edən din adamlarının, ilahiyyatçıların, alim və mütəxəssislərin aktual problemlərin müzakirəsi ilə bağlı bir araya gəlməsini təqdirəlayiq hesab edirəm. Əminəm ki, toplantınız konstruktiv müzakirələr şəraitində keçəcək, ölkəmizdə dini maarifləndirmənin müasir tələblərə uyğun təşkilinə və mənəvi-əxlaqi dəyərlərin təbliğinə layiqli töhfə verəcəkdir”, - deyə Prezident İlham Əliyevin müraciətində vurğulanıb.
22-12-2024, 18:54
Bədən görkəmi və psixoloji sağlamlıq: Artıq çəkinin yaratdığı təzyiqlər
Bu gün müasir dövrün digər problemlərindən biri də cəmiyyətdə artıq çəkinin yaratdığı təzyiqlərdir. İdeal bədən quruluşunu arzulayıbda sahib ola bilməyən şəxslər sosial, emosional və psixoloji təsirlərin əhatəsində sıxılırlar. Bu, sadəcə bir kilo problemi deyil, daha çox özünə inamsızlıq və cəmiyyətin gözləntilərinin təzyiqi altında yaşamaqdır.
Cəmiyyətin gözləntiləri, fiziki görkəm üzərində böyük bir təsirə malikdir. Moda dünyası, sosial media və reklamlar ideal bədən ölçülərini təbliğ edir, bu da insanların özlərini bədənləri ilə müqayisə etməsinə səbəb olur. Sosial təzyiq, xüsusilə gənc yaşlarda, artıq çəki problemi yaşayan insanları daha çox əhatə edir. Bədənə dair mənfi düşüncələr və görünüşə yönəlmiş tənqidlər, psixoloji komplekslərin əsas mənbəyidir.
Bir çox insanlar, artıq çəkili olduqlarını hiss etdikləri zaman cəmiyyətdən kənarda qalma qorxusu yaşayır. Xüsusilə sosial mediada gözəl və ideal bədənli şəxslərin daim paylaşımlar etməsi, bədənlərini bəyənməyən və ya çəki problemi yaşayan şəxslərdə özünə inamsızlıq yaradır. Bu, bəzən sosial izolyasiya və daha dərindən psixoloji problemlər – depressiya, narahatlıq və bədən şəkli ilə bağlı düşüncələrə səbəb olur.
Nəticədə, bu, insanın özünü daha az qiymətləndirməsinə, digər insanlarla münasibətlərində çətinliklər yaşamasına və hətta peşəkar həyatda da uğur əldə etməsində maneələrə səbəb ola bilər. Artıq çəki problemi yaşayan insanlar tez-tez “gözlənilən” bədən ölçülərinə sahib olmamanın gətirdiyi sosial və şəxsi təzyiqlərlə başa çıxmaqda çətinlik çəkirlər.
Artıq çəki, mənəvi təsir etdiyi kimi, psixoloji problemlər də bədənin fiziki vəziyyətinə mənfi təsir göstərir. Çəki artdıqca, hərəkət etmək çətinləşir, fiziki fəaliyyətlərdə sərbəstlik azalır və bu, şəxsi narahatlıq yaradır. Məsələn, davamlı narahatlıq və depressiya halları, aqressiyanın artmasına və bəzi hallarda stressə bağlı yemək vərdişlərinin yaranmasına səbəb ola bilər. Bu vəziyyət öz növbəsində, əlavə kilo alımına gətirib çıxarır və artıq çəkinin yaratdığı psixoloji təsirlər dövrünü davam etdirir.
Bu dövrü qırmaq üçün psixoloji dəstək, bədənə dair müsbət düşüncələrin inkişaf etdirilməsi, sağlam qidalanma və fiziki fəaliyyətə diqqət yetirilməsi vacibdir. İnsanlar, cəmiyyətin gözləntilərindən asılı olmayaraq öz bədənlərini qəbul etməyə və özlərinə güvənməyə başladıqda, həm fiziki, həm də psixoloji sağlamlıqlarını yaxşılaşdırmağa başlaya bilərlər.
Artıq çəkidən qurtulmaq üçün effektiv və sağlam yanaşmalar mövcuddur. Bu yanaşmaların əsas məqsədi yalnız çəkini azaltmaq deyil, həm də bədənin zehni sağlamlığını qorumaqdır. Buna görə müəyyən hədəflər qarşıya qoyulmalı, balanslaşdırılmış pəhriz planı hazırlanmalı, fiziki aktivliyi artırılmalı, yuxu rejiminə diqqət etməli və digər həll yolları sadalamaq olar. Əsas olan iradəli olmağı bacarıb öhdəsindən gəlməkdir. Ətrafın düşüncələrinə deyildə öz istəklərinə və sağlamlığına görə cəhd etməkdir.
“Artıq çəki ilə mübarizə, sadəcə bədənimizin formasıyla deyil, eyni zamanda özümüzlə barışmaqdır. Hər bir kiçik addım, özümüzü daha yaxşı hiss etməyə, öz bədənimizi daha çox sevməyə və həyatın keyfini daha dolğun şəkildə yaşamağa yaxınlaşdırır. Çəki itirmək bir hədəf ola bilər, amma əsl məqsəd bədənimizi və ruhumuzu sağlam, güclü və sevdiyimiz şəkildə yaşamaqdır. Unutmayın ki, bu yol təkcə çəki atmaq deyil, eyni zamanda daxili gücümüzü kəşf etmək, özümüzə inamı bərpa etmək və həyatın hər anını dəyərləndirməkdir. Çünki ən böyük qalibiyyət, özümüzə qarşı qazandığımız mübarizədir.”
Fatimə QULİYEVA,
Bakı Slavyan Universitetinin Sosial Elmlər fakültəsinin tələbəsi
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!