20-01-2025, 17:25
Avtoxuliqanlıq edən sürücü həbs edildi
Paytaxt ərazisində narkotik vasitənin təsiri altında avtoxuliqanlıq hərəkətləri edən sürücü həbs edilib.
Bu barədə Bakı Şəhər DYP İdarəsinindən bildirilib.
Məlumata görə, Bakı Şəhər DYP İdarəsinin əməkdaşları tərəfindən yol hərəkəti qaydasını pozduğu üçün “Volkwagen” markalı, 77-DD-459 dövlət qeydiyyat nişanlı nəqliyyat vasitəsinin sürücüsünə “saxla” işarəsi verilsə də o, buna məhəl qoymayaraq hərəkətini davam etdirib:
“Görülən tədbirlər nəticəsində yol hərəkəti qaydalarını davamlı şəkildə pozaraq digər hərəkət iştirakçılarının da sağlamlığı üçün real təhlükə yaradan sürücü Ramil Xamadyarov saxlanılıb.
Sənədləri yoxlanılan zaman sürücünün hərəkətləri şübhə doğurduğundan onun tibbi müayinədən keçməsi təmin olunub. Müayinə zamanı R.Xamadyarovun narkotik vasitə qəbul etməsi də müəyyən olunub.
Sürücü barəsində Azərbaycan Respublikası İnzibati Xətalar Məcəlləsinin müvafiq maddələrinə əsasən inzibati protokol tərtib edilərək baxılması üçün aidiyyəti məhkəməyə göndərilib. Məhkəmənin qərarı ilə R.Xamadyarovun sürücülük hüququ 1 il müddətinə məhdudlaşdırılıb və o, 20 sutka inzibati qaydada həbs edilib”.
20-01-2025, 17:00
Mirzoyan Moskvaya gedir
Ermənistanın xarici işlər naziri Ararat Mirzoyan yanvarın 21-də Moskvaya səfər edəcək.
Bu barədə Ermənistanın Xarici İşlər Nazirliyinin sözçüsü Ani Badalyan məlumat yayıb.
Bildirilib ki, səfər çərçivəsində onun rusiyalı həmkarı Sergey Lavrovla görüşü, bundan sonra isə nazirlərin birgə mətbuat konfransı nəzərdə tutulub.
20-01-2025, 16:53
Bakıda gənc ana itkin düşdü
Bakı şəhəri Xətai rayonunda 22 yaşlı qadın 1 aya yaxındır ki, itkin düşüb.
2002-ci il təvəllüdlü Gülasər Mustafayeva dekabrın 24-ü səhər saatlarında yaşadığı ünvandan ailəsini və 2 yaşlı qız uşağını qoyaraq evdən gedib.
Faktla bağlı polisə məlumat verilib.
Qeyd edilir ki, 2 yaşlı körpəyə atası baxır. Qadını tapan şəxsə pul mükafatı veriləcəyi bildirilir.
İtkin düşən şəxsi görənlərdən 070 431 33 39 nömrəsi ilə əlaqə saxlanılmasını vəya 34-cü polis bölməsinə məlumat vermələri xahiş edilir.
20-01-2025, 16:45
Ərdoğan komandasını gəncləşdirəcək - Hakim partiyadan AÇIQLAMA
Türkiyə Prezidenti Rəcəb Tayyib Ərdoğan rəhbəri etdiyi hakim Ədalət və İnkişaf Partiyasının (AK Partiya) rəhbərliyində dəyişikliklər etməyi planlaşdırır. Bu barədə “Türkiye” qəzeti yazıb.
Qəzetin məlumatına görə, partiya İdarə Heyətinin 60 faizinin yenilənməsi nəzərdə tutulub. Mənbələr dəyişikliklərin növbəti seçkilərlə əlaqəli olduğunu bildirib.
Nəşr qeyd edib ki, Ərdoğan artıq 2028-ci ilə planlaşdırılan prezident və parlament seçkiləri üçün partiyası üçün yeni komanda toplamağa başlayıb. Ötən il keçirilən bələdiyyə seçkilərində hakim partiyanın yüksək nəticə göstərməməsi də Ərdoğanın qərarına təsir edib.
Bəs necə dəyişiklik gözlənilir?
Məsələ ilə bağlı Ədalət və İnkişaf Partiyasının deputatı Adəm Yıldırım bildirib ki, partiyanın qazandığı səsi 50%-dən yuxarı qaldıracaq şəkildə yeniləşmə olacaq:
“Ortada dəqiq bir şey yoxdur. Ədalət və İnkişaf Partiyasının 22-23 illik fəaliyyəti var. Bunun gətirmiş olduğu yeniləşmədir. Lakin dəqiq bilinmir ki, dəyişiklik hansı minvalda olacaq. Qurultay yaxınlaşdıqca detalları cənab Prezidentimiz açıqlayar. Onsuz da Ədalət və İnkişaf Partiyası hər daim gəncləşməni önəmsəyən bir partiyadır. Prezidentimizin rəhbərliyi ilə gənc və qadın kadrlara həmişə yer verilib. Bu mənada həm gənc, həm qadın, həm də sahəsində yaxşı olan şəxslərlə siyasət aparmağa üstünlük verilib. Prezidentimiz daha gənc kadrların olacağı dəyişikliyi hədəfləyir”.
20-01-2025, 16:32
Laçında anım mərasimi - FOTO
Laçın rayonunda Azərbaycan Respublikası Prezidentin Xüsusi nümayəndəliyinin təşəbbüsü, Laçın rayonunda Bərpa, Tikinti və İdarəetmə Xidmətinin təşkilatçılığı ilə 20 Yanvar - Ümumxalq Hüzn Gününün 35-ci ildönümünə həsr edilmiş “20 Yanvar - Bir gecənin əbədi yaddaşı” adlı anım mərasimi keçirilib.
Laçın rayonunda Bərpa, Tikinti və İdarəetmə Xidmətindən verilən məlumata görə, tədbirdə Laçın rayonunda Azərbaycan Respublikası Prezidentinin xüsusi nümayəndəliyinin, Laçın rayonunda Bərpa, Tikinti və İdarəetmə Xidmətinin, “Bakı Abadlıq Xidməti”nə bağlı olan “Laçın Abadlıq Xidməti”nin əməkdaşları, Azərbaycan Ordusunun hərbi heyəti, rayonun hüquq-mühafizə orqanlarının rəhbərləri, şəhid ailələri, qazilər, idarə, müəssisə və təşkilatların nümayəndələri iştirak ediblər.
Əvvəlcə şəhidlərin xatirəsi bir dəqiqəlik sükutla yad olunub.
Prezidentin xüsusi nümayəndəsi Məsim Məmmədov çıxışında bildirib ki, 1990-cı il yanvarın 19-dan 20-nə keçən gecə Sovet rəhbərliyinin əmri ilə Azərbaycan xalqına qarşı düşmənçilik hissləri ilə silahlanmış 65 minlik hərbi qüvvə, xüsusilə erməni mənşəli əsgər və zabitlər heç bir xəbərdarlıq edilmədən beş istiqamətdən Bakıya daxil olublar. Tanklar və zirehli maşınlar qarşılarına çıxan avtomobilləri, insanları əzib keçib, hər kəs atəşə tutulub. Yanvarın 20-də və sonrakı bir neçə gündə Bakıda, Neftçala və Lənkəranda, ümumilikdə, 147 nəfər qətlə yetirilib, 744 nəfər yaralanıb, 800-dən çox insan həbs olunub.
Qeyd edilib ki, Azərbaycan xalqının başına gətirilən qanlı faciəyə ilk siyasi-hüquqi qiymət verən Ümummilli Lider Heydər Əliyev olub: “Ulu Öndər həmin günlərdə özünün və ailəsinin həyatını təhlükə altına ataraq Azərbaycanın Moskvadakı daimi nümayəndəliyinə gəlib, qanlı aksiyanı qətiyyətlə pisləyib, xalqımıza qarşı törədilən bu cinayətə, günahsız insanların öldürülməsinə etirazını bildirib, təqsirkarların cəzalandırılmasını tələb edib”.
Xüsusi nümayəndə daha sonra Vətən müharibəsində qazanılan tarixi qələbədən danışıb. Vurğulayıb ki, Müzəffər Ali Baş Komandan İlham Əliyevin rəhbərliyi ilə rəşadətli Azərbaycan Ordusu torpaqlarımızı erməni işğalından azad edib. İndi doğma Vətənimizin hər yerində Azərbaycanın şanlı bayrağı əzəmətlə dalğalanır. Bu torpaqlarda böyük quruculuq-yenidənqurma işləri ilə həyat yenidən canlanır və ölkəmiz güclü dövlətə çevrilib.
Daha sonra Laçın rayon ağsaqqalı Osman Həsənov və şəhid Vaqif Salmanovun qızı Vüsalə Salmanzadə çıxış edərək, 20 Yanvar hadisəsinin tarixi əhəmiyyətini, azadlıq mübarizəmizdə oynadığı mühüm rolu və şəhidlərimizin igidliyini vurğulayıblar.
Tədbirin bədii hissəsində şagirdlərin ifasında 20 Yanvar şəhidlərinə həsr olunmuş şeirlər səsləndirilib və “Silahdaşlar” adlı sənətli film nümayiş olunub.
20-01-2025, 16:24
Çin həmin sürücünü edam etdi
Çinin Quandun əyalətində xalq məhkəməsi 62 yaşlı Fan Veyçiu barəsində ölüm hökmü çıxarıb.
Təqsirləndirilən şəxsin idarə etdiyi avtomobil 2024-cü ilin noyabrında insanlara çırpılıb, hadisə nəticəsində 35 nəfər ölüb, 43 nəfər yaralanıb.
Sürücü ictimai təhlükəsizliyə təhlükə törətməkdə təqsirli bilinib. Cəza hökmün çıxarılmasından bir ay keçməmiş həyata keçirilib, məhkəmə prosesi 2024-cü il dekabrın 27-də baş tutub.
20-01-2025, 15:54
İlham Əliyev 20 Yanvarla bağlı paylaşım etdi
Azərbaycan Prezidenti İlham Əliyev 20 Yanvar faciəsi ilə bağlı video paylaşıb.
Dövlət başçısı paylaşımı öz şəxsi "İnstagram" sosial media hesabında paylaşıb.
Paylaşımı təqdim edirik:
20-01-2025, 15:36
Rəqəmsal İnkişaf və Nəqliyyat Nazirliyinin kollektivi Şəhidlər xiyabanını ziyarət etdi
20 Yanvar faciəsinin 35-ci ildönümü ilə əlaqədar Rəqəmsal İnkişaf və Nəqliyyat Nazirliyinin kollektivi Şəhidlər xiyabanını ziyarət edib.
Nazirlikdən bildirilib ki, ölkəmizin azadlığı uğrunda canlarını fəda etmiş şəhidlərimizin məzarları üzərinə tər qərənfillər düzülüb, onların xatirəsi ehtiramla yad olunub.
20-01-2025, 15:22
Rusiya hərbçiləri Azərbaycanla sərhədi tərk edirlər
Azərbaycanın Qazax rayonunun Aşağı Əskipara kəndi ilə sərhəddə yerləşən Ermənistanın Voskepar kəndində yerləşən rusiyalı hərbçilər oradan çıxırlar.
Bu barədə erməni jurnalist Voskan Sarkisyan bildirib.
“Artıq 4-5 gündür ki, ruslar Voskepardakı kazarmalarından texnikanı yığışdırırlar”, - o yazıb.
Erməni jurnlistin sözlərinə görə, 4-5 gündür ki, yük maşınları Voskepardan keçən dövlətlərarası avtomobil yolunun kənarında dayanır. Onlar sökülən rus kazarmalarının modullarını daşıyırlar. Voskepar sakinləri rusların bu modulları hara apardıqlarını bilmirlər, bəziləri Ararata, bəziləri Rusiyaya apardıqlarını düşünürlər.
Rusiya hərbçiləri Voskepara 2021-ci ilin avqustun əvvəlində gəliblər. Rus hərbçiləri əvvəlcə kəndin kənarındakı tərk edilmiş evlərdən birində yaşayıb, sonra yığma modullardan kazarmalar tikiblər.
“Güman edilirdi ki, Rusiya hərbçiləri Azərbaycanla sərhədin bu hissəsində sərhədin demarkasiyası işlərində iştirak etməli idilər, lakin onlar iştirak etməyiblər”, - jurnalst yazıb.
Voskepar hələ 1990-cı ildə Ermənistanın nəzarətinə keçən Azərbaycanın Yuxarı Əskipara kəndi ilə Aşağı Əskipara kəndi arasında yerləşir.
Bu kəndə nəzarətin Ermənistanın əlində olması Azərbaycanın bir neçə kəndini əsas torpaqlardan ayıraraq eksklava çevirib. Bunlar Yuxarı Əskipara, Sofulu və Barxudarlı kəndləridir ki, hər üç esklav hazırda Ermənistanın işğalı altındadır.
20-01-2025, 13:53
Milli Məclisin kollektivi Şəhidlər xiyabanında - FOTO
Yanvarın 20-də Milli Məclis sədrinin birinci müavini Əli Əhmədov, sədr müavinləri Ziyafət Əsgərov, Rafael Hüseynov, Musa Qasımlı, deputatlar, Milli Məclis Aparatının rəhbəri Fərid Hacıyev, Parlament Aparatının və İşlər İdarəsinin kollektivləri 20 Yanvar – Ümumxalq Hüzn Günü ilə əlaqədar Şəhidlər xiyabanını ziyarət ediblər.
Bu barədə Milli Məclisin Mətbuat və ictimaiyyətlə əlaqələr şöbəsindən məlumat verilib.
Bildirilib ki, Milli Məclisin kollektivi 20 Yanvar şəhidlərinin xatirəsini dərin ehtiramla yad edib, Azərbaycanın azadlığı uğrunda canlarından keçmiş qəhrəman Vətən övladlarının məzarları üzərinə gül dəstələri düzüb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!