4-06-2025, 23:28
Selçuk Bayraktardan Azərbaycan paylaşımı
"Keçmişimiz də, gələcəyimiz də birdir".
Bunu Baykar şirkətinin İdarə Heyətinin sədri Selçuk Bayraktar "X" hesabında yazıb.
“Keçmişimiz də, gələcəyimiz də birdir! Can Azərbaycanda qurduğumuz ‘Bayraktar Teknoloji’ şirkəti ilə ölkələrimizin tam müstəqilliyi naminə yüksək texnologiyalar inkişaf etdiririk”, – Bayraktar qeyd edib.
4-06-2025, 22:48
Azərbaycan millisi məğlub oldu
21 yaşadək futbolçulardan ibarət Azərbaycan millisi bu gün yoxlama oyunu keçirib.
Belarusda təlim-məşq toplanışında olan Ayxan Abbasovun komandası bu ölkədən olan həmyaşıdları ilə üz-üzə gəlib.
Baranoviçi şəhər stadionunda oynanılan matç Belarusun 3:1 hesablı qələbəsi ilə yekunlaşıb. Yığmamızın yeganə qolunu 22-ci dəqiqədə Raul Məmmədov vurub.
Qeyd edək ki, U-21 iyunun 8-də isə Mehdi Hüseynzadə adına Sumqayıt şəhər stadionunda Monteneqro ilə yoldaşlıq görüşü keçirəcək.
4-06-2025, 21:51
İlham Əliyev Pezeşkianla danışdı
İyunun 4-də Azərbaycan Respublikasının Prezidenti İlham Əliyev ilə İran İslam Respublikasının Prezidenti Məsud Pezeşkian arasında telefon danışığı olub.
Bu barədə Azərbaycan Prezidentinin Mətbuat Xidməti məlumat yayıb.
İran Prezidenti dövlətimizin başçısını, qardaş və dost Azərbaycan xalqını qarşıdan gələn müqəddəs Qurban bayramı münasibətilə təbrik edib, xalqımıza rifah və tərəqqi arzulayıb.
Prezident İlham Əliyev də öz növbəsində İran Prezidentini, qardaş və dost İran xalqını qarşıdan gələn müqəddəs Qurban bayramı münasibətilə təbrik edib, firavanlıq və tərəqqi arzularını çatdırıb.
Məsud Pezeşkian ölkəmizə rəsmi səfərini, səfər çərçivəsində dövlətimizin başçısı ilə keçirdiyi görüşləri və aparılan səmərəli müzakirələri məmnunluqla xatırlayıb.
Azərbaycan Prezidenti də səfər zamanı aparılan müzakirələri yüksək qiymətləndirib.
Telefon danışığı əsnasında hazırda iki ölkənin aidiyyəti dövlət qurumlarının Məsud Pezeşkianın ölkəmizə rəsmi səfəri zamanı qarşıya qoyulan tapşırıqların həyata keçirilməsi üçün səylərini davam etdirdikləri vurğulanıb. Səfərin nəticəsi olaraq Bakı-Təbriz aviareysinin bərpası və Bakı-Tehran istiqamətində təyyarə reyslərinin sayının artırılması qeyd edilib, bunun xalqlarımız arasında təmasların artmasına müsbət təsir göstərəcəyinə əminlik ifadə olunub.
Azərbaycan-İran əlaqələrinin inkişafında hazırda dönüş nöqtəsinin olduğu vurğulanıb və birgə səylərlə ölkələrimiz arasında münasibətlərin müxtəlif sahələrdə dinamik surətdə inkişaf edəcəyinə ümidvarlıq bildirilib.
Telefon söhbəti zamanı dövlət başçıları qarşılıqlı maraq doğuran digər məsələlərə də dair fikir mübadiləsi aparıblar.
4-06-2025, 21:46
Putin Roma Papası ilə danışıqlar apardı
Rusiya Prezidenti Vladimir Putinlə Roma Papası XIV Leo arasında telefon danışığı baş tutub.
Bu barədə Kremlin mətbuat xidməti məlumat yayıb.
Məlumatda qeyd olunur ki, Putinlə Leo dünyanın müxtəlif regionlarında, xüsusən də Yaxın Şərqdə xristianların və xristian ziyarətgahlarının mühafizəsi sahəsində əməkdaşlığın dərinləşdirilməsində həmfikir olublar.
4-06-2025, 20:25
Kılıçdaroğlunun CHP sədrliyinə qayıdışı gündəmdədir
Türkiyənin ana müxalifətdə olan Cümhuriyyət Xalq Partiyasında (CHP) daxili gərginliklər və məhkəmə prosesi fonunda sabiq lider Kemal Kılıçdaroğlunun yenidən partiyanın başına keçəcəyi iddiaları gündəmdədir.
2023-cü ilin noyabrında keçirilən qurultayda Özgür Özel Kılıçdaroğlunu məğlub edərək sədr seçilib.
Lakin həmin qurultayın ləğvi ilə bağlı açılan məhkəmə prosesində qərar çıxarsa, bu, Kılıçdaroğlunun hüquqi olaraq yenidən sədr olmasına yol aça bilər.
Partiya rəhbərliyi bu ssenarini real saymasa da, “hər ehtimala qarşı hazırlıqlı olduqlarını” bildirir. Türkiyə mətbuatında yayılan məlumatlara görə, partiyada həm birləşmə çağırışları, həm də “yedək partiya” planları müzakirə olunur.
Kılıçdaroğlunun tərəfdarları onun geri dönərək partiyanı təmizləmə və yeni qurultaya aparma niyyətində olduğunu bildirir.
Özgür Özel bu proseslərin partiyanı zəiflətmək məqsədi daşıdığını düşünür və “Atatürkün partiyasına seçkisiz rəhbərlik gətirilməsinə iki milyon üzv imkan verməz” mesajını verib.
Məhkəmə qərarının necə olacağı partiyanın gələcəyinə yön verə bilər. Partiyadakı bəzi millət vəkilləri isə həm Kılıçdaroğlu, həm də Özel tərəfdarlarını uzlaşdırmaya çağırır və əks halda CHP-nin parçalanma riski ilə üz-üzə qalacağını bildirir.
4-06-2025, 20:08
Türk hərbçiləri daşıyan avtobus qəzaya düşdü - 12 yaralı
Türkiyənin Hakkari şəhərində hərbçiləri daşıyan avtobus aşıb.
Hadisə nəticədə 12 hərbçi yaralanıb. Onlar xəstəxanaya yerləşdiriliblər.
Hərbçilərin durumlarının qənaətbəxş olduğu bildilir.
4-06-2025, 19:46
Hikmət Hacıyev bu ölkələrin nümayəndələri ilə görüşdü
Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev Şimali və Baltikyanı ölkələrin (Şimali Baltik Səkkizliyi ölkələri, NB8) nümayəndələri ilə görüşüb.
O, bu barədə "X" hesabında paylaşım edib.
"Bizim qlobal və regional məsələlər, eləcə də ikitərəfli gündəm üzrə çox səmərəli dialoqumuz oldu. Müxtəlif sahələrdə əməkdaşlığımızı inkişaf etdirmək üçün geniş imkanlar və qarşılıqlı maraq var", - o bildirib.
4-06-2025, 18:00
Pensiya alanlara şad xəbər
Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu iyunun 5-də Bakı və Sumqayıt şəhərləri, eləcə də Abşeron rayonu üzrə bu ayın pensiyalarının qrafikdən əvvəl ödənilməsini nəzərdə tutub.
Bu barədə fond məlumat yayıb.
Qeyd olunub ki, Naxçıvan Muxtar Respublikasının Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu tərəfindən də muxtar respublika üzrə bu ayın pensiya ödənişinin vaxtından əvvəl həyata keçirilməsi planlaşdırılır.
Qeyd edək ki, güzəştli şərtlərlə pensiya hüququna malik şəxslərin pensiyaları bu ay da qrafik üzrə ödəniləcək.
4-06-2025, 17:46
Xamenei ABŞ-ın təklifini rədd edib
İranın ali lideri Ayətullah Əli Xamenei ABŞ-ın nüvə təklifini rədd edib.
İranın ali rəhbəri ABŞ-ın təklifini milli suverenliyə təhlükə adlandırıb və İranın uranı zənginləşdirməyə davam edəcəyini vurğulayıb.
"ABŞ-nin birinci tələbi odur ki, İranın nüvə sənayesi olmasın. Amerikanın absurd iddialarına cavabımız aydındır: onlar bununla bağlı heç nə edə bilməzlər. Nüvə sənayesi bizim ana sənayemizdir. Atom sənayesi bir çox elmi sahələrə təsir göstərir. Uran zənginləşdirilməsi nüvə məsələsinin açarıdır və düşmənlərin diqqəti zənginləşdirməyə yönəlib".
ABŞ prezidenti Donald Tramp bəyan edib ki, Vaşinqtonun İranla mümkün razılaşması heç bir şəkildə uranın zənginləşdirilməsini nəzərdə tutmur. ABŞ prezidenti belə bir bəyanatla Vaşinqtonun təklifinin Tehrana məhdud zənginləşdirmə aparmasına imkan verdiyi barədə geniş yayılmış xəbərlərdən sonra çıxış edib.
Xatırladaq ki, İran və ABŞ Omanın vasitəçiliyi ilə İranın nüvə problemi ilə bağlı beş raund danışıqlar aparıb. Sonuncu mayın 23-də Romada baş tutub. Danışıqlardan sonra xarici işlər naziri Abbas Arakçi bəyan edib ki, Omanın təklif etdiyi mexanizmlər danışıqlarda irəliləyişə maneələrin aradan qaldırılmasına kömək edə bilər.
Eyni zamanda, beşinci raunddan əvvəl tərəflər arasında ziddiyyətlər daha da kəskinləşmişdi. Danışıqlardan əvvəl ABŞ İrandan uranın zənginləşdirilməsindən imtina etməsini tələb etmişdi, lakin İran tərəfi bu tələbi rədd edərək bildirmişdi ki, ABŞ Tehranın zənginləşdirmə texnologiyasından imtinasında israr etsə, tərəflər razılığa gələ bilməyəcək.
4-06-2025, 17:27
Bakıda iki nəfər 10 kq narkotiklə tutuldu
Daxili İşlər Nazirliyi Baş Narkotiklərlə Mübarizə İdarəsinin əməkdaşlarının keçirdiyi əməliyyat tədbirləri ilə narkotiklərin ölkə daxilində yayılmasının qarşısı alınıb.
Qaradağ və Nərimanov rayonlarında keçirilmiş əməliyyat zamanı əvvəllər məhkum olunmuş Orxan Kazımov (32 yaş) və Sadıq Musayev (31 yaş) saxlanılıb. Onlardan 10 kiloqrama yaxın tiryək, marixuana və metamfetamin aşkarlanaraq götürülüb.
Araşdırmalar zamanı müəyyən edilib ki, saxlanılanlar narkotik vasitələri sosial şəbəkələr üzərindən əlaqə saxladıqları İran vətəndaşlarının göstərişi ilə Astara və Lənkərandan paytaxta gətiriblər.
Fakt üzrə cinayət işi başlanılıb, hər iki şəxs barəsində məhkəmə qərarı ilə həbs qətimkan tədbiri seçilib.
Əməliyyatlar davam etdirilir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!