11-06-2025, 23:23
Gəncədə bu yol bağlanır: körpü təmir olunacaq - VİDEO
Bu gecədən etibarən Gəncənin şərq istiqamətdən girişindəki əsas magistral yolun bir hissəsi bağlanacaq.
Səbəb bu yol üzərindəki körpünün təmirə bağlanmasıdır.
Avtomobil Yolları Dövlət Agentliyindən bildirilib ki, Gəncə avtomobil yolunun 2-ci kilometrində yerləşən körpünün təmiri ilə əlaqədar tətbiq olunan məhdudlaşma, işlər bitənədək qüvvədə olacaq.
Nəqliyyat vasitələrinin hərəkəti müvəqqəti olaraq körpünün yanındakı alternativ yolla təmin olunacaq.
Mövzu ilə bağlı daha ətraflı süjetdə:
11-06-2025, 23:04
Güləşçimiz Avropada qızıl medal qazandı
Azərbaycanın daha bir güləşçisi Şimali Makedoniyanın paytaxtı Skopyedə keçirilən U-17 Avropa çempionatında qızıl medal qazanıb.
Üçüncü yarış günündə yunan-Roma güləşçisi Abdurrahman Hüseynli (45 kq) finalda gürcüstanlı Saba Abaşidze ilə qarşılaşıb.
Görüşün taleyini elə ilk hissədə həll edən 15 yaşlı güləşçimiz 9:0 hesablı qələbəylə Avropa çempionu olub.
Elşad Abbasov (51 kq) bürünc medal uğrunda qarşılaşmada macarıstanlı Keve Kovaça 1:3 hesabıyla məğlub olaraq 5-ci yerlə kifayətlənib.
Əli Nəzərov (60 kq) finalda ermənistanlı Hayk Manukyanla qarşılaşıb. Rəqibinə 3:11 hesabıyla məğlub olan Əli gümüş medala sahib çıxıb.
Bununla da komandamız yarışı 2 qızıl, 1 gümüş və 2 bürünc medalla başa vurub.
Qeyd edək ki, dünən Rihad İbrahimli (110 kq) Avropa çempionu olub, Qurban Məcnunovla (48 kq) Nicat Yeylaqaliyev (80 kq) isə üçüncü yeri tutub.
Milli 116 xalla komanda hesabında 3-cü pillədə qərarlaşıb.
11-06-2025, 22:33
Tramp Maskla barışmaq istəyir
ABŞ Prezidenti Donald Tramp milyarder, iş adamı İlon Maskla barışa biləcəyini deyib.
Bu barədə Tramp “New York Post”da yayımlanan podkastda səsləndirib. Dövlət başçısı vurğulayıb ki, indi onun yeganə funksiyası ölkəni əvvəlkindən daha yüksək səviyyəyə qaytarmaqdır.
İlon Mask da bu gün X hesabında prezidentlə bağlı yazdığı bəzi sözlərə görə təəssüf etdiyini bildirib.
11-06-2025, 22:23
Daha bir futbolçu "Qarabağ"la vidalaşdı
"Qarabağ"ın monteneqrolu futbolçusu Marko Veşoviç klubdan ayrılıb.
Bu barədə Ağdam təmsilçisinin mətbuat xidməti məlumat yayıb.
"Köhlən atlar" daha əvvəl Yassin Benzia və Patrik Andrade ilə vidalaşdığını açıqlayıb.
11-06-2025, 22:12
Sumqayıtda gənc oğlan bıçaqlandı
Sumqayıt şəhərində gənclər arasında baş verən münaqişə zamanı bir nəfər bıçaqlanıb.
Hadisə 9-cu mikrorayon ərazisində qeydə alınıb.
İlkin məlumata görə, şəhər sakini, 2008-ci il təvəllüdlü M.M aralarında yaranmış mübahisə zəminində 2007-ci il təvəllüdlü N.A-ya bıçaqla xəsarət yetirib.
Yaralı dərhal xəstəxanaya çatdırılıb. Sumqayıt Tibb Mərkəzindən bildirilib ki, 2007-ci il təvəllüdlü şəxs (kişi cinsli) saat 14:10 radələrində Sumqayıt Tibb Mərkəzinin tabeliyində olan Uşaq Xəstəxanasının Təcili tibbi yardım şöbəsinə hospitalizasiya olunub. Sol bel nahiyəsində daxilə nüfuz etməyən kəsilmiş yara diaqnozu ilə ona zəruri tibbi yardımlar göstərilib.
Ona kəsici-deşici alətlə xəsarət yetirməkdə şübhəli bilinən 16 yaşlı gənc polis əməkdaşları tərəfindən müəyyən olunaraq saxlanılıb. Araşdırma aparılır.
11-06-2025, 22:10
Son 12 ildə Ukraynaya ilk səfər
Serbiya prezidenti Aleksandar Vuçiç çərşənbə günü Ukraynaya səfər edib.
Bu, onun prezident kimi 12 ildə Ukraynaya ilk səfəri olub.
Serbiya prezidentinin ofisi Vuçiçin bir günlük səfəri zamanı Odessada Ukrayna-Cənub-Şərqi Avropa sammitində iştirak edəcəyini açıqlayıb. Qərb mətbuatı sammitdə Cənub-Şərqi Avropanın 12 ölkəsinin yüksək səviyyəli nümayəndələrinin iştirak edəcəyini yazıb.
"Euronews" bildirir ki, Serbiya prezidentinin sammitdə iştirakı Belqradın Aİ-nin Ukraynadakı müharibə ilə bağlı mövqeyinə yaxınlaşdığını göstərir.
Serbiya Rusiyanın Ukraynadakı müharibəsində özünü neytral ölkə kimi təqdim edir, lakin Vuçiçin Qələbə Günü paradında iştirak etmək üçün Rusiya prezidenti Vladimir Putinin dəvəti ilə bu yaxınlarda Moskvaya səfəri Brüsselin kəskin tənqidinə səbəb olub. Aİ rəhbərliyi kəskin şəkildə xəbərdarlıq edib ki, Vuçiçin Moskvaya səfəri Aİ-yə üzvlük kriteriyalarını pozacaq və ölkənin üzvlük prosesinə zərər verə bilər.
Vuçiçin Odessa sammitində iştirakı Brüsselə Aİ-nin Serbiya ilə genişlənməsi üzrə işləri bərpa etməyə və sürətləndirməyə kömək edəcək. Bu çərçivədə Ukrayna Serbiyaya jest olaraq Kosovonu sammitə dəvət etməyib.
11-06-2025, 21:56
Azərbaycanda sosial müavinətlərin 15 faizə yaxın artacağı gözlənilir
Azərbaycanda bir sıra təqaüd və müavinətlərin artırılması gözlənilir.
Artımın məbləği ilə bağlı dəqiq məlumat verilməsə də, bununla bağlı hazırlıqlara başlanıldığı bildirilir.
Aylıq və birdəfəlik müavinət və təqaüdlər artacaq
"Sosial müavinətlər və təqaüdlərdəki artımlar həm aylıq, həm də birdəfəlik müavinət alan vətəndaşlarımıza şamil oluna bilər. Xüsusən də aylıq müavinət və təqaüd alan vətəndaşlarımızın dövlət büdcəsindən aldığı vəsaitin artırılması və bununla bərabər vətəndaşlarımızın sosial təminatını yaxşılaşdırması prioritetdir.
Bunu dövlət televiziyasına açıqlamasında deputat Vüqar Bayramov deyib.
Onun sözlərinə görə, sosial paket sosial müavinət və təqaüd alan vətəndaşlarımızı da əhatə edəcək.
"Sosial müavinət və təqaüdlərdə artım minimum əməkhaqqı və pensiyanın artım faizinə uyğun olaraq həyata keçiriləcək. Rəqəmlər 10-15 faiz arasında dəyişə bilər".
İqtisadçı Xalid Kərimli isə qeyd edib ki, ötən il minimum əməkhaqqı və pensiyaların artımı ilə bağlı olan qanunlara baxdıqda təxminən 15-16 faizlik artımın olduğunu görürük:
"Təxminən eyni məbləğ bu istiqamətdə də özünü göstərəcək".
Ekspertlərin sözlərinə görə, dövlət büdcəsində 3 milyard manatdan çox profisitin yaranması nəzərdə tutulub, eyni zamanda vergi ödəmələrinin 5,7 faizin üzərində olması sosial müavinət və təqaüdlərin artırılmasına zəmin yaradır.
11-06-2025, 21:36
Sahibə Qafarova Şimali Kiprdən olan həmkarı ilə görüşdü
Milli Məclisin sədri Sahibə Qafarova iyunun 11-də Qazaxıstanın paytaxtı Astana şəhərində Türk Dövlətləri Parlament Assambleyasının XIV plenar iclası çərçivəsində Şimali Kipr Türk Cümhuriyyəti (ŞKTC) Məclisinin sədri Ziya Öztürkler ilə görüşüb.
Milli Məclisin mətbuat xidmətindən bildirilib ki, görüşdə Şimali Kipr Türk Cümhuriyyəti Məclisinin sədri Ziya Öztürkler Prezident İlham Əliyev başda olmaqla, Azərbaycanın ŞKTC-yə dəstəyinə görə təşəkkür edib və bunu çox yüksək qiymətləndirdiklərini bildirib.
O, Türk dünyasının bir parçası olaraq, TÜRKPA-nın XIV plenar iclasında iştirakdan məmnunluğunu bildirərək, Azərbaycan Milli Məclisinin sədrliyi ilə TÜRKPA-nın uğurlu fəaliyyətinin təşkilatın daha da güclənməsinə və beynəlxalq mövqelərinin möhkəmlənməsinə xidmət etdiyini vurğulayıb.
11-06-2025, 21:23
Benzia “Qarabağ”dan ayrıldı - RƏSMİ
Yasin Benzia “Qarabağ”dan ayrılıb.
Bu barədə Ağdam klubu rəsmi məlumat yayıb.
Onunla başa çatan müqavilə yenilənməyib.
Qeyd edək ki, Benzia Azərbaycan klubuna 2023-cü ilin yanvarında transfer olunmuşdu. O, daha öncə “Lion”, “Lill”, “Dijon” (hamısı Fransa), “Olimpiakos” (Yunanıstan), “Fənərbaxça”, “Hatayspor” (hər ikisi Türkiyə) kimi klublarda çıxış edib.
11-06-2025, 20:44
Tramp Çinlə razılığa gəldi
ABŞ-la Çin ticarət sazişi ilə bağlı razılığa gəliblər.
Bu barədə ABŞ Prezidenti Donald Tramp məlumat verib.
Bildirib ki, sənəd hər iki ölkə liderinin son təsdiqini gözləyir. Tramp əlavə edib ki, Çin istənilən nadir mineralları təmin etməklə bağlı öhdəlik götürüb.
“Biz isə Çinə razılaşdırdıqlarımızı, o cümlədən çinli tələbələrin bizim kollec və universitetlərimizdən istifadəsini təmin edəcəyik. Biz 55 faiz, Çin isə 10 faiz tarif əldə edəcək. Əlaqələr mükəmməldir”,- deyə Tramp əlavə edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!