26-06-2025, 22:45
Şəhid polkovnikin oğluna leytenant rütbəsi verildi - FOTO
Bu gün - 26 İyun Silahlı Qüvvələr Günündə 2016-cı ilin aprel şəhidi kəşfiyyatçı polkovnik Sənan Axundovun ailəsində sevincli anlar yaşanıb.
Şəhid zabitin oğlu Tahir Axundov leytenant rütbəsilə hərbi məktəbdən məzun olub.
Tahir Axundov Bakıdakı İlyas Əfəndiyev adına Elitar Gimnaziyanın məzunudur. O, 2019-cu ildə Azərbaycan Tibb Universitetinin Hərbi Tibb fakültəsinə müalicə işi ixtisasına (dövlət sifarişi) qəbul olunub. Elə həmin il də təhsilini davam etdirmək üçün Azərbaycan Müdafiə Nazirliyi tərəfindən Sankt Peterburq Ali Hərbi Tibb Akademiyasına göndərilib. Bu gün təhsilini başa vurub leytenat rütbəsilə Vətənə dönən Tahir Axundov hərbi cərrah kimi fəaliyyət göstərəcək.
Şəhid zabitin həyat yoldaşı Nəcibə Axundova bildirib ki, ailə üzvləri Tahirin Vətənə qayıdışı ilə əlaqədar Sənan Axundovun qəbrüstü abidəsini ziyarət edib, oğlunun hərbi tibb xidməti üzrə leytenat rütbəsini almağının sevincini şəhidlə bölüşüblər.
“Çox şükür, Silahlı Qüvvələr Gününü oğlumuz leytenant rütbəsində qeyd etdi. Bir ana üçün, bir Şəhid polkovnikin xanımı üçün bu sadəcə rütbə deyil. Bu həm də uzun və əziyyətli, məsuliyyətli və qüsursuz bir yolun uğurlu və qürurlu sonudur. Biz mərd və cəsarətli bir ailənin – zabit ailəsinin üzvləriyik!”.
Qeyd edək ki, şəhid polkovnik-leytenant Sənan Axundov ailənin yeganə oğul övladı idi. O, Müdafiə Nazirliyində İnformasiya şöbəsinin sektor müdiri vəzifəsində xidmət etmişdi. Ailənin tək oğul övladı olmasına baxmayaraq, tutduğu vəzifədən imtina etmiş və könüllü şəkildə ön cəbhəyə getmişdi.
Sənan Tahir oğlu Axundov 1979-cu il sentyabrın 29-da Füzuli rayonunda anadan olub. 1993-cü ildə Axundovlar ailəsi Füzulidən məcburi köçkün düşüb. Sənan Axundov 1996-cı ildə Bakının Binəqədi rayonundakı 144 nömrəli tam orta məktəbi bitirərək, Ali Hərbi Məktəbə daxil olub. 2001-ci ildə Ali Hərbi Məktəbi bitirib və "N" saylı hərbi hissədə leytenant rütbəsində xidmətə başlayıb.
2007-2009-cu illədrə Almaniya Federativ Respublikasının Hərbi Akademiyasında təhsil alıb.
Daha sonra Bakı Dövlət Universitetinin Hüquq fakültəsində ikinci ali təhsil alıb.
2012-2015-ci illərdə Almaniyada müxtəlif kəşfiyyat təlimlərində iştirak edib. 2012-ci ildə Türkiyədə hərbi təlim keçib.
2016-cı ildə Müdafiə Nazirliyindəki sektor müdiri vəzifəsindən imtina edərək könüllü şəkildə cəbhə bölgəsinə gedib. Onu kəşfiyyat bölüyünün komandiri təyin etmişdilər.
Sənan Axundov 2016-cı il aprelin 18-də "Aprel döyüşləri"ndən sonra Lələtəpə istiqamətində mövqelərimizin hansı vəziyyətdə olduğunu öyrənmək üçün ərazini yoxlamağa gedən zaman minaya düşən silahdaşını - polkovnik-leytenant Vüqar Əbdüləzimovu xilas edərkən özü də minaya düşərək ağır yaralanıb. Onu Füzuli rayonu ərazisində yerləşən hərbi hospitala çatdırsalar da, həkimlər zabitimizin həyatını xilas edə bilməyiblər.
"Aprel döyüşləri"nin son şəhidi - polkovnik-leytenant Sənan Axundov Beyləqanda yerləşən "Cərciz Peyğəmbər" məzarlığında torpağa tapşırlıb. Şəhidin Tahir adlı oğul və Nəzrin adlı qız övladı yadigar qalıb.
26-06-2025, 22:12
Cənubi Qafqaz həm çağırışlar, həm də imkanlarla üzləşir - Əmirbəyov
Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyov Matias Romero İnstitutundakı çıxışında Bakının strateji prioritetləri, Ermənistanla sülh müqaviləsinin perspektivləri və Meksika ilə münasibətlərin inkişafı barədə danışıb.
Bu barədə məqalə Meksikanın “Revista Mundo Internacional” nəşrində dərc edilib.
Meksikaya rəsmi səfəri zamanı Prezidentin xüsusi tapşırıqlar üzrə nümayəndəsi Elçin Əmirbəyov Matias Romero İnstitutunda tələbələr, diplomatlar və dəvət olunmuş qonaqlar qarşısında açıq mühazirə ilə çıxış edib. Tədbirdə Azərbaycanın Meksikadakı səfiri Məmməd Talıbov da iştirak edib.
Əmirbəyov üç mövzuya diqqət yönəldib: Azərbaycan – Meksika əlaqələrinin inkişafı, Cənubi Qafqazda geosiyasi dəyişikliklər və Ermənistanla sülh sazişi üzrə danışıqlar prosesi.
“Coğrafi uzaqlığa baxmayaraq, beynəlxalq məsələlərdə ortaq mövqelərə əsaslanan çevik və konstruktiv siyasi dialoq inkişaf etdirmişik”, – deyə diplomat Azərbaycan – Meksika münasibətilərini şərh edərkən söyləyib. Onun sözlərinə görə, BMT çərçivəsində diplomatik əlaqələr həmişə beynəlxalq hüquqa qarşılıqlı hörmətlə fərqlənib.
O, xüsusilə ADA Universiteti ilə Matias Romero İnstitutu arasında Anlaşma Memorandumuna diqqət çəkərək akademik əməkdaşlığın əhəmiyyətini vurğulayıb. Onun fikrincə, bu anlaşma “müəllim və tələbə mübadiləsi vasitəsilə cəmiyyətlərimizi yaxınlaşdırmağa imkan verəcək”.
İqtisadi məsələlərə gəlincə, Əmirbəyov ölkələr arasında ticarət həcminin 239 milyon dollar olduğunu, lakin potensialın daha çox olduğunu qeyd edib. “Ticarəti gücləndirmək üçün maraq sahələrini müəyyən etməliyik”, – Prezidentin xüsusi tapşırıqlar üzrə nümayəndəsi söyləyib.
Cənubi Qafqaz regionundakı transformasiyaları şərh edən diplomat yeni dünya nizamının yarandığını bildirib. Onun sözlərinə görə, ənənəvi ittifaqlar dəyişir, yeni konfiqurasiyalar meydana çıxır. “Regionumuz həm çağırışlar, həm də imkanlarla üzləşir”, – Əmirbəyov açıqlayıb.
O, ölkənin Şərqlə Qərb arasında enerji təchizatçısı və nəqliyyat qovşağı kimi strateji rolunu vurğulayıb.
Diplomatın sözlərinə görə, hərbi bloklara qoşulmama siyasəti və müstəqil xarici siyasətin dəstəklənməsində davamlılıq “bizi etibarlı, proqnozlaşdırıla bilən və etimad qazanmış tərəfdaş edir”: “Biz həmçinin regionlar arasında əlçatan danışıqçı, tez-tez nüfuzlu vasitəçi kimi çıxış edirik. Konsensusun qurulmasına dair bu öhdəlik Bakıda COP29-un ev sahibi kimi seçilməyimizə səbəb oldu və burada biz körpülər qurmaq və əsas qlobal oyunçular arasında vasitəçilik etməklə tarixi razılaşmalara kömək etdik”.
Ermənistanla sülh müqaviləsindən danışarkən Əmirbəyov qeyd edib ki, tərəflər onun bağlanmasına heç vaxt olmadığı qədər yaxındırlar. Bununla belə, bu yolda “iki maneəni aradan qaldırmaq lazımdır”. Birincisi, onun fikrincə, Ermənistan konstitusiyasında Azərbaycana qarşı ərazi iddialarıdır. İkincisi, o, hazırda köhnəlmiş və səmərəsiz hesab olunan “vasitəçilik institutlarını ləğv etməyi” zəruri olduğunu vurğulayıb.
Diplomat gələcək sülhün mühüm hissəsi kimi Azərbaycanın əsas ərazisini Naxçıvanla birləşdirəcək 40 kilometrlik Zəngəzur dəhlizinin açılmasını qeyd edib. Diplomatın sözlərinə görə, bu, regionun logistika xəritəsini dəyişəcək və sabitliyi gücləndirəcək.
Sonda o, sülh sazişinin imzalanmasının bütün Cənubi Qafqaz üçün yeni bir səhifə açacağına əminliyini ifadə edib.
26-06-2025, 21:44
Trampla Netanyahu razılığa gəldi - Qəzzada döyüşlər dayandırılır
ABŞ Prezidenti Donald Tramp və İsrailin Baş naziri Benyamin Netanyahu Yaxın Şərqdəki vəziyyətlə bağlı razılığa gəliblər.
Bu barədə “İsrail Hayom” nəşri məlumat yayıb.
Məlumata görə, ABŞ-nin İrana zərbə endirməsindən dərhal sonra Amerika lideri Donald Tramp, dövlət katibi Marko Rubio, İsrailin Baş naziri Benyamin Netanyahu və strateji işlər naziri Ron Dermer arasında dördtərəfli telefon danışığı olub.
İddia olunur ki, danışıqlar zamanı Tramp və Netanyahu beş bəndlik fəaliyyət planı üzərində razılığa gəliblər.
Amerika liderinin və Netanyahunun planına görə, Qəzza zolağında müharibə iki həftə ərzində başa çatmalıdır.
Planda HƏMAS rəhbərlərinin üçüncü ölkələrə deportasiya edilməsi və girovların azad olunması nəzərdə tutulur.
İsrail və ABŞ liderləri qərara gəliblər ki, bir neçə ölkə Qəzza sakinlərini qəbul edəcək.
26-06-2025, 20:44
Ronaldo Səudiyyə klubunda qaldı
Kriştianu Ronaldu Səudiyyə Ərəbistanının "Əl-Nəsr" klubu ilə yeni müqavilə imzalayıb.
Yeni sözləşmə 2027-ci ilədək olacaq.
Qeyd edək ki, Kriştianu Ronaldu 2023-cü ildən "Əl-Nəsr"də çıxış edir.
26-06-2025, 20:23
Putin Belarusdadır
Rusiya Prezidenti Vladimir Putin Belarusa səfər edib.
Putinin təyyarəsi Minsk hava limanına enib.
Kreml Rusiya prezidentinin qarşılanma mərasimindən görüntülər yayıb.
Bildirilib ki, Putin Avasiya İqtisadi İttifaqının sammitində iştirak etmək üçün Minskə səfər edib.
26-06-2025, 20:00
Kılıçdaroğlu sükutu pozdu: “əgər CHP sədrliyinə qayıtmasam...”
Türkiyənin ana müxalifət partiyası olan Cümhuriyyət Xalq Partiyasının (CHP) 2023-cü ildə keçirilmiş qurultayı ilə bağlı məhkəmənin qərarı iyunun 30-da açıqlanacaq.
Həmin gün Ankaranın 42-ci Asliye Mülki Məhkəməsində baxılacaq iş üzrə qərarın partiyanın gələcək rəhbərliyi üçün ciddi nəticələr doğura biləcəyi bildirilir.
Əgər məhkəmədən “mutlaq butlan” - yəni qurultayın nəticələrinin ləğvi qərarı çıxarsa, sabiq sədr Kamal Kılıçdaroğlu yenidən CHP-nin rəhbərliyinə qayıda bilər.
Mətbuatda Kılıçdaroğlu ilə bağlı müxtəlif şayiələr yayılsa da, sabiq partiya sədri susmağa üstünlük verib.
Buna baxmayaraq o, bu gün bəzi KİV-lərə açıqlama verib.
Kılıçdaroğlu məhkəmə qurultayın nəticəsini ləğv edərsə, partiyanı sahibsiz buraxmayacağını deyib. Bu barədə o, "Sözcü" qəzetinə danışıb.
“Qərarı tanımıram deyə bilmərəm. Əgər mən sədrliyi qəbul etməsəm, qəyyun riski ortaya çıxır. Qəyyum gələrsə, "13 il partiyanı idarə etdin, indi də buna göz yumdun" deyəcəklər. Mən partiyamı qəyyuma təhvil verə bilmərəm. CHP-nin DNT-si ilə oynanırlar, buna icazə verə bilmərik.”
TGRT-yə verdiyi müsahibədə də oxşar fikirləri təkrarlayan Kılıçdaroğlu qeyd edib ki, “mahkəmə qərarını tanımıram” deməyin mənası yoxdur. Onun sözlərinə görə, bu halda qəyyum təyin edilər və partiyanın nə zaman qurultaya gedəcəyi bəlli olmaz.
“CHP qəyyuma təslim edilə bilməz. Mən qəbul etməsəm, kim idarə edəcək? Bu, partiyanı sahibsiz buraxmaq deməkdir”, – deyə o bildirib.
Kılıçdaroğlu məhkəmə işində “zərərçəkən” statusunda olsa da, iyunun 30-da keçiriləcək iclasa qatılmayacağını açıqlayıb. Onun vəkili Celal Çelik bildirib ki, sabiq sədr prosesin hüquqi və siyasi hissələrindən uzaq durmağa üstünlük verir.
26-06-2025, 19:36
SEPAH generalının öldüyü təsdiqləndi
İsrailin hücumu nəticəsində SEPAH-ın daha bir generalının öldürüldyü məlum olub.
SEPAH-ın "Qüds" qanadının Fələstin bölməsinin rəhbəri Hacı Ramazan ləqəbli Səid İzədinin Tehranda İsrail tərəfindən öldürüldüyü təsdiqlənib.
Bildirilir ki, onun öldürülməsi barədə ilk məlumat verən İsrailin müdafiə naziri İsrael Katz olub. Katzın sözlərinə görə, S.İzədi HƏMAS-ın 2023-cü il oktyabrın 7-də İsrailə hücum etməyə hazırlaşdığı dövrdə təşkilatı maliyyələşdirib və silahlandırıb.
26-06-2025, 18:57
Məktəbin işçiləri direktorun maşınını yuyur? - Araşdırma başladı
240 nömrəli məktəbin həyətində məktəb direktoruna və direktor müavininə məxsus avtomobillərin texniki işçilər tərəfindən yuyulması ilə bağlı məsələ araşdırılır.
Bu barədə Bakı Şəhəri üzrə Təhsil İdarəsindən məlumat verilib.
Bildirilib ki, araşdırma çərçivəsində aidiyyəti şəxslərdən izahat alınıb.
Məktəb direktoru barəsində məktəbin fəaliyyət sahəsinə uyğun olmayan hallara yol verdiyinə görə qanunvericiliyin tələbləri çərçivəsində müvafiq tədbirlərin görülməsi nəzərdə tutulur.
26-06-2025, 18:46
Alim Qasımov tənqidlərə cavab verdi
Xalq artisti Alim Qasımov toyda rep dediyi üçün onu tənqid edənlərə cavab verib.
Xanəndənin sözlərinə görə, həmin video dost məclisində çəkilib.
“Dostumun toyu idi, dəvət etdilər. Mən də çıxdım ora zümzümə elədim. Mən bilməzdim ki.. Bu boyda muğamlar oxumuşam, heç onları demirlər. İki kəlmə ağlıma gələn sözü demişəm, onu yaydılar ki, o olmaz, bu olar. Mən rep deyənəm?! Qarğış edirlər, söyüş söyürlər. Mən heç vaxt peşman olmuram. Çünki o təb gələndə, camaatın xoşu gəlməsə də, deyirəm. Mən fikirləşmirəm ki, bu, kiminsə xoşuna gələcək və ya gəlməyəcək.
Təb gəldisə, gedir. Gələcəkdə inşallah, rep və muğamın birlikdə layihəsini də edəcəyik. Hətta bundan sonra elə edəcəyik ki, görsünlər rep də demək olar, meyxana da, muğam da, mahnı da oxumaq olar, amma eşqlə, ilhamla, səmimi... Tənqid edənlərin Allah canını sağ eləsin ki, məni işıqlandırdılar”, - deyə Alim Qasımov bildirib.
Qeyd edək ki, xalq artisti bir neçə gün öncə toyların birində rep deməsi sosial şəbəkələrdə geniş müzakirələrə səbəb olmuşdu. Onun bu fərqli ifasını müsbət dəyərləndirənlərlə yanaşı, tənqid edənlər, yaşına yaraşdırmayanlar da var idi.
26-06-2025, 17:56
Paşinyan daha bir erməni keşişi cəzalandırır
Ermənistanın Şirak yeparxiyasının rəhbəri arxiyepiskop Mikael Ajapaxyana cinayət işi açılıb.
Bu barədə Ermənistan Baş Prokurorluğu məlumat yayıb.
Məlumata görə, M.Ajapaxyana qarşı Ermənistan Cinayət Məcəlləsinin 422-ci maddəsinin 2-ci (Hakimiyyəti qəsb etməyə, ərazi bütövlüyünü pozmağa, suverenlikdən imtina etməyə və ya konstitusiya quruluşunu zorakılıqla devirməyə açıq çağırışlar) maddəsi ilə cinayət işi başlanıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!