25-01-2026, 17:24
Türkiyə ilə Qətər rəsmiləri görüşdü
Türkiyə ilə Qətər arasında regional məsələlər müzakirə edilib.
Bu barədə Türkiyə Xarici İşlər Nazirliyi (XİN) "X" sosial media hesabında paylaşım edib.
Bildirilib ki, XİN başçsının müavini Musa Kulaklıkaya Qətərə səfəri çərçivəsində bu ölkənin dövlət naziri Məhəmməd bin Əbdüləziz Əl Xulaifi ilə görüşüb.
Görüşdə aktual regional məsələlərin müzakirə olunduğu qeyd edilib.
25-01-2026, 16:47
Suriyada terror aktının qarşısı alındı
Suriyanın daxili təhlükəsizlik qüvvələri Latakiyada terror aktının qarşısını alıb və üç nəfəri həbs edib.
Bu barədə "SANA" agentliyi məlumat yayıb.
Bildirilib ki, saxlanılan şəxslər müxtəlif vaxtlarda Latakiya vilayətində daxili təhlükəsizlik əməkdaşlarına və Suriya ordusuna hücumlarda iştirak edən terror qruplaşmasının üzvləridir.
Saxlanılanlar arasında "Saraya əl-Cavad" terror qruplaşmasının rəhbəri Mucana Qiyat Mahmud, həmçinin Cəfər Sami Həsən və Adəm Qiyat Mahmud var.
Əməliyyat zamanı onlara aid partlayıcı qurğular, müxtəlif silahlar, döyüş sursatları, qumbaralar və terror aktlarında istifadə üçün hazırlanmış hərbi texnika müsadirə edilib.
25-01-2026, 16:27
İraqda prezident seçkilərinin vaxtı bilindi
İraqda prezident seçkiləri ölkənin parlamenti – Nümayəndələr Şurasında yanvarın 27-də keçiriləcək.
Bu barədə İraq parlamentinin sədri Heybat əl-Xalbusi bildirib.
"Respublika prezidentinin seçilməsi ilə bağlı parlamentin iclası 27 yanvar tarixinə təyin olunub", - o deyib.
Dövlət başçısı postuna namizədlərin yekun siyahısında 19 nəfərin adı var. Onların arasında hazırkı prezident Əbdül Lətif Rəşid (namizədliyini özü irəli sürüb) və hazırkı xarici işlər naziri Fuad Hüseyn də yer alır.
Xatırladaq ki, 2025-ci ilin sonunda İraq parlamenti Heybat əl-Xalbusini Nümayəndələr Şurasının sədri seçib. Konstitusiyaya əsasən, bundan sonrakı 30 gün ərzində deputatlar ölkə prezidentini seçməlidirlər. Prezident isə ən böyük koalisiyaya İraqın baş nazirliyinə namizəd irəli sürməyi tapşırmalıdır.
25-01-2026, 16:03
İsrail Qəzzada 4 km uzunluğunda tunelini dağıtdı
İsrail Müdafiə Qüvvələrini qoşunları Qəzza zolağının cənubunda silahlıların 4 kilometr uzunluğunda tunelini dağıdıb.
Bu barədə ordunun mətbuat xidməti məlumat yayıb.
"Qəzza zolağının cənubunda, "sarı xətt"in şərqində təxminən bir il əvvəl başlayan yeraltı tunelin məhv edilməsi işləri başa çatıb. 4 kilometr uzunluğundakı tuneldə bir neçə bunker və silah anbarı var idi", - bəyanatda deyilir.
Qeyd olunur ki, qoşunlar ərazidə atəşkəs müqaviləsinin şərtlərinə uyğun olaraq yerləşdirilib və hər hansı bir təhlükəni aradan qaldırmaq üçün fəaliyyətini davam etdirəcək.
25-01-2026, 15:50
Peskov Qrenlandiyanı strateji məkan adlandırdı
“Qrenlandiya sabitlik və təhlükəsizlik baxımından strateji əhəmiyyətli bir məkandır”.
Bu sözləri Rusiya Prezidentinin mətbuat katibi Dmitri Peskov deyib.
“Əlbəttə ki, ora strateji təhlükəsizlik baxımından həqiqətən strateji bir yerdir. Qrenlandiyanı kimin təhdid edə biləcəyi barədə danışmaq istəmirəm, amma bunun strateji sabitlik və təhlükəsizlik baxımından çox vacib olması aydındır”, - deyə o əlavə edib.
25-01-2026, 15:33
Qəzzada ölənlərin sayı 72 minə çatır
İsrail qüvvələrinin Qəzza zolağına intensiv hücumları nəticəsində ölənlərin sayı 71 657 nəfərə çatıb.
Bu barədə Qəzza Səhiyyə Nazirliyi məlumat yayıb.
Qeyd edilib ki, İsrailin Qəzza zolağına 2023-cü ilin oktyabr ayında başlayan hücumları nəticəsində yaralıların sayı isə 171.399 nəfərə yüksəlib.
Qəzzanın infrastrukturunun 90 faizinin məhv olduğu və yenidən qurulmasının təxminən 70 milyard dollar dəyərinə başa gələcəyi bildirilib.
25-01-2026, 15:24
Tramp Danimarkanın baş nazirini 45 dəqiqə danladı - Qrenlandiyaya görə
ABŞ Prezidenti Donald Tramp 2025-ci ildə baş tutmuş telefon danışığı zamanı Qrenlandiyanın ərazi statusu ilə bağlı məsələni əsas gətirərək, Danimarkanın baş naziri Mette Frederiksenə təxminən 45 dəqiqə ərzində narazılığını bildirib.
Bu barədə The New York Times nəşri xəbər yayıb.
Qəzetə müsahibə verən Frederiksen Tramp ilə söhbətinin detalları haqqında danışmaqdan imtina edərək qeyd edib ki, “iki həmkar arasında aparılan telefon danışığı yalnız onların arasında qalmalıdır”.
Məlumata görə, Tramp və Frederiksen arasında telefon danışığı 2025-ci il yanvarın 15-də baş tutub. Danışıqdan sonra Frederiksen Danimarkanın TV2 telekanalına verdiyi açıqlamada bildirib: “Ümid edirəm ki, hər kəs, o cümlədən amerikalılar, Qrenlandiya xalqının da digər xalqlar və millətlər kimi öz gələcəyini müstəqil şəkildə müəyyən etmək hüququna hörmət edəcək”.
ABŞ Prezidenti 2026-cı il yanvarın 21-də NATO-nun baş katibi Mark Rütte ilə keçirdiyi görüşdən sonra Qrenlandiya məsələsi üzrə mümkün razılaşmanın əsas cizgilərinin formalaşdığını açıqlayıb. Axios portalının yazdığına görə, Rüttenin Trampa təqdim etdiyi razılaşma layihəsi Danimarkanın Qrenlandiya üzərində suverenliyinin qorunub saxlanılmasını və 1951-ci ildə imzalanmış adanın müdafiəsinə dair sazişin şərtlərinin yenilənməsini nəzərdə tutur. Həmin sənəd NATO-nun zəruri hesab edəcəyi halda, ABŞ-a Qrenlandiyada hərbi bazalar və “müdafiə zonaları” yaratmaq imkanı verə bilər.
Qeyd edək ki, Qrenlandiya Danimarkanın tərkibində muxtar ərazi statusuna malikdir. Vaşinqton və Kopenhagen arasında 1951-ci ildə imzalanmış müqaviləyə əsasən, ABŞ NATO üzrə müttəfiqlik öhdəliklərinə əlavə olaraq, adanı mümkün hücumlardan qorumağı üzərinə götürüb.
25-01-2026, 14:58
Yollar buz bağlayacaq
Avtomobil yollarında gözlənilən vəziyyət açıqlanıb.
Milli Hidrometeorologiya Xidmətindən bildirilib ki, yanvarın 26-da gecə və səhər bəzi dağlıq və dağətəyi rayonlarda dumanlı hava şəraiti ilə əlaqədar olaraq görünüş məsafəsinin 500-1000 metrədək məhdudlaşacağı gözlənilir.
Bəzi dağlıq və dağətəyi rayonlarda yollar buz bağlayacaq.
25-01-2026, 14:32
Aktrisa Məsumə Babayeva dəfn edildi
Aktrisa Məsumə Babayeva Yeni Suraxanı qəbiristanlığında dəfn edilib.
Dəfn mərasimində mərhumun ailə üzvləri, Mədəniyyət Nazirliyinin əməkdaşları və sənət dostları iştirak ediblər.
Qeyd edək ki, Məsumə Babayeva ilə vida mərasimi onun yaşadığı evdə keçirilib.
Xatırladaq ki, aktrisa dünən uzun sürən xəstəlikdən sonra vəfat edib.
25-01-2026, 14:27
Rusiya Ukraynanın itkilərini AÇIQLADI
Rusiya müharibənin 1432-ci günü üçün Ukrayna ordusunun itkiləri haqda məlumatı yeniləyib.
Bu barədə Rusiya Müdafiə Nazirliyinin rəsmi nümayəndəsi İqor Konaşenkov məlumat yayıb.
“Xüsusi əməliyyatın başladığı gündən indiyə qədər düşmənin 670 təyyarəsi, 283 helikopteri, 111 017 PUA-sı, 646 zenit-raket kompleksi, 27 302 tank və digər zirehli texnikası, 1 651 reaktiv yaylım atəş sistemi, 32 825 artilleriya və minaatanı, 52 754 xüsusi hərbi avtomobil texnikası məhv edilib”, - o bildirib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!