Əhərli dostumuzu təbrik edirik! .....                        Bu gün ilaxır çərşənbəsidir .....                        Azay Quliyev ATƏT PA-da görüşlər keçirdi .....                        Ərdoğanla Putin arasında telefon danışığı baş tutub .....                        Güləşçilərimiz “Çempionlar” turnirini 10 medalla başa vurdu .....                        Mömünə Xatun türbəsiylə bağlı yayılan məlumata aydınlıq gətirildi .....                        Putin Bakıdan nə qədər səs topladı? - Açıqlama .....                        Tehranlı soydaşımız mükafatlandırıldı .....                        Azərbaycan çox yaxşı təlim keçmiş hərbi qüvvələrə malikdir - Stoltenberq .....                       
Tarix : 27-11-2020, 18:33
ŞİƏ “QARDAŞLAR” DA FRANSA SENATINI DƏSTƏKLƏMƏK İSTƏYİR


EHTİYATLI OLMALI. ŞİƏ “QARDAŞLAR” DA FRANSA SENATINI DƏSTƏKLƏMƏK İSTƏYİRLƏR.

İran daim ondan-bundan şikayət edir ki, onu Dağlıq Qarabağ münaqişəsinin həllinə dəvət etməyiblər. Türkiyənin regionda nüfuzunun güclənməsindən böyük məyusluqla danışır. İran papağını qabağına qoyub fikirləşmir ki, 30 ilə yaxın bir müddətdə, müharibə günləri istisna omaqla, münaqişə ilə bağlı bir dəfə də olsa, niyə Azərbaycan ərazilərinin bir hissəsinin işğal olunduğu ilə bağlı öz qəti mövqeyini ortaya qoymadı. O da tutuquşu kimi daim, hətta Azərbaycanın Vətən müharibəsində qələbəsinin formal olaraq təsdiqi ərəfəsində məsələnin hərbi həlli olmadığı fikrini təkrar edirdi.
İndi, iki gündür dünya gündəminin mühüm mövzularından biri Fransa senatının "siyasi fahişəliklə" məşğul olmasıdır. Türkiyə həmişə olduğu kimi, indi də həmin məsələ ilə bağlı Azərbaycanın haqq işini müdafiə etməkdən ibarət olan öz mövqeyini açıq və birmənalı şəkildə elan edir, amma İran həmişəki kimi susur. Yəqin ki, yenə də ikibaşlı mövqeyi var; biri bizim üçün, biri də ermənilər üçün. Bu azmış kimi Azərbaycan Fransa senatorlarının şərəfsiz, alçaq, əxlaq və mənəviyyatdan uzaq olan qərarına qarşı mübarizə apardığı bir zamanda İran İslam Şura Məclisinin milli təhlükəsizlik və xarici siyasət komitəsinin sədr müavini durub bəyan edir ki, regionda TƏKFİRİLƏR (islamist terroristlər) olduqca Qarabağda sülh davamlı ola bilməz. Sədr müavini təkfirilərin harada oduğunu dəqiq göstərməsə də, nəyi və kimi nəzərdə tutduğu aydındır. Sədr müavini yəqin ki, öz iddiasında vaxtilə Fransa prezidentinin dediyi əsassız, yalan-palan sözlərə əsaslanır. Müharibənin aktiv fazasının bitməsindən 16 gün keçməsinə baxmayaraq, iranlı “qardaşlar”dan birinin bu gün vələddızına fransızların iddiasını təkrar etməsi əslində Fransa senatının qətnaməsini müdafiə etmək deməkdir. İran müharibənin ilk günündən Fransa prezidentinin guya bölgədə - Azərbaycanda terroristlərin olması haqqında cəfəng sözlərini eşitdikdən sonra həmin fikri, necə deyərlər, göydə tutaraq daim təkrar etmşdir. İndi də Fransa senatı Azərbaycan əleyhinə alçaqcasına qətnamə qəbul edir, İslam Respublikasının nümayəndəsi onu pisləmək əvəzinə, ona dolayısı ilə dəstək göstərir. Deməli, fransızların bir qohumu da varmış, onlar bizə İslam inqilabı ixrac etməklə məşğuldurlar. İslam inqilabı dedim, daha yaxın bir “qardaş”ın, təbrizli balasının ŞİƏ İSLAMI ilə bağlı xəbərdarlığı yada düşdü. O da nədənsə xəbərdarlığı bu gün edib. Haqqında danışdığım “qardaş” insafən Azərbaycanın Dağlıq Qarabağ münaqişəsində haqlı mövqeyini dəstəkləyib, lakin bir məsələdə daim irad tutub, yəni o da eyni məsələni təkrarlamaqda davam edib. Deyəsən, bu iranlılar özləri üçün vacib hesab etdikləri məsələni təkrarlamaqda pərgardırlar. Belə ki, həmin “qardaş” Azərbaycanı İslam inqilabı üçün ən münbit ölkə hesab edir. Bəlkə düz başa düşmədim, amma deyir ki, İran öz ərazisində İslam inqilabı etməmişdən əvvəl Azərbaycanda İslamı dirçəltməklə məşğul olmalı idi. Onun üçün fərqi yoxdur ki, İranda inqilabdan əvvəl, yəni 1970-ci illərdə Azərbaycan sosialist, laik dövlət idi və ya kommunist dövləti olan SSRİ-nin tərkibində idi. ”Qardaş” belə düşünür ki, İran Azərbaycanda artıq xeyli iş görüb, ŞİƏ İslamını təşkilatlandırıb və həmin istiqamətdə işləri uğurla davam etdirir. İranın qarşısında, onun fikrincə, bir əngəl qalır, o da Azərbaycanda guya DÜZ olmayan islamistlərin (təkfirilərin) fəaliyyətidir. Ona görə bu ekspert özünə rəva bilir ki, Azərbaycana xəbərdarlıq etsin. O yazır: "Vəhabilər və təkfirilərin köməyi ilə [İran] şiəliyinin güclənməsinin qarşısını almaq istəyənlər bilməlidirlər ki, bu siyasət bir gün Azərbaycan Respublikası adlı dövlətin yox olmasına səbəb ola bilər".
BAX BELƏ! ŞİƏ “QARDAŞLAR” AZƏRBAYCANDA ŞİƏLİYİN SƏVİYYƏSİNİ HANSISA MEYARLA ÖLÇƏRƏK VƏ ONA ƏSASLANARAQ, BİRİ QARABAĞDA SÜLHÜN DAVAMLILIĞINA, O BİRİ İSƏ AZƏRBAYCANIN VARLIĞINA ŞÜBHƏ YARATMAQ İSTƏYİR. BU DA BİZİM BİLMƏDİYİMİZ YENİ NÖV “QARDAŞLIQDIR,” YƏQİN.

Vidadi Mustafa.
26.11.2020


Paylaş



Bölmə: Dünya / Karusel / Manşet / Slayd
Fikirlər
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Mart 2024    »
BeÇaÇCaCŞB
 123
45678910
11121314151617
18192021222324
25262728293031
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Erməni tərəfdən Azərbaycan mövqeləri belə görünür... - VİDEO






Bütöv.az
Video
"Vətən Qəhrəmanları" Şəhid İlyas Nəsirov


All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!