Misir Baş naziri Müsəlman Qardaşlar Təşkilatının qanuni yolla ləğvini təklif edib. Misir Nazirlər Şurası da bu məsələni müzakirə etdiyini bildirib.
Misir Nazirlər Şurasının sözçüsü və Baş nazirin Mətbuat Müşaviri Şərif Şövqi paytaxt Qahirədə Nazirlər Şurası binasında təşkil etdiyi mətbuat konfransında Müsəlman Qardaşlar Təşkilatını kilsələrə od vurmaqda, bir çox polis mərkəzi ilə iki həbsxanaya hücum çəkməklə ittiham edib.
Misirdəki hərbi xuntanın həyata keçirdiyi qətliama göstərilən reaksiyalar isə davam edir.
Axıdılan qanlara özünəməxsus reaksiya göstərənlərdən biri də Dubay Əmirinin qızı olub. O, ilk gündən etibarən xuntaçıların əleyhinə fəaliyyət göstərib.
Dubay Əmiri Maktumun qızı Mehra facebook səhifəsində atasının şəklinin üzərinə “bağışla məni ata, amma tökülən qanın səbəbi bizim pullarımızdır” deyə yazıb.
Mehran, 19 iyulda da, seçilmiş prezident Məhəmməd Mursiyə qarşı çevriliş həyata keçirən xuntaçılara dəstək verdikləri üçün atasına, Birləşmiş Ərəb Əmirlikləri Əmirinə və Səudiyyə Ərəbistanı Kralı Abdullaha yenə facebook üzərindən reaksiya göstərmişdi.
Birləşmiş Ərəb Əmirlikləri, Küveyt və Səudiyyə Ərəbistanı, 3 iyuldakı hərbi çevrilişdən sonra Misirə 12 milyard dollar yardım göndərmiş, çevrilişin bu ölkələrin dəstəyi ilə həyata keçirildiyini irəli sürmüşdü.
Misirdə həyata keçirilən qətliam, dünyanın dörd bir tərəfində keçirilən nümayiş, mitinq və toplantılarla lənətlənib.
Bəzi ölkələrdə həyatını itirən Misirlilər üçün qiyabi cənazə namazları qılınıb, dualar edilib.
Almaniyanın paytaxtı Berlində xuntaya qarşı nümayiş keçirən 3 minə yaxın insan, Aleksandır meydanında bir araya gəlib. Almanyalı müsəlmanlar da qərb dünyasının yaşananlar qarşısında səsini ucaltmamasından tənqid edib.
Avropa İttifaqı, Misirlə olan əlaqələrin gözdən keçiriləcəyinə dair açıqlama yayıb.