17-08-2022, 19:29
İsrail Prezidenti Türkiyənin qərarını dəstəklədi
İsrail Prezidenti İsaak Hersoq Türkiyə ilə normallaşma prosesi çərçivəsində səfirlərin yenidən təyin edilməsi qərarı ilə bağlı açıqlama verib. Butov.az xəbər verir ki, Hersoq Türkiyə ilə diplomatik əlaqələrin yenilənməsinin tərəfdarı olduğunu bildirib. "Mən Türkiyə ilə tam diplomatik münasibətlərin yenilənməsinin tərəfdarıyam. Bu, iqtisadi əlaqələri, qarşılıqlı turizmi, İsrail və türk xalqları arasında dostluğu inkişaf etdirəcək mühüm inkişafdır. Yaxşı qonşuluq münasibətləri və tərəfdaşlıq ruhu Yaxın Şərqdə hamımız üçün vacibdir. Bütün dinlərin nümayəndələri - müsəlmanlar, yəhudilər və xristianlar birlikdə sülh şəraitində yaşaya bilər və yaşamalıdırlar", - deyə Hersoq vurğulayıb. Qeyd edək ki, Türkiyə ilə İsrail arasında qarşılıqlı səfir təyinatı ilə bağlı qərar qəbul edilib.
17-08-2022, 19:04
“Çətin də olsa, Putinlə görüşməliyik” – Almaniya lideri
Almaniya kansleri Olaf Şolts Rusiya Prezidenti Vladimir Putinlə dialoqun davam etdirilməsini vacib hesab edir. Bu barədə kansler isveçli jurnalistlərlə söhbəti zamanı bildirib. Almaniya kansleri birbaşa ünsiyyətin zəruriliyini belə izah edib: “Putin ondan nə tələb etdiyimizi bilməlidir. Buna görə də, üz-üzə görüşmək zəruridir. Bu çətin olsa da, böhran zamanı ünsiyyəti saxlamaq lazımdır". Almaniya lideri, həmçinin qeyd edib ki, o, Putinin birbaşa mesajlar almasını və Ukraynaya qarşı müharibənin məsuliyyətini öz üzərinə götürməsini istəyir.
16-08-2022, 22:51
Sürücüsüz avtobuslar sınaqdan keçirilir
Çinin Quandun əyalətinin mərkəzi olan Quanqcou şəhərində sürücüsüz sərnişin avtobusları sınaqdan keçirilib. Butov.az xəbər verir ki, "WeRide" və "Yutong Group" tərəfindən hazırlanmış ağıllı nəqliyyat vasitələri şəhərdə sınaq sürüşlərinə başlayıb. Vətəndaşlar avtobuslara minmək üçün mobil telefonla pulsuz qəbula yazılmaqla sınaq sürülərində iştirak edə bilərlər. Sürücüsüz avtobus ağıllı sensorlar sayəsində zolaqları dəyişdirərək tıxacda irəliləyə bilir.
16-08-2022, 22:37
Hulusi Akar britaniyalı həmkarı ilə danışıqlar apardı
Türkiyənin milli müdafiə naziri Hulusi Akar britaniyalı həmkarı Ben Uolleslə telefon danışığı aparıb. Məlumatı Türkiyə Milli Müdafiə Nazirliyi yayıb. Nazirlər ikitərəfli və regional müdafiə, təhlükəsizlik, eləcə də müdafiə sənayesində əməkdaşlıq məsələlərini müzakirə ediblər.
16-08-2022, 22:30
ABŞ-dan güc nümayişi - Yeni raket sınaqdan keçirildi
ABŞ ordusu "Minuteman III" qitələrarası ballistik raketini sınaqdan keçirib. Bu barədə ordunun mətbuat xidməti məlumat yayıb. Məlumatda bildirilir ki, sınaq ABŞ nüvə qüvvələrinin hazırlığını sübut edib. Raket təxminən 6760 km məsafə qət edib və Kaliforniyadakı Vandenberq Kosmik Qüvvələri bazasından buraxılıb. Hərbçilər daha əvvəl 300-ə yaxın belə sınaq keçirildiyini bildiriblər. "Boeing" şirkəti tərəfindən istehsal edilən və nüvə başlığı daşıya bilən "Minuteman III" ABŞ ordusunun strateji silahlarından biri hesab edilir. Raket 9660 km məsafəyə malikdir və saatda təxminən 24 000 km/saat sürətlə hərəkət edə bilir. Qeyd edək ki, bundan əvvəl mətbuatda raketin sınaqlarının bu ayın əvvəlində keçirilməsi planlaşdırıldığı bildirilib. Ancaq ABŞ Nümayəndələr Palatasının spikeri Nensi Pelosinin Tayvana səfəri nəticəsində Çinlə yaranan gərginlik səbəbindən sınaq təxirə salınıb.
16-08-2022, 22:28
Meymunçiçəyi cənub sərhədlərimizə çatdı
İranda meymunçiçəyi virusuna ilk yoluxma faktı qeydə alınıb. Bu barədə ölkənin Səhiyyə Nazirliyi məlumat yayıb. Əhvaz şəhərində yaşayan 34 yaşlı qadın dərhal karantinə alınıb. Xəstəliyin çox ölümcül olmadığı və yoluxmanın qadında dəri zədələrinin müşayiət olunması yolu ilə müəyyən edildiyi bildirilib.
16-08-2022, 22:23
Finlandiya ruslara daha az viza verəcək
Finlandiya Rusiya vətəndaşlarına turist vizalarının verilməsini azaldacaq. Bu barədə Finlandiyanın xarici işlər naziri Pekka Haavisto bildirib. O qeyd edib ki, Finlandiyaya iş və təhsil məqsədilə, eləcə də ailəvi səbəblərə görə səfər etmək istəyən ruslara üstünlük veriləcək. Nazir bildirib ki, ruslar üçün vizalarla bağlı Avropa İttifaqının (Aİ) vahid mövqeyi formalaşmalıdır. Finlandiyanın YLE nəşrinin məlumatına görə, Yunanıstan, İtaliya və İspaniya hazırda ən çox Şengen vizası verən ölkələrdir və onların verdiyi vizalar ruslara Finlandiya vasitəsilə Avropanın digər hissələrinə səyahət etmək imkanı verir.
16-08-2022, 22:20
Rusiya ilə sərhəddə Sovet abidəsi söküldü
Estoniyanın Rusiya ilə sərhəddə yerləşən, əsasən rusdilli əhalinin yaşadığı Narva şəhərində Sovet dövründən qalma T-34 tankının abidəsi sökülüb. Bu barədə ölkənin ERR agentliyi məlumat yayıb. Tankın Estoniya Müharibə Muzeyinə köçürüldüyü bildirilir. Tankın köçürülməsi barədə qərar avqustun 7-də Narva Şəhər Assambleyasının deputatları tərəfindən verilib. Bundan əvvəl Estoniya Baş naziri Kaja Kallas bildirib ki, hökumət ölkə ərazisində olan bütün sovet abidələrinin sökülməsi barədə qərar qəbul edib. “Nazirlər Kabinetinin iclasında işğalçı dövlətin rəmzləri olan memorialların ictimai məkandan çıxarılmasını ətraflı müzakirə etdik. Estoniyada 200-400 arası belə abidə var", - deyə baş nazir vurğulayıb.
16-08-2022, 22:10
Putin Özbəkistan prezidentinə zəng etdi
Rusiya prezidenti Vladimir Putin Özbəkistanın dövlət başçısı Şavkat Mirziyoyevlə telefonla danışıb. Liderlər sentyabrda Səmərqənddə keçiriləcək Şanxay Əməkdaşlıq Təşkilatının (ŞƏT) sammitinə hazırlığı müzakirə ediblər. "Rusiya Federasiyasının Prezidenti Vladimir Putin ilə Özbəkistan Respublikasının Prezidenti Şavkat Mirziyoyev arasında telefon danışığı olub. Şanxay Əməkdaşlıq Təşkilatının sentyabrda Səmərqənddə keçiriləcək sammitinə hazırlıq müzakirə edilib. Bu kontekstdə ŞƏT-in yüksək beynəlxalq nüfuzu, təşkilatın regional sabitliyin və təhlükəsizliyin möhkəmləndirilməsinə verdiyi töhfə qeyd edilib”, - məlumatda deyilir. Bundan əlavə, Rusiya-Özbəkistan strateji tərəfdaşlıq və müttəfiqliyin daha da inkişaf etdirilməsi məsələlərinə toxunulub.
16-08-2022, 21:32
İran PUA-ları Moskavada nümayiş olundu - Ermənistan maraq göstərdi
Moskvadakı “Ordu 2022” forumunda ziyarətçilər ən çox İranın pilotsuz təyyarələrinə, o cümlədən zərbə vuran dronlarına böyük maraq göstərirlər. Bu haqda Rusiyanın RİA Novosti agentliyi məlumat yayıb. “Xəbərləri izləyən insanlar bizim pilotsuz təyyarələrimizin nəyə qadir olduğunu, o cümlədən Fars körfəzində baş verənləri yaxşı bilirlər. Hər kəs artıq İran pilotsuz uçan aparatlarının nəyə qadir olduğunu bilir. Buna görə də burada ən çox dronlara və kvadrokopterlərə diqqət yetirilir”, - deyə İran nümayəndəsi Nayafi Pour Davud bildirib. O, həmçinin əlavə edib ki, İran sərgidə raketlər, müxtəlif hava hücumundan müdafiə sistemləri və reaktiv yaylım atəşi qurğuları təqdim edir. İran “Ordu 2022” forumunda ümumilikdə üç pilotsuz uçuş aparatı təqdim edib: “Quadcopter”, “Mohajer 6” və “Karrar-3”. Birincisi həm mülki məqsədlər - məsələn, yanğınların söndürülməsi üçün, həm də hərbi məqsədlər üçün istifadə edilə bilər və zərbə mərmiləri daşıya bilər. Onun xüsusiyyətləri aşağıdakılardır: uçuş çəkisi - 21 kiloqram, yük çəkisi - 1 kiloqramdan 7 kiloqrama qədər, 10 kilometrə qədər məsafədə və 400 metrdən çox olmayan yüksəklikdə işləyir, çalışma müddəti - 60 dəqiqəyə qədər. İkincinin çəkisi 670 kiloqramdır, yüklənə bilən çəkisi 100 kiloqrama qədərdir, 200 kilometr məsafədə və təxminən 5 kilometr yüksəklikdə işləyir, işin müddəti 12 saata qədərdir. Üçüncünün çəkisi 510 kiloqramdır, 250 kiloqrama qədər yük daşıya bilir və 9 kilometrə qədər hündürlüyə qalxır. İran stendində RİA Novosti-yə bildiriblər ki, “Karrar-3” dronu həm zəbə dronu, həm də “kamikadze” kimi istifadə edilə bilər. İran tərəfinin bildirdiyinə görə, onların milli stendi sərgidə xarici dövlətlərin bütün nümayəndələri arasında ən böyüyüdür. Stend bir gün əvvəl İran Baş Qərargahının nümayəndəsinin iştirakı ilə açılıb. Məlumata görə, Ermənistan da İran PUA-ları ilə maraqlanıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!