Dünya » Səhifə 308

22-12-2024, 12:27

Ermənistanda kütləvi zəhərlənmə

Ermənistanın Vanadzor şəhərində kütləvi zəhərlənmə olub.
Hadisə nəticəsində 10 nəfər zəhərlənib. Zərərçəkənlər xəstəxanaya yerləşdirilib.
Araşdırmalar nəticəsində zərərçəkənlərin Vanadzor mərkəzi bazarının ərazisindəki fərdi sahibkar Rudik Alaverdyana məxsus iaşə məntəqəsində qidadan zəhərləndikləri məlum olub. Ərzaq məhsullarından nümunələr götürülüb, laboratoriya müayinəsi aparılıb. Yoxlama zamanı obyektin təsdiq edilmiş sanitariya və gigiyena normalarının pozulması ilə işlədiyi də məlum olub.
Obyektin fəaliyyəti dayandırılıb.
Qeyd edilir ki, laboratoriya analizinin nəticələri barədə əlavə məlumat veriləcək.
Araşdırma aparılır.

Ermənistanda kütləvi zəhərlənmə

22-12-2024, 11:59

Türkiyədə faciə: Helikopter xəstəxanaya çırpıldı

Türkiyədə helikopter Tədris və Araşdırma Xəstəxanasının binasına çırpılıb.
Hadisə Muğla şəhərində qeydə alınıb.
Xəstəxana binasına çırpılan helikopter qəzadan sonra yerə düşüb.
Hadisə yerində axtarış-xilasetmə tədbirləri başlayıb.

Türkiyədə faciə: Helikopter xəstəxanaya çırpıldı

22-12-2024, 11:30

ABŞ ilə münasibətləri normallaşdırmağa hazırıq - Putin

Rusiya ABŞ və digər Qərb ölkələri ilə münasibətləri normallaşdırmağa hazırdır.
Bunu Rusiya Prezidenti Vladimir Putin yerli mətbuata müsahibəsində deyib.
Putin Rusiya - ABŞ münasibətlərinin bərpası barədə danışarkən söyləyib ki, istək olsa, hər şey mümkündür.
Onun sözlərinə görə, beynəlxalq münasibətlərdə hər şey dəyişir, yalnız maraqlar dəyişməz qalır: "Başqa ölkələrlə əlaqələr qurmaq üçün imkanlar və perspektivlər var. Biz buna hazırıq. Amma bu, Rusiyanın maraqlarına zidd olmamalıdır".

ABŞ ilə münasibətləri normallaşdırmağa hazırıq - Putin

21-12-2024, 22:36

İstanbul silkələndi

Türkiyənin İstanbul şəhərində zəlzələ qeydə alınıb.
Bu barədə AFAD-ın rəsmi X səhifəsində məlumat yayılıb.
Bildirilib ki, şəhərin Avcılar baş verən yeraltı təkan Rixter şkalası ilə 2.5 ballıq maqnituda ilə qiymətləndirilib.
Ocağı yerin 9.82 kilometr dərinliyində yerləşən zəlzələ hiss edilməyib.

İstanbul silkələndi

21-12-2024, 22:36

İstanbul silkələndi

21-12-2024, 21:08

Türkiyədə yeni konstitusiya qəbul ediləcək? - Ərdoğan AÇIQLADI

Türkiyə Prezidenti Rəcəb Tayyib Ərdoğan ölkənin yeni konstitusiyaya ehtiyacı olduğunu bildirib.
Bu barədə o, Muğlada QHT nümayəndələri ilə görüşdə bildirib.
Ərdoğan yeni konstitusiyanın Türk Əsri məqsədinə daha tez çatmağa imkan verəcəyini bildirib.
"Yeni konstitusiya Türkiyə üçün lüks deyil, çoxdan gecikmiş bir ehtiyacdır. Bu istiqamətdə atılan addım Türk əsri hədəfimizə daha asan və daha tez çatmağa imkan verəcək", - o qeyd edib.
Türkiyə lideri 42 il əvvəl qəbul edilən konstitusiyasının demokratiyaya zidd olduğunu bəyan edib:
"Biz bu çağırışı müxalifətin iddia etdiyi kimi gündəm narahatlığından deyil, əksinə, ölkəmizin yeni konstitusiyaya ehtiyacını gördüyümüz üçün edirik. Amma bizdə elə müxalifət var ki, həllin bir parçası olmaq bir yana, problemin böyüməsi üçün əlindən gələni edir. Onların ölkənin hər hansı məsələsi, o cümlədən Konstitusiya ilə bağlı təklifləri varmı? Onların lüğətində “Biz istəmirik”dən başqa söz varmı? Belə gəldi, belə getsin".
O, Türkiyə parlamentindəki əksər partiyaların yeni konstitusiya ilə bağlı bir çox məsələdə, xüsusilə ilk dörd maddədə həmfikir olduqlarını görməkdən məmnun olduğunu ifadə edib.

Türkiyədə yeni konstitusiya qəbul ediləcək? - Ərdoğan AÇIQLADI

21-12-2024, 20:43

Pezeşkian İran pulunun adını dəyişdirir

İranda rəsmi valyutanın adının dəyişdirilməsi planlaşdırılır.
İran Prezidenti Məsud Pezeşkian sözügedən dəyişikliyi ehtiva edən maliyyə islahatı haqqında qanun layihəsini ölkə parlamentinə təqdim edib.
Layihəyə əsasən, “İran rialı “İran tümən” adlandırılacaq və əskinaslardan dörd sıfır silinəcək.
Bildirilib ki, Nazirlər Kabineti tərəfindən təklif edilmiş və 2019-cu ildə təsdiqlənmiş sənəd təcili qaydada parlamentə təqdim edilib.
İslahat xroniki inflyasiya, valyutanın alıcılıq qabiliyyətinin azalması, həmçinin gündəlik əməliyyatların həcminin artması və xarici valyutalara nisbətdə milli valyutanın imicinin pisləşməsi ilə bağlı problemlərin həllinə yönəlib.

Pezeşkian İran pulunun adını dəyişdirir

21-12-2024, 19:43

İranda dəhşət: 10 hərbçi öldü, 17-si yaralandı

İranın Loristan vilayətində avtobus qəzası nəticəsində 10 nəfər ölüb, 17 nəfər yaralanıb.
Bu barədə İranın "Tasnim News" agentliyi xəbər verir.
Qəzaya düşən avtobusun təhlükəsizlik qüvvələrinə məxsus olduğu, sərnişinlərin hamısının hərbçi olduğu qeyd edilir.
Yaralanan 17 nəfər xəstəxanalara yerləşdirilib.
Hüquq-mühafizə orqanlarının əməkdaşları hadisənin detallarını müəyyənləşdirirlər.

İranda dəhşət: 10 hərbçi öldü, 17-si yaralandı

21-12-2024, 15:48

Suriyanın yeni xarici işlər naziri təyin edilib

Suriyanın yeni hakimiyyəti Əsaad Həsən əl-Şibanini xarici işlər naziri təyin edib.
Bu barədə Suriyada hakimiyyətə gələn müxalifətin birləşmiş qüvvələr komandanlığının bəyanatında bildirilib.
Məlumata görə, Həsən əl-Şibani müvəqqəti hökumətdə öz vəzifəsini icra edəcək.

Suriyanın yeni xarici işlər naziri təyin edilib

21-12-2024, 14:03

İranın Suriyadakı səfirliyinin əməkdaşı öldürüldü

İran İslam Respublikasının Suriyadakı səfirliyinin əməkdaşı öldürülüb.
Bu barədə İran Xarici İşlər Nazirliyinin sözçüsü İsmayıl Bəqai məlumat verib.
Onun sözlərinə görə, İranın Suriyadakı səfirliyinin əməkdaşı Davud Bitərəf Dəməşqdə avtomobilinə açılan atəş nəticəsində öldürülüb.

İranın Suriyadakı səfirliyinin əməkdaşı öldürüldü