6-08-2024, 14:51
Qazaxıstanın uran istehsalı - Göstəricilər
Qazaxıstan dünyanın ən böyük uran ixracatçılarından biridir.
"Kazinform" yataqların harada yerləşdiyini və hasilatın necə aparıldığını öyrənmək qərarına gəlib.
Artıq bu ölkədə tükənmiş uran sahələri var. Qazaxıstan Energetika Nazirliyi sorğuya cavab olaraq bildirib ki, Türküstan, Qızılorda və Şimali Qazaxıstan vilayətlərindəki 13 yatağın 26 sahəsində uran hasil edilir.
Onların hamısı çoxlu quyuların quraşdırıldığı və uranın yerdən yuyulduğu sınaq meydançalarıdır.
6-08-2024, 14:40
Hizbullah İsrailin şimalına PUA-larla zərbə endirib - İtkilər var
Hizbullah İsrailin şimalına pilotsuz təyyarələrlə hücum edib.
Bu barədə “The Times of Israel” yazıb.
Bildirilib ki, itkilər olub. Təcili yardım xidməti ən azı 2 nəfərin yaralandığını, onlardan birinin vəziyyətinin ağır olduğunu açıqlayıb.
Məlumata görə, 30 yaşlı qurban başından güllə yarası alıb və huşsuz vəziyyətdə tapılıb.
6-08-2024, 13:52
"Volkswagen" Rusiyaya avtomobil ixrac etmir - RƏSMİ
"Volkswagen" Rusiyaya avtomobil ixrac etmir və icazəsiz ticarətin qarşısını almaq üçün əlindən gələni edir".
Bu barədə TASS-a konsernin nümayəndəsi məlumat verib.
Bundan əvvəl “Die Zeit” qəzetində "Volkswagen" texnologiyalarına malik avtomobillərin "Jetta" brendi ilə Rusiya bazarına daxil olduğu iddia edilən məqalə dərc olunmuşdu.
Qeyd edək ki, Ukraynaya genişmiqyaslı işğal müharibəsi başladandan sonra Qərbin əsas şirkətləri Rusiya bazarını tərk edib.
6-08-2024, 12:58
Rusiya münasibətlərin normallaşmasını dəstəkləyir - Şoyqu
Sergey Şoyqu ölkəsinin Azərbaycanla Ermənistan arasında münasibətlərin normallaşması prosesini dəstəklədiyini bildirib.
Bunu Prezident İlham Əliyevin qəbulu zamanı Rusiya Federasiyası Təhlükəsizlik Şurasının katibi Sergey Şoyqu bildirib.
Təhlükəsizlik Şurasının katibi ölkələrimiz arasında regional təhlükəsizlik, hərbi-texniki, nəqliyyat, iqtisadi sahələrdə əlaqələrin uğurla inkişaf etdiyini vurğulayıb.
O, ikitərəfli əməkdaşlığın gündəliyində çox mühüm məsələlərin durduğunu və onların uğurla həll edildiyini deyib. Bu xüsusda Şimal-Cənub dəhlizinin həyata keçirilməsini bunun nümunəsi kimi dəyərləndirib və bununla bağlı üçtərəfli əsasda böyük işlərin görüldüyünü qeyd edib.
5-08-2024, 22:45
Şoyqu Tehranda yeni prezidentlə görüşdü
Rusiya Təhlükəsizlik Şurasının katibi Sergey Şoyqu Tehranda İranın yeni prezidenti Məsud Pezeşkianla görüşüb.
Bu barədə IRNA agentliyi məlumat yayıb.
Görüşü zamanı tərəflər uzunmüddətli əməkdaşlığa və ikitərəfli münasibətlərin həyata keçirilməsinə hazır olduqlarını təsdiqləyib, Yaxın Şərqdəki münaqişələrin həlli və ABŞ-ın üçüncü ölkələrin işlərinə müdaxiləsini müzakirə ediblər.
Məsud Pezeşkian İran-Rusiya münasibətlərinin daha da inkişaf etdirilməsinin vacibliyini vurğulayıb. “Biz inanırıq ki, bəzi güclərin, o cümlədən ABŞ-ın təcrid dövrü başa çatıb. Çoxqütblü dünyanın təşviqində İran və Rusiya arasında əməkdaşlıq qlobal təhlükəsizliyin daha da möhkəmlənməsinə gətirib çıxaracaq”, - prezident qeyd edib.
Şoyqu öz növbəsində İranı Rusiyanın regionda əsas strateji müttəfiqlərindən biri adlandırıb və Şimal-Cənub nəqliyyat dəhlizi də daxil olmaqla, birgə layihələrin inkişaf etdirilməsində maraqlı olduğunu vurğulayıb.
“Rusiya İran İslam Respublikası ilə beynəlxalq sahədə, o cümlədən BMT və BRİKS vasitəsilə əməkdaşlığa böyük əhəmiyyət verir. Biz bu əməkdaşlığı genişləndirməyə çalışacağıq”, - deyə o əlavə edib.
5-08-2024, 22:45
Şoyqu Tehranda yeni prezidentlə görüşdü
Rusiya Təhlükəsizlik Şurasının katibi Sergey Şoyqu Tehranda İranın yeni prezidenti Məsud Pezeşkianla görüşüb.
Bu barədə IRNA agentliyi məlumat yayıb.
Görüşü zamanı tərəflər uzunmüddətli əməkdaşlığa və ikitərəfli münasibətlərin həyata keçirilməsinə hazır olduqlarını təsdiqləyib, Yaxın Şərqdəki münaqişələrin həlli və ABŞ-ın üçüncü ölkələrin işlərinə müdaxiləsini müzakirə ediblər.
Məsud Pezeşkian İran-Rusiya münasibətlərinin daha da inkişaf etdirilməsinin vacibliyini vurğulayıb. “Biz inanırıq ki, bəzi güclərin, o cümlədən ABŞ-ın təcrid dövrü başa çatıb. Çoxqütblü dünyanın təşviqində İran və Rusiya arasında əməkdaşlıq qlobal təhlükəsizliyin daha da möhkəmlənməsinə gətirib çıxaracaq”, - prezident qeyd edib.
Şoyqu öz növbəsində İranı Rusiyanın regionda əsas strateji müttəfiqlərindən biri adlandırıb və Şimal-Cənub nəqliyyat dəhlizi də daxil olmaqla, birgə layihələrin inkişaf etdirilməsində maraqlı olduğunu vurğulayıb.
“Rusiya İran İslam Respublikası ilə beynəlxalq sahədə, o cümlədən BMT və BRİKS vasitəsilə əməkdaşlığa böyük əhəmiyyət verir. Biz bu əməkdaşlığı genişləndirməyə çalışacağıq”, - deyə o əlavə edib.
5-08-2024, 16:37
Ermənistan XİN-dən Türkiyə ilə sərhədlərin açılması barədə AÇIQLAMA
Ermənistan Respublikası Ermənistan-Türkiyə quru sərhədinin Marqara-Əlican keçid məntəqəsinin Ermənistan hissəsinin təmiri və texniki yenidən qurulmasını başa çatdırıb.
Bunu Ermənistan XİN mətbuatın sorğusuna cavabında açıqlayıb.
Qeyd olunub ki, İrəvan iki ölkənin xüsusi nümayəndələri arasında əvvəllər əldə edilmiş və təsdiq edilmiş razılığa əsasən münasibətləri həll etmək üçün bu sərhəd məntəqəsini üçüncü ölkə vətəndaşları və diplomatik pasportu olan şəxslər üçün xidmət etməyə hazırdır və Türkiyədən də bunu gözləyir.
Xatırladaq ki, Ermənistan-Türkiyə münasibətlərinin normallaşması prosesinin xüsusi nümayəndələrinin beşinci görüşü zamanı Axurik/Akyaka dəmir yolunda sərhəd-keçid məntəqəsinin işə salınmasına imkan verəcək texniki ehtiyacların qiymətləndirilməsi barədə razılıq əldə olunub.
5-08-2024, 15:04
Sülh sazişinin böyük hissəsi razılaşdırılıb - Klaar
"İrəvan və Bakı arasında sülh sazişinin böyük hissəsi razılaşdırılıb".
Bunu Aİ-nin Cənubi Qafqaz üzrə xüsusi nümayəndəsi Toivo Klaar "Jam News"a müsahibəsində deyib.
"Sülh sazişinin imzalanması üçün siyasi iradə lazımdır", - o əlavə edib.
4-08-2024, 14:16
İranda qum fırtınası - 1362 nəfər xəstəxanaya yerləşdirildi
İranda qum fırtınasıyla əlaqədar 1362 nəfər xəstəxanaya yerləşdirilib.
Qum fırtınası Sistan-Beluçistan ostanının şimalında daha güclü olub.
Qum fırtınası 1 milyona yaxın insanın yaşadığı Zabul, Zahek, Hamun, Hirmen, Nimruz, Zahidan, Mircave, Nusret Abad, Haş, Saravan, İranşehr və Mehristan şəhərlərini əhatə edib, son 5 gündə 1362 nəfər xəstəxanaya yerləşdirilib.
4-08-2024, 13:57
Çində torpaq sürüşməsi - 4 nəfər ölüb, onlarla insan itkin düşüb
Çinin cənub-qərbindəki Sıçuan əyalətində baş verən sel və torpaq sürüşməsi nəticəsində 4 nəfər həyatını itirib, 23 nəfər isə itkin düşüb.
Sıçuan əyalətində tüğyan edən sel nəticəsində bölgədə bir körpü uçub, bəzi binalara ziyan dəyib.
Yerli hakimiyyət orqanları təbii fəlakət nəticəsində 4 nəfərin öldüyünü, 23 nəfərin itkin düşdüyünü təsdiqləyib.
Genişmiqyaslı axtarış-xilasetmə əməliyyatlarının davam etdiyi bölgədən 939 nəfər təxliyə olunub.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!