25-02-2025, 18:10
Ermənistan ordusunda 40 ölüm qeydə alınıb
Ermənistan ordusunda qeyri-müəyyən şəraitdə baş verən ölüm halları hazırda ən ciddi problemlərdən biri olaraq qalır.
Bu barədə “Hraparak” qəzetinin məqaləsində bildirilib.
Statistik məlumatlara görə, son illər orduda dinc dövrün ölüm halları nəinki azalmayıb, hətta artıb. Bu günlərdə məlum olub ki, İcevan hərbi hissəsində bir gündə iki əsgər qeyri-döyüş şəraitində dünyasını dəyişib.
Ötən il Ermənistan ordusunda 40 ölüm qeydə alınıb, onlardan 36-sı qeyri-döyüş şəraitində baş verib.
“Hraparak”ın məlumatına görə, xəstə çağırışçılar əsgər aparılır, döyüş postlarına göndərilirlər.
Belə hallara görə məsuliyyət daşıyanlar isə cəzasız qalırlar.
Hüquq müdafiəçisi Nina Karapetyants “Hraparak”a müsahibəsində orduda baş verənlərdən çaşqın olduğunu bildirib. Onun sözlərinə görə, dinc dövrdə ölüm hallarının mütəmadi baş verdiyi hərbi hissələr də var ki, belə hallar ümumiyyətlə qeydə alınmır. Bu, müəyyən hissələrdə nizam-intizamın olmamasından xəbər verir.
"Bu problem həmişə olub, amma təəssüf ki, indi daha da kəskinləşib. Sülh dövründə ölüm halları aktuallaşıb. Bu o demək deyil ki, bəzi hissələrdə şərait əlverişlidir, bəzilərində isə yox. Problem nizam-intizamda, məsuliyyət hissi və ardıcıllıqdadır”.
Cinayət işlərinə gəlincə, Karapetyants qeyd edir ki, bir qayda olaraq, onlar heç vaxt açılmır. Ölümün səbəbləri qəsdən adam öldürmədən tutmuş, ehtiyatsızlıq və hərəkətsizliyə qədər müxtəlifdir.
"30 ilə yaxındır ki, dinc dövrdə həlak olan hərbçilərin işi ilə məşğulam və deyə bilərəm ki, bu işlərə göz yumulur. Əsl günahkarlar müəyyən xidmətlərə görə məsuliyyətdən azad edilir, işlər sövdələşmə predmetinə çevrilir. Heç kim başa düşmür ki, dövlətin təhlükəsizliyi təhlükə altındadır. Müstəntiqlər, hərbi polislər, prokurorlar hardadır? Heç nə dəyişməsə, siz kimə lazımdır?” - deyə Karapetyans bildirib.
25-02-2025, 16:31
[b]Ukrayna üçün ağır gün: BMT-də "səsvermə savaşı"[/b]
Ötən gün Birləşmiş Millətlər Təşkilatının (BMT) Baş Assambleyasında Ukrayna ilə bağlı gərgin müzakirələr aparılıb.
ABŞ-nin yeni administrasiyası gözlənilməz addım ataraq Avropa müttəfiqləri ilə eyni mövqedə durmayıb.
Vaşinqton Çinlə Rusiya tərəfindən dəstəklənən neytral qətnaməni irəli sürüb. Bu qətnamə BMT Təhlükəsizlik Şurasında qəbul edilsə də, Baş Assambley Avropa ölkələrinin düzəlişləri ilə sənədin alternativ versiyasını qəbul edib. Həmin düzəlişlərdə baş verənlərə görə məsuliyyətin Rusiyanın üzərinə qoyulması tələb olunurdu. ABŞ isə bu dəyişikliklərə qarşı çıxmayaraq səsvermədən çəkinib.
Baş Assambleyada Ukrayna və Avropa ölkələri tərəfindən təqdim edilən və Qərbin standart mövqeyini əks etdirən qətnaməni qəbul edib.
BMT-də Ukrayna münaqişəsi ilə bağlı eyni gündə iki qətnamə müzakirəyə çıxarılıb. Birinci qətnamə Ukrayna tərəfindən irəli sürülüb və Avropa ölkələri tərəfindən dəstəklənib. Sənəddə Rusiyaya qarşı sərt ifadələr yer alıb və Ukraynada ədalətli və davamlı sülhün təmin olunmasına çağırış edilib.
Ukrayna qətnaməsi üç səhifədən ibarət olub və burada Rusiyanın Ukraynaya genişmiqyaslı hərbi müdaxiləsinin üç ildir davam etdiyi və bunun təkcə Ukrayna üçün deyil, digər regionlar və qlobal sabitlik üçün də dağıdıcı nəticələr doğurduğu vurğulanıb.
ABŞ-ın nümayəndəsi Doroti Şi isə Ukrayna qətnaməsini "söz müharibəsi" kimi qiymətləndirərək onun səsvermədən çıxarılmasını istəyib. ABŞ öz növbəsində "sülhə aparan yol" adlı alternativ qətnamə təqdim edib. Sənəddə münaqişənin tez bir zamanda dayandırılmasına və Ukrayna ilə Rusiya arasında davamlı sülhə çağırış edilib. Avropa İttifaqı ölkələri bu qətnaməyə düzəlişlər təqdim edərək, Rusiyanın məsuliyyətini vurğulamağa çalışıblar.
BMT Baş Assambleyasında Ukrayna tərəfindən təqdim edilən qətnamə 93 lehinə, 18 əleyhinə və 65 bitərəf səslə qəbul olunub. Qətnaməyə qarşı çıxan ölkələr arasında ABŞ, Rusiya, İsrail, Macarıstan və Şimali Koreya da olub.
ABŞ-ın təklif etdiyi qətnamə də qəbul edilib, lakin Avropa ölkələrinin düzəlişlərindən sonra ilkin versiyasından fərqli olub. Səsvermə zamanı 93 ölkə lehinə, 8 ölkə əleyhinə səs verib, 73 ölkə isə bitərəf qalıb. Avropa düzəlişləri səbəbindən ABŞ öz sənədinə səs verməkdən çəkinib.
Təhlükəsizlik Şurasında isə fərqli bir vəziyyət yaranıb. ABŞ qətnaməsinin ilkin versiyası qəbul edilib və Rusiya, Çin, Pakistan, Əlcəzair, Panama və digər ölkələrin dəstəyini qazanıb. Böyük Britaniya, Fransa, Yunanıstan və Danimarka isə bitərəf qalıb. Bu, 2022-ci ildən bəri Ukrayna məsələsində ABŞ, Rusiya və Çinin ilk dəfə konsensusa gəlməsi olub.
Doroti Şi qətnamənin "sülhə aparan ilk addım" olduğunu vurğulayıb. O bildirib ki, bu sənəd BMT Nizamnaməsinin ruhunu əks etdirir və müharibənin dayandırılmasına kömək edə bilər.
Təhlükəsizlik Şurasında müzakirələr gərgin keçib. Böyük Britaniya, Fransa və digər Avropa ölkələri səsverməni fevralın 25-nə qədər təxirə salmağa çalışsalar da, ABŞ buna qarşı çıxıb və nəticədə təklif rədd edilib.
Böyük Britaniya, Fransa, Yunanıstan və Danimarka tərəfindən təqdim olunan və Rusiyanın təcavüzkar adlandırılmasını nəzərdə tutan düzəlişlər ya kifayət qədər səs toplamayıb, ya da Rusiya tərəfindən bloklanıb. Həmçinin, Rusiyanın münaqişəni "Ukrayna ətrafında münaqişə" adlandırmaq və onun "köklü səbəblərinin" araşdırılmasını tələb edən düzəlişləri də qəbul edilməyib.
Fransa və Böyük Britaniya qətnaməni veto etməsə də, səsvermədə bitərəf qalıb və nəticədə sənəd qəbul edilib.
Böyük Britaniyanın BMT-dəki daimi nümayəndəsi Barbara Vudvord bildirib ki, "ədalətli və BMT Nizamnaməsinə uyğun bir sülh" olmadan münaqişənin dayandırılması mümkün deyil. O vurğulayıb ki, "Rusiya ilə Ukrayna eyni tutulmamalıdır və münaqişənin köklü səbəbləri müəyyən edilməlidir".
Rusiyanın BMT-dəki daimi nümayəndəsi Vasili Nebenziya isə Avropa ölkələrini "hərbi ritorikanı gücləndirməkdə" ittiham edib və qəbul edilən qətnaməni "sülhə yönələn ilk real addım" kimi qiymətləndirib. O, "Avropa ölkələrinin münaqişənin həllində deyil, onun uzadılmasında maraqlı olduğunu" iddia edib.
Çinin BMT-dəki daimi nümayəndəsi Fu Tsun isə qətnaməni dəstəklədiklərini və beynəlxalq ictimaiyyəti Ukrayna məsələsində dialoqun bərpasına töhfə verməyə çağırdıqlarını bildirib.
Doroti Şi isə qəbul edilən qətnamənin BMT Təhlükəsizlik Şurasının üç il ərzində Ukrayna ilə bağlı qəbul etdiyi ilk sənəd olduğunu vurğulayıb və onun "sülhə aparan yol" açacağına ümid etdiyini bildirib.
25-02-2025, 14:49
Lavrov Tehrandadır
Rusiyanın xarici işlər naziri Sergey Lavrov İranın xarici işlər naziri Abbas Arakçinin dəvəti ilə Tehrana səfər edib.
Sergey Lavrov Tehranda rəsmi danışıqlar aparacaq.
Lavrovun iranlı həmkarı Abbas Arakçi ilə görüşəcəyi bildirilib.
Nazirlərin Tehran-Moskva münasibətlərini müzakirə edəcəyi qeyd olunub və əlavə edilib ki, “danışıqlar zamanı enerji və nəqliyyat sahələrində əsas birgə layihələrin həyata keçirilməsi kontekstində qarşılıqlı faydalı ticari-iqtisadi əməkdaşlığın daha da inkişaf etdirilməsi xüsusi vurğulanacaq.
Məlumata görə, iki nazir həmçinin Suriya, Cənubi Qafqaz, Əfqanıstan, Yəmən və Körfəzdəki vəziyyət, Fələstin və Xəzər məsələləri, İranın nüvə proqramı üzrə Birgə Hərtərəfli Fəaliyyət Planı ətrafında vəziyyət də daxil olmaqla bir sıra aktual beynəlxalq məsələlər ətrafında fikir mübadiləsi aparacaqlar.
Sergey Lavrov fevralın 23-24-də Ankaraya gedib və danışıqlar aparıb.
Ukrayna müharibəsinin 3-cü ildönümündə Ankaraya səfər edən Lavrov Türkiyə prezidenti Rəcəb Tayyib Ərdoğan və xarici işlər naziri Hakan Fidanla görüşüb.
25-02-2025, 14:03
Ukrayna Ali Radası Zelenskiyə dəstək bəyanatını təsdiqlədi
Ukrayna Ali Radası “Rusiya Federasiyasının təcavüzü kontekstində Ukraynada demokratiyaya dəstək haqqında Bəyanat”ı dəstəkləyib.
Bu barədə Telegram-da Ukraynanın xalq deputatı Yaroslav Jeleznyak bildirib.
"Ali Rada bu gün ikinci cəhddə demokratiya haqqında qətnamənin (və Zelenskiyə və qarşıdan gələn seçkilərə dəstək) lehinə səs verdi".
Onun sözlərinə görə, sənədi Ukrayna parlamengtinin 268 xalq deputatı dəstəkləyib.
24-02-2025, 19:16
Tramp Makronu qarşılamadı
ABŞ Prezidenti Donald Tramp Ağ Evə gələn fransalı həmkarı Emmanuel Makronu qarşılamayıb.
Avtomobili ilə Ağ Evə yaxınlaşan Fransa rəhbərini qarşılayan olmayıb.
Jurnalistlər qarşılamaya Trampın çıxacağını gözləsələr də, bu baş verməyib.
24-02-2025, 17:45
Qara görə 8 aviareys təxirə salındı
Güclü qar və çovğun səbəbindən bu gün Batumi Beynəlxalq Hava Limanında 8 aviareys təxirə salınıb.
Bu barədə Batumi beynəlxalq hava limanı məlumat yayıb.
Məlumata görə, əlverişsiz hava şəraiti ilə əlaqədar Batumi-İstanbul marşrutu üzrə uçuşlar artıq üçüncü gündür ki, həyata keçirilmir.
24-02-2025, 17:20
"Axmat" batalyonunun qəddar komandiri Ukraynada öldü
Ukraynada Rusiyanın işğalçılıq siyasəti uğrunda döyüşən "Axmat" xüsusi təyinatlı batalyonlarından birinin komandiri Zəlimxan Batukaev döyüş tapşırığını yerinə yetirərkən həlak olub.
“Şustrı” ləqəbli Batukaevin Rusiya ordusunun ən yaxşı komandirlərindən biri olduğu bildirilib.
Hərbçi dünən, fevralın 23-də dünyasını dəyişib.
Zəlimxan Batukaev ukraynalı döyüşçülərə qarşı ən amansız və qəddar komandirlərdən biri olub. Onun batalyonu döyüşlərdə ən çox ukraynalı hərbçi öldürən və əsir götürən hərbi hissə kimi "fərqlənib".
24-02-2025, 16:57
“Ukraynanın gələcəyi Avropa İttifaqındadır" - Liderlər bəyanat verdilər
“Üç il əvvəl Rusiya Ukraynaya qarşı genişmiqyaslı və qeyri-qanuni işğalçı müharibəyə başladı. Rusiyanın amansız müharibəsi qəsdən mülki və kritik infrastruktur obyektlərini hədəf alır. Ukrayna xalqı öz dövlətini və beynəlxalq hüququn əsas prinsiplərini müdafiə edərək cəsarət göstərdi.Biz Ukraynanın müstəqilliyi və azadlığı uğrunda həlak olanların və yaxınlarını itirənlərin hamısının xatirəsini ehtiramla yad edirik", - Avropa İttifaqının liderləri Kiyevd’ müharibənin üçüncü ildönümündə belə deyiblər.
Avropa Şurasının sədri Antonio Kosta, Avropa Komissiyasının sədri Ursula fon der Leyen və Avropa Parlamentinin sədri Roberta Metsola bəyanatlarında Kiyevi dəstəkləyəcəklərini və ədalətli sülhə nail olmaq üçün çalışacaqlarını vəd ediblər.
Avropa İttifaqı (Aİ) liderlərinin sözlərinə görə, Ukraynanın Aİ-yə inteqrasiyası artıq başlayıb:
“Ukraynalılar Avropa İttifaqında olmaq istəklərini bildiriblər. Biz bunu Ukraynaya namizəd statusu verməklə və üzvlüklə bağlı danışıqlara başlamaqla tanıdıq. Ukrayna ən çətin şəraitdə üzvlüklə bağlı islahatlarda əhəmiyyətli irəliləyiş əldə edib. Biz artıq Ukraynanı Aİ-nin daxili bazarına inteqrasiya edirik. Ukraynanın və onun vətəndaşlarının gələcəyi Avropa İttifaqındadır”.
Bəyanat müəllifləri xatırladıblar ki, Brüssel 2022-ci ildən bəri Kiyevə 135 milyard avro, o cümlədən 48,7 milyard avro hərbi yardım ayırıb. Brüssel maliyyə dəstəyini davam etdirəcəyini vəd edir. Bundan əlavə, Rusiyanın Avropadakı dondurulmuş aktivləri artıq Ukraynanın müdafiə sənayesini dəstəkləmək və onun enerji sektorunu bərpa etmək üçün istifadə olunur, - Aİ liderləri qeyd ediblər.
Onlar həmçinin bildiriblər ki, Avropa İttifaqı tərəfdaşları ilə birlikdə Moskvaya sanksiyalarla təzyiq edir və Rusiyanın işğalının üçüncü ilində daha 16-cı sanksiyalar paketi qəbul edilib.
24-02-2025, 15:51
Ərdoğan Lavrovu qəbul etdi
Prezident Rəcəb Tayyib Ərdoğan Ankarada səfərdə olan Rusiyanın xarici işlər naziri Sergey Lavrovu Beştəpə Kompleksində qəbul edib.
Görüşdə Ukrayna müharibəsi, regional problemlər və ikitərəfli münasibətlər müzakirə olunub.
Lavrovun səfəri Ukraynanın işğalının 3-cü ildönümünə təsadüf edir və buna görə də kritik əhəmiyyətə malikdir.
Bundan əlavə, prezident Rəcəb Tayyib Ərdoğan bu iclasdan sonra Nazirlər Kabinetinin iclasına sədrlik edəcək.
24-02-2025, 15:39
Avropa İttifaqı Suriyaya qarşı sanksiyaları ləğv edir
Avropa İttifaqı (Aİ) enerji, nəqliyyat və bank sektorlarında bir sıra məhdudiyyətləri aradan qaldıraraq Suriyaya qarşı sanksiyaları ləğv etməyə başlayıb.
Bu barədə Avropa İttifaqı Şurasının bəyanatında deyilir.
“Aİ Şurası enerji (neft, qaz və elektrik enerjisi daxil olmaqla) və nəqliyyat sahələrində sektoral tədbirlərin dayandırılması barədə qərar qəbul edib. Həmçinin beş təşkilatın (Sənaye Bankı, Xalq Kredit Bankı, Əmanət Bankı, Kənd Təsərrüfatı Kooperativ Bankı və Suriya Hava Yolları) maliyyə vəsaitlərinin və iqtisadi resursların dondurulmasına məruz qalanlar siyahısından çıxarılması qərara alınıb. Bundan əlavə, Suriya Mərkəzi Bankına maliyyə və iqtisadi resursların təqdim olunmasına icazə verilir”, - deyə sənəddə bildirilir.
Qeyd olunur ki, Aİ ölkələrindən Suriyaya şəxsi istifadə üçün dəbdəbəli əşyaların gətirilməsinə qoyulan qadağa da aradan qaldırılıb.
Avropa İttifaqı gələcəkdə də ləğv oluna biləcək digər sanksiyaları qiymətləndirməyə davam edəcəyinə vəd verib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!