Dünya » Səhifə 353

21-08-2023, 15:21

Rusiya və Ukrayna liderlərinin görüşünüə ev sahibliyi etmək istəyirik - Ərdoğan

Türkiyə Rusiya və Ukrayna liderlərinin görüşünə ev sahibliyi etmək istəyir.
Bu barədə Türkiyə Prezidenti Rəcəb Tayyib Ərdoğan jurnalistlərə açıqlamasında deyib.
O bildirib ki, Türkiyə sülhün əldə olunmasına çalışır: “Ukrayna Prezidenti Volodimir Zelenskinin Türkiyəyə səfəri zamanı onunla bu barədə danışdıq. Həmçinin NATO Liderlər Zirvəsindəki müzakirələrdə bu məsələ barədə fikir mübadiləsi apardıq".
Ərdoğan iki liderin Türkiyədə görüşə razılıq verəcəyinə ümid etdiyini vurğuayıb.

Rusiya və Ukrayna liderlərinin görüşünə ev sahibliyi etmək istəyirik - Ərdoğan

20-08-2023, 23:58

İsveç və Danimarka səfirləri İran XİN-ə çağırıldı

İsveç və Danimarkanın İrandakı səfirləri bu ölkənin Xarici İşlər Nazirliyinə çağrılıb.
Bu barədə "Tasnim" agentliyi məlumat yayıb.
Onların Quranların yandırılması ilə bağlı çağırıldığı qeyd olunur.
Hər iki səfirə bu ölkələrdə Qurana qarşı davam edən təhqirlərə etiraz bildirilib.

İsveç və Danimarka səfirləri İran XİN-ə çağırıldı

20-08-2023, 20:57

Danimarka Ukraynaya 19 döyüş təyyarəsi verəcək

Danimarka Ukraynaya 19 döyüş təyyarəsi verəcək.
Bu barədə Danimarkanın baş naziri Matte Frederiksen məlumat verib.
O qeyd edib ki, Ukrayna hərbçiləri təlimləri başa vuran kimi F-16 qırıcılarının ilk qrupu təhvil veriləcək. Qırıcıların ilk qrupu yeni ildən əvvəl göndəriləcək.
"Ümid edirəm ki, Yeni ilə yaxın təyyarələrin ilk qrupu Danimarka torpağını tərk edərək Ukraynaya yola düşəcək. Onlardan təxminən 6-sı", - o bildirib.
Baş nazir əlavə edib ki, gələn il Danimarkadan Ukraynaya daha 8, bir ildən sonra isə daha 5 təyyarə göndəriləcək.

Danimarka Ukraynaya 19 döyüş təyyarəsi verəcək

20-08-2023, 20:49

Ərdoğan Vuçiçlə görüşdü

Türkiyə Prezidenti Rəcəb Tayyib Ərdoğan serbiyalı həmkarı Aleksandar Vuçiç ilə görüşüb. Görüş Buda baş tutub.
Görüşdə Türkiyə-Serbiya münasibətləri və regional məsələlər müzakirə edilib.
Ərdoğan Serbiyanı Balkan yarımadasında sülh və sabitlik baxımından açar ölkə kimi gördüyünü bildirib.

Ərdoğan Vuçiçlə görüşdü

20-08-2023, 19:50

Zelenski Danimarkaya səfər etdi

Ukrayna Prezidenti Volodimir Zelenski Danimarkaya səfər edib.
Bu barədə Zelenski özünün “Telegram” kanalında paylaşım edib.
Zelenski bildirib ki, Danimarka Baş naziri Mette Frederiksen, kral ailəsinin üzvləri, partiya liderləri, parlament üzvləri və bu ölkənin biznes təmsilçiləri ilə görüşlər keçirəcək.
Danışıqların gündəliyinə Ukrayna və Danimarka arasında əməkdaşlıq və “F-16” qırıcı təyyarələrinin tədarükünün daxil olduğunu bildirib.
Qeyd edək ki, bundan öncə Vladimir Zelenski Niderlandda səfərdə olub və 42 ədəd “F-16” təyyarəsinin Ukraynaya tədarükünə dair razılaşma əldə olunduğunu açıqlayıb.

Zelenski Danimarkaya səfər etdi

20-08-2023, 19:12

Prezident Macarıstanın Baş nazirini Azərbaycana dəvət etdi

Prezident İlham Əliyev Macarıstanın Baş naziri Viktor Orbanı Azərbaycana səfərə dəvət edib.
Liderlərin görüşü Budapeştdə baş tutub.
Dəvət minnətdarlıqla qəbul olunub.
Görüş əsnasında Azərbaycan ilə Macarıstan arasında enerji, o cümlədən neft-qaz sahəsində əməkdaşlığın uğurla inkişaf etdiyi qeyd olunub, Azərbaycan qazının Macarıstan bazarına çatdırılmasının əhəmiyyəti vurğulanıb.

Prezident Macarıstanın Baş nazirini Azərbaycana dəvət etdi

20-08-2023, 17:45

Pakistanda baş vermiş dəhşətli qəza 20 nəfərin həyatına son qoydu

Pakistanın Pəncab əyalətində avtobusla yük avtomobilinin toqquşması nəticəsində azı 20 nəfər ölüb, 15 nəfər yaralanıb.
Hadisə səhər saatlarında Faisalabad şəhəri yaxınlığındakı magistral yolda qeydə alınıb.
Kəraçi-İslamabad marşrutu ilə hərəkət edən sərnişin avtobusu dizel yanacağı çənləri daşıyan yük maşınına çırpılıb.
Toqquşma nəticəsində yanacaq çəni partlayıb, yanğın hər iki avtomobili bürüyüb.
Qeyd edək ki, avtobusda azı 40 nəfər olub.

Pakistanda baş vermiş dəhşətli qəza 20 nəfərin həyatına son qoydu

20-08-2023, 15:36

“Luna-25” kosmik stansiyası fəaliyyətini dayandırdı

Rusiyanın “Luna-25” kosmik stansiyası fəaliyyətini dayandırıb.
Bu barədə “Roskosmos”un teleqram kanalında məlumat verilib.
Bildirilib ki, “Luna-25” nəzərdə tutulmamış kənar orbitə keçib və Ayın səthi ilə toqquşub.

“Luna-25” kosmik stansiyası fəaliyyətini dayandırdı

20-08-2023, 14:51

Ukrayna prezidenti Niderlanda getdi

Ukrayna Prezidenti Vladimir Zelenski Niderlanda səfər edib.
Ukrayna Prezidenti Niderland Baş naziri Mark Ryutte ilə danışıqlar aparacaq.
Vladimir Zelenski paylaşımında bildirib ki, əsas məsələ Ukrayna üçün “F-16” qırıcı təyyarələridir. Eyni zamanda sülh və Rusiyanın məsuliyyətə cəlb edilməsi də gündəlikdəki məsələlərdir.

Ukrayna prezidenti Niderlanda getdi

19-08-2023, 23:57

Ermənistanın mina terroruna qarşı etiraz aksiyası keçirildi

Avstriyada fəaliyyət göstərən Avstriya-Azərbaycan İş Adamları və Mədəniyyət Dərnəyinin təşkilatçılığı ilə Vyanada ATƏT-in katibliyi qarşısında Ermənistanın Azərbaycana qarşı törətdiyi mina terrorizmi və ekoterrora qarşı etiraz aksiyası keçirilib.
Dərnəyin rəhbəri Yardım Günəş çıxış edərək, Ermənistanın onilliklər boyu işğalda saxladığı Azərbaycanın Qarabağ bölgəsində apardığı talanlar, ekoterror və ərazilərin minalarla çirkləndirilməsinə diqqət çəkib. Qeyd edilib ki, Ermənistanın Azərbaycana qarşı törətdiyi mina terroru hərbçi və mülki şəxslərin həyatına təhlükə yaratmaqla yanaşı, keçmiş məcburi köçkünlərin öz ata-baba torpaqlarına geri qayıtması və bölgədə aparılan bərpa işlərinə əngəl törədir, eləcə də təbiətə zərər vurur.
Aksiya iştirakçıları beynəlxalq qurumları Ermənistana beynəlxalq hüququn norma və prinsiplərinə əməl etmək üçün təzyiq göstərməyə, Azərbaycana qarşı törədilən sülh və insanlıq əleyhinə cinayətlərə görə Ermənistanı qınamağa, eləcə də bu cinayətləri törədən şəxslərin məsuliyyətə cəlb olunması istiqamətində təcili tədbirlər görməyə çağırıblar.
Tədbir iştirakçıları şəhər sakinlərini Ermənistanın Azərbaycana qarşı təcavüzü barədə məlumatlandırıb, onlara broşürlər paylayıblar.

Ermənistanın mina terroruna qarşı etiraz aksiyası keçirildi