5-02-2025, 12:29
Tramp İran prezidenti ilə görüşə razılıq verdi
ABŞ prezidenti Donald Tramp İran prezidenti Məsud Pezeşkianla görüşə razılıq verib.
Tramp bu barədə çərşənbə axşamı Ağ Evdə jurnalistlərlə söhbəti zamanı müvafiq bəyanatla çıxış edib.
ABŞ-ın İrana maksimum təzyiqini bərpa etmək üçün sərəncam imzaladıqdan sonra Tramp ümid etdiyini bildirib ki, o, bu vasitədən tez-tez istifadə etmək məcburiyyətində qalmayacaq.
"İran prezidenti ilə görüş və ya birbaşa əlaqə barədə düşünəcəkmi" sualına Tramp “hə” cavabını verib.
“Baxacağıq ki, İranla razılığa gələ bilərik, yoxsa sövdələşəcəyik”, - Amerika lideri qeyd edib.
Mümkün razılaşmanın təfərrüatları ilə bağlı aydınlaşdırıcı suala cavab olaraq Tramp vurğulayıb ki, İranın nüvə silahı əldə etməsinə icazə verilə bilməz.
“Biz İrana və ya başqasına qarşı sərt mövqe tutmaq istəmirik, lakin onlar nüvə silahına malik ola bilməzlər”, - ABŞ prezidenti bildirib.
Trampdan ona və ya komandasının üzvlərinə qarşı sui-qəsd olarsa, İranın hansı nəticələrlə üzləşə biləcəyi də soruşulub.
“Bunu etsələr, məhv olacaqlar. Mən göstərişlər vermişəm, onlar bunu etsələr, məhv ediləcəklər, heç nə qalmayacaq”, - Amerika lideri vurğilayıb.
4-02-2025, 23:45
İsveçrədə məktəbə hücum: 10 nəfər öldü
İsveçrənin Örebro şəhərində yerləşən orta məktəbə silahlı hücum edilib.
Bu barədə "Expressen" nəşri yazıb.
Hadisə nəticəsində on nəfər həyatını itirir. Xəsarət alanların dəqiq sayı məlum olmasa da, son məlumatlara görə, altı nəfərdən artıqdır.
İlkin məlumata görə, atəş açan şəxs intihar edib.
İsveçin baş naziri Ulf Kristersson həlak olanların yaxınlarına başsağlığı verib. O, "bütün İsveç üçün çox ağrılı bir gün" olduğunu söyləyib.
Hadisə barədə polisə məlumat saat 12:30 radələrində daxil olub. Qatilin motivləri məlum deyil. Onun 35 yaşı var, polisin dediyinə görə, heç bir dəstə ilə əlaqəsi yoxdur və cinayəti yoxdur. Onun təkbaşına hərəkət etdiyi güman edilir. Polis artıq atəş açan şəxsin evində axtarış aparıb və bina tamamilə mühasirəyə alınıb.
Örebro İsveç paytaxtından 200 km aralıda yerləşir və 2000-ə yaxın əhalisi var. Atışmadan sonra məktəb boşaldılıb.
4-02-2025, 22:31
Ərdoğan Suriya prezidenti ilə nələrdən danışdı...
Türkiyə Prezidenti Rəcəb Tayyib Ərdoğanla Suriya prezidenti Əhməd Əş-Şaara arasında görüş başa çatıb.
Görüşdən sonra birgə mətbuat konfransı keçirilib.
Ərdoğan bildirib ki, indiki məqamda ərəb və islam dünyası yeni iqtidara və Suriya xalqına lazımi maddi və mənəvi dəstəyi göstərməlidir: “Bu, çox vacibdir. Suriyalı qardaşlarımızın ölkələrini bərpa edə biləcəklərinə şübhəm yoxdur”.
Ərdoğan qeyd edib ki, Türkiyə terror təşkilatları ilə mübarizədə Suriyaya dəstək verməyə hazırdır.
Ə. Şaara isə 1967-ci il sərhədlərinin bərpa olunmasının vacibliyini vurğulayıb. O söyləyib ki, Suriya Türkiyə ilə əlaqələri inkişaf etdirmək niyyətindədir.
4-02-2025, 19:17
Əsədin naziri yeni hökumətə təslim oldu
Suriyanın keçmiş daxili işlər naziri Məhəmməd əl-Şaar ölkənin yeni hakimiyyət orqanlarına təslim olub.
Bu barədə Suriyanın “Əl-İxbariyyə” telekanalı məlumat yayıb.
Əl-Şaar 2011-2018-ci illərdə Suriyanın daxili işlər naziri vəzifəsində çalışıb.
2024-cü il noyabrın sonunda silahlı müxalifət qrupları Suriya ordusunun mövqelərinə qarşı genişmiqyaslı hücuma keçib. Dekabrın 8-də onlar Dəməşqə daxil olublar, bundan sonra prezident Bəşər Əsəd istefa verib və ölkədən qaçıb.
4-02-2025, 18:10
Suriya Prezidenti Türkiyədədir
Suriyanın müvəqqəti prezidenti Əhməd Əl Şara Türkiyədə səfərdədir.
Onun Türkiyə Prezidenti Rəcəb Tayyib Ərdoğanla görüşəcəyi gözlənilir.
4-02-2025, 17:01
Sarkisyanın ölümü ilə bağlı yeni detallar: onu soydaşı öldürübmüş
Dünən Moskvada yerləşən “Alıye Parusa” yaşayış kompleksində baş verən partlayışla bağlı yeni detallar açıqlanıb.
Bu barədə "İzvestiya" nəşri yazıb.
Məlumata görə, partlayış Ermənistan vətəndaşı olan kamikadze tərəfindən törədilib. İddia edilir ki, şübhəli şəxs üzərinə MON-50 partlayıcı qurğusu yerləşdirib və Ukraynada döyüşən erməni batalyonu "Arbat"ın qurucusu Armen Sarkisyanın yaşayış binasının foyesində liftdən çıxan zaman özünü partladıb.
Minanı partladan şəxsin əvvəllər məhkum olunmuş Ermənistan vətəndaşı olduğu bildirilir. Onun adı açıqlanmayıb.
Hazırda istintaq davam edir. Hadisə ilə əlaqədar bir neçə versiya səsləndirilib. Onlardan biri hadisənin Ukrayna kəşfiyyatçıları tərəfindən törədilməsidir. Rusiyada tütün bazarının yenidən bölüşdürülməsi də versiyalar arasındadır.
Rusiya mətbuatının məlumatına görə, Sarkisyan tütün məmulatlarının topdan satışı ilə məşğul olan TKLAB şirkətinin ortaq sahibi olub.
Qeyd edək ki, fevralın 3-də "Alıye Parusa" yaşayış kompleksində baş vermiş partlayış nəticəsində iki nəfər ölüb, 4 nəfər yaralanıb.
“Arbat” batalyonu 2022-ci ildə yaradılmış könüllü dəstədir. Onun tərkibinə əsas olaraq etnik ermənilərdən ibarət təqribən 500 nəfər daxildir. Armen Sarkisyan, həmçinin “Donetsk Xalq Respublikası”nın Boks Federasiyasının “fəxri prezidenti”dir.
4-02-2025, 15:39
Suriyanın birinci xanımı ilk dəfə göründü
Suriya prezidenti Əhməd əl-Şaranın həyat yoldaşı ilk dəfə görüntülənib.
Prezidentin Səudiyyə Ərəbistanına ilk xarici səfəri zamanı onu həyat yoldaşı Lətifə Əl-Şəra müşayiət edib.
Onlar birgə Məkkəyə gələrək ümrə ziyarətinə qatılıb.
Ümrə ziyarəti zamanı Suriyanın xarici işlər naziri Əsəd Şeybani də onlarla birgə olub.
4-02-2025, 13:42
Yaza qədər saziş imzalayacaqlar
İran və Rusiya cari ilin mart ayına qədər Rəşt-Astara dəmir yolu xəttinin inşasına dair saziş imzalamaq barədə razılığa gəlib.
Bu barədə məlumatı İranın Rusiyadakı səfiri Kazem Cəlali açıqlayıb.
“Bildiyiniz kimi, “Şimal-Cənub” beynəlxalq nəqliyyat dəhlizi çərçivəsində ən vacib məsələ Rəşt-Astara dəmir yolu xəttinin inşasıdır”, - deyə səfir qeyd edib.
4-02-2025, 10:50
Putin sərəncam imzaladı: “Eurovision”a qarşı “İntervision” keçiriləcək
Rusiya prezidenti Vladimir Putin “İntervision” musiqi müsabiqəsinin 2025-ci ildə keçirilməsi haqqında sərəncam imzalayıb.
Müvafiq sənəd hüquqi aktların dərci üçün rəsmi internet saytında yerləşdirilib.
“İntervision” musiqi müsabiqəsi “Eurovision”un alternativi olacaq.
“İntervision” müsabiqəsi Moskva və Moskva vilayətində keçiriləcək.
Bildirilir ki, təşkilat komitəsinin sədri baş nazirin müavini Dmitri Çernışenko olacaq. Müsabiqənin dəqiq tarixləri və onun formatı sənəddə göstərilməyib.
MDB, BRICS, ŞƏT, Latın Amerikasının 20-yə yaxın ölkəsi bu musiqi müsabiqəsində iştirakını artıq təsdiqləyib.
Rusiya prezidentinin beynəlxalq mədəni əməkdaşlıq üzrə xüsusi nümayəndəsi Mixail Şvıdkoy əvvəllər bildirib ki, “İntervision” 2025-ci ilin sentyabrında baş tutacaq.
4-02-2025, 10:50
Putin sərəncam imzaladı: “Eurovision”a qarşı “İntervision” keçiriləcək
Rusiya prezidenti Vladimir Putin “İntervision” musiqi müsabiqəsinin 2025-ci ildə keçirilməsi haqqında sərəncam imzalayıb.
Müvafiq sənəd hüquqi aktların dərci üçün rəsmi internet saytında yerləşdirilib.
“İntervision” musiqi müsabiqəsi “Eurovision”un alternativi olacaq.
“İntervision” müsabiqəsi Moskva və Moskva vilayətində keçiriləcək.
Bildirilir ki, təşkilat komitəsinin sədri baş nazirin müavini Dmitri Çernışenko olacaq. Müsabiqənin dəqiq tarixləri və onun formatı sənəddə göstərilməyib.
MDB, BRICS, ŞƏT, Latın Amerikasının 20-yə yaxın ölkəsi bu musiqi müsabiqəsində iştirakını artıq təsdiqləyib.
Rusiya prezidentinin beynəlxalq mədəni əməkdaşlıq üzrə xüsusi nümayəndəsi Mixail Şvıdkoy əvvəllər bildirib ki, “İntervision” 2025-ci ilin sentyabrında baş tutacaq.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!