19-11-2024, 16:50
Moskva təsdiqlədi: Ukrayna ilk dəfə qorxunc raket atıb
Rusiya Müdafiə Nazirliyi Ukrayna Silahlı Qüvvələrinin noyabrın 19-na keçən gecə Bryansk vilayətinin ərazisinə ATACMS raketləri ilə hücum etdiyi barədə xəbəri təsdiqləyib.
Rusiya Müdafiə Nazirliyinin məlumatına görə, Bryansk vilayətinə atılan ATACMS uzaqmənzilli raketlərindən eşi “Pantsir” kompleksi tərəfindən vurulub, biri isə zədələnib.
Rusiya Müdafiə Nazirliyi raketlərin Bryansk vilayətindəki hərbi obyektin texniki ərazisinə düşdüyünü, yanğın baş verdiyini və onun söndürüldüyünü vurğulayıb.
“Hər hansı tələfat və dağıntı yoxdur”, - nazirlik qeyd edib.
Xatırladaq ki, ABŞ prezidenti Bayden Ukraynaya Rusiyanın dərinliklərində ATACMS ballistik raketlərilə zərbələr endorməyə icazə verib. Bu haqda "Nyu-York Tayms" məlumat yayıb.
19-11-2024, 16:38
Almaniyanın xarici işlər naziri Bakıya gəlir - RƏSMİ
Almaniyanın xarici işlər naziri Annalena Berbok Azərbaycana səfər edəcək.
O, Bakıda keçirilən BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasında (COP29) iştirak edəcək.
Məlumatı Xarici İşlər Nazirliyinin mətbuat katibi Ayxan Hacızadə də təsdiqləyib.
Berbokun Bakıda azərbaycanlı həmkarı Ceyhun Bayramovla da görüşü gözlənilir.
Qeyd edək ki, Berbok Azərbaycandan əvvəl Ermənistana səfər edəcək və bu ölkənin xarici işlər naziri Ararat Mirzoyanla görüşəcək.
19-11-2024, 13:00
Aİ Gürcüstan hökumətinə ayırdığı 121 milyonluq yardımı dayandırdı
Avropa İttifaqı (Aİ) Gürcüstan hökuməti üçün ayrılmış 121 milyon avro vəsaiti başqa məqsədlərə yönəltməyi planlaşdırır.
Bunu Aİ-nin xarici işlər və təhlükəsizlik siyasəti üzrə ali nümayəndəsi Cozep Borrel Brüsseldə keçirilən mətbuat konfransında deyib.
26 oktyabrda Gürcüstanda keçirilən parlament seçkilərinin nəticələrini ölkənin indiki hökuməti dövründə “demokratik geri çəkilməsini” tkimi qiymətləndirən Aİ Avropa Sülh Fondu vasitəsilə Gürcüstan silahlı qüvvələrinə dəstəyini geri çəkib. Həmçinin birbaşa olaraq Gürcüstana 121 milyon avronun ayrılmasını ləğv edib.
Avropa diplomatiyasının rəhbəri qeyd edib ki, bu vəsait “vətəndaş cəmiyyətinə və bilavasitə gürcü xalqına fayda verən proqramlara” yönəldiləcək.
Seçkilərdə nələrin baş verdiyini diqqətlə öyrənmək üçün Brüssel Gürcüstana siyasi missiya göndərəcək və Demokratik Təsisatlar və İnsan Haqları Bürosunun nümayəndəsi Gürcüstandakı seçki pozuntuları ilə bağlı öz qiymətləndirməsini təqdim etmək üçün dəvət olunacaq.
“Gürcü arzusu”nun liderləri gürcü xalqının arzularına və Gürcüstanın Aİ-yə doğru irəliləmək məqsədinə zidd olaraq ölkəni bu yoldan uzaqlaşdırdılar. Biz hamımız Gürcüstan üçün eyni şeyi istəyirik - onu Avropa yoluna qaytarmaq”, - Josep Borrel vurğulayıb:
“Gürcü xalqına ötən il Gürcüstana səfərim zamanı dediyimi təkrarlamaq istəyirəm: Avropa İttifaqının qapısı Gürcüstan üçün açıq qalacaq”.
19-11-2024, 12:33
Rusiya bu hallarda nüvə silahından istifadə edəcək - Putin yeni doktrinanı imzaladı
Rusiya prezidenti Vladimir Putin ölkənin yenilənmiş nüvə doktrinasını – nüvə hərbi təhdidinin qarşısının alınması sahəsində dövlət siyasətinin əsaslarını təsdiq edib.
Vladimir Putin bu haqda fərman imzalayıb.
Doktrinanın əsas prinsipi olaraq göstərilib ki, nüvə silahı Rusiyanın suverenliyini qorumaq üçün son çarədir.
Eyni zamanda, qeyd edilib ki, yeni hərbi təhdidlərin və risklərin yaranması ilə əlaqədar Rusiya nüvə silahından istifadəyə icazə verən parametrləri dəqiqləşdirməli idi.
Fərman nüvə təhdidləri ilə bağlı dövlətlərin və hərbi ittifaqların kateqoriyasını genişləndirib.
Beləliklə, hər hansı qeyri-nüvə dövlətinin nüvə ölkəsinin iştirakı və ya dəstəyi ilə hücumu onların Rusiyaya qarşı birgə təcavüzü sayılacaq.
Sənədə görə, adi silahlarla Rusiyanın suverenliyinə kritik təhlükə yarandıqda və ya İttifaq dövlətinin üzvü kimi Belarusa hücum edilərsə, buna qarşı da nüvə reaksiyası mümkündür.
Doktrinanın əsas tələbləri:
- Rusiya Federasiyasının nüvə silahından istifadəyə hazır olması və qətiyyəti nüvə təhdidinin qarşısının alınmasını təmin edəcək;
- Rusiya Federasiyası özünün və Belarusun suverenliyinə və ərazi bütövlüyünə kritik təhlükə yaranarsa, nüvə silahından istifadə edə bilər;
- Yenilənmiş nüvə doktrinası nüvə hücumu həyata keçirən düşməni müəyyən edir.
Nüvə silahından istifadə şərtləri arasında Rusiya Federasiyasına qarşı ballistik raketlərin buraxılması da yer alır.
Doktrinaya görə, Rusiya Federasiyasına qarşı təcavüz üçün ərazi və resursların verilməsi belə bir dövlətin nüvə təhdidinin qarşısının alınması üçün əsasdır.
Rusiyanın nüvə doktrinasının əvvəlki variantı 2020-ci ilin iyununda təsdiqlənmişdi.
19-11-2024, 12:15
İran şahının oğlu Trampdan Xamnei rejimini bitirməyi istədi
İranın devrilmiş şahının mühacirətdəki oğlu Rza Pəhləvi ABŞ-da prezident seçkilərinin respublikaçılardan olan qalibi Donald Trampı təbrik edib.
Bu barədə Rza Pəhləvi sosial şəbəkədəki paylaşımında bildirib.
“Sizi ABŞ prezidenti seçilməyiniz münasibətilə təbrik edirəm. İlk prezidentlik dönəminizdə nəinki Yaxın Şərqi, hətta Amerika xalqını terror, qeyri-sabitlik, xaosla təhdid edən İslam Respublikasına qarşı cəsarətlə İran xalqının yanında durdunuz. İndi bu təhlükəni birdəfəlik bitirməklə tarix yazmaq və davamlı sülh mirası qoymaq imkanınız var. Bu missiyanız zamanı İran xalqı sizin ən yaxşı tərəfdaşınızdır”, - deyə Rza Pəhləvi təbrikində qeyd edib.
Xatırladaq ki, 1979-ci ildə devirilən İran şahı Məhəmməd Rza Pəhləvinin ailəsi ABŞ-a qaçıb. Hazırda şahın arvadı Fərəh Pəhləvi və böyük oğlu Rza Pəhləvi Vaşinqtonda yaşayır.
İran mühacirlərinin bir hissəsi Rza Pəhləvini "şah" adlandırır.
Pəhləvilər ailəsi hazırda İranda "arzuolunmaz ailə" statusunu daşıyır.
19-11-2024, 09:17
Ermənistan ATƏT-ə missiya rəhbəri təyin edib
Ermənistan ATƏT-dəki missiyasına yeni rəhbər təyin edilib.
Müvafiq sərəncamı Ermənistan prezidenti Vaaqn Xaçaturyan imzalayıb.
Sərəncama əsaən, Andranik Hovhannisyan Ermənistanın ATƏT-dəki missiyasının rəhbəri, Ermənistan Respublikasının BMT-nin Vyana ofisindəki daimi nümayəndəsi təyin edilib.
19-11-2024, 09:00
Kim Çen In orduya tapşırıq verdi: Müharibəyə hazır olun!
Şimali Koreya lideri Kim Çen In ordusunun əsgərləri ilə görüşüb və müharibəyə tam hazır olmağın vacibliyini vurğulayıb.
Bu barədə Pxenyanın Mərkəzi Teleqraf Agentliyi məlumat yayıb.
Bu, sayca dördüncü belə görüşdür. Bundan əvvəlki görüş 10 il əvvəl olub.
Qeyd olunur ki, Kim Çen In xarici düşmən qüvvələrin Pxenyana yaratdığı təhdidlərdən, onlara qarşı durmağın zəruriliyindən və bu kontekstdə ordu hissələrinin hazırlıq səviyyəsinin artırılmasının vacibliyindən danışıb.
Maraqlıdır ki, Koreya ordusunun əsasını nüvə qüvvələri təşkil edir.
18-11-2024, 15:27
HƏMAS Türkiyəyə sığınıb? - RƏSMİ
HƏMAS qruplaşmasının Siyasi Bürosunun Türkiyəyə köçürüldüyü barədə xəbərlər yayılıb.
Bir sıra ərəb mənbələri Qətərdəki Siyasi Büronun Türkiyəyə köçürüldüyünü iddia edib.
İddialar Qətərin İsrail-HƏMAS danışıqlarında vasitəçiliyi dayandırmasından sonra ortaya çıxıb.
Ancaq Türkiyə hökuməti sözügedən iddiaları təkzib edib. “HƏMAS Siyasi Bürosunun Türkiyəyə köçməsi ilə bağlı iddialar həqiqəti əks etdirmir”, - Türkiyə Xarici İşlər Nazirliyindən "Anadolu" agentliyinə bildirilib.
17-11-2024, 23:20
Paşinyan hökumətində parçalanma: ard-arda istefa ərizələri yazıldı
Ermənistan hökumətində bir neçə yüksəkvəzifəli məmurun ard-arda istefa verməsi barədə xəbərlər yayılıb.
"shamshyan.com" saytı Ermənistanın ərazi idarəetmə və infrastrukturlar naziri Qnel Sanosyan və Dövlət Gəlirləri Komitəsinin sədri Rüstəm Badasyanın istefa verdiyini yazıb.
Onların qısa müddət əvvəl Ermənistan Baş naziri Nikol Paşinyanla görüşdüyü bildirilir. Paşinyan adıçəkilən şəxslərlə sərt söhbət edib, bundan sonra onlar istefa ərizələrini təqdim ediblər.
“Radar Armenia” nəşri isə bildirib ki, daxili işlər naziri Vahe Kazaryan və İstintaq Komitəsinin rəhbəri Arqişti Kyaramyan da istefa veriblər. Paşinyanın onların fəaliyyətini tənqid etdiyi qeyd olunur.
Xəbərlər hələlik rəsmi təsdiqini tapmayıb. Qərarların tezliklə açıqlanacağı gözlənilir.
Bəzi erməni saytları Ermənistan hökuməti daxilində böhran yarandığını bildirir.
17-11-2024, 23:07
Zelenski liderlər sammitinə dəvət edilmədi
Ukrayna prezidenti Volodimir Zelenski Rio-de-Janeyroda keçiriləcək G20 dövlət başçılarının sammitinə dəvət olunmayıb.
Bu barədə Almaniya kansleri Olaf Şolts məlumat verib.
Kanslerin sözlərinə görə, o, Ukrayna prezidentini dəvət etmək üçün “çox çalışıb”.
“Gizlətmək istəmirəm ki, Ukrayna prezidenti digər görüşlərdən fərqli olaraq, dəvət olunmamasına görə çox təəssüflənirəm”, - Şolts sammitə getməzdən əvvəl jurnalistlərə bildirib.
Onun sözlərinə görə, Zelenskinin sammitə qatılmaması təşkilatın hansı “ciddi problem”lə üzləşdiyini göstərir.
Ukrayna G20-nin üzvü deyil, lakin Zelenski təşkilatın 2022-ci ildə keçirilən sammitinə dəvət olunub. 2023-cü ildə o, Hindistanda keçirilən sammitə də dəvət edilməyib.
G20 sammiti noyabrın 18-19-da keçiriləcək. Sammitdə Ukrayna və Yaxın Şərqdəki münaqişələrin, iqlim dəyişikliyinin təsirlərinin yumşaldılması və yoxsulluqla mübarizə məsələlərinin müzakirəsi planlaşdırılır.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!