2-03-2023, 16:48
Lavrov G20-dəki çıxışının böyük qismini Qərbin tənqidinə həsr edib
Rusiya XİN başçısı Sergey Lavrov Hindistanın paytaxtı Yeni Dehli şəhərində keçirilən G20 sammitində çıxış edib. Nazir çıxışının əsas hissəsini Qərbin tənqidinə həsr edib. "Bir sıra Qərb nümayəndə heyətləri iqtisadiyyatdakı uğursuzluqlarına görə məsuliyyəti Rusiya Federasiyasının üzərinə atmaq istəyir. Rusiya “Şimal axını”nda törədilən təxribatın tez və doğru şəkildə araşdırılmasında israrlıdır. Rusiya Federasiyası inkişaf etməkdə olan ölkələrin BVF, Dünya Bankı və ÜTT-də rolunun artırılmasının tərəfdarıdır. Qərb Rusiya Federasiyasının kənd təsərrüfatı məhsullarının ixracı üçün maneələr yaradır", - deyə Lavrov söyləyib. "Rusiya BRİCS, ŞƏT, Aİİ çərçivəsində müstəqil ödəniş sistemləri formalaşdırmaq və milli valyutalarda hesablaşmaları genişləndirmək iqtidarındadır", - xarici işlər naziri əlavə edib.
2-03-2023, 15:48
Qərb Rusiyaya “kritik mallar”ın ixracını dayandırmağa çağırdı
Qərb ölkələri Birləşmiş Ərəb Əmirliklərini (BƏƏ) Rusiyaya "kritik mallar"ın ixracını dayandırmağa çağırıb. Bu barədə "Financial Times" (FT) qəzeti yazıb. Nəşr bildirir ki, Qərb BƏƏ-nin tədarük etdiyi elektronika məhsullarının Rusiya tərəfindən hərbi məqsədlər üçün istifadə oluna biləcəyindən ehtiyat edir. Məlumata görə, Birləşmiş Ştatlar, Avropa İttifaqı (Aİ) və Böyük Britaniya rəsmiləri son həftələrdə BƏƏ-yə səfər edib və ölkə rəsmilərinə sanksiyaları pozmamaq üçün təzyiq göstəriblər. Rusiya gömrük məlumatlarına görə, 2022-ci ildə BƏƏ-dən Rusiyaya elektron komponentlərin ixracı yeddi dəfədən çox artaraq təxminən 283 milyon dollara çatıb.
2-03-2023, 14:03
Lavrov Çinin XİN rəhbəri ilə görüşüb
Rusiyanın xarici işlər naziri Sergey Lavrov Çin XİN başçısı Çin Qanla görüşüb. Bu barədə Rusiya XİN-in sözçüsü Mariya Zaxarova "Telegram" kanalında məlumat verib. Qeyd olunub ki, görüş Hindistanın paytaxtı Yeni Dehli şəhərində baş tutub. Tərəflər qarşılıqlı maraq doğuran mövzuları müzakirə ediblər. Bu, Çinin yeni təyin olunmuş xarici işlər naziri Çin Qanla Lavrovun ilk görüşü olub.
2-03-2023, 13:53
Britaniya qüvvələri İranın daşıdığı raketləri ələ keçirib
Britaniya Hərbi Dəniz Qüvvələri keçən ay Oman körfəzində İranın qaçaqmalçılıq yolu ilə daşıdığı silah və sursatları ələ keçirib. Bu barədə bu gün Böyük Britaniyanın Kral Donanması məlumat yayıb. Qeyd olunur ki, aşkarlanan gəmi İranın ərazi sularına üz tutmağa cəhd edib, lakin onun qarşısı alınıb. Gəmidən tank əleyhinə raketlər tapılıb. Britaniya silahların ələ keçirilməsi barədə BMT-yə məlumat verib.
1-03-2023, 23:47
İrandan gələn təhdidlər bütün dünya üçün problem yaradır - ABŞ
İrandan gələn təhdidlər təkcə Yaxın Şərqə deyil, həm də bütün dünya üçün problem yaradır. Bunu ABŞ müdafiə nazirinin köməkçisi Dana Stroll məlumat verib. Stroll Tehran və Moskva arasında hərbi əməkdaşlığın genişlənməsinə və xüsusən də İranın Rusiya ordusuna kamikadze pilotsuz uçuş aparatları tədarük etməsinə diqqət çəkib. Pentaqon rəhbərinin köməkçisi “İran və Rusiyanın məkrli əməkdaşlığına qarşı mübarizə aparmaq üçün qlobal koalisiya yaratmağa” çağırıb. “İranın Ukraynada öyrəndiyi və təkmilləşdirdiyi taktika, üsul və prosedurların bir gün Yaxın Şərqdəki tərəfdaşlarımıza qarşı istifadə olunacağını güman etmək ağlabatandır”, - o deyib.
1-03-2023, 20:50
İrəvan rəsmi Bakının cavabını gözləyir - Paşinyan
"İrəvan sülh müqaviləsi layihəsi və sərhədlərin delimitasiyası və demarkasiyası komissiyasının işinin reqlamenti ilə bağlı təkliflərinə rəsmi Bakının cavabını gözləyir". Bunu Ermənistanın baş naziri Nikol Paşinyan parlamentdə deyib. Bildirilib ki, Ermənistan tərəfi müqavilənin mətni ilə bağlı təklifləri fevralda təqdim edib: "Hələ ki cavab yoxdur. Amma bunu normal hesab edirəm, çünki cavab hazırlamaq üçün vaxt lazımdır. Müqavilə üzərində iş gedir və bu, şəxsi görüşlərdən asılı olmayaraq davam edir. Lazımi sənədlər hazırlanır və bunun üçün şəxsi danışıqlara ehtiyac yoxdur". "Regional kommunikasiyalar və sərhəddə təhlükəsizliyin təmin edilməsi ilə bağlı təkliflər qüvvədə qalır", - deyə Paşinyan əlavə edib.
1-03-2023, 20:16
Blinken G20 çərçivəsində rus və çinli həmkarları ilə görüşməyəcək
ABŞ dövlət katibi Entoni Blinken G20 xarici işlər nazirlərinin toplantısında iştirak etmək üçün Hindistanın paytaxtı Yeni Dehliyə səfər edəcək. Görüşdə Rusiya və Çin xarici işlər nazirləri də iştirak edəcək. Məlumata görə, Blinken G20 çərçivəsində rus və ya çinli həmkarları ilə görüşməyi planlaşdırmır.
1-03-2023, 20:09
Rusiya Ukraynanın Krıma PUA-larla hücum etdiyi açıqlayıb
Rusiya Müdafiə Nazirliyi Ukrayna Silahlı Qüvvələrinin Krıma PUA-larla hücum etdiyini açıqlayıb. Bu barədə Rusiya Müdafiə Nazirliyinin sözçüsü general-leytenant İqor Konaşenkov bildirib. Onun sözlərinə görə, hücumun qarşısı alınıb, ümumilikdə 10 PUA məhv edilib. Qeyd edək ki, bu gün Krımda güclü partlayışların olması haqda xəbərlər yayılmışdı.
1-03-2023, 20:05
ABŞ artıq Çinə qara yaxa bilməyəcək - Rəsmi Pekin
Çin koronavirusun mənşəyi ilə bağlı istənilən siyasi manipulyasiyanın əleyhinədir. Bunu Çin Xarici İşlər Nazirliyinin (XİN) rəsmi nümayəndəsi Mao Nin deyib. Federal Təhqiqatlar Bürosunun direktoru Kristofer Reyin bəyanatını şərh edən XİN rəsmisi ABŞ-ı elmə və faktlara hörmətlə yanaşmağa, bu məsələni siyasiləşdirməməyə çağırıb. "Xüsusi xidmət orqanlarının elmi məsələlərlə məşğul olması özlüyündə koronavirusun mənşəyi məsələsinin siyasiləşməsidir. Laboratoriya sızması fərziyyəsini növbəti dəfə ortaya atan ABŞ artıq Çinə qara yaxa bilməyəcək və öz reputasiyasını daha da korlayacaq", - deyə Pekinin cavabında vurğulanıb. Qeyd edək ki, Kristofer Rey Vaşinqtonun pandemiyaya Uxan şəhərindəki laboratoriyadan sızmanın səbəb olduğunu daha inandırıcı hesab etdiyini bildirmişdi.
1-03-2023, 20:01
Ərdəbildə məktəbli qızlar arasında kütləvi zəhərlənmə baş verib
Bu gün 2 saat ərzində İranın şimal-qərbində yerləşən Ərdəbil vilayətinin Ərdəbil şəhərində qızların təhsil aldığı 7 orta məktəbdə 108 şagird zəhərlənib. Bunu Ərdəbil Tibb Elmləri Universitetinin rektoru Əli Məhəmmədian Ərdi deyib. Onun sözlərinə görə, orta məktəblərdə şagirdlər qaz və yaxud ona bənzər iy hiss edib və tənəffüs sistemində problem yaşandığına görə xəstəxanalara köçürülüblər. Hazırda şagirlərin vəziyyəti qənaətbəxşdir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!