Siyəzən rayon Müalicə Diaqnostika Mərkəzinə, habelə Şabran Rayon Mərkəzi Xəstəxanasına ürəkbulanma, qusma və yüksək hərarət şikayətləri ilə ümumilikdə 78 nəfər daxil olub. ANS PRESS Səhiyyə Nazirliyinə istinadən xəbər verir ki, bunlardan 62 nəfəri (18-i azyaşlı uşaq olmaqla) Siyəzən rayon Müalicə Diaqnostika Mərkəzinə digər 16 nəfəri isə Şabran rayon Mərkəzi Xəstəxanasına yerləşdirilib.

Qida zəhərlənməzi diaqnozu qoyulan vətəndaşlara ilkin tibbi yardım göstərilib və dərhal hadisə barəsində Səhiyyə Nazirliyinin 113 xidmətinə məlumat verilib. Bununla əlaqədar Bakıdan Siyəzən xəstəxanasına sanaviasiya ilə mütəxəssislərimiz ezam olunub. Siyəzəndə müraciət edənlərin hər birinə ilkin tibbi yardım göstərilmiş və evlərinə buraxılıb.

Şabran rayon Mərkəzi Xəstəxanasına daxil olmuş 16 nəfərdən nisbətən vəziyyətləri ağır olan 8-ə stasionar, digərlərinə ambulator yardım göstərilərək evlərinə buraxılıblar.

Zərərçəkənlərin hamısı Şabran rayonunun Ağbaş kəndinin sakinləridir və onlar dünən Siyəzəndə yerləşən "Çıraqqala" şadlıq sarayında toy məclisində olublar.

Sanitariya-epidemioloji xidmət orqanları tərəfindən adıgedən restoranından nümunələr götürülmüş Bakıya Səhiyyə Nazirliyinin Qiqiyena Epidemiologiya Mərkəzinə göndərilib.