Vidadi Avdıoğlunun söz çələngi

Əlaqə Haqqımızda

Azərbaycan və Türkiyənin XİN Başçıları görüşdü

And Yerimiz

Qocaman müəllimlərin yubileyləri keçirilib

“Xankəndi” FK Region Liqasının qalibi oldu

Xocalıya növbəti köç

Gənc ruh, gənc istək və “Gənc işçi”

Zəngəzur çiçəyi yubiley işığında

Ziya Bünyadovun ermənilərə tarixi cavabı

Azərbaycan Yazıçılar Birliyində möhtəşəm təqdimat

Babalarımızın Yadigarı Sank-Peterburqda

”Yaddaşlarda qalan müəllim”

Ərdoğan Zelenski ilə sülhdən danışdı ..... Yenidən spiker postuna namizəd oldu ..... Telmanın atası da minaya düşübmüş... ..... Buraxılış imtahanının cavabları elan edildi ..... Tələbə xərçəngdən vəfat etdi ..... Millimiz dünya çempionatının finalında ..... Gəncəni raketlə vuranlar onlar imiş - Adlar AÇIQLANDI ..... Füzuli Hüseynova töhmət verildi - Şuradan ÇIXARILDI ..... Meloni Mərkəzi Asiya liderlərini bir araya topladı .....

Tarix : 19-02-2025, 17:36

Vidadi Avdıoğlunun söz çələngi

Vidadi Avdıoğlu Körpülü Qərbi Azərbaycanda, Körpülü kəndində dünyaya gəlib. Onun da taleyinə Erməni faşistlərinin ötən əsrdə törətdiyi faciələrdən pay düşüb. İllərdi doğulduğu ata yurdunun həsrətin çəkən Vidadi müəllim öz ellilərini Vətənə dönməyə səsləyir. Ellərimizin pozulmuş növrağına yenə düzən verməyə, Qara zurnanın sədası altında cəng tutmağa, tonqal çatmağa çağırır:

Qayıdın vətənə ay körpülülər!

Gözüm yolda, qulaqlarım səsdədir,
Oxuduğum nəğmələr ahəstədir,
Siz yoxsunuz ürəyim də xəstəsir,
Qayıdın Vətənə ay körpülülər!

Durna tək düzülün sizlər dəstəyə,
Vətən eşqilə uçun Körpülüyə,
Ananıztək məni alın dövrəyə,
Qayıdın Vətənə ay körpülülər!

Siz olanda bu diyarın hər günü,
Xoş keçirdi ayı, ili, düyünü,
Siz yoxsunuz çəkən yoxdur yükümü,
Qayıdın Vətənə ay körpülülər!

Sönübdür çırağın, gəlmir qonağın,
Kafirlər əlində qalıb oymağın,
Gözləyirəm kaş eşidəm sorağın,
Qayıdın Vətənə ay körpülülər!

Mən bir tənha qalmış qoca Çinaram,
Qayıtsanız hamınızı qucaram,
Bütün diləklərə işıq saçaram,
Qayıdın Vətənə ay körpülülər!

Nağaraçı qardaş toyunu çalsın,
Qara zurna yenə hay-haray salsın,
Xoş xəbər gətirən müjdəsin alsın,
Qayıdın Vətənə ay körpülülər!
Bakı, 12.09.2023.

Könlüm Vətən torpağını istəyir

Gəzəmmirəm başqa eldə, obada,
Könlüm Vətən torpağını istəyir,
Gözüm yoxdur özgə yurdda, yuvada,
Könlüm Vətən torpağını istəyir.

Babakar dağları, Qazıoğlu yalı,
Çubuqlu yaylağı, Ləlvər dağları,
Yadıma düşdükcə el budaqları,
Könlüm Vətən torpağını istəyir.

Bahar gəlib oyananda təbiət,
Baş qaldırır qəlbimdəki bu həsrət,
Vətən deyə mən çəkirəm əziyyət,
Könlüm Vətən torpağını istəyir.

Nə ocaq isidir, nə də od məni,
Qürbətin soyuğu dondurur məni,
Vətən hərarəti hey çəkir məni,
Könlüm Vətən torpağını istəyir.

İstəsəm də qanad aça bilmirəm,
Yaralı bir quşam uça bilmirəm,
Babamın məzarın quca bilmirəm,
Könlüm Vətən torpağını istəyir.

Demə, yollar niyə belə bağlıdı?
Qəlbim sarısimə, telə bağlıdı,
Vidadi Vətənə, elə bağlıdı,
Könlüm Vətən torpağını istəyir.

05.03.2023

Paylaş

Bölmə: Göyçə / Slayd / Xəbər lenti