4-01-2026, 17:24
Bayram çərşənbələrinin tarixi AÇIQLANDI
Bu il Azərbaycanda qeyd ediləcək Novruz çərşənbələrinin vaxtı məlum olub.
Bu ilin ilk Su çərşənbəsi fevralın 24-nə təsadüf edir.
Ardıcıl olaraq martın 3-də Od, martın 10-da Yel, martın 17-də isə axırıncı - Torpaq çərşənbəsi qeyd olunacaq.
Qeyd edək ki, Azərbaycanda Novruz bayramı martın 20-24-də qeyd olunur. Bu il yaz fəsli Azərbaycana martın 20-də, saat 18:46-da daxil olacaq.
4-01-2026, 17:17
Maduronu 3 saata götürən “Delta”: Bu gizli qrup nəyə qadirdir?
Ötən gün ABŞ ordusunun Karakasa hava zərbələri endirməsi ilə başlayan əməliyyat uğurla başa çatıb, qısa müddət ərzində Venesuela Prezidenti Nikolas Maduro və həyat yoldaşı iqamətgahlarında ələ keçirilib və dərhal da ölkədən çıxarılıb.
Cəmi 3 saata yaxın davam edən əməliyyat zamanı heç bir itkinin olmaması da xüsusilə vurğulanır. Bir neçə ay ərzində hazırlanan və “Delta” qrupunun gecə ilə həyata keçirilən bu mükəmməl əməliyyat onu icra edənləri bir daha gündəmə gətirib.
Bahalı, gizli və qeyri-adi “Delta”...
1-ci Xüsusi Qüvvələrin Əməliyyat Komandası - Delta (ing. 1st Special Forces Operational Detachment-Delta - 1st SFOD-D), geniş yayılmış adları ilə “Delta”, “Delta Force” və ya Mübarizə Tətbiqləri Qrupu (Combat Applications Group - CAG).
Elit Xüsusi Əməliyyat Qüvvələri (Special Operations Force/SOF) və Müştərək Xüsusi Əməliyyatlar Komandanlığı (JSOC) təşkilatını tamamlayan “Delta” qrupunun yaradılması barədə qərar 21 noyabr 1977-ci ildə verilib, ilk bölmələr isə 1978-ci ildə formalaşıb.
Antiterror və xüsusi missiyalar dəstəsidir. “Delta” xüsusi olaraq hazırlanmış və diqqətlə seçilmiş ən yaxşı əsgərlərdən ibarətdir. “Delta”nın əsas vəzifəsi terrorla və üsyan əleyhinə mübarizə olsa da, məxfi tapşırıqları yerinə yetirən son dərəcə çevik bir təşkilatdır. Bu gizli tapşırıqlara girovları xilas etmək, basqın və gizli düşmən qüvvələrini aradan götürmək daxildir.
İlk əməliyyatları İranda girov saxlanılan diplomatları xilas etmək olub (“Qartalın Pəncəsi” əməliyyatı). Bu əməliyyatdakı çatışmazlıqlar əsasında hava dəstəyi üçün 160-cı Xüsusi Əməliyyat Aviasiya Alayı yaradılıb.
Bəzi məlumatlara görə, bu qrupun illik büdcəsi 2 milyard dollara yaxındır.
Ən məşhur əməliyyatları: Pablo Eskobarın zərərsizləşdirilməsi (1993), Səddam Hüseynin ələ keçirilməsi (2003-cü il, “Qırmızı Şəfəq” əməliyyatı), İŞİD lideri Əbu Bəkr əl-Bağdadinin məhvi (2019), narkotacir El Çaponun yaxalanması (2016) və s.
4-01-2026, 17:06
Britaniya və Fransadan İŞİD-ə zərbə
Böyük Britaniyaya və Fransa yanvarın 3-də Suriyanın Palmira şəhərinin şimalındakı dağlıq ərazidə yerləşən İŞİD terror təşkilatına məxsus yeraltı obyektə aviazərbə endirib.
Bu barədə Böyük Britaniya Müdafiə Nazirliyi məlumat yayıb.
İŞİD-in bu obyektdən silah və partlayıcı maddələrin saxlanması üçün istifadə etdiyi ehtimal olunur.
4-01-2026, 16:55
Myanmada 6 mindən çox məhbus əfv edildi
Myanmanın Böyük Britaniyadan müstəqilliyinin 78-ci ildönümü münasibətilə 6134 məhbus əfv edilib.
Bu barədə Myanmanın Silahlı Qüvvələrinin Baş Komandanı və prezident səlahiyyətlərini icra edən Min Aun Hlayn bu gün sərəncam imzalayıb.
Məhbusların bir qisminin isə cəza müddətləri azaldılıb. Əfv qətl və təcavüzlə bağlı həbsdə olanlara, təhlükəsizlik əleyhinə cinayət törədənlərə şamil olunmayıb.
Əfv olunanlar arasında 52 xarici ölkə vətəndaş da var. Onlar ölkədən deportasiya ediləcək.
4-01-2026, 16:37
Paytaxt dəyişdirildi
Ekvatorial Qvineyanın paytaxtı ölkənin təhlükəsizliyini artırmaq və logistikanı yaxşılaşdırmaq məqsədilə adadan materik hissəyə köçürülüb.
Bu barədə Afrika ölkəsinin Prezidenti Teodoro Obianq Nquema Mbasoqo müvafiq fərman imzalayıb.
Fərmana əsasən, Syudad-de-la-Pas şəhəri respublikanın yeni paytaxtı olub. Malabo şəhəri isə bu statusdan məhrum edilib.
Qeyd edək ki, Syudad-de-la-Pasın gələcək paytaxt kimi tikintisinə 2012-ci ildə başlanılıb. Şəhər Ekvatorial Qvineyanın materik hissəsinin tam mərkəzində, Vele çayı üzərində, Atlantik okeanı sahilindən 160 km şərqdə yerləşir.
4-01-2026, 16:08
Rus ordusu bu yaşayış məntəqəsini işğal etdi
Rusiya Silahlı Qüvvələri Xarkov vilayətindəki Podoli yaşayış məntəqəsini işğal edib.
Bu barədə Rusiya Müdafiə Nazirliyi məlumat yayıb.
4-01-2026, 15:56
İranın XİN başçısı: Azərbaycanla münasibətlərin gücləndirilməsi zəruridir
İranın xarici işlər naziri Abbas Əraqçi bu ölkənin Bakıdakı səfiri Müctəba Dəmirçilu ilə görüşündə Azərbaycanla münasibətlərin perspektivi barədə danışıb.
Bu barədə İranın xarici siyasət idarəsinin rəhbərinin "Telegram" kanalında məlumat paylaşılıb.
Bildirilib ki, səfir A. Əraqçini ikitərəfli münasibətlərin son vəziyyəti barədə məlumatlandırıb.
İran XİN-in rəhbəri yaxşı qonşuluq siyasətinin daha təsirli şəkildə irəlilədilməsi üçün Azərbaycanla iqtisadi, tranzit, siyasi, mədəni və humanitar sahələrdə münasibətlərin davamlı şəkildə gücləndirilməsi və genişləndirilməsi zərurətini vurğulayıb.
4-01-2026, 15:40
Yunanıstanda böyük kriz: Hava limanları bağlandı
Yunanıstanda radio tezlikləri ilə bağlı yaranan texniki problemlər səbəbindən ölkə üzrə bütün hava limanları müvəqqəti olaraq bağlanıb.
Havada olan təyyarələr təhlükəsizlik məqsədilə Türkiyə hava limanlarına yönləndirilib.
Uçuşların nə vaxt bərpa ediləcəyi ilə bağlı hələlik rəsmi açıqlama verilməyib. Məlumata görə, baş verən nasazlıq səbəbindən aviareyslərdə ciddi gecikmələr müşahidə olunur.
Səlahiyyətli qurumlar problemin aradan qaldırılması istiqamətində işlərin davam etdiyini bildirir.
4-01-2026, 15:24
Britaniyada dron hücumu
Böyük Britaniyanın Oksfordşir qraflığının Bister şəhərində yerləşən 1 100 yerlik Bullinqdon həbsxanasına dron dəstələrinin hücumu olub.
Bu yolla məhbuslara narkotik və silah ötürülüb.
Bildirilir ki, basqın gecə saatlarında baş verib. Bundan əlavə, PUA-ları kənarlaşdırmağa çalışan mühafizəçilər də hücuma məruz qalıblar.
Qeyd olunub ki, torların olmaması, həmçinin pəncərələrin zəif konstruksiyası və ya zədəli olması problemi daha da dərinləşdirib.
Hadisə ilə bağlı araşdırmaların aparıldığı, müəssisənin təhlükəsizliyi üçün vəsait ayrılacağı bildirilib.
4-01-2026, 15:10
Bakı-Şamaxı-Yevlax yolunda buzlaşma - Hərəkət dayandırıldı
Buzlaşma səbəbindən Bakı-Şamaxı-Yevlax yolunda nəqliyyatın hərəkəti dayandırılıb.
Hazırda ərazidə hər iki istiqamətdə 100-dən çox avtomobil dayanıb.
Görüləcək işlərdən sonra yolda hərəkətin bərpa olunacağı gözlənilir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!