6-11-2022, 15:49
Sabahın havası: Yağış, qar yağacaq
Azərbaycanda noyabrın 7-nə gözlənilən hava proqnozu açıqlanıb. Ekologiya və Təbii Sərvətlər Nazirliyinin Milli Hidrometeorologiya Xidmətindən verilən məlumata görə, Bakıda və Abşeron yarımadasının bəzi yerlərdə arabir yağış yağacağı, gündüz tədricən kəsiləcəyi gözlənilir. Arabir güclənən şimal-qərb küləyi əsəcək, gündüz şimal-şərq küləyi ilə əvəzlənəcək. Havanın temperaturu gecə 8-10°, gündüz 13°-dək isti olacaq. Atmosfer təzyiqi 770 millimetr civə sütunu, nisbi rütubət 65-75 faiz təşkil edəcək. Azərbaycanın rayonlarının bəzi yerlərində arabir yağış, dağlıq ərazilərdə qar yağacağı, bəzi şərq rayonlarında intensiv olacağı ehtimalı var. Gecə və səhər saatlarında duman olacaq, mülayim şərq küləyi əsəcək. Havanın temperaturunun gecə 5-9°, gündüz 10-15° isti, dağlarda gecə 2-7° şaxta, gündüz 2-7° isti olacağı ehtimal edilir.
6-11-2022, 15:46
3 milyon insanın Kiyevdən təxliyəsi gözlənilir
Kiyevdə 3 milyon sakin evakuasiya oluna bilər. Bu barədə Kiyev administrasiyasının Təhlükəsizlik xidmətinin rəhbəri Roman Tkaçuk bildirib. Buna səbəb elektrik enerjisi tam kəsilməsi olacaq.“Bütün elektrik təchizatı sistemini itirilərsə, əhali köçürüləcək. Bunun qarşısının alınması üçün işlər görürük”,- deyə o vurğulayıb.
6-11-2022, 15:25
Cəbrayılda insan sümükləri tapıldı
Cəbrayıl rayonunun Çullu kəndində insan sümükləri tapılıb. Butov.az xəbər verir ki, iki gün əvvəl kənd ərazisində yer səthinin 3-5 santimetrliyində 2 ədəd kəllə və 2 ədəd alt çənə sümüyü olmaqla insana məxsus olan ümumilikdə 21 ədəd sümük və 1 ədəd əl qumbarası aşkar edilib. Məlumata görə, yaxınlıqda insan skeletinin digər hissələrinə rast gəlinməyib. Faktla bağlı aidiyyəti qurumlar tərəfindən araşdırmalara başlanılıb.
6-11-2022, 14:47
Miqrantlar iğtişaş törətdilər
Miqrantlar Böyük Britaniyada genişmiqyaslı iğtişaşlara imza atıblar. Butov.az xəbər verir ki, Hitrou yaxınlığındakı Harmondsvort kəndində yerləşən müvəqqəti saxlama məntəqəsində miqrantlar iğtişaş törədiblər. Hadisəyə səbəb bir gün əvvəl, noyabrın 4-də mərkəzdə yaranan problemlər olub. Məlumata görə, düşərgədə elektrik enerjisi və su təchizatı kəsilib. Problemi gün ərzində aradan qaldırmaq mümkün olmayıb. Bunu əsas gətirən bıçaqla silahlanmış 100-ə yaxın miqrant mərkəzin heyətinə hücum edib. Əməkdaşlar hadisə yerinə polis çağırıblar.
6-11-2022, 14:45
ABŞ-da atışma: 9 nəfər güllələndi
ABŞ-ın Pensilvaniya ştatında atışma olub. Hadisə Filadelfiya şəhərində yerləşən barın yaxınlığında qeydə alınıb. Məlumata görə, naməlum qrup azı 40 dəfə atəş açıb. Silahlı insident nəticəsində 9 nəfər yaralanıb. Hadisənin digər detalları barədə məlumat verilməyib.
6-11-2022, 14:43
Türkiyə ordusu şəhid verdi
Türkiyə Silahlı Qüvvələrinin çavuşu Halil Yıldız şəhid olub. Bu barədə Türkiyə Milli Müdafiə Nazirliyi məlumat yayıb. Bildirilib ki, İraqın şimalında həyata keçirilən “Pəncə Kilid” əməliyyat bölgəsində terrorçular tərəfindən basdırılan minanın partlaması nəticəsində 2 hərbçi yaralanaraq xəstəxanaya yerləşdirilib. Həkimlərin müdaxiləsinə baxmayaraq, H.Yıldızın həyatını xilas etmək mümkün olmayıb.
6-11-2022, 14:41
Mədəndə güclü partlayış: yaralılar var
Türkiyədə növbəti dəfə mədən partlayışı baş verib. Hadisə Zonquldaq əyalətinin Kilimli rayonunda qeydə alınıb. Məlumata görə, daş kömür mədənində baş verən partlayışda 4 işçi yaralanıb. Yaralılar xəstəxanaya aparılıb. Onlardan ikisinin vəziyyətinin ağır olduğu bildirilir. Hadisə yerinə xilasetmə qrupu, polis, tibb işçiləri, Fövqəladə Halların İdarə Olunması Agentliyi (AFAD) əməkdaşları cəlb olunub. Partlayışın başvermə səbəbi hələlik məlum deyil.
6-11-2022, 14:39
İsveçrə Ukraynaya sursat ixracına mane oldu
İsveçrə Almaniyanın Ukraynaya sursat verməsinə yenidən mane olub. Bu barədə İsveçrənin iqtisadiyyat naziri Qay Parmel Almaniyanın müdafiə naziri Kristin Lambrextə məktub yazıb. Almaniyanın Kiyevə tədarük etdiyi "Gepard" özüyeriyən zenit sistemləri üçün nəzərdə tutulan sursatlar İsveçrədə istehsal olunur. İsveçrəli nazir bildirib ki, ölkənin neytrallıq siyasəti bu sursatların Ukraynaya ixrac edilməsinə imkan vermir. Məktubda qeyd olunub ki, İsveçrə qanunları silahlı münaqişələrin olduğu ölkələrə silah ixracını qadağan edir.
6-11-2022, 14:37
8 idmançımız dünya çempionatına buraxılmadı
Azərbaycanın 8 paracüdoçusu Bakıda keçiriləcək dünya çempionatına buraxılmayıb. Milli Paralimpiya Komitəsindən verilən məlumata görə, Aydın Əhmədov, Bayram Mustafayev, Vüqar Şirinli, Xəyal Qəniyev, Kamil Ağayev, Taleh Şabiyev, Əlican İsmayılzadə və Abdulla İsmayılov beynəlxalq həkimlər tərəfindən götürülən tibbi təsnifatdan keçə bilməyiblər. Lakin onlar növbəti yarışlarında yenidən əlavə müayinə ilə tibbi təsnifata cəlb olunacaqlar. Müayinə nəticəsində kişilərdən Amil Əliyev, Hüseyn Rəhimli, Zakir Mislimov, Kənan Abdullaxanlı, qadınlardan isə Əsma İbrahimova, Şəhanə Hacıyeva, Vəfa Seyidova və Xanım Hüseynova tibbi təsnifatdan keçərək, yarışda iştirak hüququ qazanıblar. Beləliklə, dünya çempionatında Azərbaycanı ümumilikdə 13 cüdoçu - İsmayıl Muradov (60 kq J1), Amil Əliyev (73 kq J1), Hüseyn Rəhimli (73 kq J2), Namiq Abaslı (73 kq J2), Zakir Mislimov (90 kq J1), İlham Zəkiyev (+90 kq J1), Kənan Abdullaxanlı (+90 kq J2), Əsma İbrahimova (48 kq J2), Şəhanə Hacıyeva (48 kq J2), Vəfa Seydova (57 kq J1), Xanım Hüseynova (70 kq J2), Xatirə İsmiyeva (+70 kq J1) və Dürsədəf Kərimova (+70 kq J2) təmsil edəcək. Yarış 8 - 10 noyabrda Heydər Əliyev İdman Konsert Kompleksində təşkil olunacaq. Qeyd edək ki, Paris-2024 XVII Yay Paralimpiya Oyunlarına qədər bir neçə dəfə təşkil edilən tibbi təsnifatlar nüfuzlu yarışda tibbi göstərişlərinə görə iştirak edəcək idmançıları müəyyənləşdirəcək. Bu qayda bütün paralimpiya idman növlərinə aid edilir.
6-11-2022, 14:35
Almaniyada 200 min işçi etiraza qalxdı - Maaşdan narazıdırlar
Almaniyanın sənaye müəssisələrində keçirilən tətillərdə 200 minə yaxın insan iştirak edib. Bu barədə Almaniyanın "Tagesschau" portalı yazıb. Bildirilir ki, tətillərin səbəbi maaşların aşağı olmasıdır. Etirazçılar maaşlarının artırılmasını tələb edirlər. Məlumata görə, noyabrın 4-də 400-ə yaxın müəssisədə 83 minə yaxın işçi fəaliyyətini dayandırıb. Qeyd edək ki, işçiləri tətil edən məşhur müəssisələr arasında BMW, "Ford" və "Meyer" kimi şirkətlər yer alıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!