Müasir Azərbaycan jurnalistikasında ən asan yazı janrı-Müsahibə. Çox yazarlar özlərinə əziyyət verməyi sevmir, müsahibinin söylədiyini olduğu kimi, səhvmi, düzmü redaktəsiz, korrektəsiz oxucuya sırıyaraq, özləri haqqında oxucudan hələ bir müsbət fikir də gözləyirlər. Müsahibə olar, amma, o müsahibənin üzərində yaradıcı əmək olmadısa, heç vaxt itirib onu diktafondan çıxarmağa dəyməz. Gənc jurnalsitlərdən Vest.az-ın əməkdaşı Vüqar Həsənovun qələmi xoşuma gəlir.Müsahibələrində yaradıcılıq, uzaqgörənlik, lokaniklik və müsahibinə qarşı diqqət önəm kəsb edir. Onun kimi, gənclərimiz var,amma daha çox olsa mətbuatımızda cılız yazılara yer qalmaz. Kimsə məndən inciməsin və iradı da qərəz anlamasınlar. Millətimdən olan hər bir insanın səhvini öz səhvim, uğurunu öz uğurum bilməyi bacarmıramsa, bu millətin övladıyam deməyə dilim dönməz. Bizim nəsil hələ də öyrənir, və öyrənməkdəm yorulmur, indiki bəzi cavanlar isə öyrənməyi özlərinə sığışdırmır, hətta onlardan öyrənməyi tələb edirlər. Nə isə,bir misalı da deyim, cavanlar unutmasınlar-Ağlayan yanında otur, güldürən yanında deyil. Bizə səhvimizi deyən böyüklərimizin qarşısında boynumuz tükdən nazik olub.
Uğurlar bütün yaradıcı heyətə.

Xalidə Xalid