Qadın gülməyi bacaran zaman gülür, eyni zamanda istədiyi zaman ağlayır. Bir qadının üzünü güldürəcək, onu xoşbəxt edəcək çox gözəl səbəblər var. O gülüşü qadının üzündə yaradacaq insan isə yalnız onun sevdikləri və dostlarıdır.

Qadını mələk adlandıran Aqustinin fikri ilə tamamilə razıyam. O, məqalələrinin birində yazırdı: "Qadın ele bir mələkdir ki, biz uşaq ikən qoruyur, gənc ikən xoşbəxtliyimiz üçün çalışır, qocalanda isə təsəlli verir". Elə isə nə üçün qadınlara dəyər, qiymət verilmir?! Nəyə görə onun üzündə təbəssüm yaratmaq əvəinə, gözlərinə yaş salır?! Heç bir kişinin bir qadını bədbəxt etmek, onunla kobud davranmaq haqqı yoxdur. Qadınlar müvəffəqiyyətlərini əldə etdikleri zəngilliklərlə deyil, ətrafda topladıqları sevgi ile ölçərlər. Qadın sevə de, sevilə də biler. Bu cəmiyyət tərəfindən qınaq obyekti olmamalıdır. Bunu qınaq obyektinə çeviren, beyninde qadın haqqında min cür fikir formalaşdıran cəmiyyət anlamalıdır ki, insanın qəlbinə sevgi hamımızın inandığı Allah tərəfindən göndərilir. Balacadan tutmuş böyüyə qədər hər kəsin ürəyində sevgi var. Sevgini sadələşdirən, qadını ucuzlaşdıranlar isə bu mövzunu kişidə deyil, məhz qadında qınağa çevirirlər. Qadın o zaman pis anlaşılmalıdır ki, hərəkətlərinə fikir verməyi bacarmır, əks cinslə münasibətinə diqqət yetirmir. Bu zaman qadın diqqət mərkəzində ola bilər. Sevginin yaş məhdudiyyəti yoxdur. Yaxşı qadın kişiyə təsir edər, ağıllı qadın onda maraq oyadar, gözəl bir qadın onu ovsunlayar, anlayışlı qadın isə ona sahib çıxar. Her şey qadının içindəkilərdən asılıdır. Qadının pisi qədər pis, yaxşısı qədər yaxşı varlıq yoxdur. Qadın intiusiyası daha dəqiqdir, nəinki kişi əminliyi. Qadını özgüvənsiz qoymaq olmaz. Qadına qayğı, sevgi göstərin. Çünki qadının həyatı sevgi, duyğu, dözüm və fədakarlıqdan yoğrulub. H.Cavidin bu misrasını çox sevirem- "Qadın gülərsə, bu ıssız mühitimiz güləcək, sürüklənən bəşəriyyət qadınla yüksələcək ." Bundan böyük, bundan faktik bir misal demək özü günah olar. Qadınları sevin, hörmət edin... Dünya qadınsız var ola bilmez. Gələcək qadınların əlindədir.


Ayşən Mirzəyeva
BDU-nun Jurnalistika fakültəsinin birinci kurs tələbəsi
Butov.az