Turan » Səhifə 22

25-10-2021, 13:12

Ermənistan parlamentinin sədri Alen Simonyan Kiprdə öz həmvətənləri tərəfindən "satqınlar", "ermənilərin qatilləri" təhqirləri və etiraz aksiyası ilə qarşılanıb.

Bütöv.az xəbər verir ki, bununla bağlı görüntüləri Kipr ermənisi Akop Manukyan sosial şəbəkədəki hesabında paylaşıb.

Videogörüntüdə Kiprdə Ermənistan Milli Məclisinin spikerinin nümayəndə heyətini qarşılanması əks olunur.

Alen Simonyanın avtomobilindən düşməsindən sonra onun gəlişi əleyhinə aksiya keçirən etirazçılar qışqıraraq "satqınlar", "ermənilərin qatilləri", "Səni burada görmək istəmirik", - deyə etiraz etməyə başlayıblar. Qeyd edilir ki, gənclər aksiyaya Ermənistanın baş naziri Nikol Paşinyan rejimini ittiham edən plakatlarla gəliblər.

Ermənistan parlamentinin sədri "satqın" və "qatil" şüarları ilə qarşılandı - VİDEO

25-10-2021, 13:09

Muğlanın Fethiye rayonunda keçirilən Hava Oyunları Festivalı tədbirləri çərçivəsində Babadağdan paraşütlə uçan 3 türk pilotu havada toqquşaraq dənizə düşüb.

Bütöv.az xəbər verir ki, xəstəxanaya aparılan pilotlardan birinin vəziyyətinin ağır olduğu bildirilib.

Qeyd olunub ki, 1500 metrdən uçuş həyata keçirən Çağdaş Türkmen, İbrahim Qars və Murat Can Sak havada toqquşub. Toqquşmadan sonra yamac pilotların hər 3-ü dənizə düşüb.
Həmin an çimərlikdə hazır vəziyyətdə olan Sahil Mühafizə Komandanlığının heyəti pilotları dənizdən çıxararaq həkim qruplarına təhvil verib.

Paraşütləri havada toqquşan pilotlar dənizə düşdü - VİDEO

22-10-2021, 12:49

Türkiyənin Şanlıurfa ərazisində zirehli polis maşını yan küçədən sürətlə qaçan 5 yaşlı qızı vurub.

Bütöv.az xəbər verir ki, azyaşlı qızın təkərlər altında qalması anbaan kamerlara əks olunub. Qız qısa zamanda xəstəxanaya çatdırılıb. Həkimlər onu vəziyyətinin ağır olduğunu bildiriblər.

Zirehli polis maşını 5 yaşlı qızı vurdu - VİDEO

21-10-2021, 21:19

Türkiyə Cümhuriyyətinin Prezidenti Rəcəb Tayyib Ərdoğan Azərbaycana baş tutacaq növbəti səfəri və Füzuli hava limanının açılışındakı iştirakına dair yeni açıqlamalar verib.

“HaberGlobal” xəbər verir ki, Rəcəb Tayyib Ərdoğan jurnalistlərin suallarını Afrika səfərindən qayıdarkən cavablandırıb.

“Oktyabrın 26-da Azərbaycana səfərim olacaq. Səfər proqramında Bakıda olmaq nəzərdə tutulmayıb, amma Füzuli Beynəlxalq Hava Limanının açılışında iştirak edəcəyəm”, - deyə Türkiyə Prezidenti vurğulayıb.

Türkiyə Prezidenti əlavə edib ki, səfər çərçivəsində Qarabağda bir neçə magistral yolun açılışında iştirak edəcək və kənd təsərrüfatı sahəsində görülən bəzi işlərlə tanış olacaq.

Bütöv.az

Türkiyə Prezidenti Azərbaycana səfəri barədə DANIŞDI

20-10-2021, 18:59

Türkiyənin paytaxtı Ankara şəhərində şiddətli partlayış baş verib.

“Haber Global”ın məlumatına görə, partlayışa Mədən Araşdırma və Axtarış Baş İdarəsinin həyətindəki təbii qaz xəttindəki sızma səbəb olub.

Partlayışdan sonra ərazidə yanğın başlayıb.

Hazırda yanğının nəzarətə götürüldüyü bildirilir. Polis təhlükəsizlik səbəbilə bölgədəki yolları müvəqqəti olaraq nəqliyyatın hərəkətinə bağlayıb.

Bütöv.az

Ankarada şiddətli partlayış baş verib - VİDEO

19-10-2021, 12:26

Rusiya xarici işlər naziri Sergey Lavrov Ermənistanda rus məktəbləri açmaq niyyətindədir.

Bütov.az xəbər verir ki, bu da yerli xalqın etirazına səbəb olub. Onlar bildirib ki, əvvəlki hökumətin dövründə insanlar xaricidilli məktəblərin yenidən açılmasının əleyhinə çıxırdısa, indiki dövrdə Lavrovun fikirlərinə 3 gündür ki, adekvat cavab verilmir.

Qeyd olunub ki, səlahiyyətlilər də ölkədə rus məktəblərinin açılmasında maraqlıdır.

Ölkənin "Azadlıq Qəzeti" xəbər yayıb ki, bu gün Rusiya, Ermənistandakı müstəmləkəçilik siyasətini genişləndirməyə çalışır.

Hətta bunun üçün Ermənistanda "Xarici dil məktəblərinin yenidən açılmasının əleyhinəyik" adlı təşəbbüs də yaradılıb.

Lavrov Ermənistanda rus məktəbləri açmaq istəyir - VİDEO

19-10-2021, 12:02

Əfqanıstanda terror təşkilatı İŞİD-ın məscidə etdiyi hücumun görüntüləri yayılıb.

Bütov.az xəbər verir ki, terror aktı oktyabrın 15-də Qəndəhar vilayətində şiə camaatına aid Fatimiyyə Məsciddə baş verib. Hadisə nəticəsində 47 nəfər öldürülüb.

Paylaşılan kadrlarda məscidə yaxınlaşan 2 terrorçu, qapıda gözləyən məscidin 2 mühafizəçisini güllələyib. Daha sonra şəxslər Vətəndaşlara hücum ediblər. Hətta terrorçulardan biri məscidə girirərək, üzərindəki bombanı partladır.

Əfqanıstanda 47 nəfərin öldüyü terror aktının görüntüləri ortaya çıxdı - VİDEO

16-10-2021, 22:40

Qafqazların və Tanrı dağlarının sərin sularından içdim, dəstəmaz aldım. Anladım ki, dağlar da qardaşdır.
Bunu Türkiyənin Azərbaycandakı səfiri Cahid Bağçı özünün Tvitter səhifəsində yazıb.
Qeyd edək ki, C.Bağçı bu gün bir qrup xarici diplomat və yerli media nümayəndələri ilə birgə Tərtər rayonunun işğaldan azad olunan Talış kəndi və Suqovuşan qəsəbəsində səfərdə olub.
Diplomatları və media təmsilçilərini Azərbaycan Prezidentinin köməkçisi, Prezident Administrasiyası Xarici siyasət məsələləri şöbəsinin müdiri Hikmət Hacıyev müşayiət edib.

Dağlar da qardaşdır...

15-10-2021, 19:07

Rusiya Federasiyasının Baş Prokurorluğu azərbaycanlı biznesmen Telman İsmayılovun ekstradisiyası üçün Monteneqroya sorğu göndərib.

Bu barədə qurumun mətbuat xidməti məlumat yayıb.

Məlumatda deyilir ki, oktyabrın 7-dən etibarən T.İsmayılovun cinayət məsuliyyətinə cəlb edilməsi üçün Rusiya Federasiyasına ekstradisiyası ilə bağlı müraciət diplomatik kanallar vasitəsilə Monteneqronun Ədliyyə, İnsan haqları və Azlıqların Hüquqları Nazirliyinə göndərilib.

Bundan əvvəl T.İsmayılovun vəkili Marina Rusakova bildirmişdi ki, Podqoritsa məhkəməsi noyabrın 12-də müvəkkilinin siyasi sığınacaq verilməsi ilə bağlı ərizəsinə baxacaq.

Xatırladaq ki, biznesmen oktyabrın 2-də Podqoritsa məhkəməsi tərəfindən həbs edilib, onun vəkilləri qərardan apellyasiya şikayəti verib.

O da qeyd olunur ki, T.İsmayılovun Rusiya səlahiyyətlilərinə təhvil verilməsi tələbi, həbs edildiyi gündən 40 gündən gec olmayaraq alınmalıdır, əks halda o, sərbəst buraxılacaq.

Butov.az

Rusiya Monteneqrodan Telman İsmayılovun ekstradisiyasını istəyib

14-10-2021, 13:41

Türkiyədə 2-si iranlı agent olmaqla 8 nəfər saxlanılıb.

Oxu24.com haberler.com-a istinadən xəbər verir ki, İrandan gələn agentlər Vanda yaşayan keçmiş iranlı əsgəri qaçırmayı planlaşdırıb. Əsgərin İrana qaçırılması üçün 30 min dollar büdcə ayrılıb. Agentlər bu büdcə ilə türkiyə vətəndaşlarının da iştirakı ilə dəstə qurublar.

Agentlərin təlimatları ilə hərəkət edən dəstə üzvlərindən keçmiş iranlı hərbçinin və onun həyat yoldaşının İrana qaçırılması tələb olunub.

Dəstə üzvlərinə xəbərdarlıq edilib ki, təlimata uyğun hərəkət etməsələr onların İranda yaşayan ailələrinə zərər veriləcək.

Ötən ay türk kəşfiyyatı və polisi keçmiş hərbçini qaçırmaq üçün onun evinə soxulmağa hazırlaşan dəstə üzvlərini həbs edib. Əməliyyatın detalları isə indi açıqlanıb.

Butov.az

İranlı agentlər həbs edildi - VİDEO