"Ey Vətən" - Şəlalə Məhyəddinqızı yazır... .....                        Prezidentin Qarabağ və Şərqi Zəngəzur layihəsi: Regionun gələcəyi həssaslıqla inşa edilir – TƏHLİL .....                        Şəhid polkovnikin adından istifadə edərək insanları aldadan yeniyetmə tutuldu - FOTO - VİDEO .....                        Məleykə Abbaszadə özəl kursları tənqid etdi .....                        İlham Əliyev Qırğız Respublikasının səfirini qəbul etdi - FOTO .....                        Şəhid Elməddin Ələddin oğlu Məmmədli-YADDAŞ .....                        Ərdoğan: “Füzulidən İstanbula gediş-gəliş olacaq” .....                        İlham Əliyev və Rəcəb Tayyib Ərdoğanın birgə mətbuat konfransı - CANLI YAYIM .....                        CƏNUBİ AZƏRBAYCAN ELİTASI DA SƏHNƏDƏN UZAQLAŞDIRILIR .....                       
Tarix : 3-07-2017, 18:10
Cocuq Mərcanlıya köç başladı

İyulun 3-də Cocuq Mərcanlıdan olan məcburi köçkünlərin doğma yurdlarına köçürülməsi ilə əlaqədar Qaçqınların və Məcburi Köçkünlərin İşləri üzrə Dövlət Komitəsində yaradılmış komissiyanın iclası keçirilib.

Butov.az Axar.az-a istinadən xəbər verir ki, Dövlət Komitəsi sədrinin müavini, komissiyasının sədri Gəray Fərhadov çıxış edərək diqqətə çatdırıb ki, hələ ulu öndər Heydər Əliyevin hakimiyyəti dövründə - 1994-cü ilin yanvarın 6-da uğurlu Horadiz əməliyyatı ilə Cocuq Mərcanlı işğaldan azad edilmişdi. Lakin Lələtəpə yüksəkliyi düşmənin nəzarətində olduğundan kənddə yaşamaq qeyri-mümkün idi. Hərb tariximizə qızıl hərflərlə yazılmış 2016-cı ilin aprel döyüşlərində Lələtəpə yüksəkliyinin azad edilməsi mövcud təhlükəni aradan qaldırdı. Bundan dərhal sonra Prezident İlham Əliyev Cocuq Mərcanlı kəndinin bərpası ilə bağlı Sərəncam imzaladı. İnşaatçılar vaxt itirmədən qəsəbənin tikintisinə başladılar. İlkin olaraq, 50 mənzil və 100 yerlik məktəb binası tikildi. Mart ayının 20-də başlanan tikinti işləri mayın 20-də başa çatdırıldı. Qəsəbədə tikilən 50 evdən 20-si ikiotaqlı, 25-i üçotaqlı, 5-i isə dördotaqlıdır. Su, qaz, elektrik, telefon xətləri çəkilib, su anbarı inşa edilib. Küçələrdə gecə işıqlandırma sistemi qurulub, qəsəbədaxili yollara asfalt örtüyü çəkilib. Dövlətimizin başçısının tapşırığına əsasən, qəsəbədə Şuşa məscidinin bənzəri də inşa olunub.

Qaçqın və məcburi köçkünlərin sosial problemlərinin həllinə son 23 ildə 6 milyard manatdan çox vəsait yönəldilib. Ümumilikdə indiyədək 95 müasir qəsəbə və çoxmərtəbəli binalardan ibarət yaşayış kompleksi salınıb. Bunun da 95 faizi son 13 ildə inşa edilib. Bu barədə məlumat verən Gəray Fərhadov qeyd edib ki, görülən işlər nəticəsində 50 min ailənin və ya 250 min qaçqın və məcburi köçkünün mənzil şəraiti yaxşılaşdırılıb: “Əgər indiyədək məcburi köçkünlər həmin qəsəbələrə müvəqqəti yaşamaq üçün köçürülürdülərsə, bu dəfə belə deyil. Yəni, Cocuq Mərcanlıda salınan yeni qəsəbəyə həmin kəndin sakinləri orada daimi yaşamaq üçün köçürülürlər. İlk növbədə, 50 ailə doğma yurda qayıdacaq”.

İyunun 14-də Prezident İlham Əliyev yenidən qurulan Cocuq Mərcanlıda açılış mərasimində iştirak edib. Sədr müavini bildirib ki, bundan bir gün sonra dövlətimizin başçısı “Cəbrayıl rayonunun Cocuq Mərcanlı kəndində bərpa işlərinin davam etdirilməsi ilə bağlı tədbirlər haqqında” Sərəncam imzalayıb. Sərəncama əsasən Cocuq Mərcanlı kəndində tikinti-bərpa və abadlıq-quruculuq işlərinin davam etdirilməsi, o cümlədən 100 evin, uşaq bağçasının, həkim məntəqəsinin, digər zəruri sosial və infrastruktur obyektlərinin tikintisi məqsədi ilə Prezidentin ehtiyat fondundan Qaçqınların və Məcburi Köçkünlərin İşləri üzrə Dövlət Komitəsinə 9 milyon manat ayrılıb.

“Prezident İlham Əliyev, Birinci vitse-prezident Mehriban xanım Əliyeva qaçqın və məcburi köçkünlərin sosial vəziyyətinin yaxşılaşdırılmasını daim diqqətdə saxlayır, bu insanlara xüsusi qayğı ilə yanaşırlar. Mehriban xanım Əliyevanın Birinci vitse-prezident kimi ilk müşavirəsini qaçqın və məcburi köçkünlərin problemlərinə həsr etməsi, onların bir qisminə Masazırda yeni mənzillərin verilməsi, Qaradağ rayonunun Lökbatan qəsəbəsi yaxınlığında 1026 ailəlik yeni yaşayış qəsəbəsinin təməlinin qoyulması bu diqqət və qayğının bariz göstəricisidir”, - deyə G.Fərhadov vurğulayıb.

İclasda çıxış edən Cəbrayıl Rayon İcra Hakimiyyətinin başçısı Kamal Həsənov, Cocuq Mərcanlı kənd icra nümayəndəsi Xanlar Zeynalov, kənd sakinləri Avçı Məmmədov, Gülxanım Həziyeva və başqaları onların Vətən həsrətinə son qoyduqları üçün dövlətimizin başçısına minnətdarlıqlarını bildiriblər.

Çıxışlardan sonra püşkatma mərasimi keçirildi. Cocuq Mərcanlıdan olan 50 ailə üzvü növbə ilə püşk çəkərək, daimi ocaqlarının yeni ünvanlarına sahib oldular.

Komissiyanın sədri Gəray Fərhadov məlumat verdi ki, artıq köçürülmə ilə bağlı işlər başa çatdırılıb və proses sabahdan start götürür.

Püşkatma mərasimindən sonra təəssüratlarını AZƏRTAC-la bölüşən Cocuq Mərcanlı sakini İsmət Həziyev dedi: “Aprel döyüşləri bir daha sübut etdi ki, Azərbaycanın güclü ordusu var və biz ona güvənərək doğma yurda qayıdırıq. İnanırıq ki, Azərbaycan bayrağı tezliklə bütün Qarabağımızda dalğalanacaq. Mən müəlliməm. Bugünkü püşkatma ilə ata yurdumuzda yeni evimizə sahib olduq. İnşallah tezliklə, ailəmlə kəndimizə köçəcək, təsərrüfat quracaq, doğma məktəbimizdə uşaqlarımızın təhsili ilə məşğul olacağam”.

Digər kənd sakini İlkin Təbrizli isə gəncdir. O, indiyədək görmədiyi Cocuq Mərcanlıya qayıdışın həsrəti ilə yaşayır. “Hər bir insanın bir çox arzusu var. Mənim ən böyük arzum müəllim olub, doğma kəndimizin şagirdlərinə dərs demək idi. Müəllimlik diplomu almışam. Xoşbəxtəm ki, indi Cocuq Mərcanlıya gedib bu arzuma çatacam. Sağ olsun Prezidentimiz, doğma yurdumuzu yenidən qurdu, bizə qaytardı. Kəndimizdə yeni məktəb də tikilib. Böyük səbirsizliklə Cocuq Mərcanlıda dərs deyəcəyim günü gözləyirəm”, - deyə İlkin sevincini bizimlə bölüşdü.

Gülxanım Nəsirovanın üzündən də sevinc hissləri oxunurdu. O, 24 ildir həsrətini çəkdiyi ata-baba yurduna qayıdışın doğurduğu bu hissləri dilə gətirərək dedi: “Axır ki, uzun illərin Vətən həsrətinə son qoyulur. Doğma torpağa qayıtmaq mənim də ən böyük arzum idi. Allah Prezidentimizdən razı olsun, onun sayəsində bu arzuma çatdım. İnanıram ki, işğal altındakı bütün şəhər və kəndlərimiz də azad olunacaq, məcburi köçkünlər bizim kimi öz yurdlarına qayıdacaqlar. İnşallah, sizi də Cocuq Mərcanlıda gözləyəcəyik. Gəlin, doğma Qarabağımızda qonağımız olun!”

Vaxtilə azğın düşmənin yerlə-yeksan etdiyi Cocuq Mərcanlı bu gün gözlərimiz önündə bərpa olunaraq ikinci həyatını yaşayır, doğma sakinləri öz ağuşuna alır. Bu qayıdış torpaqlarımızın azad olunması istiqamətində Prezident İlham Əliyevin yürütdüyü qətiyyətli və ardıcıl siyasətin məntiqi nəticəsi, Qarabağa Böyük Qayıdışın ilk müjdəsidir.


Paylaş



Bölmə: Xəbər / Karusel / Slayd / Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Oktyabr 2021    »
BeÇaÇCaCŞB
 123
45678910
11121314151617
18192021222324
25262728293031
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Dağlıq ərazilərdə isə qar yağacağı ehtimalı var
Video
Şəhid polkovnikin adından istifadə edərək insanları aldadan yeniyetmə tutuldu - FOTO - VİDEO

Vətən müharibəsi şəhidi polkovnik Babək Səmidlinin adından “Instagram” sosial şəbəkəsində saxta hesab açıb insanların etibarından sui-istifadə edərək pul yığılması ilə bağlı Daxili İşlər Nazirliyinə edilən çoxsaylı müraciətlər əsasında araşdırmalara başlanılıb.

Bu barədə Daxili İşlər Nazirliyi məlumat yayıb.

Bununla əlaqədar həyata keçirilən əməliyyat-texniki tədbirlər nəticəsində müəyyən edilib ki, həmin səhifə Bərdə rayon sakini, yetkinlik yaşına çatmadığına görə şərti adı Amal Şirinzadə olan şəxs tərəfindən yaradılıb. Saxlanılaraq baş idarəyə gətirilən həmin şəxs “Instagram” sosial şəbəkəsində “sehid_polkovnik_babek_semidli” adlı səhifə yaratdığını etiraf edib.

Araşdırma zamanı müəyyən edilib ki, həmin şəxs səhifədə şəhidlərin adına ehsan veriləcəyi ilə bağlı elan yerləşdirərək izləyicilərdən pul toplayıb. Amal Şirinzadə yardım məqsədi ilə ona müraciət edən sosial şəbəkə istifadəçilərinə bank kartı göndərərək pulun ora köçürülməsini tələb edib. Daha sonra o, pulları kartdan çıxararaq nağdlaşdırıb və şəxsi istifadəsi üçün xərcləyib. Amal Şirinzadənin yaşadığı mənzilə baxış keçirilən zamanı iş üzrə əhəmiyyət kəsb edən elektron məlumatlar, istifadəsində olan mobil telefon, həmçinin digər məlumat daşıyıcıları aşkar olunaraq götürülüb.

Qeyd olunan faktın tam, hərtərəfli araşdırılması istiqamətində araşdırmalar davam etdirilir.





Bütöv.az

All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!