22-10-2022, 15:50
Kəlbəcər yenə atəşə tutuldu
Azərbaycan Ordusunun mövqeləri atəşə tutulub. Müdafiə Nazirliyindən verilən məlumata görə, oktyabrın 21-si saat 22:30-da Ermənistan silahlı qüvvələrinin bölmələri Basarkeçər rayonunun Yuxarı Şorca yaşayış məntəqəsi istiqamətində yerləşən mövqelərindən Azərbaycan Ordusunun Kəlbəcər rayonunun Zəylik yaşayış məntəqəsi istiqamətində yerləşən mövqelərini atıcı silahlardan atəşə tutub."Qeyd olunan istiqamətdə yerləşən bölmələrimiz tərəfindən adekvat cavab tədbirləri görülüb", - açıqlamada deyilir.
22-10-2022, 15:46
Zəngilan aeroportunun ilk sərnişinləri
Zəngilan Beynəlxalq Hava Limanına ilk mülki təyyarə reysi həyata keçirilib. Butov.az xəbər verir ki, Zəngilan rayonunun Ağalı kəndində keçiriləcək “Zəfər yürüşü” triatlon turnirində iştirak edən idmançılar, Gənclər və İdman Nazirliyinin və Triatlon Federasiyasının əməkdaşları, eləcə də media nümayəndələri yenicə istifadəyə verilmiş Zəngilan Beynəlxalq Hava Limanına eniş ediblər. Heydər Əliyev Beynəlxalq Aeroportundan başlayan uçuş 45 dəqiqə çəkib.
22-10-2022, 15:41
Azərbaycanı hədəf alanlar qarşılarında Türkiyəni görəcək
Türkiyə Prezidenti Rəcəb Tayyib Ərdoğan Qarabağdan qayıdarkən yerli jurnalistlərə açıqlamasında önəmli mesajlar verib. Qardaş ölkənin lideri Zəngilan hava limanının tarixi əhəmiyyətindən, işğaldan azad edilmiş ərazilədə görülən bərpa və yenidənqurma işlərindən danışaraq, Türkiyənin hər zaman Azərbaycan yanında olacağını bəyan edib. Ərdoğan eyni zamanda Türkiyənin tarixi Şuşa şəhərində konsulluq açacağını bir daha diqqətə çatdırıb. "Biz də Şuşada Baş konsulluq açırıq", - deyə Türkiyə Prezidenti qeyd edib. Butov.az-ın məlumatına görə, Ərdoğanın açıqlamasını şərh edən politoloq Elxan Şahinoğlu bildirib ki, Türkiyənin Şuşada konsulluq xidmətinin fəaliyyətə başlaması vacibdir. Onun fikrincə, Ankara həmin günü səbirsizliklə gözləyir. "Ermənistandan və İrandan Qarabağa təhlükənin miqyası azalmayıb. Əlbəttə, güclü ordumuz təcavüzkarlara qarşı ayıqdır. Ancaq Azərbaycanı hədəf almaq istəyənlər bilməlidirlər ki, Qarabağ istiqamətində bizə yenə də problem yaratmaq istəsələr qarşılarında Türkiyəni görəcəklər. Bu baxımdan Şuşada konsulluq xidməti Türkiyənin Qarabağda varlığını göstərən əsas amillərdən birinə çevrilməlidir. Bunu ləngitmək olmaz", - deyə politoloq vurğulayıb.
22-10-2022, 15:33
Qadın güləşçimiz dünya ikincisi oldu
Azərbaycanın qadın güləşçisi Nigar Mirzəzadə İspaniyanın Pontevedra şəhərində keçirilən U-23 dünya çempionatında gümüş medal qazanıb. Butov.az xəbər verir ki, 65 kiloqram çəki dərəcəsində yarışan idmançı finalda Miva Morikava (Yaponiya) ilə qarşılaşıb. Rəqibinə 0:10 hesabı ilə məğlub olan Mirzəzadə gümüş medalla kifayətlənməli olub. Qeyd edək ki, daha əvvəl yunan-Roma güləşçilərindən Nihad Quluzadə (55 kq) və Nihat Məmmədli (60 kq) gümüş, Qurban Qurbanov (72 kq) isə qızıl medal qazanıb.
21-10-2022, 21:48
DİN-dən minaya düşənlər barədə açıqlama
Xəbər verdiyimiz kimi, Laçında iki nəfər minaya düşüb. Daxili İşlər Nazirliyinin (DİN) Mətbuat Xidmətinin Bərdə regional qrupunun baş inspektoru Aslan Qiyaslı bildirib ki, hadisə bu gün axşam saat 19:00 radələrində rayonun Suarası kəndində baş verib. Belə ki, kənd ərazisində təmir-tikinti işləri ilə məşğul olan 2 nəfər mina partlaması nəticəsində müxtəlif dərəcəli bədən xəsarətləri alıblar. Yaralılar dərhal polis əməkdaşkarının və Daxili qoşunların hərbi qulluqçularının müdaxiləsi nəticəsində xəstəxanaya çatdırılıb. Hazırda onların müalicəsi davam etdirilir.
21-10-2022, 21:44
Laçında iki nəfər minaya düşdü
Laçın rayonunda mina partlayıb. Butov.az Azərbaycan Respublikasının Minatəmizləmə Agentliyinin (ANAMA) Mətbuat Xidmətinə istinadən xəbər verir ki, 2022-ci 21 oktyabr tarixində Laçın rayonunun Suarası kəndində minalardan təmizlənməmiş ərazidə piyada əleyhinə minanın partlayışı baş verib. İlkin məlumata əsasən, hadisə nəticəsində Həmidov Elsəvər Sovet oğlu və Həsənov Səbuhi Telman oğlu xəsarət alıb."Hadisə ilə bağlı tərəfimizdən araşdırma aparılır, araşdırmanın nəticəsinə dair ictimaiyyətə əlavə məlumat veriləcək", - ANAMA-dan bildirilib.
21-10-2022, 17:24
Rusların Laçın dəhlizində qalan postları
Keçmiş Laçın dəhlizini tərk edən Rusiya sülhməramlılarının postlarından görüntülər paylaşılıb. Görüntülər İTV-də yayımlanıb. Qeyd edək ki, 2022-ci ilin avqustun 26-da Prezident, Silahlı Qüvvələrin Ali Baş Komandanı İlham Əliyev Azərbaycanın Laçın şəhərinə, Zabux və Sus kəndlərinə nəzarəti bərpa etdiyini açıqlamışdı. Bildirək ki, bu, keçmiş Laçın dəhlizinə çəkilmiş alternativ yolun istifadəyə verilməsinin nəticəsi idi. Ermənistanla Qarabağı birləşdirən Laçın yoluna alternativ marşrut çəkildikdən sonra, Rusiyanın müvəqqəti yerləşdirilmiş sülhməramlı kontingenti Laçın şəhərindən, Zabux və Sus kəndlərindən çıxıb. Bu, 10 Noyabr Bəyanatının 6-cı bəndinə əsasən baş tutub. Bundan sonra sülhməramlıların Laçın yolunun Laçın şəhərinə giriş istiqamətində də postları yığışdırılıb.
21-10-2022, 17:22
“Qarabağ”ın ev oyunlarını keçirəcəyi stadion dəyişdi
“Qarabağ”ın Azərbaycan Premyer Liqasında ev oyunlarını keçirəcəyi stadion dəyişib. Butov.az xəbər verir ki, buna səbəb arenadakı təmir işləridir. Bildirilib ki, “Azersun Arena”nın ot örtüyündə renovasiya işləri aparıldığı üçün “Qarabağ” növbəti bildirişə qədər ev oyunlarının Tofiq Bəhramov adına Respublika Stadionunda keçirəcək.
21-10-2022, 16:32
“Qarabağ”ın ev oyunlarını keçirəcəyi stadion dəyişdi
“Qarabağ”ın Azərbaycan Premyer Liqasında ev oyunlarını keçirəcəyi stadion dəyişib. Butov.az xəbər verir ki, buna səbəb arenadakı təmir işləridir. Bildirilib ki, “Azersun Arena”nın ot örtüyündə renovasiya işləri aparıldığı üçün “Qarabağ” növbəti bildirişə qədər ev oyunlarının Tofiq Bəhramov adına Respublika Stadionunda keçirəcək.
21-10-2022, 16:30
Çavuşoğlu Minsk qrupunu tənqid etdi
Qarabağ münaqişənin 30 il ərzində həll olunmamasının səbəbi məhz ATƏT-in Minsk qrupunun birtərəfli qaydada Ermənistanın tərəfində olmasıdır. Bunu Türkiyənin xarici işlər naziri Mövlud Çavuşoğlu hakim Ədalət və İnkişaf Partiyasının Mersin şəhər təşkilatında keçirdiyi mətbuat konfransında bildirib. "Məqsədiniz həqiqətən də sülhə təkan verməkdirsə, prosesə dəstək göstərin. Bunun üçün düzgün mövqe tutmaq lazımdır. Biz Azərbaycan və Ermənistan arasındakı xoşməramlı prosesi dəstəkləyirik. Azərbaycan çox səmimi şəkildə Ermənistana sülh anlaşması təklifi irəli sürüb. İndi onun üzərində çalışırlar və biz də bu işə Türkiyə olaraq dəstək veririk”,- deyə XİN başçısı vurğulayıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!