14-11-2023, 13:24
Kreml Paşinyanın KTMT-nin iclasında iştirak etməyəcəyinə təəssüflənir - Peskov
"Kreml Paşinyanın KTMT-nin Minskdə keçiriləcək iclasında iştirak etməyəcəyinə təəssüflənir".
Bunu Kremlin sözçüsü Dmitri Peskov deyib.
"Belə görüşlər qeydləri müqayisə etmək və fikir mübadiləsi aparmaq üçün yaxşı səbəbdir. Moskva başa düşür ki, hər bir hökumət və ya dövlət başçısının öz iş qrafiki və şəraiti ola bilər. KTMT aktual olaraq qalır və blok çərçivəsində təşkil olunan görüşlər bu qarşılıqlı fəaliyyət formatına olan tələbatı göstərir", - o bildirib.
Peskov ABŞ müdafiə nazirinin Rusiya Federasiyası və Çinin KXDR-ə hərbi sahədə yardım göstərməsi ilə bağlı bəyanatını əsassız adlandırıb: "ABŞ Rusiyaya qarşı sanksiyaları inkişaf etdirməyi dayandırmır, lakin Moskva onlara uyğunlaşır".
14-11-2023, 12:47
Statistik rəqəmlər çağırışçılarımızın sayının azaldığını göstərir - Erməni deputat
“Əlimizdə statistik rəqəmlər göstərir ki, çağırışçılarımızın sayı ildən-ilə azalıb, bu narahatlıq doğurur”.
Bunu parlamentin deputatı Hayk Sarkisyan jurnalistlərə açıqlamasında deyib.
O, çağırşçı sayının azalmasının son 15 il ərzində müşahidə olunduğunu qeyd edib.
Deputatın sözlərinə görə, vətəndaşlar xidmət etmək istəmir, müxtəlif yollarla ölkədən gedir, vətəndaşlıqdan çıxırlar.
Sarkisyan 2010-2019-cu illərdə çağırışçılarla bağlı məlumatları təqdim edib:
“2010-cu ildə bizdə 44 mindən çox çağırışçı var idi və sonrakı 9 ildə bu rəqəm 44 faiz azalıb. Hərbi qulluqçuların sayı 44 mindən 24 minə düşüb".
14-11-2023, 12:16
Sabahın hava proqnozu
Noyabrın 15-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin səhər yarımadanın bəzi yerlərində yağış yağacağı ehtimalı var. Arabir güclənən şimal-qərb küləyi gündüz mülayim cənub-şərq küləyi ilə əvəz olunacaq.
Ekologiya və Təbii Sərvətlər Nazirliyinin Milli Hidrometeorologiya Xidmətindən bildirilib ki, havanın temperaturu gecə 11-14° isti, gündüz 15-18° isti olacaq. Atmosfer təzyiqi 760 mm civə sütunundan 763 mm civə sütununa yüksələcək. Nisbi rütubət 65-75 % olacaq.
Azərbaycanın rayonlarında bəzi yerlərdə arabir yağış yağacağı gözlənilir. Ayrı-ayrı yerlərdə leysan xarakterli olacağı, şimşək çaxacağı, dolu düşəcəyi, yüksək dağlıq ərazilərdə qar yağacağı ehtimalı var. Gündüz tədricən kəsiləcək. Gecə və səhər bəzi rayonlarda duman olacaq. Qərb küləyi bəzi yerlərdə arabir güclənəcək.
Havanın temperaturu gecə 7-11° isti, gündüz 15-20° isti, dağlarda gecə 1° şaxtadan 4°-dək isti, gündüz 5-10° isti olacaq.
14-11-2023, 07:37
“Zəfərdir mənim adım” kitabının imza günü
Mədəniyyət Nazirliyinin təşkilatçılığı və “Caspian Event Organisers” şirkətinin təşkilati dəstəyi ilə noyabrın 11-də başlanan Bakı Ekspo Mərkəzində açılan 9-cu Bakı Beynəlxalq Kitab Sərgisi davam edir. Sərginin ikinci günü, noyabrın 12-də “Vətən səsi”nin əməkdaşı, uşaq yazıçısı Mina Rəşidin yenicə işıq üzü görən “Zəfərdir mənim adım” şeirlər kitabının da imza günü keçirilib. “Təhsil” nəşriyyatında çap olunmuş kitabda müəllifin vətənpərvərlik mövzusunda yazdığı şeirlər toplanıb.
Xatırladaq ki, Mina Rəşidin atası Birinci Qarabağ müharibəsinin mülki şəhididir, iki qardaşı isə qazidir. Yazıçılar Birliyinin üzvü, Prezident mükafatçısı olan Mina xanımın indiyədək 8 kitabı işıq üzü görüb. Onlardan 6-sı məhz uşaq ədəbiyyatına aiddir. Onun yeganə nağıl kitabı Türkiyədə “Asmaltı” nəşriyyatının hesabına çap edilib.
Mina Rəşid bir çox ədəbi müsabiqələrin, o cümlədən, Mədəniyyət Nazirliyinin 2020-ci ildə keçirdiyi “Vətənpərvərlik mövzusunda ədəbiyyat müsabiqəsi”ndə esse janrı üzrə 1-ci yerin qalibidir.
13-11-2023, 21:27
Ceyhun Bayramov mərakeşli həmkarıyla bir sıra mövzuları müzakirə etdi
13 noyabr 2023-cü il tarixində xarici işlər naziri, Azərbaycan Respublikası Hökuməti və Mərakeş Krallığı Hökuməti arasında ikitərəfli əməkdaşlıq üzrə Birgə Komissiyanın (Komissiya) Azərbaycan tərəfdən həmsədri Ceyhun Bayramov Mərakeş Krallığına rəsmi səfəri çərçivəsində bu ölkənin xarici işlər, Afrika ilə əməkdaşlıq və xaricdəki mərakeşlilər naziri, Komissiyanın Mərakeş tərəfdən həmsədri Nasser Bourita ilə görüşüb.
Bu barədə Xarici İşlər Nazirliyi məlumat yayıb.
Nazir Ceyhun Bayramov və nazir Nasser Bourita arasında baş tutan təkbətək görüş, daha sonra hər iki tərəfin nümayəndə heyətlərinin iştirakı ilə geniş tərkibdə davam edib.
İkitərəfli görüşlərdən sonra, Azərbaycan və Mərakeşin aidiyyəti dövlət qurumlarının rəsmilərinin də iştirak etdiyi ikitərəfli əməkdaşlıq üzrə Birgə Komissiyanın 2-ci iclası keçirilib.
Görüşlər zamanı Azərbaycan ilə Mərakeş arasında ikitərəfli və çoxtərəfli formatlarda əməkdaşlıq əlaqələri, habelə regional məsələlər barədə fikir mübadiləsi aparılıb.
Komissiyanın iclası zamanı Ulu Öndər Heydər Əliyevin Mərakeşə 1994-cü ildə səfəri məmnunluqla xatırlanıb. Azərbaycan-Mərakeş ikitərəfli əməkdaşlıq gündəliyinin inkişafına yeni impuls verilməsi baxımından bu və digəe ali səviyyəli qarşılıqlı səfərlərin əhəmiyyəti və rolu qeyd olunub. İki ölkə arasında siyasi dialoqun daha dayanıqlı edilməsi və zənginləşdirilməsi xüsusunda Xarici İşlər Nazirlikləri arasında mövcud siyasi məsləhətləşmələr mexanizminin önəmi vurğulanıb.
Azərbaycan ilə Mərakeşin indiyədək bir-birinin suverenliyinə və ərazi bütövlüyünə göstərdikləri dəstək məmnunluqla xatırlanıb, BMT, İƏT və QH kimi çoxtərəfli platformalar çərçivəsində qarşılıqlı faydalı fəaliyyətlərin bundan sonra da davam etdirilməsinin əhəmiyyəti barədə həmfikirlik ifadə olunub.
Mərakeş ilə iqtisadiyyat, ticarət və investisiyalar üzrə əməkdaşlığın genişləndirilməsi imkanları müzakirə olunub, bu xüsusda Komissiyanın iclaslarının daha müntəzəm şəkildə təşkilinin və sözügedən iclasların çərçivəsində iki ölkənin iş adamlarının iştirakı ilə biznes forumların keçirilməsinin vacibliyi diqqətə çatdırılıb.
Həmçinin iqtisadi əməkdaşlıq üçün hüquqi baza rolunu oynayacaq müvafiq ikitərəfli sənədlərin tezliklə qüvvəyə minməsi üçün dövlətdaxili prosedurların sürətləndirilməsinin əhəmiyyəti vurğulanıb.
İnfrastruktur quruculuğu sahəsində əməkdaşlıq potensialından danışılıb, habelə beynəlxalq limançılıq sahəsi üzrə təcrübə mübadiləsinin ikitərəfli gündəliyimizə əlavə töhfə verəcəyi barədə həmfikirlik ifadə olunub.
Azərbaycanın işğaldan azad edilmiş ərazilərində mövcud aqrar potensialdan bəhs olunub və bu ərazilərdə fermer təsərrüfatlarının qurulması və idarəçiliyi sahəsində mümkün Azərbaycan-Mərakeş tərəfdaşlığı barədə fikir mübadiləsi aparılıb.
Azərbaycan ilə Mərakeş arasında turizm, mədəniyyət, təhsil və beynəlxalq inkişafa yardım istiqamətləri üzrə əməkdaşlığın təşviqinin ölkələrimizin xalqlarını bir-birinə daha da yaxınlaşdırmaqla yanaşı, dövlətlərarası əlaqələrimizin dərinləşməsinə də töhfə verə biləcəyi vurğuıanıb.
Görüşlərdə nazir Ceyhun Bayramov tərəfindən ölkəmiz tərəfindən 24 saat ərzində həyata keçirilmiş anti-terror tədbirlərini şərtləndirən amillər, xüsusilə öhdəliklərə zidd olaraq Azərbaycan ərazilərindən çıxarılmamış erməni silahlı qüvvələrindən irəli gələn təhdidlər, mövcud regional vəziyyət və Azərbaycanın bölgədə sülh və sabitliyin təmin edilməsi istiqamətində planları barədə məlumat verib.
Ermənistan ilə münasibətlərin normallaşdırılması üzrə Azərbaycanın davamlı sülh gündəliyini təşviq etməsinə baxmayaraq, Ermənistan tərəfindən ölkəmizə qarşı ardıcıl şəkildə qarayaxma kampaniyasının sülhə xidmət etmədiyi bildirilib. Eyni zamanda, Ermənistan tərəfindən ölkəmizə qarşı yaradılmış mina təhdidləri diqqətə çatdırılıb. Görüşlər zamanı həmçinin, qarşılıqlı maraq doğuran digər məsələlər müzakirə olunub.
Sonda enerji, logistika, ətraf mühit sahələri daxil olmaqla, Azərbaycan-Mərakeş ikitərəfli sənədlər, o cümlədən Komissiyanın 2-ci iclasının protokolu imzalanıb.
Daha sonra keçirilmiş mətbuat brifinqində nazirlər görüşlərin nəticələrinə dair bəyanatlarla çıxış ediblər.
13-11-2023, 21:27
Ceyhun Bayramov mərakeşli həmkarıyla bir sıra mövzuları müzakirə etdi
13 noyabr 2023-cü il tarixində xarici işlər naziri, Azərbaycan Respublikası Hökuməti və Mərakeş Krallığı Hökuməti arasında ikitərəfli əməkdaşlıq üzrə Birgə Komissiyanın (Komissiya) Azərbaycan tərəfdən həmsədri Ceyhun Bayramov Mərakeş Krallığına rəsmi səfəri çərçivəsində bu ölkənin xarici işlər, Afrika ilə əməkdaşlıq və xaricdəki mərakeşlilər naziri, Komissiyanın Mərakeş tərəfdən həmsədri Nasser Bourita ilə görüşüb.
Bu barədə Xarici İşlər Nazirliyi məlumat yayıb.
Nazir Ceyhun Bayramov və nazir Nasser Bourita arasında baş tutan təkbətək görüş, daha sonra hər iki tərəfin nümayəndə heyətlərinin iştirakı ilə geniş tərkibdə davam edib.
İkitərəfli görüşlərdən sonra, Azərbaycan və Mərakeşin aidiyyəti dövlət qurumlarının rəsmilərinin də iştirak etdiyi ikitərəfli əməkdaşlıq üzrə Birgə Komissiyanın 2-ci iclası keçirilib.
Görüşlər zamanı Azərbaycan ilə Mərakeş arasında ikitərəfli və çoxtərəfli formatlarda əməkdaşlıq əlaqələri, habelə regional məsələlər barədə fikir mübadiləsi aparılıb.
Komissiyanın iclası zamanı Ulu Öndər Heydər Əliyevin Mərakeşə 1994-cü ildə səfəri məmnunluqla xatırlanıb. Azərbaycan-Mərakeş ikitərəfli əməkdaşlıq gündəliyinin inkişafına yeni impuls verilməsi baxımından bu və digəe ali səviyyəli qarşılıqlı səfərlərin əhəmiyyəti və rolu qeyd olunub. İki ölkə arasında siyasi dialoqun daha dayanıqlı edilməsi və zənginləşdirilməsi xüsusunda Xarici İşlər Nazirlikləri arasında mövcud siyasi məsləhətləşmələr mexanizminin önəmi vurğulanıb.
Azərbaycan ilə Mərakeşin indiyədək bir-birinin suverenliyinə və ərazi bütövlüyünə göstərdikləri dəstək məmnunluqla xatırlanıb, BMT, İƏT və QH kimi çoxtərəfli platformalar çərçivəsində qarşılıqlı faydalı fəaliyyətlərin bundan sonra da davam etdirilməsinin əhəmiyyəti barədə həmfikirlik ifadə olunub.
Mərakeş ilə iqtisadiyyat, ticarət və investisiyalar üzrə əməkdaşlığın genişləndirilməsi imkanları müzakirə olunub, bu xüsusda Komissiyanın iclaslarının daha müntəzəm şəkildə təşkilinin və sözügedən iclasların çərçivəsində iki ölkənin iş adamlarının iştirakı ilə biznes forumların keçirilməsinin vacibliyi diqqətə çatdırılıb.
Həmçinin iqtisadi əməkdaşlıq üçün hüquqi baza rolunu oynayacaq müvafiq ikitərəfli sənədlərin tezliklə qüvvəyə minməsi üçün dövlətdaxili prosedurların sürətləndirilməsinin əhəmiyyəti vurğulanıb.
İnfrastruktur quruculuğu sahəsində əməkdaşlıq potensialından danışılıb, habelə beynəlxalq limançılıq sahəsi üzrə təcrübə mübadiləsinin ikitərəfli gündəliyimizə əlavə töhfə verəcəyi barədə həmfikirlik ifadə olunub.
Azərbaycanın işğaldan azad edilmiş ərazilərində mövcud aqrar potensialdan bəhs olunub və bu ərazilərdə fermer təsərrüfatlarının qurulması və idarəçiliyi sahəsində mümkün Azərbaycan-Mərakeş tərəfdaşlığı barədə fikir mübadiləsi aparılıb.
Azərbaycan ilə Mərakeş arasında turizm, mədəniyyət, təhsil və beynəlxalq inkişafa yardım istiqamətləri üzrə əməkdaşlığın təşviqinin ölkələrimizin xalqlarını bir-birinə daha da yaxınlaşdırmaqla yanaşı, dövlətlərarası əlaqələrimizin dərinləşməsinə də töhfə verə biləcəyi vurğuıanıb.
Görüşlərdə nazir Ceyhun Bayramov tərəfindən ölkəmiz tərəfindən 24 saat ərzində həyata keçirilmiş anti-terror tədbirlərini şərtləndirən amillər, xüsusilə öhdəliklərə zidd olaraq Azərbaycan ərazilərindən çıxarılmamış erməni silahlı qüvvələrindən irəli gələn təhdidlər, mövcud regional vəziyyət və Azərbaycanın bölgədə sülh və sabitliyin təmin edilməsi istiqamətində planları barədə məlumat verib.
Ermənistan ilə münasibətlərin normallaşdırılması üzrə Azərbaycanın davamlı sülh gündəliyini təşviq etməsinə baxmayaraq, Ermənistan tərəfindən ölkəmizə qarşı ardıcıl şəkildə qarayaxma kampaniyasının sülhə xidmət etmədiyi bildirilib. Eyni zamanda, Ermənistan tərəfindən ölkəmizə qarşı yaradılmış mina təhdidləri diqqətə çatdırılıb. Görüşlər zamanı həmçinin, qarşılıqlı maraq doğuran digər məsələlər müzakirə olunub.
Sonda enerji, logistika, ətraf mühit sahələri daxil olmaqla, Azərbaycan-Mərakeş ikitərəfli sənədlər, o cümlədən Komissiyanın 2-ci iclasının protokolu imzalanıb.
Daha sonra keçirilmiş mətbuat brifinqində nazirlər görüşlərin nəticələrinə dair bəyanatlarla çıxış ediblər.
13-11-2023, 20:07
İntihar edən baş leytnantın fotosu yayıldı
Xəbər verdiyimiz kimi, bu gün Müdafiə Nazirliyinin N saylı hərbi hissəsinin hərbi qulluqçusu, baş leytenant Bəndəliyev Elsun Habil oğlu odlu silahdan atəş açmaqla özünü öldürüb.
Butov.azintihar edən hərbçinin fotosunu təqdim edir:
13-11-2023, 18:32
Əli Əsədov Sərsəng və Suqovuşan su anbarlarıyıa bağlı qərar imzaladı
“Azərbaycan Respublikasında mühafizə olunmalı həyat təminatlı, mühüm əhəmiyyətli obyektlərin Siyahısı”nda dəyişiklik edilib.
Bu barədə Baş nazir Əli Əsədov qərar imzalayıb.
Tərtər, Kəlbəcər rayonları ərazisində yerləşən Sərsəng su anbarı və Tərtər rayonunun Suqovuşan su anbarı siyahıya daxil edilib.
13-11-2023, 18:14
Ukrayna müharibəsindən sonra Gürcüstanda 100 minə yaxın rus məskunlaşıb
Ukraynada müharibənin başlamasından sonra Gürcüstanda 100 minə yaxın rus məskunlaşıb.
Bu barədə Fransada işgüzar səfərdə olan Gürcüstan prezidenti Salome Zurabişvili "Radio France International"a müsahibəsində bildirib.
O deyib ki, ruslar ölkədəki “iş görmək asanlığından” istifadə edərək “iqtisadi həyatda fəal iştirak edirlər".
“Gürcüstanda 24 saat ərzində şirkət yarada bilərsiniz. Onlar (Rusiya Federasiyasının vətəndaşları - red.) kiçik fərdi müəssisələr açır”, - dövlət başçısı qeyd edib.
Onun sözlərinə görə, ölkə əhalisi rusların “Gürcüstan mədəniyyətinə inteqrasiyaya maraq göstərməməsindən” narahatdır.
Salome Zurabişvili bildirib ki, Gürcüstanda məskunlaşan ruslar “özlərini evlərindəki kimi aparırlar”. Prezident Rusiya vətəndaşlarının Gürcüstana gəlməsinə çox nəzarət olunmamasından narahatlığını ifadə edib.
13-11-2023, 17:54
Qriqoryan İranın Ali Milli Təhlükəsizlik Şurasının katibiylə danışdı
Ermənistan Təhlükəsizlik Şurasının katibi Armen Qriqoryan ilə İran İslam Respublikasının Ali Milli Təhlükəsizlik Şurasının katibi Əli Əkbər Əhmədian arasında telefon danışığı olub.
Məlumatı Ermənistan Təhlükəsizlik Şurasının mətbuat xidməti yayıb.
Məlumata görə, tərəflər Ermənistan-İran iqtisadi əlaqələrinin inkişaf perspektivlərini müzakirə ediblər.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!