Xəbər lenti » Səhifə 22

3-04-2026, 02:15

Ermənistanda poliqonda partlayış: hərbçi öldü

Ermənistan Müdafiə Nazirliyinin Armavir bölgəsinin Baqramyan icmasında yerləşən təlim poliqonunda partlayış baş verib.
Hərbçi isə yaralanaraq hərbi hospitala yerləşdirilib. Hadisə ilə bağlı cinayət işi açılıb. Ölən və yaralananın şəxsiyyəti, eləcə də hadisənin baş vermə səbəbləri müəyyən edilir.

Ermənistanda poliqonda partlayış: hərbçi öldü

3-04-2026, 01:53

Gəncədə 41 yaşlı kişi bıçaqlandı

Gəncə şəhərində xəsarətalma hadisəsi baş verib.
Şəhər sakini 1985-ci il təvəllüdlü E.Həsənov bud nahiyəsindən kəsilmiş-deşilmiş yara ilə xəstəxanaya yerləşdirilib. Ona dərhal tibbi yardım göstərilib və vəziyyətinin qənaətbəxş olduğu bildirilir.
41 yaşlı kişinin hansı şəraitdə xəsarət alması hələlik məlum deyil. Hadisə yerinə polis əməkdaşları cəlb olunub. Faktla bağlı araşdırma aparılır.

Gəncədə 41 yaşlı kişi bıçaqlandı

3-04-2026, 01:10

Kərəclə Tehranı birləşdirən körpünü vuruldu - 8 ölü, 95 yaralı

Tehranın qərbində yerləşən Kərəc şəhərində tikilməkdə olan körpüyə zərbələr endirilib.
Bu barədə "Fars" agentliyi məlumat yayıb. Hadisə nəticəsində 8 nəfər ölüb, 95 nəfər yaralanıb.

Kərəclə Tehranı birləşdirən körpünü vuruldu - 8 ölü, 95 yaralı

3-04-2026, 01:02

Azərbaycanla Rusiya arasında hərbi-texniki əməkdaşlıq müzakirə olunub

Rusiya Federasiyasında işgüzar səfərdə olan Azərbaycan Respublikasının müdafiə naziri general-polkovnik Zakir Həsənov aprelin 2-də Moskvada keçirilən Müstəqil Dövlətlər Birliyinə (MDB) üzv ölkələrin Müdafiə Nazirləri Şurasının növbəti iclasında iştirak edib.
Müdafiə Nazirliyindən verilən məlumata görə,
Əvvəlcə MDB-yə üzv ölkələrin müdafiə nazirləri fəxri qarovulun və hərbi orkestrin müşayiəti ilə Moskva şəhərindəki Qələbə abidəsinin önünə əklil və gül dəstələri qoyublar. Nümayəndə heyəti rəhbərlərinin xatirə fotosu çəkdirilib.
Keçirilən məhdud tərkibli iclasda ölkələrimiz arasındakı regional təhlükəsizlik və hərbi əməkdaşlıq məsələlərinin müxtəlif aspektləri, həmçinin digər məsələlər müzakirə olunub.
Səfər çərçivəsində general-polkovnik Zakir Həsənovun rusiyalı həmkarı, Andrey Belousov ilə ikitərəfli görüşü də olub.
Görüşdə Azərbaycan ilə Rusiya arasında hərbi və hərbi-texniki sahədə əməkdaşlığın hazırkı vəziyyəti və inkişafı perspektivləri müzakirə edilib.

Azərbaycanla Rusiya arasında hərbi-texniki əməkdaşlıq müzakirə olunub

3-04-2026, 00:51

Elvin Cəfərquliyev "FIFA Series - 2026"in oyunçularından biri seçildi

Elvin Cəfərquliyev "FIFA Series - 2026" beynəlxalq turnirinin oyunçularından biri seçilib.
Bu barədə məlumat FIFA Dünya Çempionatının rəsmi sosial media hesabında paylaşılıb.

Elvin Cəfərquliyev "FIFA Series - 2026"in oyunçularından biri seçildi

3-04-2026, 00:00

Salyanda dördotaqlı ev kül oldu

Salyanda yanğın hadisəsi baş verib.
Hadisə rayonunun Şəkərli kəndində qeydə alınıb. Belə ki, kənd sakini Şahbazov Təyyar Vəlixan oğluna məxsus dörd otaqlı fərdi yaşayış evində anidən yanğın başlayıb. Hadisə yerinə dərhal Fövqəladə Hallar Nazirliyinin Salyan Yanğından Mühafizə hissəsinin əməkdaşları və texnikası cəlb olunub. Yanğın söndürülərək alovun ətrafdakı digər tikililərə keçməsinin qarşısı alınıb. Buna baxmayaraq, 150 kv.m sahəsi olan ev yararsız hala düşüb. Yanğının hansı səbəbdən baş verdiyi hələlik məlum deyil. Faktla bağlı araşdırma aparılır.

Salyanda dördotaqlı ev kül oldu

2-04-2026, 23:32

Hörmüzdən keçiddə rüsum ideyasını 40-dan çox ölkə rədd etdi

Hörmüz boğazında vəziyyətə həsr olunmuş təhlükəsizlik konfransının iştirakçıları İranın bu boğazdan keçid üçün rüsum tətbiq etmək ideyasını rədd ediblər.
Bu barədə 40-dan çox ölkənin xarici işlər nazirlərinin iştirak etdiyi iclasa sədrlik edən Böyük Britaniyanın xarici işlər naziri İvet Kuperin bəyanatında bildirilib.
Böyük Britaniyanın Xarici İşlər Nazirliyi tərəfindən dərc edilmiş sənəddə qeyd olunur: “Biz kollektiv və əlaqələndirilmiş fəaliyyət üçün bir sıra mümkün yolları müzakirə etdik. Məqsədimiz BMT vasitəsilə beynəlxalq diplomatik təzyiqi artırmaq, Hörmüz boğazından maneəsiz tranziti təmin etmək və oradan keçən gəmilərə tətbiq oluna biləcək bütün tariflərdən imtina edilməsi üçün İrana aydın və əlaqələndirilmiş siqnallar göndərməkdir”.

Hörmüzdən keçiddə rüsum ideyasını 40-dan çox ölkə rədd etdi

2-04-2026, 22:23

Tramp onu vəzifəsindən azad etdi

ABŞ Prezidenti Donald Tramp baş prokuror Pem Bondini vəzifəsindən azad edib.
Bu barədə CNN məlumat yayıb. Məlumata görə, Bondinin işdən çıxarılması onun bəzi istintaq proseslərindəki fəaliyyəti və Ceffri Epşteyn işi ilə bağlı sənədlərə yanaşmasının tənqid olunması fonunda baş verib.

Tramp onu vəzifəsindən azad etdi

2-04-2026, 21:34

İran və Rusiyanın baş diplomatları nə danışdılar?

İranın xarici işlər naziri Abbas Əraqçi rusiyalı həmkarı Sergey Lavrovla telefon danışığı aparıb.
Bu barədə İran Xarici İşlər Nazirliyi məlumat yayıb. Məlumata görə, tərəflər ikitərəfli münasibətləri və regiondakı vəziyyəti müzakirə ediblər. Qeyd olunub ki, danışıqların detalları daha sonra açıqlanacaq.

İran və Rusiyanın baş diplomatları nə danışdılar?

2-04-2026, 21:05

Pezeşkian Prezident İlham Əliyevə zəng edib

İran Prezidenti Məsud Pezeşkian aprelin 2-də Azərbaycan Prezidenti İlham Əliyevə zəng edib.
Bu barədə Azərbaycan Prezidentinin Mətbuat Xidməti məlumat yayıb. Məsud Pezeşkian Azərbaycanın İrana göstərdiyi humanitar yardıma görə dövlət başçısına minnətdarlığını bildirib. Prezident İlham Əliyev Azərbaycanın İrana göstərdiyi humanitar yardımın davam edəcəyini deyib, yaxın zamanlarda növbəti humanitar yardımın göndəriləcəyini vurğulayıb. İranda vəziyyətin gərginləşməsindən narahatlığını ifadə edən dövlət başçısı həlak olan İran vətəndaşlarına Allahdan rəhmət diləyib. Prezident İlham Əliyev qarşıdurmanın tez bir zamanda sona çatmasını arzuladığını bildirib.
Telefon söhbəti zamanı regionda sülhün tezliklə əldə olunmasının zəruriliyi vurğulanıb.

Pezeşkian Prezident İlham Əliyevə zəng edib