8-03-2026, 15:40
İsrail bir gündə İranda 400 hədəfi vurdu
İsrail qırıcıları son sutka ərzində İranın qərbində və mərkəzində 400-dən çox hədəfə hava zərbələri endirib.
Bu barədə İsrail Müdafiə Qüvvələrinin (İMQ) mətbuat xidmətindən bildirilib.
Qeyd edilib ki, hücuma məruz qalan hədəflər arasında ballistik raketlərin buraxılış qurğuları və müxtəlif silahların istehsal obyektləri olub. Əməliyyat başlayandan bəri İsrail ərazisinin atəşə tutulmasını maksimum dərəcədə azaltmaq məqsədilə rejimin yüzlərlə buraxılış qurğusu, hava hücumundan müdafiə sistemləri, silah anbarları və digər obyektləri hücuma məruz qalıb.
"Financial Times" qəzeti qeyd edib ki, İranın hərbi potensialı ballistik raketlərin buraxılış qurğularından asılıdır. Onların vasitəsilə Tehran 2 min km-ə qədər məsafəyə zərbə endirə bilər. Bununla yanaşı, ABŞ və İsrail hərbi kampaniyanın lap əvvəlindən məhz bu qurğuların məhv edilməsinə diqqət cəmləyiblər.
Xatırladaq ki, fevralın 28-də ABŞ və İsrail İrana qarşı hərbi əməliyyata başlayıb. İslam İnqilabı Keşikçiləri Korpusu (SEPAH) İsraildəki obyektlərə hücum edərək genişmiqyaslı cavab əməliyyatı başlatdığını açıqlayıb. Həmçinin ABŞ-nin Bəhreyn, İordaniya, Qətər, Küveyt, BƏƏ və Səudiyyə Ərəbistanındakı obyektləri də zərbələrə məruz qalıb.
8-03-2026, 15:21
İran rejimini devirmək mümkün deyil
“ABŞ-İran münaqişəsindən az əvvəl Amerika Milli Kəşfiyyat Şurasının (NSC) hesabatında İran rejiminin genişmiqyaslı hücumlarla belə devrilə bilməyəcəyi bildirilirdi”.
Bu barədə “Washington Post” qəzetinin yaydığı məlumatda deyilir.
Nəşr yazır ki, hesabata əsasən, kiçik və ya genişmiqyaslı hücumlardan sonra İranın dini və hərbi qurumları Ayətullah Əli Xameneiyə qarşı sui-qəsddən sonra hakimiyyətin davamlılığını qorumaq üçün hazırlanmış protokollara əməl edəcək.
“Ölkənin parçalanmış müxalifəti hakimiyyəti ələ keçirməyə, yəqin ki, nail ola bilməz”, - hesabatda bildirilib.
Qəzetə danışan rəsmilər qeyd ediblər ki, hesabat 18 fərqli kəşfiyyat orqanının məlumatları əsasında hazırlanıb. Lakin Ağ Ev bu hesabatın müharibə başlamazdan əvvəl Prezident Donald Trampa təqdim edilib-edilmədiyi barədə açıqlama verməyib.
Hesabat əməliyyatların uzun sürə biləcəyi ehtimalına diqqət çəkir və Tramp administrasiyasının İranın Fars körfəzindəki neftlə zəngin Xarq adasını ələ keçirməyi düşünə biləcəyini qeyd edir.
Qəzet vurğulayır ki, adada ölkənin neft ixracının təxminən 90 faizi həyata keçirilir. Adaya nəzarətin ələ keçirilməsi İran iqtisadiyyatına ciddi təzyiq göstərə və ABŞ-nin regiondakı strateji mövqeyini gücləndirə bilər. Lakin Amerikanın adaya girən qoşunlarının hücumlara qarşı müdafiəsiz olacağı barədə xəbərdarlıq edilib.
8-03-2026, 15:10
BƏƏ İrana hücum etdi – bu, yalnız “xəbərdarlıqdır”
Birləşmiş Ərəb Əmirlikləri (BƏƏ) ilk dəfə İran ərazisinə zərbə endirib.
Bu barədə İsrail mediası məlumat yayıb.
Məlumata görə, hücumun hədəfi ölkədə yerləşən duzsuzlaşdırma (su təmizləmə) zavodu olub. Hücum nəticəsində obyektə zərər dəyib, lakin hadisənin detalları barədə hələlik rəsmi açıqlama verilməyib.
İsrailin Ynet nəşri qeyd edir ki, hazırkı zərbə əsasən İran hakimiyyətinə göndərilən siqnal xarakteri daşıyır.
Nəşrin məlumatına görə, əgər İranın hücumları daha da güclənərsə, BƏƏ-nin hərbi kampaniyaya, hətta, məhdud miqyasda olsa belə qoşulması ehtimalı real hesab olunur.
Hazırda rəsmi Tehran və Əbu-Dabi tərəfindən hadisə ilə bağlı açıqlama verilməyib.
8-03-2026, 14:56
Naxçıvanda yağan qarın hündürlüyü 1 metri keçdi
Naxçıvanda qeyri-hava şəraiti davam edir.
Parağacay stansiyada qarın hündürlüyü 22 sm, 3000 m yüksəklikdə isə 107 sm qeydə alınıb.
Bununla yanaşı, Kükü kəndində qarın hündürlüyü 66 sm, Axura kəndində 7sm ve Kəngərli rayonunda isə 5sm olub.
8-03-2026, 14:51
Masazırda qadını elektrik cərəyanı vuraraq öldürdü
Abşeron rayonunun Masazır qəsəbəsində qadın elektrik cərəyanı vurması nəticəsində ölüb.
Hadisə qəsəbə ərazisində yerləşən təndirxanaların birində qeydə alınıb.
İlkin məlumata görə, qadının adı Bahar Muradovadır. O, ağır vəziyyətdə xəstəxanaya çatdırılsa da, həyatını xilas etmək mümkün olmayıb.
Faktla bağlı araşdırma aparılır.
8-03-2026, 14:13
Qida ehtiyatı azaldı - ərzaq davası düşdü
Dubayda ticarət yollarındakı fasilələr və Yaxın Şərqdə artan gərginlik səbəbindən şəhərin yalnız təxminən 10 günlük təzə ərzaq ehtiyatı qaldığı bildirilib.
Bununla bağlı yayılan bir video sosial mediada böyük diqqət çəkib.
Görüntülərdə insanlar təşvişə düşərək, supermarketlərə tələsir, rəfləri sürətlə boşaldır və zaman-zaman mübahisələr baş verir.
SRF-nin məlumatına görə, Dubay, xüsusilə meyvə, tərəvəz və qısa rəf ömrü olan məhsullar baxımından idxaldan asılıdır.
Bildirilir ki, qlobal logistika şəbəkəsində fasilələr şəhərin qida təchizatına tez bir zamanda təsir göstərə bilər.
Bölgədəki bəzi vacib dəniz yollarındakı qeyri-müəyyənlik və artan gərginlik səbəbindən bir çox gəmi Körfəzdən keçməkdən yayınır, bu isə qida daşınmalarında gecikmələrə yol açır. Qeyd edilir ki, təchizat zənciri üzərində davam edən təzyiq qida qiymətlərinin artmasına səbəb ola bilər.
8-03-2026, 14:00
Mingəçevirdə hərbçinin meyiti tapıldı
Mingəçevirdə mənzildə kişi meyiti aşkarlanıb.
Hadisə Energetiklər yaşayış massivində yerləşən binalardan birinin mənzilində baş verib. Əslən Naxçıvandan olduğu bildirilən və şəhərdəki N saylı hərbi hissədə müddətdən artıq həqiqi hərbi xidmət keçən (MAXE) gənc hərbçinin meyiti kirayədə yaşadığı mənzildə aşkar edilib.
Məlumata görə, meyit binanın 4-cü mərtəbəsində yerləşən mənzildə tapılıb. İlkin baxış zamanı üzərində hər hansı zorakılıq əlaməti müəyyən olunmayıb.
Meyitin kimə məxsus olduğu və ölümün səbəbləri araşdırılır.
Faktla bağlı araşdırma aparılır.
8-03-2026, 13:46
Yollarda görünüş məhdudlaşacaq
Azərbaycanın avtomobil yollarında martın 9-da müşahidə ediləcək vəziyyət açıqlanıb.
Bu barədə Milli Hidrometeorologiya Xidmətindən məlumat verilib.
Belə ki, martın 9-da rayonlarda yağıntılı və dumanlı hava şəraiti ilə əlaqədar magistral avtomobil yollarında görünüş məsafəsinin 300-800 metrədək məhdudlaşacağı gözlənilir.
8-03-2026, 13:29
Nəriman ABŞ-yə yollandı
Azərbaycan millisinin hücumçusu Nəriman Axundzadə tranfer olunduğu "Kolambus Kryu" klubunun düşərgəsinə qatılmaq üçün ABŞ-yə yollanıb.
Bu barədə 21 yaşlı hücumçu ilə əməkdaşlıq edən futbol agenti Tural Əsgərov məlumat verib.
Forvard bu səhər yola düşüb. Futbolçu Amerika klubu ilə 1 ay əvvəl razılığa gəlsə də, o, iş icazəsinin yubanması səbəbindən komandanın düşərgəsinə qoşula bilmirdi.
N. Axundzadə Bakı vaxtı ilə sabah səhər saatlarında ABŞ-də olacaq.
Xatırladaq ki, Nəriman Axundzadənin "Kolambus Kryu" ilə sözləşməsinin müddəti 2029-cu ilin yayınadək nəzərdə tutulub. ABŞ təmsilçisi futbolçu üçün "Qarabağ"a 1 milyon avrodan bir az çox ödəniş edəcək.
7-03-2026, 20:03
Azərbaycan qadını cəmiyyətin
inkişafının aparıcı qüvvəsidir
Tarixin bütün dövrlərində Azərbaycan qadını cəmiyyətimizin inkişafında, milli dəyərlərimizin qorunmasında və dövlətçiliyimizin möhkəmlənməsində mühüm rol oynamışdır. Qədim dövrlərdən bu günə qədər qadınlarımız yalnız ailənin deyil, bütövlükdə cəmiyyətin mənəvi dayağı olmuş, öz müdrikliyi, fədakarlığı və iradəsi ilə tariximizin şərəfli səhifələrini yazmışlar. Azərbaycan xalqının ən qədim yazılı abidələrindən biri olan “Kitabi-Dədə Qorqud” dastanında qadınların göstərdiyi şücaət, eləcə də Tomris, Sara Xatun, Möminə Xatun kimi tarixi şəxsiyyətlərin fəaliyyəti Azərbaycan qadınının gücünün, iradəsinin və liderlik keyfiyyətlərinin parlaq nümunəsidir. Bu nümunələr sübut edir ki, Azərbaycan qadını tarix boyu həm ailənin dayağı, həm də cəmiyyətin inkişafına yön verən mühüm bir qüvvə olmuşdur.
Azərbaycan qadınları yalnız mənəvi dəyərlərin qorunmasında deyil, həm də dövlət quruculuğu və ictimai-siyasi proseslərdə fəal iştirak etmişlər. Şərqdə ilk dəfə olaraq qadınlara seçib-seçilmək hüququnun məhz Azərbaycanda – Azərbaycan Xalq Cümhuriyyəti dövründə verilməsi xalqımızın qadına verdiyi yüksək dəyərin bariz göstəricisidir. Bu mühüm addım Azərbaycan qadınının ictimai həyatda rolunun genişlənməsinə, onların elm, təhsil, mədəniyyət, səhiyyə və digər sahələrdə fəal iştirakına geniş imkanlar yaratmışdır. Qadınlarımız yüzillər boyu milli dəyərlərə sadiq qalaraq ana dilimizin, mədəniyyətimizin və mənəviyyatımızın qorunub saxlanılmasında da mühüm rol oynamışlar.
Müstəqil Azərbaycan dövlətində qadın siyasətinin formalaşması və inkişafı Ümummilli Lider Heydər Əliyevin adı ilə bağlıdır. Ulu Öndər ölkə həyatının bütün sahələrində qadınlara xüsusi diqqət yetirmiş, onların potensialından səmərəli istifadə olunması üçün geniş imkanlar yaratmışdır. Onun təşəbbüsü ilə qəbul edilən qərarlar və həyata keçirilən tədbirlər qadınların dövlət idarəçiliyində, ictimai-siyasi proseslərdə və müxtəlif sahələrdə fəal iştirakına yol açmışdır. Bu siyasət bu gün də Prezident İlham Əliyev tərəfindən uğurla davam etdirilir. Dövlət başçısının rəhbərliyi ilə qadın hüquqlarının qorunması, gender bərabərliyinin təmin olunması və qadınların sosial-iqtisadi imkanlarının genişləndirilməsi istiqamətində ardıcıl addımlar atılır.
Son illərdə qəbul olunan qanunlar, dövlət proqramları və milli fəaliyyət planları qadınların hüquqlarının müdafiəsi və onların ictimai fəallığının artırılması istiqamətində mühüm nəticələrə səbəb olmuşdur. Bu gün Azərbaycan qadınları dövlət idarəçiliyində, parlamentdə, elmdə, təhsildə, səhiyyədə, mədəniyyətdə, sahibkarlıq sahəsində və digər istiqamətlərdə uğurla fəaliyyət göstərir, ölkəmizin inkişafına öz dəyərli töhfələrini verirlər. Statistik göstəricilər də qadınların cəmiyyət həyatındakı fəallığının artdığını göstərir. Qadınların məşğulluq səviyyəsinin yüksəlməsi, sahibkarlıq fəaliyyətində iştirakının genişlənməsi və müxtəlif sahələrdə təmsilçiliyinin artması ölkədə həyata keçirilən gender siyasətinin müsbət nəticələrindən biridir.
Azərbaycan Respublikasının Birinci vitse-prezidenti Mehriban xanım Əliyevanın çoxşaxəli fəaliyyəti də Azərbaycan qadınının nüfuzunun həm ölkə daxilində, həm də beynəlxalq aləmdə daha da yüksəlməsinə mühüm töhfə verir. Onun rəhbərlik etdiyi humanitar və sosial layihələr, xeyriyyəçilik təşəbbüsləri, mədəniyyətimizin və milli dəyərlərimizin dünyada tanıdılması istiqamətində görülən işlər Azərbaycan qadınının mərhəmətini, humanizmini və yüksək mənəvi keyfiyyətlərini bütün dünyaya nümayiş etdirir.
Bu gün Azərbaycan qadını ölkənin ictimai-siyasi həyatında fəal iştirak edir, dövlət idarəçiliyində, elmi və mədəni mühitdə, həmçinin səhiyyə və sosial sahələrdə mühüm uğurlar qazanır. Xüsusilə səhiyyə sistemində çalışan qadınların əməyi cəmiyyət üçün böyük əhəmiyyət daşıyır. İnsanların sağlamlığının qorunması və həyat keyfiyyətinin yaxşılaşdırılması naminə çalışan qadın tibb işçiləri yüksək peşəkarlıq, məsuliyyət və fədakarlıq nümayiş etdirərək cəmiyyətə dəyərli xidmət göstərirlər.
8 Mart – Beynəlxalq Qadınlar Günü münasibətilə bütün xanımları səmimi-qəlbdən təbrik edir, onlara möhkəm can sağlığı, ailə səadəti və həyatlarının bütün sahələrində yeni uğurlar arzulayıram. Əminəm ki, Azərbaycan qadını bundan sonra da öz zəhməti, müdrikliyi və fədakarlığı ilə ölkəmizin inkişafına töhfə verməyə davam edəcək, cəmiyyətimizin tərəqqisində mühüm rol oynayacaqdır.
Səkinə Sadıxova
Abşeron Rayon Mərkəzi Xəstəxanasının direktoru
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!