Azərbaycanda fəaliyyət göstərən siyasi partiyalarının rəhbərləri Prezident, Silahlı Qüvvələrin Müzəffər Ali Baş Komandanı İlham Əliyevi 60 illik yubileyi münasibətilə təbrik ediblər.

Azərbaycan Sosial Demokrat Partiyasının sədri Araz Əlizadə, Azərbaycan Liberal Partiyasının sədri Əvəz Temirxan, Böyük Quruluş Partiyasının başqanı Fazil Mustafa, Aydınlar Partiyasının sədri Qulamhüseyn Əlibəyli, Milli Cəbhə Partiyasının sədri Razi Nurullayev, Azərbaycan Demokrat Partiyasının sədri Sərdar Cəlaloğlu, Vətəndaş Birliyi Partiyasının sədri Sabir Hacıyev, Azərbaycan Milli İstiqlal Partiyasının sədri Arzuxan Əlizadə, Müstəqil Xalq Partiyasının sədri Əflan İbrahimov, Demokratik İslahatlar Partiyasının sədri Asim Mollazadə, Cümhuriyyət Xalq Partiyasının sədri Bədrəddin Quliyev, Böyük Azərbaycan Partiyasının sədri Elşad Musayev, Azərbaycan Demokratik Maarifçilik Partiyasının sədri Elşən Musayev, Azərbaycan Sosial Rifah Partiyasının sədri Əsli Kazımova, Gələcək Azərbaycan Partiyasının fəxri üzvü Rəsul Quliyev, Azərbaycan Liberal Demokrat Partiyasının sədri Fuad Əliyev, Azərbaycan Kommunist Partiyasının nümayəndəsi Hacı Hacıyev, Müasir Müsavat Partiyasının sədri Hafiz Hacıyev, Ədalət Partiyasının sədri İlyas İsmayılov, Ümid Partiyasının sədri İqbal Ağazadə, Azərbaycan Xalq Partiyasının sədri Pənah Hüseyn, Milli Vəhdət Partiyasının sədri Yunuz Oğuz, Milli Dirçəliş Hərəkatı Partiyasının sədri Fərəc Quliyev, Azad Demokratlar Partiyasının sədri Sülhəddin Əkbər, Vəhdət Partiyasının sədri Tahir Kərimli, Azərbaycan Təkamül Partiyasının sədri Teyyub Qənioğlu, Azərbaycan Milli Demokrat Partiyasının sədri Tufan Kərim, Ağ Partiyasının sədri Tural Abbaslı, Birlik Partiyasının sədri Xudadat Xudiyev dövlət başçısına təbrik məktubu ünvanlayıblar.

Partiya liderləri Prezident İlham Əliyevi təbrik edib, gələcək fəaliyyətində uğurlar arzulayıblar.

Bütöv.az

Milli Məclisin iclasında deputat Elşad Mirbəşir Prezident İlham Əliyevi 60 illik yubileyi münasibətilə təbrik edib.

Bütöv.az xəbər verir ki, deputat İlham Əliyevin regional sülh və təhlükəsizliyin təmin olunması istiqamətindəki addımlarını sadalayıb.

O təklif edib ki, İlham Əliyev Nobel sülh mükafatına namizəd kimi irəli sürülməlidir.

“Biz bu prosedurları həll edib cənab Prezidentin namizədliyini Nobel sülh mükafatına təqdim etməliyik”, - deyə o əlavə edib.

Azərbaycan Prezidenti İlham Əliyev dünyanın siyasi arenasında böyük nüfuza sahib, dövlətinin maraqlarını böyük əzm və qətiyyətlə müdafiə edən, eyni zamanda qlobal problemlərin həlli istiqamətində mühüm təşəbbüslərlə çıxış edən lider kimi tanınır.

Prezident İlham Əliyevin rəhbərliyində qazanılmış bu uğurlar isə uzun illər ərzində yaradılmış parlaq daxili-xarici siyasi xəttin böyük məharətlə icrasına əsaslanır.

Dövlət başçısı hər il olduğu kimi 2021-ci ildə də müxtəlif müstəvilərdə ölkəmizin maraqlarını layiqincə təmsil edib, bütün aspektlər üzrə gərgin iş qrafikinə sahib olub.

Vətən savaşı ilə 30 illik işğala son qoyaraq tarixi ədaləti bərpa edən Azərbaycan dövlətinin lideri döyüş meydanında qazanılmış parlaq zəfəri siyasi arenada da davam etdirib.

Moskva görüşü

Cari ilin yanvarın 11-də Azərbaycan Prezidenti İlham Əliyev Rusiya Prezidenti Vladimir Putinin dəvəti ilə Moskvaya işgüzar səfər edib. Səfər çərçivəsində Azərbaycan lideri İlham Əliyev, Rusiya Prezidenti Vladimir Putin və Ermənistanın baş naziri Nikol Paşinyan arasında üçtərəfli görüş baş tutub.

İlham Əliyev rəhbərliyi ilə Moskvada Azərbaycan növbəti şərtlərini Ermənistan tərəfinə diktə edib və xüsusən 10 noyabr tarixli üçtərəfli bəyanatın nəqliyyat və kommunikasiyaların açılması ilə bağlı müddəalarının icrası baxımından olduqca mühüm məqamlar üzrə razılıqlar əldə olunub. Bu görüşdə əldə edilmiş razılaşmalar sonrakı proseslərdə Bakının əlini qüvvətləndirməklə bərabər eyni zamanda regionun inkişafı mexanizmlərinin Bakı tərəfindən təsvir olunan mənzərəsinə tamamilə uyğun olub.

Daxili siyasətdə prioritet

Azərbaycan dövlətinin daxili siyasət sahəsində əsas prioriteti də postmünaqişə dövrünün reallıqlarına əsaslanıb. Belə ki, 2021-ci ildə Azərbaycan dövlətinin qarşısında dayanan prioritetlərdən başlıcası işğaldan azad edilmiş ərazilərin yenidənqurma və bərpası işləri olub. Bu məqsədlə Azərbaycan dövləti bu il 1,3 milyard dollar vəsait ayırıb.

Azərbaycanla bağlı bütün məsələlərdə olduğu kimi dövlət başçısı işğaldan azad edilmiş ərazilərin bərpası prosesini də şəxsən nəzarətində saxlayır. Dövlət başçısının öndərliyində aparılan yenidənqurma və bərpa prosesi həmçinin Azərbaycanın beynəlxalq müstəvidə maraqlarına inteqrasiya olunur. Çünki Azərbaycan dövlətinin gördüyü işlərin miqyası həm də Ermənistanın təcavüzkar siyasətinin nəticələri ilə düz mütənasiblik təşkil edir. Başqa sözlə, dağıntıların miqyası nə qədər böyükdürsə, Azərbaycan dövlətinin quruculuq və yenidənqurma təşəbbüsləri də bir o qədər böyük miqyasda həyata keçirilir. Bununla Azərbaycan bütün dünyaya iki dövlətin regiondakı mövcudluğunun və rəhbər tutduqları siyasətin nəticələrini əyani şəkildə göstərmiş olur. Ermənistan təcavüzkar və talançı kimi ifşa olunduğu halda, Azərbaycan regionumuzda dinc həyatın, sülh şəraitində inkişafın və tərəqqinin bayraqdarına çevrilir.

Azərbaycan dövləti Prezident İlham Əliyevin başçılığı altında həmçinin Qarabağ həqiqətlərinin dünyaya çatdırılması istiqamətində də çoxşaxəli iş aparılır. Dövlət başçısının işğaldan azad edilmiş ərazilərə səfərləri, erməni vandalizminin nümayişi, beynəlxalq təşkilatların nümayəndələri və diplomatların reallıqları öz gözləri ilə görməsi üçün regiona çoxsaylı ziyarətlərinin təşkili və s. bütün bunlar beynəlxalq ictimaiyyətdə Qarabağla bağlı konstruktiv yanaşmanın formalaşması prosesinə təkan verib.

Şuşa ilə dünyaya verilən mesaj

İşğaldan azad edilmiş ərazilərin bütün nöqtələrini özündə ehtiva edən yenidənqurma və bərpa işlərindən bəhs edərkən ilk növbədə Şuşa şəhəri ilə bağlı məqamları qeyd etmək lazımdır. İlham Əliyevin Azərbaycan mədəniyyətinin paytaxtı statusu verdiyi şəhərə də dövlətimiz tərəfindən məhz mədəniyyətimizə verilən sonsuz dəyər qədər ehtiram göstərilir.

Elə bu prosesin özündə də İlham Əliyevin siyasi xəttinin əsas çalarlarını sezmək mümkündür. Yuxarıda göstərilən nümunədə olduğu kimi Azərbaycan dövləti Şuşanı bərpa edir, ilk növbədə şəhərin milli və tarixi kimliyinin özünə qaytarılması üçün işlərə start verilib. Bu isə yenidən bütün dünya üçün mesaj xarakteri daşıyan bir yanaşmadan xəbər verir. Erməni işğalında öz şanlı tarixinə yaraşmayan bir yanaşmaya məruz qalan Şuşa Azərbaycanın tərkibində yenidən Qafqazın incisinə çevrilir.

Üstəlik Azərbaycan lideri tərəfindən bu misilsiz diqqət və qayğı təkcə işğaldan azad edilmiş ərazilərə şamil olunmayıb. Mütəmadi olaraq Azərbaycanın bütün regionlarına səfərlər edən İlham Əliyev xalqın bütün problemlərini diqqətdə saxlayır, sözügedən problemlərin həlli ilə bağlı müvafiq göstərişlər verir.

Azərbaycan-Türkiyə

İlham Əliyevin öndərliyində Azərbaycan dövlətinin xarici siyasətində qardaş Türkiyə ilə münasibətlər mühüm yer tutur. Bu baxımdan 2021-ci ili dövlətlərarası münasibətlərin inkişafı baxımından xüsusi qeyd etmək gərəklidir. Belə ki, il ərzində Azərbaycan və Türkiyə liderləri çoxsaylı görüşlər keçiriblər. Bu görüşlərdə bütün dünyaya əyani şəkildə Türkiyə-Azərbaycan əməkdaşlığın regionumuz üçün önəmi göstərilib. Belə ki, işğaldan azad edilmiş ərazilərin bərpası ilə bağlı istənilən mühüm təşəbbüs və nailiyyətdə Türkiyə Azərbaycanın yanında yer alıb.

Türkiyə Prezidenti Rəcəb Tayyib Ərdoğan isə Prezident İlham Əliyev tərəfindən Qarabağda qarşılanan ilk dünya lideri kimi tarixə düşüb. İki lider həmçinin Şuşa şəhərində dövlətlərimizin tarixində böyük önəmə sahib olan bir sənədi imzalayıblar.

2021-ci il iyunun 15-də Şuşada Azərbaycan Respublikasının Prezidenti İlham Əliyev və Türkiyə Respublikasının Prezidenti Rəcəb Tayyib Ərdoğanın Şuşa şəhərində imzalandığı bəyannamə ilə dövlətlərarası münasibətlərimiz özünün ən yüksək səviyyəsində təsdiq olunub. Həmin tarixdən başlayaraq Bakı və Ankara hərbi-siyasi, iqtisadi sahələrdə müttəfiqliklərini rəsmi şəkildə elan ediblər. Bəyannamədə diqqəti çəkən ən vacib məqamlardan biri isə hərbi sahədə əməkdaşlıq və müttəfiqliklə bağlıdır. Burada qeyd edilir ki, iki dövlətin ərazi bütövlüyünə, suverenliyinə üçüncü dövlət və ya dövlətlər tərəfindən təhdid və ya təcavüz edildiyi təqdirdə, bir-birini qoruyacaqlar. Şuşa bəyannaməsi ilə Azərbaycan-Türkiyə münasibətləri tarixində keyfiyyətcə yeni mərhələnin başlanğıcı qoyulub.

Azərbaycan və Türkiyə liderləri həmçinin regionumuzun gələcəyi üçün də səylərini əsirgəməyib. Belə ki, 3+3 platforması məhz regionda dinc inkişafa yönəlmiş təşəbbüs kimi məhz dövlət başçıları İlham Əliyev və Rəcəb Tayyib Ərdoğan tərəfindən irəli sürülüb. Qeyd etmək lazımdır ki, hazırda liderlərin bu təşəbbüsünün işlək mexanizmə çevrilməsi üçün də bir sıra addımların atılmasına başlanılıb.

Zəngəzur dəhlizi – Türk dünyası birləşir

Azərbaycan liderinin siyasi məharəti və səyləri eyni zamanda həm regionumuz, həm də bütün Türk dünyası üçün böyük əhəmiyyətə malik Zəngəzur dəhlizinin yaradılmasını mümkün edib. Hələ 2021-ci ilin martın 31-də Prezident İlham Əliyev Türkdilli Dövlətlərin Əməkdaşlıq Şurasının videokonfrans formatında qeyri-formal Zirvə görüşündə çıxışı zamanı açılımlarda əsas əngəl yaradan “kor düyün”ün – Zəngəzur dəhlizinin işə düşməsi istiqamətində Azərbaycanın təşəbbüslərindən söz açıb.

“Biz artıq Zəngəzur dəhlizi üzərində çox fəal çalışırıq. Naxçıvanda keçirilmiş Zirvə görüşündə mən demişdim ki, vaxtilə Zəngəzuru Azərbaycandan alıb Ermənistana birləşdirmək Türk dünyasının coğrafi parçalanması idi. Çünki əgər xəritəyə baxsaq, görərik ki, sanki bizim bədənimizə xəncər saplanmışdır, türk dünyası parçalanıb” - deyən İlham Əliyev Zəngəzur faktorunun türk dünyasının birləşdiricisi rolunu oynayacağını da əlavə edib.

Azərbaycan lideri öz siyasi manevr və həmlələri ilə eyni zamanda Türk dünyasını yenidən birləşdirən Zəngəzur dəhlizinin əsasını qoyub. Bu dəhlizin yaradılması isə sadəcə təkcə iqtisadi deyil, eyni zamanda böyük siyasi əhəmiyyət daşıyan hadisədir. Bununla Azərbaycan Prezidenti İlham Əliyev türkdilli dövlətlərin arasında coğrafi bağlılığın bərpa edilməsinə nail olub, eyni zamanda Türk dünyasının birlik, bərabərlik arzusunun reallığa çevrilməsinə misilsiz töhfə verən Lider kimi ön plana çıxıb.

Azərbaycan liderinin Türk dünyası qarşısında xidmətləri təkcə bundan ibarət deyil. Azərbaycan İlham Əliyevin rəhbərliyi ilə Türk Şurasına 2019-2021-ci illərdə uğurla sədrlik edib. Prezident İlham Əliyevin öndərliyində Azərbaycan təşkilatın fəaliyyətinin gücləndirilməsi, türkdilli ölkələr və xalqlar arasında dostluq, qardaşlıq münasibətlərinin, qarşılıqlı əməkdaşlığın möhkəmləndirilməsi istiqamətində öz üzərinə götürdüyü vəzifələri layiqincə yerinə yetirib.

Azərbaycanın rəhbərliyi dövründə qurumun digər mötəbər beynəlxalq təşkilatlarla, o cümlədən BMT, İslam Əməkdaşlıq Təşkilatı, ATƏT, İqtisadi Əməkdaşlıq Təşkilatı ilə səmərəli əməkdaşlıq münasibətləri davam etdirilib, Ümumdünya Səhiyyə Təşkilatı ilə faydalı əməkdaşlıq çərçivəsi qurulub.

Azərbaycan Prezidentinin bu xidmətləri təşkilat tərəfindən də yüksək qiymətləndirilib. Belə ki, Türkdilli ölkələrin Dövlət Başçıları Şurasının Qərarı ilə Azərbaycan Respublikasının Prezidenti İlham Əliyev “Türk Dünyasının Ali Ordeni” ilə təltif edilib. Ali Orden dövlət başçısına noyabrın 12-də İstanbulda keçirilən Türkdilli Dövlətlərin Əməkdaşlıq Şurasının VIII Zirvə Görüşündə Türkiyə Respublikasının Prezidenti Rəcəb Tayyib Ərdoğan tərəfindən təqdim edilib.

Postmünaqişə dövrü üçün təşəbbüslər

Prezidenti İlham Əliyevin təşəbbüsü ilə regionumuzda postmünaqişə dövründə inkişaf və əməkdaşlıq yolları da beynəlxalq səviyyədə müzakirə olunub. Bununla bağlı ADA Universitetində 10-13 aprel tarixində “Cənubi Qafqaza yeni baxış: münaqişədən sonra inkişaf və əməkdaşlıq” adlı konfrans keçirilib. Həmçinin mayın 20-də Azərbaycan Respublikasının Prezidenti İlham Əliyevin iştirakı ilə Nizami Gəncəvi Beynəlxalq Mərkəzinin “Cənubi Qafqaz: Regional inkişaf və əməkdaşlıq perspektivləri” adlı videoformatda müzakirələri keçirilib.

Azərbaycan qlobal güc mərkəzlərinin diqqətində

İlham Əliyevin rəhbərliyi ilə Cənubi Qafqazda yaranan yeni geosiyasi konfiqurasiya qlobal güc mərkəzlərinin diqqətini çəkib. Qərb və Rusiyanın rəqibi, alternativ qlobal güc Çin də prosesdən kənarda qalmaq istəməyib. İyunun 2-də Azərbaycan Respublikasının Prezidenti İlham Əliyev ilə Çin Xalq Respublikasının Sədri Si Cinpin arasında telefon danışığı baş tutub.

Liderlər müzakirələr zamanı Azərbaycan və Çin siyasi, iqtisadi və nəqliyyat-logistika sahələrində əməkdaşlığın uğurla davam etdirilməsini bildiriblər. Çin liderinin Azərbaycanın “Bir kəmər, bir yol” təşəbbüsünün reallaşdırılması istiqamətində vacib tərəfdaş olduğunu xatırlatması isə postmünaqişə dövrü prosesləri fonunda özündə əhəmiyyətli mesajları ehtiva edib.

Qoşulmama Hərəkatında qazanılan uğur

“Qısa müddət ərzində Azərbaycan Qoşulmama Hərəkatında olduqca böyük nüfuz və etimad qazandı”.

Dövlət başçısı İlham Əliyevin bu sözlərindən çıxış edərək Azərbaycan dövləti üçün Qoşulmama Hərəkatı çərçivəsində əməkdaşlıq məsələlərinin olduqca mühüm əhəmiyyətə sahib olduğunu deyə bilərik.

Təşkilata sədrliyi dövründə Azərbaycan dövləti dünyanı bürüyən koronavirus pandemiyasının səbəb olduğu yeni reallıqlar və yaranan çətinliklərlə mübarizə üçün müvafiq yolların tapılması baxımından mühüm təşəbbüslərlə çıxış edib.

Ümumən 2019-cu ilin oktyabrından Qoşulmama Hərəkatına sədrlik Azərbaycana keçdikdən sonra təşkilatın fəaliyyətində canlanma müşahidə edilir desək, yanılmarıq. Təşkilat eyni zamanda Azərbaycanın qlobal miqyasda bir çox problemlərin həll yollarının tapılması üçün çağırışlarının tribunasına da çevrilib.

Avropa-Azərbaycan arasında səmimi atmosfer

2021-ci il həmçinin Azərbaycanın Avropa İttifaqı münasibətlərindəki müsbət əhval-ruhiyyə baxımından yaddaqalan oldu. Belə ki, 17-18 iyul tarixlərində Azərbaycanda səfərdə olan Avropa İttifaqı Şurasının Prezidenti Şarl Mişel Bakıda yüksək səviyyədə qarşılandı.

Prezident İlham Əliyev Şarl Mişellə müzakirələri birgə işçi nahar süfrəsi arxasında apardı, bunu müzakirələrin səmimi atmosferdə keçməsi və tərəflərin öz maraqlarını səmimi şəkildə ifadə etməsi kimi xarakterizə etmək olar. Sözügedən səmimi atmosferin nəticələri isə ilin sonunda Brüsseldə keçirilən görüşlər zamanı daha aydın şəkildə ortaya çıxdı.

Rusiya və Avropa Azərbaycanın mövqeyini qəbul edir

İlin sonuna doğru aktivləşən Ermənistanla danışıqlar prosesində İlham Əliyev öz siyasi məharətini növbəti dəfə ortaya qoydu. Belə ki, əvvəlcə noyabrın 26-da Soçidə Azərbaycan Respublikasının Prezidenti İlham Əliyev, Rusiya Federasiyasının Prezidenti Vladimir Putin və Ermənistan Respublikasının baş naziri Nikol Paşinyan arasında üçtərəfli görüş keçirildi.

Görüş zamanı Azərbaycan və Ermənistan arasında sərhədlərin demarkasiya və delimitasiyası, regionda vəziyyətin sabitləşməsi və təhlükəsizliyin təmin edilməsi, bütün iqtisadi və nəqliyyat əlaqələrinin bərpası kimi məsələlər müzakirə edildi. Daha əvvəl bir çox platformalarda münaqişənin başa çatdığını və Qarabağda heç bir statusdan söhbət belə gedə bilməyəcəyini vurğulayan dövlət başçısı Soçidəki görüş zamanı “münaqişə” və “status” kimi ifadələrə yer verilməməsinə nail oldu. Bu isə öz növbəsində yeni reallıqların və Bakının mövqeyinin qəbul edildiyini təsdiqləyən fakta çevrildi. Soçidə həmçinin Zəngəzur dəhlizi ilə bağlı da Moskvanın Azərbaycanla ortaq maraqları bölüşdüyü bəlli oldu. Belə ki, mətbuat konfransında çıxışı zamanı Rusiya lideri V.Putin dəhliz ifadəsini dəfələrlə işlətməklə bir növ dəhliz layihəsinin dəstəkləndiyini göstərdi.

Azərbaycan liderinin Ermənistan baş naziri ilə növbəti görüşünə isə Avropa ev sahibliyi etdi. Dekabrın 14-də Avropa İttifaqı Şurasının Prezidenti Şarl Mişelin təşəbbüsü ilə Azərbaycan Prezidenti İlham Əliyev və Ermənistanın baş naziri Nikol Paşinyan arasında Brüsseldə görüş keçirildi. Sözügedən görüş artıq Azərbaycanın mövqeyinə Avropada da ciddi dəstək olduğunu ortaya qoydu. Azərbaycan Prezidenti bir daha Avropadan bütün dünyaya elan etdi ki, milli məsələdə, Azərbaycanın təhlükəsizliyi mövzusunda heç bir güzəştdən söhbət gedə bilməz.

Bundan başqa Prezident İlham Əliyevin NATO Baş katibi Yens Stoltenberqlə görüşü də alyansla Bakı arasındakı münasibətlərin yüksələn xətlə inkişafını ortaya qoydu. Brüsseldə həmçinin Fransa Prezidenti Emmanuel Makronun vasitəçiliyi ilə də görüş baş tutdu. Bu dəfə də İlham Əliyev öz xalqının maraqlarının yorulmadan müdafiə edən lider kimi ön planda dayandı. Brüsseldə keçirilən görüşlərdən sonra Ermənistan liderinin verdiyi açıqlamalar isə Zəngəzur dəhlizinin işə düşməsi prosesini bir qədər də yaxınlaşdırdı deyə bilərik.

Ümumən İlham Əliyevin liderliyində Azərbaycan dövləti 2021-ci ildə böyük uğurlara sahib oldu. Dövlətimiz həm Türk dünyasında, həm Qərb, həm də Şərqdə öz nüfuzunu artırdı. Azərbaycan lideri Türk dünyası birləşdirən lider olmaqla bərabər, eyni zamanda Qərbin və Şərqin yüksək etimadına sahib çıxan siyasətçi kimi adından bəhs etdirdi.

Bütöv.az

Rusiya Prezidenti Vladimir Putin Azərbaycan Prezidenti İlham Əliyevi 60 illik yubileyi münasibətilə təbrik edib.

Təbrik mətni Kremlin rəsmi saytında dərc olunub.

“Hörmətli İlham Heydər oğlu, 60 illik yubileyiniz münasibətilə ən səmimi təbriklərimi qəbul edin.

Siz hətta ən mürəkkəb vəziyyətlərdə belə balanslı, uzaqgörən qərarlar qəbul etməyə qadir olan müdrik və təcrübəli dövlət xadimi kimi həmvətənləriniz arasında və beynəlxalq arenada layiqli nüfuza sahibsiniz. Sizin rəhbərliyinizlə Azərbaycan iqtisadi, sosial və digər sahələrdə hamı tərəfindən qəbul edilmiş uğurlara imza atmışdır.

Sizinlə yoldaşlıq münasibətlərimizi yüksək qiymətləndirirəm. Sizinlə konstruktiv, hərtərəfli dialoqu və Rusiya-Azərbaycan strateji tərəfdaşlığının daha da inkişaf etdirilməsi, eləcə də regional sabitliyin və təhlükəsizliyin möhkəmləndirilməsi maraqları naminə sıx birgə işi davam etdirməkdən şad olaram.

Sizə səmimi qəlbdən cansağlığı, firavanlıq və uğurlar arzulayıram. Fürsətdən istifadə edib ailənizə ürəkdən salamlarımı çatdırmaq istərdim.

Hörmətlə, Vladimir Putin”, - məktubda qeyd edilir.

Bütöv.az

Azərbaycan Avtomobil Yolları Dövlət Agentliyi İdarə Heyətinin sədri Saleh Məmmədovun barəsində dövrü mətbuatda və sosial şəbəkələrdə kifayət qədər yazılıb. Onun müavinləri Əvəz Qocayev və Hüsnü Quliyevin bu sistemdə çalışmağa başladıqdan sonra əldə etdikləri var dövlət barədə də dövri mətbuatda az yazılmayıb.

Bütöv.az bildirir ki, bu barədə Aktualinfo.org saytı məlumat yayıb.

Daha sonra sayt yazır:
Agentliyin tabeliyində olub, yerlərdə fəaliyyət göstərən MMC-lərin direktorları, onların yollara ayrılan pullar hesablaranı topladıqları var-dövlət barədə də elektron kütləvi informasiya vasitələrində kifayət qədər məlumatlar var. Şirvan şəhər sakini Yaşar Əliyevin redaksiyamızın elektron poçtuna ünvanladığı şikayət də Saleh Məmmədovun yerlərdəki kadrlarının özbaşınalığından bəhs edir. Aktualinfo.org vətəndaşın heç bir qurumun baxmadığı şikayətini olduğu kimi təqdim edir.

Hörmətli redaksiya şikayətim 2016-cı ildən mühəndis işlədiyim AAYDA-nın 33 nömrəli Yol İstısmarı MMC-də baş verən özbaşınalıq, ayrı seçkilik, dövlət vəsaitinin və əmlakının təyinatı üzrə xərclənməməsi, göyə sovrulması, diktatura rejimi, idarənin xüsusi mülkiyyət kimi idarə edilməsi barədədir. Bu qanunsuzluqlar barədə AAYDA-nın qaynar xəttinə məlimat verdiyimə görə, məndə hər hansı bir nöqsan tapa bilmədiyi üçün, guya işə gəlməməyimi irad tutaraq, qeyri qanuni olaraq, davamiyyət jurnalına imza etsəm də, imzalarımın üstündən xətt çəkilərək, eyni gündə, ayrı-ayrı tarixlərə qeydiyyata alınmaqla, xəbərdarlıq olmadan töhmət və şiddətli töhmət verilmiş və işdən çıxarılmaqla hədələnmişdm. Mən də bu qanunsuzluqlar barədə Avtombill Nəqliyyatı və Yol təsərrüfatı İşçilərinin Həmkarlar İttifaqı Komitəsinə, Dövlət Əmək Müfəttişliyi Xidmətinə, Azərbaycanın İnsan Hüquqları üzrə Müvəkkilinə məlumat verəndən sonra 02.dekabr 2021-ci il tarixdə ştatımın ixtisara düşməsi barədə məktubla tanış edildim. Halbuki idarədə məndən başqa birini yaşı 66, digərinin yaşı 78-i keçmiş 2 təqaudçü mühəndis var. Bu idarə demək olar ki, təqaüdçülər parkıdır. Nəmkarlar İttifaqları Haqqında Azərbaycan Respublikası Qanununun 11, 12,13,15 və 18 maddələri kobud surətdə pozulsa da, işçinin yox, nədənsə işə götürənin hüquqları qorundu. Eyni zamanda Dövlət Əmək Müfəttişliyi Haqqında Əsasnamənin 3.1.1, 3.1.2, 3.1.9, 3.1.10 və 4.1.2 maddələriii pozulsa da, faktlar, sənədlər təqdim etsəm də nədənsə yenə də işə götürənin maraqları qorundu. Məlumat üçün qeyd edirəm ki, bu idarə vərəsəliklə qaynatadan yeznəyə keçib. Bu idarə dövlət içində dövlət kimi fəaliyyət göstərir. Özünün daxili və xarici siyasəti var, 5-ci kolona xidmət edir.. Cənab Prezidentə, 1-ci Vitse Prezidentə, Ombudsmana ünvanladıgım şıkayətlər Agentliyin Huquq Şöbəsində qohumları tərəfindən gizlədilir, heç bir araşdırma, heç bir cavab verilmir. Sədrin qəbulunda olmaq istəyimi köməkçisi Çingiz adlı şəxs müxtəlif bəhanələrlə qeyd etdiyim şikayətlərin üzə çıxmasını mümkünsüz edir. Onu da qeyd edim ki, yeni ilin gəlməsi ilə əlaqədar, Agentliyin köməkçisi və şöbə müdirlərinə pay göndərmək məqsədilə Şirvanda qoyun qətliamına start veriləcək.

Aktualinfo.org xatırladır ki, 33 nömrəli Yol İstısmarı MMC vaxtı ilə Əli Bayramlı şəhər 34 saylı Yol-İstismar İdarəsi kimi fəaliyyət göstərib. Hələ Azərbaycan SSR dönəmindən idarəyə Şıxverdi Məmmədov rəhbərlik edib. Sözügedən şəxsin adının heç yerdə hallanmamasına baxmayaraq bu gün Azərbaycanın avtomobil yolları sisteminə gəlib, getmiş ən imkanlı şəxslərdən biridir. Şıxverdi Məmmədov son 30 ildə Azərbaycan avtomobil yolları sisteminə rəhbərlik etmiş bir çox insanlarla çalışa bilib. Yəni hamı ilə dil tapıb və artıq neçə ildir ki, Saleh Məmmədova sığınmağı bacarıb. Bu gün yaşı 80-ni haqlasa da idarəyə qeyri rəsmi olaraq rəhbərlik edir. İdarənin hazırki rəsmi rəisi isə Şıxverdi Məmmədovun kürəkəni Mirtağı Abbasovdur.

Bərdədə fəaliyyət göstərən istehsal müəssisəsi saxtakarlıq yolu ilə qanunlara meydan oxuyur. Qeyd olunan məsələ barəsində məhkəmə qərarı var. Təəssüf ki,kimlərinsə hamiliyi ilə qanunsuzluqlara rəvac verilir.

DİA.AZ bildirir ki, bu barədə tənqidçi jurnalist Elçin İsmayıllı yazır.


Fakt budur ki,Bərdə şəhəri H.Əliyev prospekti Laçın rayon qaçqın məktəbinin həyətində heç bir standarta uyğun olmayan "Qarabağ günəbaxan tumları"nın istehsalı müəssisəsi fəaliyyət göstərir.
Əslində isə bu saxta müəssisə Tərtər rayonunda yerləşən və standartlara uyğun şəkildə fəaliyyət göstərən eyni adlı bir müəssisənin adını və əmtəə nişanını saxta yollarla əldə etmək yolu ilə fəaliyyət göstərir.
Bu qeydləri sübut edən məhkəmə qərarı var.Ancaq qərar icraya yönləndirilmir.
Görünür kimlərsə qanunları saya salmır və öz diqtəsi ilə fəaliyyət göstərir.
Hesab edirik ki, təcili olaraq əlaqədar qurumlar bu məsələ barədə ölçü götürməli və saxta istehsal müəssisəsinin fəaliyyəti dayandırılmalıdır.

İddia olunanlarla bağlı dia.az olaraq qarşı tərəfi də dinləməyə hazırıq...



Bütöv.az

Gəncə Dövlət Universitetində “18 il-Güclü lider, qüdrətli dövlət, müasir ordu və Qarabağın azadlığına aparan yol” mövzusunda elmi-praktik konfrans keçirilib.

Modern.az xəbər verir ki, konfransı universitetin rektoru, professor Yusif Yusibov açaraq son 18 ildə Azərbaycanda həyata keçirilən işlər nəticəsində qazanılan uğurlardan danışmış və bütün bunlara görə Azərbaycan xalqının Ümummilli Lideri Heydər Əliyevin siyasi varisi, Prezident İlham Əliyevə minnətdar olduğunu diqqətə çatdırıb.
Sonra müxtəlif mövzularda məruzələr dinlənilib. Universitetin Menecment və turizm işi kafedrasının müdiri, dosent Əli Allahverdiyev “Ölkənin iqtisadi inkişafı, islahatlar, layihələr, uğurlar”, Azərbaycan tarixi kafedrasının dosenti Cavid Bağırzadə “Prezident İlham Əliyevin Ordu quruculuğu siyasəti”, Ümumi tarix kafedrasının baş müəllimi Bəxtiyar Məhərrəmov “ Diplomatiya və ölkənin beynəlxalq aləmdə tanıdılması istiqamətində görülən işlər”, Azərbaycan tarixi kafedrasının baş müəllimi Elminaz Namazova “Torpaqların işğaldan azad edilməsinin siyasi və diplomatik özülünün yaradılması” və Universitetin prorektoru, Millət Vəkili Pərvin Kərimzadə “Müstəqil Azərbaycanın bu günkü uğurları Prezident İlham Əliyevin adı ilə bağlıdır” mövzularında məruzələrlə çıxış ediblər.
Univesitetin rektoru, professor Yusif Yusibov elmi-praktik konfransda yekun nitqi söyləyiblər.







Bütöv.az

Fövqəladə Hallar Nazirliyinin Xüsusi Riskli Xilasetmə Xidmətnin əməkdaşı prezident İlham Əliyevə müraciət edib.

Bütöv.az yazır ki, Criminal.az-a göndərilən müraciətdə bildirilir ki, əvvəlki müraciətlərindən sonra kirayə və ezamiyyət pullarını vermək əvəzinə onlara hədə-qorxu gəlirlər:

"Hərbi hissəyə çagirib xidmət rəisi, general mayor Şahmar Paşayev hədələyici tonda danışır. Deyirlər ki, mətbuata niyə deyirsiz? Mətbaut sizə pul verəndir? Bizə halal pulumuz vermirlər. Pulun ilin sonunda veriləcəyini vəd edirlər. Bizlər çətin vəziyyətdə kirayədə yaşayırıq. Mağazalarq çoxlu borcumuz var. Boğularaq övladlarımızın üzünə baxa bilmirik. Biz dərdimizi kimə deyək? Rəisimiz Şahmar Paşayevi aylarla görmürük. Çox zaman özünün şəxsi biznesi ilə məşğul olur, göydələnlər tikdirir. Olduqca çıxılmaz vəziyyətdəyik. Şahmar Paşayevin yanında alay komandiri polkovnik Xəlilli Məmməd, qərargah rəisi mayor Seyidəhməd Nurayev də bizi mətbuata şikayət ünvanladığımız üçün hədələyirlər. Hərbi hissədə bizləri toplayıb məlumati paylaşanı müəyyən edəcəkləri və işdən çıxaracaqlar ilə hədələyirlər.

"Biz onu tapıb sındıracağıq, xidmətdən qovacağıq” deyirlər. Polkovnik Mustafa Rəcəbov, kadrlar şöbəsinin rəisi Elxan Həmidov, polkovnik leytenant Çingiz Hüseynov xidmət rəisi kimi bizləri hədələyirlər. Bizə ildə iki dəfə olmaqla geyim verilməlidir. Amma xidmətin təhcizat şöbəsinin rəisi mayor Elyazov Rəşad formaları vermir.
Xidmət rəisinin göstərişi ilə formalar bizə satılır. Etiraz bildirəndə Elyazov bildirir ki, 500 manat maaş alırsız, dövlət sizə maaş verir, gedin formanı alın, mənim üstümə gəlməyin! Deyir göstərişi Şahmar Paşayev verib. Xidmət rəisinə söz deyəni də işdən çıxarır, təqib edirlər. Elyazov Rəşad xidmət rəisinin yaxın adamıdır. Zabit və gizirlərin kirayə qaldığı evlərə zorla soxulmaqdan belə çəkinmir. Bu adamlara dur deyən yoxdu.

Şəxsi heyətə qarşı kobudluq edənlərdən biri də mayor Axudlu Intiqamdır. Şəxsi heyətlə söyüşlə danışır, təhqir edir. Etiraz edəni də aşağılayır. Zabit və gizirləri istirahət günləri belə idarəyə çağırıb zabitə, gizirə yaraşmayan işləri gördürürlər. Bir sözlə xidmət çox bərbad gündədir. Cənab prezident, ümidimuz sizə qalib. Bizim kirayə, ezamiyyət pullarımızı vermirlər. Vəziyyət çox pisdir, dolana bilmirik. Halal haqqımızı ala bilmirik”.

Şikayətçilər problemlərinin həlli üçün fövqalədə hallar naziri Kəmaləddin Heydərovu məhkəməyə verəcəklər.

20 kilo qızıl hədiyyə edilən toyda Ağalar Vəliyev iştirak edibmi?

İsgəndər Ərtuş Ağalar Vəliyevin oğlunun toyunda 1 milyon dollarlıq hədiyyəni niyə verdi ?

Bir müddət əvvəl dərc etdiyimiz “ Biznesmen deputatlar..” başlıqlı yazımıza yenidən qayıtmağa və daha detallı yazmağa ehtiyac hiss etdik.
Öncə onu qeyd edək ki, Azərbaycan Respublikasının Konstitusiyasının 89-cu maddəsinin 4-cü bəndində konkret olaraq göstərilir:
“Azərbaycan Respublikası Milli Məclisinin (MM) deputatı sahibkarlıq, kommersiya və başqa ödənişli fəaliyyətlə məşğul olduqda (elmi, pedaqoji və yaradıcılıq fəaliyyəti istisna olmaqla) mandatından məhrum edilir”.
Bəs görəsən, az qala yarısından çoxu biznes fəaliyyəti ilə məşğul olan deputatlarımızın niyə heç olmasa bir nəfəri bu günədək 89-cu maddə əsasında deputat mandatından məhrum edilməyib ?
Belə olan halda 89-cu maddəni konstitusiyada nə üçün saxlamısınız ?
Bəli, biznes fəaliyyəti ilə məşğul olan deputalarımızdan biri də 97 saylı Goranboy – Ağdam – Tərtər Seçki Dairəsindən Azərbaycan Respublikası Milli Məclisinə üzv seçilən Ağalar Vəliyevdir.
Öncə onu qeyd edək ki, Ağalar Vəliyev 1996-1998-ci illərdə "Azəraqrartikinti” Dövlət Şirkətinin prezidenti vəzifəsində çalışmışdır.
Burada bir STOP...
Bəli, adından da göründüyü kimi 60 ildən çox fəaliyyət göstərən bu qurum dövlətə məxsusdur.
Bəs dövlətə məxsus bu boyda qurumu necə 1998-ci ildə ASC adı ilə Ağalar Vəliyevə “hədiyyə” etdilər ?
Dünyanın heç bir yerində belə hadisə ola bilməz axı...
Bu qurumun bütün əmlakı Ağalar Vəliyevin dədəsinə, babasına deyil, mənz dövlətə məxsus idi, amma bu gün Ağalar Vəliyevin özəl şirkətidir.
Təsəvvür edirsiniz, Ağalar Vəliyev vaxtilə dövlət şirkətində çalışan işçilərdən ASC-nin səhmlərini 200 manata alır. Axı, bu insanlar ömür boyu dövlətin şirkətində işləyib, indi ona məxsus payı Ağalara niyə 200 manata satmalıdır ?
200 manata bizdə uzağı 20 kiloqram ət almaq olar. Amma Ağalar Vəliyev 60 illik şirkəti bu yolla əlinə keçirdi.
Və bu gün Ağalar Vəliyevin dünyanın müxtəlif ölkələrində biznesi var, göydələnlər tikir, oğlunun Avropada mülkəri və s.
Biz Gündəlik-Bakı olaraq ötən yazımızda Ağalar Vəliyevə suallar ünvanlamışdıq. Bu gün həmin suallara yenilərini də əlavə edib cənab deputatdan cavab gözləyəcəyik:
1. Ağalar Vəliyev 1992-93-cü illərdə Yol idarəsinin müdiri işləyərkən, Yevlax rayonunda qanunsuz mahlıc əməliyyatında iştirak edibmi ? Ağalar Vəliyevlə pambıq zavodunun həbs olunan direktorunu hansı maraqlar birləşdirib..?
2. Ağalar Vəliyevin keçmiş baş nazir Sürət Hüseynovla hansı qohumluq əlaqələri var ?
3. Ağalar Vəliyevin Milli Məclisin təmirində niyə adı hallanır ?
4. Ağalar Vəliyevin Binəqədidəki dəmir-beton zavoduna direktor qoyduğu Təyyar Yusifov kimdir ?
5. 2003-cü ildə Azərbaycana gətirilən 200000000-luq armaturun məsələsi necə yekunlaşdı ?
6. Ağalar Vəliyevin Türkiyənin Van vilayətindəki Ərtuş-Əşirətinin başçısı İsgəndər Ərtuşla hansı əlaqələri var ?
Daxil olan məlumata görə, İsgəndər Ərtuş Ağalar Vəliyevin oğlunun toyunda 1 milyon dollar dəyərində hədiyyə verib.
İsgəndər Ərtuşun kimliyi ilə bağlı oxuculara qısaca olaraq onu deyə bilərik ki, Türkiyənin Van vilayətinin Ərtuş tayfasından olan İskəndər Ərtuş oğlunun toyunda 4 mindən artıq qonaq iştirak edib. Və qonaqlar arasında Azərbaycandan da olanlar var. Toyda 20 kilodan artıq qızıl hədiyyələr bağışlanıb.
Ağalar Vəliyev həmin toyda iştirak edibmi ?
Əgər iştirak edibsə, nə bağışlayıb ?
Suallarımız çoxdur. Və cənab deputatdan cavab gözləyirik.
(gundelik baki.com)
Bütöv.az olaraq məqalədə toxunulan iddialarla bağlı qarşı tərəfin mövqeyini dərc etməyə hazırıq!

Heydər Əliyev Fondunun vitse-prezidenti Leyla Əliyeva Prezident İlham Əliyevin doğum günü ilə bağlı paylaşım edib.

həmin paylaşımı təqdim edir:



Bütöv.az