25-11-2022, 20:47
Azərbaycanda Qoşulmama Hərəkatının görüşü keçiriləcək
Azərbaycanda Qoşulmama Hərəkatının növbəti Zirvə Görüşü keçiriləcək. Bunu Prezident İlham Əliyev noyabrın 25-də “Orta Dəhliz boyunca: geosiyasət, təhlükəsizlik və iqtisadiyyat” mövzusunda beynəlxalq konfransda deyib. “Gələn il yazda biz Azərbaycanda Qoşulmama Hərəkatının növbəti Zirvə Görüşünü keçirməyi planlaşdırırıq”, - dövlət başçısı qeyd edib.
25-11-2022, 20:44
Müavinət və sosial yardım alanların nəzərinə!
Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fondu tərəfindən noyabr ayının bütün müavinət, təqaüd və ünvanlı dövlət sosial yardımları da bu gün ödənilib. Nazirlikdən verilən məlumata görə, vətəndaşlar bu sosial ödənişlərini onlara verilmiş kartlar vasitəsilə müvafiq bankların bankomatlarından əldə edə bilərlər. Bundan əvvəl, noyabrın 5-də Bakı və Sumqayıt şəhərləri, Abşeron rayonu, noyabrın 15-də isə ölkəmizin digər bölgələri üzrə pensiyalar, o cümlədən güzəştli şərtlərlə təyin edilmiş pensiyalar ödənilib. Beləliklə, bütün sosial təminat növləri üzrə noyabr ayının ödənişləri bu gün yekunlaşıb.
25-11-2022, 20:41
Putin müharibədə ölən hərbçilərin analarına söz verdi
Rusiya prezidenti Vladimir Putin bu gün Ukraynadakı müharibədə iştirak edən hərbçilərin anaları ilə görüşüb. Putin görüşdə hərbçi analarına müraciət edib. Prezident övladları müharibədə ölən analara əvvəlcə başsağlığı verib. Sonra əmin edib ki, o və ölkənin bütün rəhbərliyi hərbi əməliyyatlar zamanı oğullarını itirmiş anaların ağrısını bölüşürlər. “Oğullarını itirən analara başsağlığı verməklə bağlı heç bir rəsmi, standart sözlər deməyə dil dönmür, amma bilmənizi istəyirəm: şəxsən mən, bütün ölkə rəhbərliyi, biz bu ağrıya şərikik, başa düşürük ki, analar üçün oğlunu, övlad itkisini heç nə əvəz edə bilməz”, - deyə dövlət başçısı hərbi qulluqçuların analarına müraciət edib. Putin söz verib ki, ölən hərbçilərin anaları özlərini unudulmuş hiss etməsinlər deyə, ölkə hakimiyyəti hər şeyi edəcək.
25-11-2022, 20:39
Ölkədə hibrid avtomobillərin sayı artır
“Bizdə hibrid və elektrik mühərrikli avtomobillərin sayı artır. Buna səbəb aparılan stimullaşdırıcı tədbirlərdir”. Bunu ekologiya və təbii sərvətlər nazirinin müşaviri Rasim Səttarzadə deyib. R.Səttarzadə qeyd edib ki, 2019-cu ildə hibrid avtomobillərin bütün idxalda payı cəmi 8% idi: “Növbəti ildə 10%, 2021-ci ildə isə bu, artıq 14-15% oldu. Bu il bir az da artıb. Amma təəssüf ki, bu hibrid avtomobillərin böyük əksəriyyəti istifadə olunmuş avtomobillər olub. Digər tərəfdən, faizlə bu artım çox görünə bilər, amma say baxımından milyon ədəd avtomobil olan ölkədə 100-200 hibrid avtomobilin olması çox azdır. Bir sözlə, hazırda hibrid avtomobillərin sayı çox azdır. Bizim məqsədimiz ümumi nəqliyyat parkımızda hibrid avtomobillərin payının artmasıdır”.
25-11-2022, 20:34
“Ümid edirəm ki, tezliklə qərar qəbul ediləcək” - Prezident
Azərbaycan Trans-Adriatik boru kəməri vasitəsilə qaz nəqlinin artırılması üçün mümkün olanı edir. Biz enerji daşıyıcılarının təchizatının artırılması üçün əlimizdən gələni edirik. Bunu Prezident İlham Əliyev noyabrın 25-də ADA Universitetində keçirilən “Orta Dəhliz boyunca: geosiyasət, təhlükəsizlik və iqtisadiyyat” mövzusunda beynəlxalq konfransdakı çıxışında deyib. “TAP boru kəmərinin inşası zamanı meydana gələn problemlər bizə məlumdur, lakin qeyd etmək istəyirəm ki, onlar süni xarakter daşıyırdı. Ancaq Azərbaycanın bu problemlərə ciddi yanaşması sayəsində ölkəmiz İtaliyaya enerji daşıyıcılarının təchizatını yaxşılaşdıra bilib. Bizim İtaliyada Azərbaycan qazına artan tələbatdan xəbərimiz var. Lakin bunun üçün TAP boru kəmərinin ötürmə qabiliyyətinin artırılmasına ehtiyac var. Biz bunu birtərəfli qaydada edə bilmərik, çünki TAP layihəsində bizim payımız 20 faiz təşkil edir. Buna baxmayaraq, ümid edirəm ki, bununla bağlı tezliklə qərar qəbul ediləcək, çünki TAP onsuz da tam gücü ilə işləyir”, - deyə dövlət başçısı bildirib.
25-11-2022, 16:38
Neftçalaya yeni su kəməri çəkilir
"Azərsu" ASC Neftçala şəhəri və rayonun bir sıra kəndlərinin içməli su təminatı üçün yeni magistral su kəməri çəkir. Bu barədə qurumdan bildirilib. Məlumata görə, Prezident İlham Əliyevin təsdiqlədiyi “Su ehtiyatlarından səmərəli istifadənin təmin edilməsinə dair 2020-2022-ci illər üçün Tədbirlər Planı” çərçivəsində içməli su çatışmazlığından əziyyət çəkən yaşayış məntəqələrinin, o cümlədən Neftçala rayonunun kənd və qəsəbələrinin içməli su təchizatında yaranan problemin həlli məqsədilə təxirəsalınmaz tədbirlər görülür. 2020-ci ildə Şirvan-Muğan qrup su kəmərindən Neftçala şəhərinə yeni magistral su kəmərinin çəkilməsi ilə rayon mərkəzi və bir neçə kənd içməli su ilə təmin edilib. Şəhərin su təchizatında etibarlılığın artırılması, eləcə də su çatışmazlığından əziyyət çəkən digər yaşayış məntəqələrinin dayanıqlı və keyfiyyətli içməli suya çıxışını təmin etmək məqsədilə Şirvan-Muğan qrup su kəmərindən ikinci magistral kəmərin tikintisinə başlanılıb. 38 km uzunluğunda layihələndirilən magistral su kəməri 450 və 560 mm diametrli polietilen borularla inşa edilir. Artıq kəmərin tikintisi üzrə işlərin 30 faizə qədəri icra olunub. Kəmərin inşaasının qısa müddətdə başa çatdırılması nəzərdə tutulur. Yeni kəmər 2020-ci ildə inşa edilmiş birinci Salyan-Neftçala magistral su kəməri ilə əlaqələndiriləcək. Bu da gələcəkdə baş verə biləcək qəzalar zamanı, eləcə də suya tələbatın artdığı yay aylarında bütün yaşayış məntəqələrinin dayanıqlı su təchizatına imkan yaradacaq. 2020-ci ilin yayında Xəzər dənizinin suyunun Kür çayı istiqamətində axması suyun keyfiyyətinin pisləşməsinə səbəb olub, bu mənbədən qidalanan sutəmizləyici qurğuların fəaliyyəti dayandırılıb. Prezident İlham Əliyevin xüsusi tapşırıqlarına uyğun olaraq 2020-ci ilin iyun ayında Şirvan-Muğan qrup su kəmərindən Neftçala şəhərinə 40 km uzunluğunda magistral kəmər, Salyan şəhəri yaxınlığında həcmi 7 500 kubmetr olan su anbarı tikilib. 2020-ci ilin noyabr ayında yeni infrastrukturdan Neftçala şəhərinə suyun verilməsi təmin edilib.
25-11-2022, 16:25
Ermənistan sərhəd döyüşlərindəki mövqeyinə görə İrana təşəkkür etdi
Ermənistan-İran hökumətlərarası komissiyasının 17-ci iclasının yekunlarına əsasən qəbul edilmiş tapşırıqların icrası üzrə qrupun iclası yaxın vaxtlarda İranda keçiriləcək. Bu barədə baş nazirin müavini Mher Qriqoryan və İranın Ermənistandakı fövqəladə və səlahiyyətli səfiri Abbas Zohuri arasında keçirilən görüşdə bildirilib. Hökumətin mətbuat xidmətinin məlumatına görə, Qriqoryan İranla əlaqələrin inkişaf etdirilməsinin vacibliyini vurğulayıb. O, sentyabr ayında Ermənistan-Azərbaycan sərhədində döyüşlər zamanı İranın İrəvanı müdafiə etməsini yüksək qiymətləndirib və Tehranın məqsədyönlü bəyanatlarına görə minnətdarlığını bildirib. Tərəflər həmçinin regional kommunikasiyaların bağlanması halında Ermənistan və İran arasında dəmiryol xəttinin istifadəyə verilməsi imkanlarını da müzakirə ediblər. Ermənistan hökumətinin sədr müavini və iranlı diplomat xüsusilə enerji və nəqliyyat sahəsində əməkdaşlığın əsas istiqamətlərini də açıqlayıblar.
25-11-2022, 16:24
Azərbaycan-Qırğız İnkişaf Fondu yaradılacaq
Azərbaycan Respublikası Hökuməti ilə Qırğız Respublikası Nazirlər Kabineti arasında Azərbaycan-Qırğız İnkişaf Fondunun yaradılacaq. Bu barədə “Azərbaycan Respublikası Hökuməti ilə Qırğız Respublikası Nazirlər Kabineti arasında Azərbaycan-Qırğız İnkişaf Fondunun yaradılması haqqında” Sazişin təsdiq edilməsi barədə Azərbaycan Respublikası qanununun layihəsində öz əksini tapıb.
25-11-2022, 16:04
Pensiya yaşında çatmadan ölənlərin pulu yaxınlarına verilməlidir
“Pensiya yaşına çatmayaraq dünyasını dəyişən insanların sayı çoxdur. Bu, reallıqdır”. Bunu Milli Məclisin iclasında deputat Fazil Mustafa deyib. “Pensiya yaşına çatmayaraq dünyasını dəyişən insanların öz hesablarına yığdığı, ödədiyi vəsait onun ailə üzvlərinə verilmir. Bu, nə dərəcədə ədalətlidir?. Artıq məsələ ilə bağlı yeni mexanizm hazırlanmalıdır", - F.Mustafa vurğulayıb.
25-11-2022, 16:02
“Sosial sahəyə dəstək artırılacaq” - Sahil Babayev
“2019-cu ildən bu günə qədər sosial müavinətlərin, əməkhaqlarının artırılması istiqamətində islahatlar aparılır və hələ də davam edir”. Bunu Milli Məclisin bu gün keçirilən iclasında əmək və əhalinin sosial müdafiəsi naziri Sahil Babayev deyib. “Belə halların yaşandığı çox az sayda dövlət var. Növbəti dövrlərdə də dövlətin siyasətində sosial sahəyə dəstəyin artırılması davam edəcək. Azərbaycan vətəndaşının rifahının təmin olunması həmişə bizim üçün prioritet olub və onun üçün də çalışırıq”, - deyə nazir vurğulayıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!